ಮೂಲ್ಕಿಯಲ್ಲಿ ಅನೀಶ್ ಟ್ರೋಫಿ ಕ್ರಿಕೆಟ್ ಪಂದ್ಯಾಕೂಟ
ಸೆವೆನ್ ಸ್ಟಾರ್ ಲೆಜೆಂಡ್ಸ್ ಇದರ ಆಶ್ರಯದಲ್ಲಿ ದಿವಂಗತ ಶಶಿಕಾಂತ ಶೆಟ್ಟಿ ಹಾಗೂ ದಿವಂಗತ ಎ. ಗೋಪಾಲಕೃಷ್ಣ ಇವರ ಸ್ಮರಣಾರ್ಥ ‘ಅನೀಶ್ ಟ್ರೋಫಿ’ ಕ್ರಿಕೆಟ್ ಪಂದ್ಯಾಕೂಟ ಕಾರ್ನಾಡು ಗಾಂಧಿ ಮೈದಾನದಲ್ಲಿ ಜನವರಿ 5 ಮತ್ತು ಜನವರಿ 12 ರಂದು ನಡೆಯಲಿದೆ.
ಜನವರಿ 5 ರಂದು ನಡೆಯಲಿರುವ ಪಂದ್ಯಗಳು ಮೂಲ್ಕಿ, ಮೂಡಬಿದ್ರೆ ಹೆಜಮಾಡಿ , ಹಳೆಯಂಗಡಿ ಜೋನ್ ಆಟಗಾರರಿಗೆ ನಡೆಯಲಿದೆ. ಜನವರಿ 12ರ ಪಂದ್ಯಾಟ ಮುಕ್ತ ವಲಯದ ಪಂದ್ಯಾ ಕೂಟವಾಗಿರುತ್ತದೆ. ಎಲ್ಲಾ ಪಂದ್ಯಗಳು ಆರು ಓವರುಗಳ ಪಂದ್ಯವಾಗಿರುತ್ತದೆ.
ವಿಜೇತ ತಂಡಕ್ಕೆ ಪ್ರಥಮ ಬಹುಮಾನ 50,000 ದೊಂದಿಗೆ ಶಾಶ್ವತ ಫಲಕ, ದ್ವಿತೀಯ ಬಹುಮಾನ 25,000 ದೊಂದಿಗೆ ಶಾಶ್ವತ ಫಲಕವನ್ನು ನೀಡಿ ಗೌರವಿಸಲಾಗುವುದು. ಪ್ರತಿ ಪಂದ್ಯಕ್ಕೂ ಪಂದ್ಯ ಶ್ರೇಷ್ಠ ಪ್ರಶಸ್ತಿವಿರುತ್ತದೆ. ಅಷ್ಟೇ ಅಲ್ಲದೆ ಉತ್ತಮ ದಾಂಡಿಗ, ಉತ್ತಮ ಎಸತಗಾರ, ಸರಣಿ ಶ್ರೇಷ್ಠ ಮುಂತಾದ ವೈಯುಕ್ತಿಕ ಪ್ರಶಸ್ತಿಗಳನ್ನು ಕೂಡ ಈ ಟೂರ್ನಿಯು ಒಳಗೊಂಡಿರುತ್ತದೆ.
ಹುಸೇನ್ ಮುಲ್ಕಿ, ಮುಸ್ತಾಕ್ ಮತ್ತು ಸಂತೋಷ್ ಶೆಟ್ಟಿ ಇವರುಗಳ ನೇತೃತ್ವದಲ್ಲಿ ಸೆವೆನ್ ಸ್ಟಾರ್ ಲಿಜೆಂಡ್ಸ್ ನ ಅಧ್ಯಕ್ಷರು ಮತ್ತು ಸರ್ವ ಸದಸ್ಯರು ಕೂಡಿ ಈ ಟೂರ್ನಿಯನ್ನು ಆಯೋಜಿಸಲು ಸಿದ್ದರಾಗಿದ್ದಾರೆ.
