ಲೆಜೆಂಡ್ಸ್ ಟ್ರೋಫಿ 2025 – ಉಡುಪಿ ಕ್ರಿಕೆಟ್ ಅಭಿಮಾನಿಗಳಿಗೆ ಕ್ರಿಕೆಟ್ ಹಬ್ಬ

ಉಡುಪಿ: ಲೆಜೆಂಡ್ ಕ್ರಿಕೇಟರ್ಸ್ ಉಡುಪಿ ವತಿಯಿಂದ ಆಯೋಜನೆಯಾಗುತ್ತಿರುವ ಲೆಜೆಂಡ್ಸ್ ಟ್ರೋಫಿ 2025 ಕ್ರಿಕೆಟ್ ಟೂರ್ನಮೆಂಟ್ ನವೆಂಬರ್ 9, 2025ರಂದು ನೇಜಾರು ಮೈದಾನದಲ್ಲಿ ಜರುಗಲಿದೆ. ಈ ಬಾರಿ ವಿಶೇಷವಾಗಿ 40+ ಮತ್ತು 45+ ವಯೋಮಾನದ ಆಟಗಾರರಿಗೆ ಅವಕಾಶ ಕಲ್ಪಿಸಿ 90 ರ ದಶಕದ ಹಳೆಯ ನೆನಪುಗಳನ್ನು ಮೂಡಿಸುವ 8 ತಂಡಗಳ ನಡುವಿನ ನಾಕೌಟ್ ಪಂದ್ಯಾವಳಿ ರೂಪದಲ್ಲಿ ಟೂರ್ನಮೆಂಟ್ ನಡೆಯಲಿದೆ.

ಟೂರ್ನಮೆಂಟ್‌ನಲ್ಲಿ 8 ಓವರ್‌ಗಳ ಪಂದ್ಯಾವಳಿಗಳು ನಡೆಯಲಿದ್ದು, ಪ್ರತಿಯೊಂದು ತಂಡದಲ್ಲಿ 3 ಆಟಗಾರರು ಕಡ್ಡಾಯವಾಗಿ 40 ವರ್ಷಕ್ಕಿಂತ ಮೇಲ್ಪಟ್ಟವರಾಗಿರಬೇಕು. 45+ ವಿಭಾಗದ ಆಟಗಾರರಿಗೆ 8 ಕಡ್ಡಾಯ ಅವಕಾಶಗಳನ್ನು ನೀಡಲಾಗಿದೆ. ಪಂದ್ಯಗಳಲ್ಲಿ 40+ ಆಟಗಾರರಿಂದ  2 ಓವರ್‌ಗಳು ಬೌಲಿಂಗ್ ಮಾಡುವುದು ಕಡ್ಡಾಯವಾಗಿದೆ.

ವಿಜೇತರಿಗೆ ₹25,000 ನಗದು ಬಹುಮಾನ ಹಾಗೂ ಆಕರ್ಷಕ ಶೀಲ್ಡ್, ರನ್ನರ್-ಅಪ್ ತಂಡಕ್ಕೆ ₹15,000 ನಗದು ಬಹುಮಾನ ನೀಡಲಾಗುತ್ತದೆ. ಜೊತೆಗೆ ಉಚಿತ ಎಂಟ್ರಿ ಫೀ ನೀಡಿರುವುದು ಆಟಗಾರರ ಪಾಲಿಗೆ ಇನ್ನಷ್ಟು ಸಂತೋಷ ತಂದಿದೆ.

ಈ ಟೂರ್ನಮೆಂಟ್‌ನ ಮುಖ್ಯ ಉದ್ದೇಶ ಕ್ರಿಕೆಟ್ ಅಭಿಮಾನಿಗಳಿಗೆ ಹಾಗೂ ಹಿರಿಯ ಆಟಗಾರರಿಗೆ ವೇದಿಕೆ ಒದಗಿಸಿ, ಆರೋಗ್ಯ ಮತ್ತು ಕ್ರೀಡಾ ಮನೋಭಾವವನ್ನು ಉತ್ತೇಜಿಸುವುದಾಗಿದೆ ಎಂದು ಆಯೋಜಕರು ತಿಳಿಸಿದ್ದಾರೆ.

ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಬಹುದು:

ಮಿಥುನ್ – 9880377126 | ಅಜೀಜ್ – 9972541847