ಶಿರಾಲಿಯಲ್ಲಿ ನಡೆಯಲಿದೆ ನಾಮಧಾರಿ ಪ್ರೀಮಿಯರ್ ಲೀಗ್–2026 ಕ್ರಿಕೆಟ್ ಪಂದ್ಯಾಟ
ನಾಮಧಾರಿ ಸಮುದಾಯದ ಕ್ರೀಡಾಭಿಮಾನಿಗಳಿಗೆ ವಿಶೇಷ ಉತ್ಸವವಾಗಿ ರೂಪುಗೊಂಡಿರುವ ನಾಮಧಾರಿ ಪ್ರೀಮಿಯರ್ ಲೀಗ್ – 2026 (NPL-2026) ಕ್ರಿಕೆಟ್ ಟೂರ್ನಿಯು ಫೆಬ್ರವರಿ 20, 21 ಮತ್ತು 22ರಂದು ನಡೆಯಲಿದೆ.
ನಿಚ್ಚಲಮಕ್ಕಿ ಶ್ರೀ ತಿರುಮಲ ವೆಂಕಟ್ರಮಣ ದೇವಸ್ಥಾನ ಹಾಗೂ ಶ್ರೀ ಕ್ಷೇತ್ರ ಹಳೇಕೋಟೆ ಹನುಮಂತ ದೇವಸ್ಥಾನದ ಮಾವಳ್ಳಿ, ಸಾರದಹೊಳೆ ಶಿರಾಲಿ ಆಶೀರ್ವಾದದೊಂದಿಗೆ ಈ ನಾಮಧಾರಿ ಟ್ರೋಫಿ ಆಯೋಜಿಸಲಾಗುತ್ತಿದ್ದು, ನಾಮಧಾರಿ ಯುವಕರಲ್ಲಿ ಕ್ರೀಡಾ ಮನೋಭಾವನೆ ಬೆಳೆಸುವುದು ಮತ್ತು ಸಮುದಾಯದ ಒಗ್ಗಟ್ಟನ್ನು ಬಲಪಡಿಸುವುದು ಈ ಟೂರ್ನಿಯ ಮುಖ್ಯ ಉದ್ದೇಶವಾಗಿದೆ.
ಈ ಟೂರ್ನಿಯಲ್ಲಿ ನಾಮಧಾರಿ ಸಮುದಾಯದ ಭಟ್ಕಳ ತಾಲೂಕಿನ ವಿವಿಧ ಗ್ರಾಮ ಹಾಗೂ ಪ್ರದೇಶಗಳಿಂದ ಭಾಗವಹಿಸುವ ತಂಡಗಳು ಸೆಣೆಸಾಡಲಿದ್ದು, ಮೂರು ದಿನಗಳ ಕಾಲ ಕ್ರೀಡಾಭಿಮಾನಿಗಳಿಗೆ ರೋಚಕ ಪಂದ್ಯಗಳ ಸವಿಯನ್ನು ನೀಡಲಿದೆ.
ಪಂದ್ಯಗಳ ವಿವರ
ದಿನಾಂಕ: ಫೆಬ್ರವರಿ 20, 21 ಮತ್ತು 22 – 2026
ಸ್ಥಳ: ಗ್ರೀನ್ ಪಾರ್ಕ್ ತಟ್ಟಿಹಕ್ಕಲ್ ಮೈದಾನ, ಶಿರಾಲಿ
ಟೂರ್ನಿ ಹೆಸರು: ನಾಮಧಾರಿ ಪ್ರೀಮಿಯರ್ ಲೀಗ್ – 2026 (NPL-2026)
ಈ ಕ್ರಿಕೆಟ್ ಟೂರ್ನಿಯನ್ನು Sports Kannada YouTube ಚಾನೆಲ್ನಲ್ಲಿ ನೇರ ಪ್ರಸಾರ (Live Telecast) ಮಾಡಲಾಗುತ್ತದೆ.
ಆಯೋಜಕರು, ಕ್ರೀಡಾಭಿಮಾನಿಗಳು ಹಾಗೂ ನಾಮಧಾರಿ ಸಮುದಾಯದ ಗಣ್ಯರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಟೂರ್ನಿಯನ್ನು ಯಶಸ್ವಿಗೊಳಿಸಬೇಕೆಂದು ಮನವಿ ಮಾಡಿದ್ದಾರೆ.
ನಾಮಧಾರಿ ಪ್ರೀಮಿಯರ್ ಲೀಗ್ – 2026 ಕೇವಲ ಕ್ರಿಕೆಟ್ ಟೂರ್ನಿಯಷ್ಟೇ ಅಲ್ಲದೆ, ಸಮುದಾಯದ ಐಕ್ಯತೆ, ಶಿಸ್ತು ಮತ್ತು ಕ್ರೀಡಾಸ್ಫೂರ್ತಿಯನ್ನು ಪ್ರತಿಬಿಂಬಿಸುವ ವೇದಿಕೆಯಾಗಿದೆ.
