ಟೆನಿಸ್ಬಾಲ್ ಕ್ರಿಕೆಟ್ ನ ಹಿರಿಯ ಆಟಗಾರ ಎಸ್.ಝಡ್.ಸಿ.ಸಿ ಸತೀಶ್(ಅಂಕಲ್)ನಿಧನ
ಯುವ ಪ್ರತಿಭಾನ್ವಿತ ಆಟಗಾರರನ್ನು ಒಗ್ಗೂಡಿಸಿ ಎಸ್.ಝಡ್.ಸಿ.ಸಿ ತಂಡವನ್ನು ಕಟ್ಟಿ,ಹಲವಾರು ರಾಜ್ಯಮಟ್ಟದ ಪ್ರಶಸ್ತಿಗಳನ್ನು ಜಯಿಸಿದ ಎಸ್.ಝಡ್.ಸಿ.ಸಿ (South Zone Cricket Club) ಬೆಂಗಳೂರು ತಂಡದ ಸಂಸ್ಥಾಪಕ ನಾಯಕ ಸತೀಶ್ ಅಂಕಲ್(ಸುಮಾರು 50 ವರ್ಷ) ಅಲ್ಪಕಾಲದ ಅಸೌಖ್ಯದಿಂದ ಇಂದು ನಿಧನರಾದರು.
ಸತೀಶ್ ಅಂಕಲ್ ರವರ ಗರಡಿಯಲ್ಲಿ ಪಳಗಿದ ಸ್ವಸ್ತಿಕ್ ನಾಗರಾಜ್,ಚರಣ್,ಅನಿಲ್ ಬಾಬು,ಸುಜಯ್,ಚಿರು ಇನ್ನಿತರ ಯುವ ಆಟಗಾರರು ರಾಜ್ಯ,ರಾಷ್ಟ್ರೀಯ ಮಟ್ಟದಲ್ಲಿ ಮಿಂಚಿದ್ದರು.ಎಸ್.ಝಡ್.ಸಿ.ಸಿ ತಂಡ ರಾಜ್ಯದ ಬಲಿಷ್ಠ ತಂಡಗಳಿಗೆ ಠಕ್ಕರ್ ಕೊಟ್ಟು ಹಲವಾರು ಪ್ರಶಸ್ತಿಗಳನ್ನು ಜಯಿಸಿತ್ತು.
ಅಗಲಿದ ದಿವ್ಯಾತ್ಮಕ್ಕೆ ದೇವರು ಚಿರಶಾಂತಿ ಕರುಣಿಸಲಿ ಎಂದು ಸ್ಪೋರ್ಟ್ಸ್ ಕನ್ನಡ-ರಾಜ್ಯ ಟೆನಿಸ್ ಕ್ರಿಕೆಟ್, ಸ್ಪೋರ್ಟ್ಸ್ ಕನ್ನಡ ವೆಬ್ಸೈಟ್ ಮತ್ತು ಸ್ಪೋರ್ಟ್ಸ್ ಕನ್ನಡ ಯೂಟ್ಯೂಬ್ ಲೈವ್ ಚಾನೆಲ್ ಪರವಾಗಿ ಪ್ರಾರ್ಥಿಸುತ್ತೇವೆ.
