ಹೊನ್ನಾವರ ಭಾಗದ ಕ್ರೀಡಾಪಟುಗಳಿಗೆ ಯು.ಆರ್ ಸ್ಪೋರ್ಟ್ಸ್ ಬೆಳಕಾಗಲಿ-ಡಾ.ಕಿರಣ್ ಬಳ್ಕೂರ
ಉದ್ಘಾಟನಾ ಕಾರ್ಯಕ್ರಮದ ಸಂದರ್ಭದಲ್ಲಿ ಮಾತನಾಡಿದ ಡಾ. ಕಿರಣ್ ಬಳ್ಕೂರು, “ಯು.ಆರ್. ಸ್ಪೋರ್ಟ್ಸ್ ಇತ್ತೀಚಿನ ವರ್ಷಗಳಲ್ಲಿ ಉಡುಪಿ ಜಿಲ್ಲೆಗೆ ಒಳ್ಳೆಯ ಹೆಸರು ತಂದುಕೊಟ್ಟಿದೆ. ಇದೀಗ ಈ ಸಂಸ್ಥೆಯು ನಮ್ಮದೇ ಕಟ್ಟಡದಲ್ಲಿ ಶಾಖೆ ತೆರೆಯುವ ಮೂಲಕ ನಮಗೂ ಹೆಮ್ಮೆ ತಂದಿದೆ,” ಎಂದು ಅಭಿಪ್ರಾಯಪಟ್ಟರು.
ಉದ್ಘಾಟನಾ ಸಮಾರಂಭದ ಮತ್ತೋರ್ವ ಅತಿಥಿ ಸ್ಪೋರ್ಟ್ಸ್ ಕನ್ನಡದ ಪ್ರವರ್ತಕ ಕೆ.ಆರ್.ಕೆ. ಆಚಾರ್ಯ ಮಾತನಾಡಿ “ಸಂಸ್ಥೆಯ ಪ್ರಮುಖ ಪಾಲುದಾರರಾಗಿರುವ ಶ್ರೀ ಪ್ರವೀಣ್ ಪಿತ್ರೋಡಿ ಮತ್ತು ಶ್ರೀ ದೇವರಾಜ್ ಸಾಲ್ಯಾನ್ ಅವರು ಕ್ರೀಡಾಕ್ಷೇತ್ರದಲ್ಲಿ ಸಲ್ಲಿಸುತ್ತಿರುವ ಕೊಡುಗೆಗಳು ಗಮನಾರ್ಹವಾಗಿದ್ದು, ಅವರು ನಿರ್ಮಿಸಿರುವ “ಯು.ಆರ್. ಸ್ಪೋರ್ಟ್ಸ್” ಬ್ರ್ಯಾಂಡ್ ಇಂದು ಉಡುಪಿ ಜಿಲ್ಲೆಯಿಂದ ಹೊನ್ನಾವರವರೆಗೆ ಗುರುತಿಸಬಹುದಾದ ಹೆಸರಾಗಿದೆ.ಇವರು ಕ್ರೀಡಾಭಿವೃದ್ಧಿಗೆ ಕೇವಲ ವಾಣಿಜ್ಯ ದೃಷ್ಟಿಯಿಂದ ಅಲ್ಲ, ಬದಲಾಗಿ ಸ್ಥಳೀಯ ಯುವಜನತೆಗೆ ಉತ್ತಮ ಗುಣಮಟ್ಟದ ಕ್ರೀಡಾ ಉಪಕರಣಗಳನ್ನು ಲಭ್ಯವಾಗುವಂತೆ ಮಾಡುವ ಉದ್ದೇಶದಿಂದ ಈ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿದ್ದಾರೆ.ಇವರ ದೃಢ ನಿಲುವು, ಉದ್ಯಮಶೀಲತೆ ಹಾಗೂ ಕ್ರೀಡಾ ನಿಷ್ಠೆಯ ಫಲವಾಗಿ ಯು.ಆರ್. ಸ್ಪೋರ್ಟ್ಸ್ ಇಂದು ಜನರ ನಂಬಿಕೆಗೆ ಪಾತ್ರವಾಗಿದೆ. ಹೊನ್ನಾವರದಲ್ಲಿ ಆರಂಭಿಸಿದ ಹೊಸ ಶಾಖೆಯೂ ಇದಕ್ಕೆ ಸಾಕ್ಷಿಯಾಗಿದ್ದು, ಇದರ ಮೂಲಕ ಇವರು ಇನ್ನಷ್ಟು ಜನತೆಗೆ ಸೇವೆ ಸಲ್ಲಿಸಲು ಮುಂದಾಗಿದ್ದಾರೆ.ಸ್ಪೋರ್ಟ್ಸ್ ಕನ್ನಡದ ಪರವಾಗಿ, ಇವರು ಮಾಡಿರುವ ಸಾಧನೆಗೆ ಅಭಿನಂದನೆ, ಭವಿಷ್ಯದಲ್ಲಿಯೂ ಈ ಸಂಸ್ಥೆಯು ಇನ್ನಷ್ಟು ಶ್ರೇಷ್ಟತೆ ಮತ್ತು ಯಶಸ್ಸು ಗಳಿಸಲೆಂದು ಹಾರೈಸುತ್ತೇವೆ” ಎಂದರು.
ಪಾಲುದಾರರಾದ ಪ್ರವೀಣ್ ಪಿತ್ರೋಡಿ ಮತ್ತು ದೇವರಾಜ್ ಸಾಲ್ಯಾನ್ ಅವರು ಉದ್ಘಾಟನೆಯ ಸಂದರ್ಭದಲ್ಲಿ ಮಾತನಾಡಿ, “ಹೊನ್ನಾವರದ ಕ್ರೀಡಾಭಿಮಾನಿಗಳಿಗೆ ಗುಣಮಟ್ಟದ ಕ್ರೀಡಾ ಸಾಮಗ್ರಿಗಳನ್ನು ಒದಗಿಸುವುದರ ಜೊತೆಗೆ ಸ್ಥಳೀಯ ಕ್ರೀಡಾ ಸಂಸ್ಕೃತಿಯನ್ನು ಉತ್ತೇಜಿಸುವ ಉದ್ದೇಶದಿಂದ ಈ ಕ್ರೀಡಾ ಮಳಿಗೆಯನ್ನು ಪ್ರಾರಂಭಿಸಿದ್ದೇವೆ. ಸರ್ವರ ಸಹಕಾರಕ್ಕೆ ನಾವು ಭರವಸೆ ಇಡುತ್ತೇವೆ,” ಎಂದು ಹೇಳಿದರು.
ಹೊನ್ನಾವರದ ಕ್ರೀಡಾಭಿಮಾನಿಗಳಿಗೆ ಇದು ಸಂತಸದ ಕ್ಷಣವಾಗಿದ್ದು, ಸ್ಥಳೀಯ ಕ್ರೀಡಾಪಟುಗಳು ಹಾಗೂ ಯುವಜನತೆಗೆ ಇದರ ಬಳಕೆಯು ಅತ್ಯಂತ ಫಲಕಾರಿಯಾಗಲಿದೆ ಎಂದು ಅನೇಕರು ಅಭಿಪ್ರಾಯಪಟ್ಟರು.
