ಮಹಾಮಾಯಾ ಗ್ರೂಪ್ ಆಫ್ ಕಂಪನೀಸ್ ಪ್ರಸ್ತುತಪಡಿಸುತ್ತಿದೆ
ಐಟಿ ಬಾಕ್ಸ್ ಕ್ರಿಕೆಟ್ ಲೀಗ್ 2025
ಮಂಗಳೂರು: ಮಹಾಮಾಯಾ ಗ್ರೂಪ್ ಆಫ್ ಕಂಪನೀಸ್ ವತಿಯಿಂದ ಐಟಿ ಉದ್ಯೋಗಿಗಳಿಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಐಟಿ ಬಾಕ್ಸ್ ಕ್ರಿಕೆಟ್ ಲೀಗ್ 2025 ಕ್ರಿಕೆಟ್ ಟೂರ್ನಮೆಂಟ್ ಅನ್ನು ಜುಲೈ 19ರಂದು ಬೆಳಿಗ್ಗೆ 9 ರಿಂದ ರಾತ್ರಿ 9 ಗಂಟೆಯವರೆಗೆ ಮಂಗಳೂರು ಪ್ರಕ್ರಿಡಾ ಸ್ಪೋರ್ಟ್ಸ್ ಅಕಾಡೆಮಿಯಲ್ಲಿ ಆಯೋಜಿಸಲಾಗಿದೆ.
ಇತ್ತೀಚೆಗೆ ವೈಭವದಿಂದ ನಡೆದ ಐಟಿ ಚಾಂಪಿಯನ್ಸ್ ಟ್ರೋಫಿಯ ಯಶಸ್ಸಿನ ನಂತರ, ಸಂಘಟಕರಾದ ವೈಭವ್ ಪೈ ಅಂಡ್ ಟೀಮ್ ಕೇವಲ ಎರಡು ತಿಂಗಳೊಳಗೆ ಮತ್ತೊಂದು ಸ್ಪರ್ಧಾತ್ಮಕ ಕ್ರಿಕೆಟ್ ಟೂರ್ನಿಯನ್ನು ಹಮ್ಮಿಕೊಳ್ಳುತ್ತಿದ್ದಾರೆ. ಈ ಹೊಸ ಲೀಗ್ ಕೂಡ ಇದೇ ರೀತಿ ಉತ್ಸಾಹ ಮತ್ತು ಕ್ರಿಕೆಟ್ ಪ್ರೇಮಿಗಳಿಗೆ ಉಡುಗೊರೆ ಆಗಲಿದೆ.
ಟೂರ್ನಮೆಂಟ್ನ್ನು ಒವರ್ ಆರ್ಮ್ ಮಾದರಿಯಲ್ಲಿ ನಡೆಸಲಾಗುತ್ತದೆ. ಪ್ರತಿಯೊಂದು ಪಂದ್ಯವೂ 5 ಓವರ್ಗಳ ಅವಧಿಯದಾಗಿದ್ದು, ಲೀಗ್ ಮತ್ತು ನಾಕೌಟ್ ವಿಧಾನಗಳಲ್ಲಿ ನಡೆಯಲಿದೆ. ದಿನವಿಡೀ ಕ್ರಿಕೆಟ್ ಉತ್ಸವದ ಜೊತೆಗೆ ಸಾಗಲಿದ್ದು, ವಿವಿಧ ತಂಡಗಳು ತಮ್ಮ ಪ್ರತಿಭೆ ಮತ್ತು ತಂಡದ ಸಾಮರಸ್ಯವನ್ನು ಪ್ರದರ್ಶಿಸಲು ಸಜ್ಜಾಗುತ್ತಿವೆ.
ಈ ಟೂರ್ನಮೆಂಟ್ ಐಟಿ ಉದ್ಯೋಗಿಗಳಿಗೆ ದೈನಂದಿನ ಕೆಲಸದ ಒತ್ತಡದಿಂದ ಹೊರಬಂದು, ಟೀಮ್ ಸ್ಪಿರಿಟ್ ಹಾಗೂ ಶಾರೀರಿಕ ಚಟುವಟಿಕೆಗೆ ಉತ್ತೇಜನ ನೀಡುವ ವಿಶಿಷ್ಟ ವೇದಿಕೆಯಾಗಲಿದೆ.
ನೋಂದಣಿಗಾಗಿ ಸಂಪರ್ಕಿಸಿ:
90364 77267 / 77954 55567
“ದೈನಂದಿನ ಒತ್ತಡಕ್ಕೆ ಬ್ರೇಕ್ ಹಾಕಿ, ಬ್ಯಾಟ್ ಹಿಡಿದು ಮೈದಾನಕ್ಕಿಳಿಯೋಣ!” ಎಂಬ ಸಂದೇಶದೊಂದಿಗೆ ಮಹಾಮಾಯಾ ಗ್ರೂಪ್ ಈ ಐಟಿ ಬಾಕ್ಸ್ ಕ್ರಿಕೆಟ್ ಲೀಗ್ ಅನ್ನು ಕ್ರೀಡಾ ಪ್ರೇಮಿಗಳಿಗೆ ಸಮರ್ಪಿಸುತ್ತಿದೆ.
