ಮಂಗಳೂರು ವಲಯ ಕ್ರಿಕೆಟ್ ಆಯ್ಕೆ ಶಿಬಿರ: ಯುವ ಪ್ರತಿಭೆಗಳಿಗಾಗಿ ಮುಕ್ತ ಅವಕಾಶ
ಮಂಗಳೂರು, ಮಾರ್ಚ್ 29: ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆ (KSCA) ಮಂಗಳೂರು ವಲಯದ ವತಿಯಿಂದ ಬಾಲಕರ ಹಾಗೂ ಬಾಲಕಿಯರ ವಿವಿಧ ವಯೋಮಿತಿ ತಂಡಗಳಿಗಾಗಿ ಮುಕ್ತ ಆಯ್ಕೆ ಶಿಬಿರವನ್ನು ಏರ್ಪಡಿಸಲಾಗಿದೆ. ಈ ಆಯ್ಕೆ ಶಿಬಿರವು ಮುಂದಿನ ಅಂತರ್ ಜಿಲ್ಲಾ ಟೂರ್ನಮೆಂಟ್ಗೆ ಜಿಲ್ಲಾ ತಂಡಗಳನ್ನು ಆಯ್ಕೆ ಮಾಡುವ ಉದ್ದೇಶದಿಂದ ನಡೆಯಲಿದೆ.
ಮಂಗಳೂರು, ಉಡುಪಿ ಹಾಗೂ ಕೊಡಗು ಜಿಲ್ಲೆಗಳ ಕೇಂದ್ರಗಳಲ್ಲಿ ಈ ಟ್ರಯಲ್ಸ್ಗಳನ್ನು ನಡೆಸಲಾಗುತ್ತದೆ. ಬಾಲಕರ ಅಂಡರ್-14, ಅಂಡರ್-16, ಅಂಡರ್-19 ಹಾಗೂ ಬಾಲಕಿಯರ ಅಂಡರ್-15 ಮತ್ತು ಅಂಡರ್-19 ವಿಭಾಗಗಳಲ್ಲಿ ಆಯ್ಕೆ ಪ್ರಕ್ರಿಯೆ ನಡೆಯಲಿದೆ.
ಬಾಲಕರ ವಿಭಾಗ:
ಅಂಡರ್-14: 01-09-2012 ರಿಂದ 31-08-2014ರೊಳಗೆ ಜನಿಸಿದ ಆಟಗಾರರು ಅರ್ಹರು. ಏಪ್ರಿಲ್ 6ರಂದು ಕೊಡಗು ಮತ್ತು ಉಡುಪಿ, ಏಪ್ರಿಲ್ 7ರಂದು ಮಂಗಳೂರು ಕೇಂದ್ರದಲ್ಲಿ ಟ್ರಯಲ್ಸ್ ನಡೆಯಲಿದೆ.
ಅಂಡರ್-16:01-09-2010 ನಂತರ ಜನಿಸಿದವರು ಅರ್ಹರು. ಏಪ್ರಿಲ್ 4ರಿಂದ 6ರವರೆಗೆ ವಿವಿಧ ಕೇಂದ್ರಗಳಲ್ಲಿ ಆಯ್ಕೆ ನಡೆಯಲಿದೆ.
ಅಂಡರ್-19: 01-09-2007 ನಂತರ ಜನಿಸಿದವರು ಅರ್ಹರು. ಏಪ್ರಿಲ್ 2ರಿಂದ 6ರವರೆಗೆ ಮಂಗಳೂರು, ಉಡುಪಿ ಹಾಗೂ ಕೊಡಗು ಕೇಂದ್ರಗಳಲ್ಲಿ ಟ್ರಯಲ್ಸ್ ನಡೆಯಲಿದೆ.
ಬಾಲಕಿಯರ ವಿಭಾಗ:
ಅಂಡರ್-19:ಏಪ್ರಿಲ್ 7ರಿಂದ 9ರವರೆಗೆ ಆಯ್ಕೆ ಶಿಬಿರ ನಡೆಯಲಿದೆ.
ಅಂಡರ್-15: 01-09-2011 ರಿಂದ 31-08-2015ರೊಳಗೆ ಜನಿಸಿದವರು ಅರ್ಹರು. ಇದೇ ದಿನಾಂಕಗಳಲ್ಲಿ ಟ್ರಯಲ್ಸ್ ನಡೆಯಲಿದೆ.
ಎಲ್ಲಾ ಟ್ರಯಲ್ಸ್ಗಳು ಬೆಳಿಗ್ಗೆ 8 ಗಂಟೆಗೆ ಆರಂಭವಾಗಲಿದ್ದು, ಕೊಡಗು (ಮಡಿಕೇರಿ ಮರಗೋಡು ಶಾಲಾ ಮೈದಾನ), ಉಡುಪಿ (ಕೆಎಂಸಿ ಎಂಡ್ ಪಾಯಿಂಟ್, ಮಣಿಪಾಲ) ಮತ್ತು ಮಂಗಳೂರು (ನೆಹರು ಮೈದಾನ) ಕೇಂದ್ರಗಳಲ್ಲಿ ನಡೆಯಲಿದೆ.
ಆಯ್ಕೆ ಶಿಬಿರಕ್ಕೆ ಹಾಜರಾಗುವ ಆಟಗಾರರು ಕ್ರಿಕೆಟ್ ಉಡುಪಿನಲ್ಲಿ (ವೈಟ್ಸ್) ಬರಬೇಕು. ಮೂಲ ಜನನ ಪ್ರಮಾಣಪತ್ರ, SSLC ಅಂಕಪಟ್ಟಿ (ಅಂಡರ್-19 ಆಟಗಾರರಿಗೆ) ಹಾಗೂ ಆಧಾರ್ ಕಾರ್ಡ್ ತರಬೇಕು. ಝೆರಾಕ್ಸ್ ಪ್ರತಿಗಳನ್ನು ಸ್ವೀಕರಿಸಲಾಗುವುದಿಲ್ಲ.
ಆಟಗಾರರು ತಮ್ಮ ಆಧಾರ್ ಕಾರ್ಡ್ನಲ್ಲಿರುವ ವಿಳಾಸದ ಆಧಾರದ ಮೇಲೆ ಸಂಬಂಧಿತ ಕೇಂದ್ರಗಳಲ್ಲಿ ಮಾತ್ರ ಹಾಜರಾಗಬೇಕು ಎಂದು ಸೂಚಿಸಲಾಗಿದೆ.
ಹೆಚ್ಚಿನ ಮಾಹಿತಿಗಾಗಿ KSCA ಮಂಗಳೂರು ವಲಯ ಕಚೇರಿಯನ್ನು ಸಂಪರ್ಕಿಸಬಹುದು ಎಂದು ಪ್ರಕಟಣೆ ತಿಳಿಸಿದೆ.
ಈ ಆಯ್ಕೆ ಶಿಬಿರವು ಯುವ ಕ್ರಿಕೆಟ್ ಪ್ರತಿಭೆಗಳಿಗೆ ಉತ್ತಮ ಅವಕಾಶವಾಗಿದ್ದು, ಹೆಚ್ಚಿನ ಸಂಖ್ಯೆಯಲ್ಲಿ ಆಟಗಾರರು ಭಾಗವಹಿಸುವ ನಿರೀಕ್ಷೆಯಿದೆ.
