ಉಡುಪಿ ಚಾರ್ಟರ್ಡ್ ಲೀಗ್ -UCL 2025 ಕ್ರಿಕೆಟ್ ಪಂದ್ಯಾಕೂಟ
ಉಡುಪಿ CA’s ಮತ್ತು CA ಸ್ಟೂಡೆಂಟ್ಸ್ ವತಿಯಿಂದ ಉಡುಪಿಯ ಇತಿಹಾಸದಲ್ಲಿ ಎರಡನೇ ಬಾರಿಗೆ ಲೆಕ್ಕ ಪರಿಶೋಧಕರಿಗೆ ಮತ್ತು CA ವ್ಯಾಸಂಗ ಮಾಡುತ್ತಿರುವ ವಿದ್ಯಾರ್ಥಿಗಳಿಗೆ ಲೀಗ್ ಮಾದರಿಯ ಕ್ರಿಕೆಟ್ ಪಂದ್ಯಾಕೂಟ ಉಡುಪಿ ಚಾರ್ಟರ್ಡ್ ಲೀಗ್ -UCL 2025 , ಸೀಸನ್ 2 ಫೆಬ್ರವರಿ 1 ಮತ್ತು 2 ರಂದು ಮಣಿಪಾಲದ ಎಂಡ್ ಪಾಯಿಂಟ್ ಮೈದಾನದಲ್ಲಿ ನಡೆಯಲಿದೆ.
ಚಾರ್ಟರ್ಡ್ ಅಕೌಂಟೆಂಟ್ಗಳಲ್ಲಿ ಕ್ರೀಡಾ ಮನೋಭಾವವನ್ನು ಉತ್ತೇಜಿಸುವ ಉದ್ದೇಶದಿಂದ ಎರಡು ದಿನಗಳ ಕ್ರಿಕೆಟ್ ಪಂದ್ಯಾವಳಿ, ಉಡುಪಿ ಚಾರ್ಟರ್ಡ್ ಲೀಗ್ 2025 ಅನ್ನು ಆಯೋಜಿಸುತ್ತಿದೆ. ಇದು ಸಿಎ ಗಳಿಗಾಗಿ ರಾಜ್ಯಮಟ್ಟದ ಕ್ರಿಕೆಟ್ ಟೂರ್ನಿಯಾಗಿದ್ದು ಸುಮಾರು ಚಾರ್ಟರ್ಡ್ ಅಕೌಂಟೆಂಟ್ಗಳು, ಸಿಎ ವಿದ್ಯಾರ್ಥಿಗಳು ಮತ್ತು ಉಡುಪಿ CA ಶಾಖೆಯ ಸದಸ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸುವ ನಿರೀಕ್ಷೆಯಿದೆ. ಪಂದ್ಯಾವಳಿಯು ಕ್ರೀಡಾ ಉತ್ಸಾಹಿಗಳಿಗೆ ಮತ್ತು ಚಾರ್ಟರ್ಡ್ ಅಕೌಂಟೆಂಟ್ಗಳಿಗೆ ಮನರಂಜನೆಯ ಮೂಲವಾಗಿಯೂ ಮತ್ತು ಭಾಗವಹಿಸುವವರಲ್ಲಿ ಪರಸ್ಪರ ಸಹಕಾರ ಮತ್ತು ಟೀಮ್ ವರ್ಕ್ ನ್ನು ಉತ್ತೇಜಿಸುವ ವೇದಿಕೆಯಾಗಿಯೂ ಕಾರ್ಯನಿರ್ವಹಿಸುತ್ತದೆ. ಉಡುಪಿಯಲ್ಲಿ ಎರಡನೇ ಬಾರಿಗೆ ಇಂತಹ ಟೂರ್ನಮೆಂಟ್ ಆಯೋಜಿಸಲಾಗುತ್ತಿದ್ದು, ವೃತ್ತಿಯಲ್ಲಿ ಸೌಹಾರ್ದತೆಯನ್ನು ಬಲಪಡಿಸುವ ನಿರೀಕ್ಷೆ ಇದೆ.
ಬೆಳಿಗ್ಗೆ 8:30 ರಿಂದ ಆರಂಭವಾಗುವ ಕ್ರಿಕೆಟ್ ಪಂದ್ಯಾಕೂಟದಲ್ಲಿ ಬೆಳಗಾವಿ, ಬಳ್ಳಾರಿ, ಮಂಗಳೂರು, ಕುಂದಾಪುರ, ಬೆಂಗಳೂರು ಉಡುಪಿ ಹೀಗೆ ಬೇರೆ ಬೇರೆ ಭಾಗದ ಲೆಕ್ಕಪರಿಶೋಧಕರಿಗೆ ಸಂಬಂಧಪಟ್ಟ ತಂಡಗಳು ಭಾಗವಹಿಸಲಿವೆ. ಇದು ದ್ವಿತೀಯ ವರ್ಷದ ಕ್ರಿಕೆಟ್ ಟೂರ್ನಿಯಾಗಿದ್ದು CA ಮಲ್ಲೇಶ್ ಕುಮಾರ್ ಸ್ಮರಣಾರ್ಥ ಟೂರ್ನಿಯಾಗಿದ್ದು ಉಡುಪಿಯ ಅದ್ವಿತ್ ITeC ಸಂಸ್ಥೆಯು ಟೂರ್ನಿಯ ಪ್ರಾಯೋಜಕರಾಗಿ ಸಹಕರಿಸಲಿದ್ದಾರೆ.
ಸ್ಪೋರ್ಟ್ಸ್ ಕನ್ನಡ ಚಾನೆಲ್ ಈ ಟೂರ್ನಮೆಂಟ್ ನ ನೇರ ಪ್ರಸಾರ ವನ್ನು ಬಿತ್ತರಿಸಲಿದೆ.
