ಹರ್ಭಜನ್ ಸಿಂಗ್( ಭಜ್ಜಿ) ಭಾರತೀಯ ಕ್ರಿಕೆಟ್ ತಂಡಕ್ಕಾಗಿ ದೀರ್ಘಕಾಲ ಕ್ರಿಕೆಟ್ ಆಡಿದ್ದಾರೆ. ಮಹೇಂದ್ರ ಸಿಂಗ್ ಧೋನಿ ಮತ್ತು ಸೌರವ್ ಗಂಗೂಲಿ ನಾಯಕತ್ವದಲ್ಲಿ, ಹರ್ಭಜನ್ ಭಾರತಕ್ಕಾಗಿ ಸ್ಪಿನ್ ಬೌಲಿಂಗ್ ಅನ್ನು ಬಲಿಷ್ಠವಾಗಿ ನಿರ್ವಹಿಸಿದ್ದಾರೆ.
ಜುಲೈ 3, 1980 ರಂದು ಪಂಜಾಬ್‌ನಲ್ಲಿ ಜನಿಸಿದ ಹರ್ಭಜನ್ ಸಿಂಗ್ ಯಶಸ್ವಿ ಕ್ರಿಕೆಟಿಗನಾದ ಪ್ರಯಾಣ ಸುಲಭವಲ್ಲ.
ಹರ್ಭಜನ್ ಸಿಂಗ್ 1998 ರಲ್ಲಿ ಭಾರತಕ್ಕೆ ಪಾದಾರ್ಪಣೆ ಮಾಡಿದರು. ಅವರು ಆಸ್ಟ್ರೇಲಿಯಾ ವಿರುದ್ಧದ ತಮ್ಮ ಮೊದಲ ಟೆಸ್ಟ್ ಪಂದ್ಯದಲ್ಲಿ ಎರಡು ವಿಕೆಟ್ ಪಡೆದರು. ಅವರು ತಮ್ಮ ಕ್ರಿಕೆಟ್ ವೃತ್ತಿಜೀವನದ ಅವಧಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಚೆಂಡಿನ ಹೊರತಾಗಿ, ಹರ್ಭಜನ್ ಸಿಂಗ್ ಮೈದಾನದಲ್ಲಿ ಆಸ್ಟ್ರೇಲಿಯಾದ ಹೆಚ್ಚಿನ ಆಟಗಾರರೊಂದಿಗೆ ಮಾತಿನ ಸಮರವನ್ನೂ ನಡೆಸಿದರು.
ಕ್ರಿಕೆಟ್ ಲೋಕದಲ್ಲಿ ತನ್ನದೇ ಆದ ಛಾಪು ಮೂಡಿಸಿದ್ದ ಹರ್ಭಜನ್ ಸಿಂಗ್ ಟ್ರಕ್ ಡ್ರೈವರ್ ಆಗಬೇಕು ಎಂದು ಬಯಸಿದ್ದರು. ಭಾರತದ ಮಾಜಿ ಓಪನರ್ ವೀರೇಂದ್ರ ಸೆಹ್ವಾಗ್ ತಮ್ಮ ಸಾಮಾಜಿಕ ಮಾಧ್ಯಮ ಖಾತೆಯ ಮೂಲಕ ಹರ್ಭಜನ್ ಸಿಂಗ್ ಬಗ್ಗೆ ಈ ವಿಷಯವನ್ನು ಬಹಿರಂಗಪಡಿಸಿದ್ದಾರೆ. ಹರ್ಭಜನ್ ಕೆನಡಾಕ್ಕೆ ಹೋಗಿ ಟ್ರಕ್ ಓಡಿಸಿ ಕುಟುಂಬವನ್ನು ಪೋಷಿಸಲು ಬಯಸಿದ್ದರು ಎಂದು ಸೆಹ್ವಾಗ್ ಹೇಳಿದ್ದಾರೆ. ಆದರೆ ಇಂದು ಅವರು ಕ್ರಿಕೆಟ್‌ನ ಸೂಪರ್‌ಸ್ಟಾರ್.
ಹರ್ಭಜನ್ ಕ್ರಿಕೆಟ್ ಜೀವನ ಅದ್ಭುತವಾಗಿವಾಗಿತ್ತು. ಹರ್ಭಜನ್ ಸಿಂಗ್ ಅವರು 24 ಡಿಸೆಂಬರ್ 2021 ರಂದು ಕ್ರಿಕೆಟ್‌ನ ಎಲ್ಲಾ ಸ್ವರೂಪಗಳಿಂದ ನಿವೃತ್ತಿ ಘೋಷಿಸಿದ್ದರು. ಆದರೆ ಅವರ ವೃತ್ತಿಜೀವನದಲ್ಲಿ ಅವರು ಅನೇಕ ದೊಡ್ಡ ಸಾಧನೆಗಳನ್ನು ಮಾಡಿದ್ದಾರೆ. ಹರ್ಭಜನ್ ಅವರು 103 ಟೆಸ್ಟ್ ಪಂದ್ಯಗಳನ್ನು ಆಡಿದ್ದು, ಅವರ ಹೆಸರಿನಲ್ಲಿ 417 ವಿಕೆಟ್‌ಗಳಿವೆ. ಮತ್ತೊಂದೆಡೆ, ಹರ್ಭಜನ್ 236 ಏಕದಿನ ಪಂದ್ಯಗಳಲ್ಲಿ 1237 ರನ್ ಮತ್ತು 269 ವಿಕೆಟ್ ಗಳಿಸಿದ್ದಾರೆ. ಭಜ್ಜಿ ಭಾರತ ಪರ 28 ಟಿ20 ಪಂದ್ಯಗಳಲ್ಲಿ 25 ವಿಕೆಟ್ ಪಡೆದಿದ್ದಾರೆ.
ಹರ್ಭಜನ್ ಸಿಂಗ್ ಅವರು ಬಾಲಿವುಡ್ ನಟಿ ಮತ್ತು ರೂಪದರ್ಶಿ ಗೀತಾ ಬಸ್ರಾ ಅವರನ್ನು ವಿವಾಹವಾದರು. ಮದುವೆಗೂ ಮುನ್ನ ಇಬ್ಬರೂ ಸುಮಾರು 8 ವರ್ಷಗಳ ಕಾಲ ಪರಸ್ಪರ ಡೇಟಿಂಗ್ ನಡೆಸಿದ್ದರು. 2008ರಲ್ಲಿ ನಡೆದ ಐಪಿಎಲ್ ಪಂದ್ಯದ ವೇಳೆ ಇವರಿಬ್ಬರ ಅಫೇರ್ ಸುದ್ದಿಗೆ ವೇಗ ಸಿಕ್ಕಿತ್ತು. ಬಾಲಿವುಡ್‌ನಲ್ಲಿ, ಗೀತಾ ಬಸ್ರಾ ‘ದಿ ಟ್ರೈನ್’, ‘ಜಿಲ್ಲಾ ಘಾಜಿಯಾಬಾದ್’ ‘ಭೈಯಾ ಜಿ ಸೂಪರ್‌ಹಿಟ್’ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. 2015 ರಲ್ಲಿ, ಅಕ್ಟೋಬರ್ 29 ರಂದು, ಇಬ್ಬರೂ ಜಲಂಧರ್ನಲ್ಲಿ ವಿವಾಹವಾದರು.
ಜನ್ಮದಿನದ ಶುಭಾಶಯಗಳು ಟರ್ಬನೇಟರ್ ಹರ್ಭಜನ್ ಸಿಂಗ್….
