ತಿಲಕ್ ವರ್ಮಾ ರ ಫ್ಲೆಕ್ಸಿಬಿಲಿಟಿ
ಭಾರತ ತಂಡ ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ20ಐ ಸರಣಿಯನ್ನು 3-1 ಅಂತರದಿಂದ ವಶಪಡಿಸಿಕೊಂಡಿದೆ. ಭಾರತ ತಂಡದ ಯುವ ಆಟಗಾರ ತಿಲಕ್ ವರ್ಮಾ ಅವರಿಗೆ ಈ ಟಿ20 ಸರಣಿ ದೊಡ್ಡ ತಿರುವು ನೀಡಿದೆ. ಕಳೆದ 2 ಟಿ20 ಪಂದ್ಯಗಳಲ್ಲಿ ಅಮೋಘ ಆಟವಾಡಿ ಶತಕ ಸಿಡಿಸಿದ್ದು, ಪಂದ್ಯ ಪುರುಷೋತ್ತಮ ಹಾಗೂ ಸರಣಿ ಶ್ರೇಷ್ಠ ಪ್ರಶಸ್ತಿಯನ್ನೂ ಪಡೆದಿದ್ದಾರೆ.
ಈ ಟಿ20 ಸರಣಿಯಲ್ಲಿ 4 ಇನ್ನಿಂಗ್ಸ್ ಆಡಿರುವ ತಿಲಕ್ ವರ್ಮಾ 33, 20, 107* ಮತ್ತು 120* ರೊಂದಿಗೆ ಒಟ್ಟು 280 ರನ್ ಗಳಿಸಿದ್ದರು. ಇದಲ್ಲದೇ 4 ಕ್ಯಾಚ್ ಪಡೆದು ಫೀಲ್ಡಿಂಗ್ ನಲ್ಲೂ ಅದ್ಭುತ ಪ್ರದರ್ಶನ ನೀಡಿದರು. ಈ ಮೂಲಕ ತಿಲಕ್ ವರ್ಮಾ ಭಾರತ ಟಿ20 ತಂಡದಲ್ಲಿ 3ನೇ ಬ್ಯಾಟಿಂಗ್ ಕ್ರಮಾಂಕವನ್ನು ಮುಡಿಗೇರಿಸಿಕೊಂಡಿದ್ದಾರೆ ಎಂದು ಅಭಿಮಾನಿಗಳು ಹೊಗಳುತ್ತಿದ್ದಾರೆ.
