ಮಂಗಳೂರಿನ ನೋವಿಗೋ ಸೊಲ್ಯೂಷನ್ಸ್ ಪ್ರೈವೇಟ್ ಲಿಮಿಟೆಡ್ ಕಂಪನಿಯು ಕಳೆದ ಬಾರಿ ನಡೆಸಿದ ಡೇ ಅಂಡ್ ನೈಟ್ ಕ್ರಿಕೆಟ್ ಟೂರ್ನಮೆಂಟ್ ದೊಡ್ಡ ಯಶಸ್ಸನ್ನು ಕಂಡಿತ್ತು.
ಇದೀಗ ಈ ಸಂಸ್ಥೆಯು ಮತ್ತೆ ಮೂರನೆಯ ಬಾರಿಗೆ ಐಟಿ ಕಂಪನಿಯ ತಂಡಗಳಿಗೆ ಕ್ರಿಕೆಟ್ ಪಂದ್ಯಾವಳಿಯನ್ನು ಆಯೋಜಿಸಲಿದೆ. ಮಂಗಳೂರು ಮತ್ತು ಸುತ್ತಮುತ್ತಲಿನ IT ಕಂಪನಿಯ ಉದ್ಯೋಗಿಗಳಿಗೆ ಇದು ರೋಚಕ ಸುದ್ದಿಯಾಗಿದ್ದು ಹದಿನೈದು IT ಕಂಪನಿಯ ತಂಡಗಳು ಈ ಕಾರ್ಪೊರೇಟ್ ಪಂದ್ಯಾವಳಿಯಲ್ಲಿ ಭಾಗವಹಿಸಲಿದ್ದು, ಪೈಪೋಟಿ ಜೋರಾಗಿರಲಿದೆ.
ಫೆಬ್ರವರಿ 10, ಮತ್ತು 11 ರಂದು ಮಂಗಳೂರಿನ ಸಹ್ಯಾದ್ರಿ ಕಾಲೇಜು ಮೈದಾನದಲ್ಲಿ ” ಕೋಸ್ಟಲ್ ICC ಟ್ರೋಫಿ 2024 ” ಐಟಿ ಕ್ರಿಕೆಟ್ ಪಂದ್ಯಾವಳಿಯನ್ನು ನಿಗದಿಪಡಿಸಲಾಗಿದೆ. ಕೋಸ್ಟಲ್ ICC ಟ್ರೋಫಿ 2024 ನಿಸ್ಸಂದೇಹವಾಗಿ ಮಂಗಳೂರಿನ ಅತ್ಯಂತ ಪ್ರಮುಖ IT ಕ್ರಿಕೆಟ್ ಪಂದ್ಯಾವಳಿಯಾಗಿದೆ ಮತ್ತು ಪ್ರತಿ ವರ್ಷ ನಡೆಯುತ್ತದೆ. ಇದರ ಪಂದ್ಯಗಳು ಅಷ್ಟೇ ರೋಚಕವಾಗಿರಲಿದ್ದು ಐಟಿ ಕಂಪನಿಯ ಕೆಲವು ಅತ್ಯುತ್ತಮ ಕ್ರಿಕೆಟ್ ಆಟಗಾರರು ತಮ್ಮ ಕ್ರಿಕೆಟ್ ಕೌಶಲ್ಯವನ್ನು ಪ್ರದರ್ಶಿಸಲಿದ್ದಾರೆ.
ಈ ಜನಪ್ರಿಯ ಪಂದ್ಯಾವಳಿಯ ವಿಜೇತರಾಗಿ ಹೊರಹೊಮ್ಮುವ ತಂಡಕ್ಕೆ 1 ಲಕ್ಷ ರೂಪಾಯಿ ನಗದು ಹಾಗೂ ಕೋಸ್ಟಲ್ ಐಟಿ ಕ್ರಿಕೆಟ್ ಚಾಂಪಿಯನ್ಶಿಪ್ ಟ್ರೋಫಿ ಸಿಗಲಿದೆ. ರನ್ನರ್ ಅಪ್ ತಂಡವು 50 ಸಾವಿರ ರೂಪಾಯಿ ಪಡೆಯುತ್ತಾರೆ. ಉತ್ತಮ ಪ್ರದರ್ಶನ ನೀಡಿದ ಆಟಗಾರರಿಗೆ ಮ್ಯಾನ್ ಆಫ್ ದಿ ಮ್ಯಾಚ್, ಪ್ಲೇಯರ್ ಆಫ್ ದಿ ಟೂರ್ನಮೆಂಟ್, ಬೆಸ್ಟ್ ಬ್ಯಾಟ್ಸ್ ಮ್ಯಾನ್, ಬೆಸ್ಟ್ ಬೌಲರ್ ಹೀಗೆ ಇನ್ನಿತರ ವೈಯುಕ್ತಿಕ ಪ್ರಶಸ್ತಿಗಳನ್ನು ನೀಡಲಾಗುವುದು ಎಂದು ಈ ಟೂರ್ನಿಯ ಆಯೋಜಕರಲ್ಲಿ ಓರ್ವರಾದ ಗೋಪಾಲ್ ಕೃಷ್ಣ ಪೈ ( ಗೋಪಿ ) ಇವರು ಸ್ಪೋರ್ಟ್ಸ್ ಕನ್ನಡ ವಾಹಿನಿಗೆ ಮಾಹಿತಿ ನೀಡಿದ್ದಾರೆ.ಸಹ್ಯಾದ್ರಿ ಕಾಲೇಜು ಆಫ್ ಇಂಜಿನಿಯರಿಂಗ್ ಅಂಡ್ ಮ್ಯಾನೇಜ್ಮೆಂಟ್ ಈ ಟೂರ್ನಿಯ ಪ್ರಾಯೋಜಕರಾಗಿದ್ದು , V4 ನ್ಯೂಸ್ 24X7 ಮಾಧ್ಯಮ ಪಾಲುದಾರರಾಗಿದ್ದಾರೆ ಹಾಗೂ ರೇಡಿಯೋ ಮಿರ್ಚಿ ರೇಡಿಯೋ ಪಾರ್ಟ್ನರ್ ಆಗಿ ಸಹಕರಿಸಲಿದ್ದಾರೆ.
“ಐಟಿ ಉದ್ಯಮವು ಬಹಳಷ್ಟು ಎಂಜಿನಿಯರ್ ಗಳನ್ನು ಹೊಂದಿದೆ. ಹಲವರು ಶಾಲೆ ಅಥವಾ ಕಾಲೇಜಿನಲ್ಲಿ ಕ್ರಿಕೆಟ್ ಆಡುತ್ತಿದ್ದರು. ಕೆಲಸ ಸಿಕ್ಕಿದ ನಂತರ ಆಟ ಆಡುವುದನ್ನು ನಿಲ್ಲಿಸುತ್ತಿದ್ದರು. ಕಾರ್ಪೊರೇಟ್ ತಂಡಗಳೊಂದಿಗೆ ಕ್ರಿಕೆಟ್ ಆಡುವುದರಿಂದ ಆಟದೊಂದಿಗೆ ಮತ್ತೆ ಸಂಪರ್ಕ ಸಾಧಿಸಲು ಅವಕಾಶ ಸಿಗುತ್ತದೆ. ಕ್ರಿಕೆಟ್ ಕೌಶಲ್ಯವನ್ನು ಪ್ರದರ್ಶಿಸಲು ಮತ್ತು ಇತರ ಪ್ರತಿಭಾವಂತ ತಂಡಗಳೊಂದಿಗೆ ಸ್ಪರ್ಧಿಸಲು ಇದು ಒಂದು ಉತ್ತಮ ಅವಕಾಶ ” ಎಂದು ಈ ಟೂರ್ನಮೆಂಟ್ ನಲ್ಲಿ ಕಾಮೆಂಟೇಟರ್ ಆಗಿ ಭಾಗವಹಿಸಲಿರುವ ಸುರೇಶ್ ಭಟ್ ಮೂಲ್ಕಿ ಹೇಳಿದ್ದಾರೆ.
ಸಹೋದ್ಯೋಗಿಗಳೊಂದಿಗೆ ಬಾಂಧವ್ಯ ಹೊಂದಲು, ಆಟವನ್ನು ಆನಂದಿಸಲು ಮತ್ತು ಕೆಲವು ಬಹುಮಾನಗಳನ್ನು ಗೆಲ್ಲಲು ಇದು ಉತ್ತಮ ಅವಕಾಶವಾಗಿದೆ.
