50 ವರ್ಷ ಮೇಲ್ಪಟ್ಟವರ ವಿಶ್ವಕಪ್ ಗೆ ನಾಗೇಶ್ ಸಿಂಗ್ ಆಯ್ಕೆ
ವೆಟರನ್ ಕ್ರಿಕೆಟ್ ಇಂಡಿಯಾ 50 ವರ್ಷಕ್ಕಿಂತ ಮೇಲ್ಪಟ್ಟ ಪುರುಷರ ಕ್ರಿಕೆಟ್ ವಿಶ್ವಕಪ್ಗೆ ತನ್ನ 16 ಮಂದಿ ಆಟಗಾರರ ತಂಡವನ್ನು ಪ್ರಕಟಿಸಿದೆ. ಈ ಟೂರ್ನಿಯು ಫೆಬ್ರವರಿ 2025 ರಲ್ಲಿ ಶ್ರೀಲಂಕಾದ ಕೊಲಂಬೊದಲ್ಲಿ ನಡೆಯಲಿದೆ.
ವಲಯ ಮಟ್ಟದ ಟೂರ್ನಿಗಳಲ್ಲಿ ಆಟಗಾರರ ಪ್ರದರ್ಶನ ಮತ್ತು ಕಠಿಣ ಫಿಟ್ನೆಸ್ ಮೌಲ್ಯಮಾಪನಗಳ ನಂತರ ಆಟಗಾರರನ್ನು ಭಾರತ ತಂಡಕ್ಕೆ ಆಯ್ಕೆ ಮಾಡಲಾಗಿದೆ.ತಂಡದಲ್ಲಿ ಅಯ್ಕೆಯಾದವರ ಪಟ್ಟಿಯಲ್ಲಿ ಕ್ರಿಕೆಟಿಗ ನಾಗೇಶ್ ಸಿಂಗ್ ಕೂಡ ಓರ್ವರು. ನಾಗೇಶ್ ಸಿಂಗ್ ಓರ್ವ ಬಲಗೈ ಪೇಸ್ ಬೌಲಿಂಗ್ ಆಲ್ ರೌಂಡರ್ ಮತ್ತು ಕ್ರಿಕೆಟ್ ಕೋಚ್.
40 ವರ್ಷಗಳ ಕ್ರಿಕೆಟ್ ಅನುಭವದೊಂದಿಗೆ, ಇವರು ಅನುಭವಿ ಕ್ರಿಕೆಟಿಗ, ಮಾರ್ಗದರ್ಶಕ ಮತ್ತು ಕ್ರಿಕೆಟ್ ಜಗತ್ತಿಗೆ ಸಮರ್ಪಿತ ಕೊಡುಗೆದಾರ. ಇವರ ಕ್ರಿಕೆಟ್ ಪ್ರಯಾಣವು ದಂತಕಥೆಗಳೊಂದಿಗೆ ಆಡುವುದರಿಂದ ಹಿಡಿದು ಅಂತರಾಷ್ಟ್ರೀಯ ವೇದಿಕೆಗಳಲ್ಲಿ ರಾಷ್ಟ್ರವನ್ನು ಪ್ರತಿನಿಧಿಸುವವರೆಗೆ ವ್ಯಾಪಿಸಿದೆ, ಇದು ಯುವ ಮತ್ತು ಅನುಭವಿ ಆಟಗಾರರಿಗೆ ಸಮಾನವಾಗಿ ಸ್ಫೂರ್ತಿ ನೀಡುತ್ತದೆ.
ಆರಂಭಿಕ ದಿನಗಳಲ್ಲಿ ಇವರ ಕ್ರಿಕೆಟ್ ಪಯಣ ಬೆಂಗಳೂರಿನ ಇಂದಿರಾನಗರದಲ್ಲಿ ಪ್ರಾರಂಭವಾಯಿತು, ಅಲ್ಲಿ ಬಾಲ್ಯದಲ್ಲಿ ರಾಹುಲ್ ದ್ರಾವಿಡ್ ಜೊತೆಗೆ ಆಡಿ ತನ್ನ ಕೌಶಲ್ಯವನ್ನು ಹೆಚ್ಚಿಸಿಕೊಂಡರು. ಈ ಬೆಳವಣಿಗೆಯು ಕ್ರಿಕೆಟ್ನಲ್ಲಿ ಅವರ ಅಸಾಮಾನ್ಯ ವೃತ್ತಿಜೀವನಕ್ಕೆ ಅಡಿಪಾಯ ಹಾಕಿದವು.
ನಾಗೇಶ್ ಸಿಂಗ್ ಅವರ ವೃತ್ತಿಜೀವನದ ಮುಖ್ಯಾಂಶಗಳನ್ನು ಗಮನಿಸುವುದಾದರೆ ಟೆನಿಸ್ ಬಾಲ್ ಕ್ರಿಕೆಟ್ ನಲ್ಲಿ ಕರ್ನಾಟಕದ ಅತ್ಯುತ್ತಮ ತಂಡಗಳಲ್ಲಿ ಒಂದಾದ ಜೈ ಕರ್ನಾಟಕ ಕ್ರಿಕೆಟಿಗರೊಂದಿಗೆ 30 ವರ್ಷಗಳ ಕಾಲ ಆಡಿದ್ದಾರೆ. ಮುಂಬೈನ ಚೆಂಬೂರಿನಲ್ಲಿ ಮಿಥುನ್ ಚಕ್ರವರ್ತಿ ಮತ್ತು ಜಾಕಿ ಶ್ರಾಫ್ ಆಯೋಜಿಸಿದ್ದ ಪ್ರತಿಷ್ಠಿತ ರಾಜ್ ಕಪೂರ್ ಸ್ಮಾರಕ ಪಂದ್ಯಾವಳಿಯಲ್ಲಿ ಭಾಗವಹಿಸಿದ್ದಾರೆ.
ಹಾಗೇನೇ ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆ (ಕೆಎಸ್ ಸಿಎ) ಲೀಗ್ ನ 3 ಮತ್ತು 4ನೇ ಡಿವಿಷನ್ ನಲ್ಲಿ ಅಸಾಧಾರಣ ಪ್ರದರ್ಶನ ಹಾಗೂ ಕ್ರೀಡಾಸ್ಫೂರ್ತಿಯನ್ನು ಪ್ರದರ್ಶಿಸಿದರು.ಇವರ ಅಂತಾರಾಷ್ಟ್ರೀಯ ಪ್ರಾತಿನಿಧ್ಯದ ಬಗ್ಗೆ ಹೇಳೋದಾದರೆ 2019 ರಲ್ಲಿ ದಕ್ಷಿಣ ಆಫ್ರಿಕಾದ ಕೇಪ್ ಟೌನ್ನಲ್ಲಿ ನಡೆದ ಮಾಸ್ಟರ್ಸ್ ವರ್ಲ್ಡ್ ಇಂಡೋರ್ ಕ್ರಿಕೆಟ್ ವಿಶ್ವಕಪ್ (Over 35age ಕೆಟಗರಿ ಯಲ್ಲಿ ) ನಲ್ಲಿ 51 ನೇ ವಯಸ್ಸಿನಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದಾರೆ.
ತನ್ನ 56 ನೇ ವಯಸ್ಸಿನಲ್ಲಿ ಶ್ರೀಲಂಕಾದಲ್ಲಿ ನಡೆದ 2024 ರ Over 40+ ವಿಭಾಗದ ವಿಶ್ವ ಒಳಾಂಗಣ ಕ್ರಿಕೆಟ್ ವಿಶ್ವಕಪ್ ನಲ್ಲಿ ಇವರು ಪ್ರತಿನಿಧಿಸಿದ ಭಾರತವು ಪ್ಲೇಟ್ ರನ್ನರ್ ಅಪ್ ಸ್ಥಾನವನ್ನು ಪಡೆದುಕೊಂಡಿತು. ಕರ್ನಾಟಕ ಒಳಾಂಗಣ ಕ್ರಿಕೆಟ್ ಲೀಗ್ ನಲ್ಲಿ 2020 ರಲ್ಲಿ ಉದ್ಘಾಟನಾ ಆವೃತ್ತಿಯಲ್ಲಿ ಭಾಗವಹಿಸಿದ ನಾಗೇಶ್ ಸಿಂಗ್ ಪಂದ್ಯಾವಳಿಯ ಅತ್ಯುತ್ತಮ ಬೌಲರ್ ಪ್ರಶಸ್ತಿಯನ್ನು ಪಡೆದರು. ಚೆನ್ನೈ, ಇಂದೋರ್ ಮತ್ತು ದೆಹಲಿಯಲ್ಲಿ ನಡೆದ ವೆಟರನ್ಸ್ ಕ್ರಿಕೆಟ್ ಇಂಡಿಯಾ (ವಿಸಿಐ) ವಲಯ ಪಂದ್ಯಾವಳಿಗಳ ಎಲ್ಲಾ ಮೂರು ಆವೃತ್ತಿಗಳಲ್ಲಿ ದಕ್ಷಿಣ ವಲಯವನ್ನು ಪ್ರತಿನಿಧಿಸಿದ್ದಾರೆ.
ಕಳೆದ 6 ವರ್ಷಗಳಿಂದ ಇವರು Rx ಕ್ರಿಕೆಟ್ ಅಕಾಡೆಮಿಯಲ್ಲಿ ಕ್ರಿಕೆಟ್ ಕೋಚ್ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಇವರ ಧ್ಯೇಯವೆಂದರೆ ತನ್ನ ಜ್ಞಾನ, ಕೌಶಲ್ಯ ಮತ್ತು ಕ್ರಿಕೆಟ್ ಮೇಲಿನ ಉತ್ಸಾಹವನ್ನು ಯುವ ಪೀಳಿಗೆಗೆ ವರ್ಗಾಯಿಸುವುದು. ತನ್ನ ತರಬೇತಿ ಮತ್ತು ಮಾರ್ಗದರ್ಶನದ ಮೂಲಕ, ಮುಂದಿನ ಪೀಳಿಗೆಯ ಕ್ರಿಕೆಟಿಗರನ್ನು ನಿರ್ಮಿಸಲು ಇವರು ಶ್ರಮಿಸುತ್ತಿದ್ದಾರೆ.
ಇವರ ಪ್ರಶಸ್ತಿಗಳು ಮತ್ತು ಸಾಧನೆಗಳೆಂದರೆ
2020 ಕರ್ನಾಟಕ ಒಳಾಂಗಣ ಕ್ರಿಕೆಟ್ ಲೀಗ್ ನಲ್ಲಿ ಅತ್ಯುತ್ತಮ ಬೌಲರ್ ಪ್ರಶಸ್ತಿ
2024 ವಿಶ್ವ ಒಳಾಂಗಣ ಕ್ರಿಕೆಟ್ ವಿಶ್ವಕಪ್. ನಲ್ಲಿ ಪ್ಲೇಟ್ ರನ್ನರ್ಸ್-ಅಪ್
ಕ್ರಿಕೆಟ್ ಮೇಲಿನ ಅವರ ಅಚಲ ಪ್ರೀತಿಗೆ ನಾಗೇಶ್ ಸಿಂಗ್ ಅವರ ಜೀವನವೇ ಸಾಕ್ಷಿ. ಪ್ರತಿಭೆಯನ್ನು ಸದಾ ಪೋಷಿಸಲು ಮತ್ತು ಮಹತ್ವಾಕಾಂಕ್ಷಿ ಕ್ರಿಕೆಟಿಗರಲ್ಲಿ ಆಟದ ಬಗ್ಗೆ ಆಳವಾದ ಗೌರವವನ್ನು ತುಂಬಲು ನಾಗೇಶ್ ಸಿಂಗ್ ತಮ್ಮ ಜೀವನವನ್ನು ಮೀಸಲಿಡಲು ಬಯಸುತ್ತಾರೆ.
Over 50+ ಕೆಟಗರಿಯ ವಿಶ್ವಕಪ್ ಗೆ ಆಯ್ಕೆಯಾದ ನಾಗೇಶ್ ಸಿಂಗ್ ಗೆ ಶುಭವಾಗಲಿ.
