ಡಿಸೆಂಬರ್ 25ರಿಂದ ಪುತ್ತೂರಿನಲ್ಲಿ ಸಿಜ್ಲರ್ ಟ್ರೋಫಿ ಕ್ರಿಕೆಟ್ ಟೂರ್ನಮೆಂಟ್
ಪುತ್ತೂರಿನ ಪ್ರತಿಷ್ಠಿತ ಫಿಲೋಮಿನಾ ಕಾಲೇಜು ಮೈದಾನದಲ್ಲಿ ಡಿಸೆಂಬರ್ 25, 26 ಮತ್ತು 27, 2026 ರಂದು ‘ಸಿಜ್ಲರ್ ಟ್ರೋಫಿ’ ಹಗಲು–ರಾತ್ರಿ ಕ್ರಿಕೆಟ್ ಟೂರ್ನಮೆಂಟ್ ಅನ್ನು ಆಯೋಜಿಸಲಾಗಿದೆ. ಪುತ್ತೂರಿನ ಕ್ರೀಡಾ ಇತಿಹಾಸದಲ್ಲೇ ವಿಶೇಷ ಸ್ಥಾನ ಪಡೆದಿರುವ ಈ ಟೂರ್ನಿಯನ್ನು ಸಿಜ್ಲರ್ ಸಮೇತಡ್ಕ ಆಯೋಜಿಸುತ್ತಿದ್ದು, ಕ್ರೀಡಾಭಿಮಾನಿಗಳಲ್ಲಿ ಈಗಾಗಲೇ ಭಾರೀ ಉತ್ಸಾಹ ಮೂಡಿಸಿದೆ.
ಮೂರು ದಿನಗಳ ಕಾಲ ನಡೆಯುವ ಈ ಟೂರ್ನಮೆಂಟ್ನಲ್ಲಿ ವಿಭಿನ್ನ ಹಂತಗಳ ಸ್ಪರ್ಧೆಗಳು ನಡೆಯಲಿವೆ. ಡಿಸೆಂಬರ್ 25ರಂದು ಪುತ್ತೂರಿನ ಆಯ್ದ 8 ತಂಡಗಳ ನಡುವಿನ ಓವರ್ಆರ್ಮ್ ಕ್ರಿಕೆಟ್ ಟೂರ್ನಮೆಂಟ್, ಡಿಸೆಂಬರ್ 26ರಂದು ಮಂಗಳೂರು ವಲಯದ ಆಯ್ದ 8 ತಂಡಗಳ ಅಂಡರ್ಆರ್ಮ್ ಕ್ರಿಕೆಟ್ ಟೂರ್ನಮೆಂಟ್, ಹಾಗೂ ಡಿಸೆಂಬರ್ 27ರಂದು ರಾಷ್ಟ್ರಮಟ್ಟದ ಆಯ್ದ 8 ತಂಡಗಳ ಓವರ್ಆರ್ಮ್ ಕ್ರಿಕೆಟ್ ಟೂರ್ನಮೆಂಟ್ ನಡೆಯಲಿದೆ.
ಹಗಲು ಹಾಗೂ ರಾತ್ರಿ ಪಂದ್ಯಗಳೊಂದಿಗೆ ಆಯೋಜಿಸಲಾಗಿರುವ ಈ ಕ್ರಿಕೆಟ್ ಟೂರ್ನಮೆಂಟ್ ಕ್ರೀಡಾಭಿಮಾನಿಗಳಿಗೆ ಅಪರೂಪದ ಅನುಭವ ನೀಡಲಿದೆ.
ಈ ಮೂರು ದಿನಗಳ ಟೂರ್ನಮೆಂಟ್ಗೆ ಪ್ರವೇಶ ಸಂಪೂರ್ಣ ಉಚಿತವಾಗಿದ್ದು, ಹೆಚ್ಚಿನ ಸಂಖ್ಯೆಯಲ್ಲಿ ಕ್ರೀಡಾಭಿಮಾನಿಗಳು ಭಾಗವಹಿಸಿ ಪಂದ್ಯಗಳನ್ನು ವೀಕ್ಷಿಸುವಂತೆ ಆಯೋಜಕರು ಮನವಿ ಮಾಡಿದ್ದಾರೆ. ಪುತ್ತೂರು ನಗರದಲ್ಲಿ ನಡೆಯುತ್ತಿರುವ ಈ ಕ್ರಿಕೆಟ್ ಉತ್ಸವವು ಸ್ಥಳೀಯ ಕ್ರೀಡಾಸಂಸ್ಕೃತಿಗೆ ಮತ್ತೊಂದು ಹೊಸ ಆಯಾಮ ನೀಡಲಿದೆ ಎಂಬ ನಿರೀಕ್ಷೆಯಿದೆ.