ಅಳಿವಿನಂಚಿನಲ್ಲಿರುವ ಟೆನ್ನಿಸ್ಬಾಲ್ ಕ್ರಿಕೆಟ್ ಶ್ರೇಯೋಭಿವೃದ್ಧಿಗಾಗಿ ಟೊಂಕ ಕಟ್ಟಿ ನಿಂತಿರುವ ಉಡುಪಿ ಜಿಲ್ಲೆಯ ಹಿರಿಯ ಆಟಗಾರರ ಸಮಾಗಮದಲ್ಲಿ ಇತ್ತೀಚೆಗಷ್ಟೇ ಉದ್ಘಾಟನೆಯಾದ ಟೆನ್ನಿಸ್ಬಾಲ್ ಕ್ರಿಕೆಟ್ ಅಸೋಸಿಯೇಷನ್ ಉಡುಪಿ ಜಿಲ್ಲೆ ಇವರ ಆಯೋಜನೆಯಲ್ಲಿ ಪ್ರಥಮ ಬಾರಿಗೆ “ತಾಲೂಕು ಮಟ್ಟದ ಕ್ರಿಕೆಟ್ ಟೂರ್ನಮೆಂಟ್ 2021-22” ನಡೆಯಲಿದೆ.
ತಾಲ್ಲೂಕು ಮಟ್ಟದಿಂದ ಪ್ರಾರಂಭಗೊಂಡು ಜಿಲ್ಲಾ ಮತ್ತು ರಾಜ್ಯ ಮಟ್ಟದಲ್ಲೂ ಕ್ರಾಂತಿಕಾರಿ ಸಂಚಲನ ಮೂಡಿಸಲಿರುವ ಟೆನ್ನಿಸ್ಬಾಲ್ ಕ್ರಿಕೆಟ್ ಉಡುಪಿ ಜಿಲ್ಲಾ ಅಸೋಸಿಯೇಷನ್ ಆಯೋಜಿಸುವ
ಪಂದ್ಯಾಕೂಟದ ವಿವರ ಈ ಕೆಳಗಿನಂತಿದೆ.
1)ಪಂದ್ಯಾಕೂಟವು ಬೈಂದೂರು,ಕುಂದಾಪುರ, ಬ್ರಹ್ಮಾವರ,ಉಡುಪಿ,ಕಾಪು,ಹೆಬ್ರಿ,
ಕಾರ್ಕಳ ಹೀಗೆ 7 ತಾಲೂಕುಗಳ ವಿಭಾಗಗಳಾಗಿರುತ್ತದೆ.
2)7 ತಾಲೂಕುಗಳಲ್ಲಿ 7 ಟೂರ್ನಮೆಂಟ್ ಗಳು ನಡೆಯುತ್ತದೆ.
3)ತಾಲ್ಲೂಕು ಮತ್ತು ಜಿಲ್ಲಾ ಮಟ್ಟ ಹಾಗೂ ರಾಜ್ಯಮಟ್ಟದ ಪಂದ್ಯಾಟಗಳನ್ನು ಅಸೋಸಿಯೇಷನ್ ಮೂಲಕವೇ ನಡೆಸಲಾಗುವುದು.
4)ಹೆಸರು ನೋಂದಣಿ ಮಾಡಿದ ಆಟಗಾರರ ಸಾಮರ್ಥ್ಯಕ್ಕನುಗುಣವಾಗಿ ತಂಡವನ್ನು ಅಸೋಸಿಯೇಷನ್ ಮೂಲಕವೇ ತಂಡ ರಚಿಸಲಾಗುವುದು.
5)ಹೆಸರು ನೋಂದಾವಣೆಗೆ ಯಾವುದೇ ಶುಲ್ಕ ಇರುವುದಿಲ್ಲ.
6)ತಾಲೂಕು ತಂಡಗಳ ಆಟಗಾರರ ಉತ್ತಮ ಪ್ರದರ್ಶನಗಳನ್ನು ನೋಡಿ ಜಿಲ್ಲಾಮಟ್ಟದ ಪಂದ್ಯಾಟಕ್ಕೆ ತಂಡ ರಚಿಸಲಾಗುವುದು.
7)ಆಟಗಾರರು ಒಂದು ಫೋಟೋ ವಾಟ್ಸಪ್ ಮೂಲಕ ಕಳುಹಿಸಬೇಕು.ಆಟಗಾರರು ತಮ್ಮ ಹೆಸರು ನೋಂದಣಿಗೆ 30-09-2021 ಕೊನೆಯ ದಿನಾಂಕವಾಗಿರುತ್ತದೆ.
8)ಟೂರ್ನಮೆಂಟ್ ನ ದಿನಾಂಕ ಮತ್ತು ಸ್ಥಳದ ವಿವರ ಅತಿ ಶೀಘ್ರದಲ್ಲಿ ತಿಳಿಸಲಾಗುತ್ತದೆ.ಆಟಗಾರರಿಗೆ ಪಂದ್ಯಾಟದ ದಿನ ಮಧ್ಯಾಹ್ನದ ಊಟ ಮತ್ತು ಜೆರ್ಸಿಯನ್ನು ನೀಡಲಾಗುತ್ತದೆ.
9)ಆಟಗಾರರು ಈ ಮೊದಲು ಆಡಿದ ತಂಡದ ಹೆಸರು
ನಮೂದಿಸಬೇಕು.
10)ಪಂದ್ಯಾಕೂಟದ ಎಲ್ಲಾ ಪಂದ್ಯಗಳು 10 ಓವರ್ ಗಳದ್ದಾಗಿರುತ್ತದೆ.
11)ವಿಜೇತ ತಂಡಗಳಿಗೆ ಆಕರ್ಷಕ ನಗದು ಬಹುಮಾನದೊಂದಿಗೆ ಶಾಶ್ವತ ಫಲಕಗಳನ್ನು ನೀಡಿ ಗೌರವಿಸಲಾಗುತ್ತದೆ.
ಆಡಲಿಚ್ಚಿಸುವವರು 7483431596 ಈ ವಾಟ್ಸಪ್ ನಂಬರ್ ಸಂಪರ್ಕಿಸಬಹುದು.