ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಮೂರನೇ ಟೆಸ್ಟ್ ಪಂದ್ಯ ರಸಭರಿತವಾಗಿದೆ. ಅಂತಿಮ ಟೆಸ್ಟ್ ಪಂದ್ಯ ರೋಚಕ ಕ್ಲೈಮ್ಯಾಕ್ಸ್ ಹಂತಕ್ಕೆ ಬರುತ್ತಿದೆ. ಬ್ಯಾಟಿಂಗ್ ಅತ್ಯಂತ ಕಷ್ಟಕರವಾಗುತ್ತಿರುವ ವಾಂಖೆಡೆ ಪಿಚ್‌ನಲ್ಲಿ ಭಾರತದ ರೋಚಕ ರನ್ ಚೇಸ್‌ಗಾಗಿ ಅಭಿಮಾನಿಗಳು ಕಾಯುತ್ತಿದ್ದಾರೆ. ಮೊದಲ ಇನಿಂಗ್ಸ್‌ನಲ್ಲಿ 28 ರನ್‌ಗಳ ಮುನ್ನಡೆಯನ್ನು ಬಿಟ್ಟುಕೊಟ್ಟ ನಂತರ, ನ್ಯೂಜಿಲೆಂಡ್ ಮತ್ತೆ ಬ್ಯಾಟಿಂಗ್‌ಗೆ ಇಳಿದು ಎರಡನೇ ದಿನದ ಅಂತ್ಯಕ್ಕೆ 9 ವಿಕೆಟ್‌ಗೆ 171 ರನ್ ಗಳಿಸಿದೆ. ಕಿವೀಸ್ ಒಂದು ವಿಕೆಟ್ ಬಾಕಿ ಇರುವಂತೆಯೇ 143 ರನ್ ಗಳ ಮುನ್ನಡೆ ಸಾಧಿಸಿದೆ.

ಎರಡನೇ ದಿನ ಟೀಂ ಇಂಡಿಯಾ ಸಂಪೂರ್ಣ ಪ್ರಾಬಲ್ಯ ಮೆರೆದಿದೆ. ಎರಡನೇ ದಿನದಾಟದಲ್ಲಿ ಒಟ್ಟು 15 ವಿಕೆಟ್‌ಗಳು ಉರುಳಿದವು. ಭಾರತದ ಪರ ರವೀಂದ್ರ ಜಡೇಜಾ ನಾಲ್ಕು ಮತ್ತು ಆರ್ ಅಶ್ವಿನ್ ಮೂರು ವಿಕೆಟ್ ಪಡೆದರು.

ಭಾರತ ಮೊದಲ ಇನ್ನಿಂಗ್ಸ್‌ನಲ್ಲಿ ಕನಿಷ್ಠ 150 ರನ್‌ಗಳ ಮುನ್ನಡೆ ಪಡೆಯುತ್ತದೆ ಎಂದು ಭಾವಿಸಲಾಗಿತ್ತು. ಆದರೆ ಭಾರತ ವಿಕೆಟ್ ಕಳೆದುಕೊಳ್ಳುತ್ತಲೇ ಇತ್ತು. ಮೊದಲ ಇನಿಂಗ್ಸ್‌ನಲ್ಲಿ ನ್ಯೂಜಿಲೆಂಡ್‌ನ 235 ರನ್‌ಗಳ ಮೊತ್ತವನ್ನು ಬೆನ್ನಟ್ಟಿದ ಭಾರತ 263 ರನ್‌ಗಳಿಗೆ ಆಲೌಟ್ ಆಯಿತು.

ಇಲ್ಲಿ ಭಾರತಕ್ಕೆ 150ಕ್ಕಿಂತ ಹೆಚ್ಚಿನ ರನ್ ಚೇಸ್ ಕಠಿಣವಾಗಲಿದೆ. ಸದ್ಯ ನ್ಯೂಜಿಲೆಂಡ್ 143 ರನ್ ಮುನ್ನಡೆಯಲ್ಲಿದೆ.ನಾಲ್ಕನೇ ಇನ್ನಿಂಗ್ಸ್‌ನಲ್ಲಿ 150 ಪ್ಲಸ್ ಗುರಿಯನ್ನು ಮುರಿಯುವುದು ಟೀಂ ಇಂಡಿಯಾಕ್ಕೆ ಸವಾಲಾಗಿದೆ.

ನಾಳೆಯ ದಿನ ಪಂದ್ಯದಲ್ಲಿ ಭಾರತ ತಂಡ ಬೇಗನೇ ಕೊನೆಯ ವಿಕೆಟ್ ಪಡೆದರೆ ಸುಲಭ ಗುರಿ ಬೆನ್ನತ್ತಿ ಮೊದಲ ಜಯ ಗಳಿಸುವ ಲಕ್ಷಣ ಕಾಣುತ್ತಿದೆ. ಹಾಗಿದ್ದರೂ,ನ್ಯೂಜಿಲೆಂಡ್ ಸ್ಪಿನ್ನರ್‌ಗಳನ್ನು ಎಚ್ಚರಿಕೆಯಿಂದ ಎದುರಿಸುವ ನಿರೀಕ್ಷೆಯಿದೆ.