ಬೆಂಗಳೂರಿನಲ್ಲಿ ಗೆಳೆಯರು ಕಪ್ ಕ್ರಿಕೆಟ್ ಟೂರ್ನಮೆಂಟ್ — ನವೆಂಬರ್ 8 ಮತ್ತು 9ರಂದು ಭರ್ಜರಿ ಆಯೋಜನೆ
ಬೆಂಗಳೂರು: ಹಿರಿಯ ಕ್ರಿಕೆಟಿಗರಿಗೆ ವೇದಿಕೆ ಕಲ್ಪಿಸುವ ಉದ್ದೇಶದಿಂದ ಗೆಳೆಯರು ಕಪ್ (Geleyaru Cup) ಕ್ರಿಕೆಟ್ ಟೂರ್ನಮೆಂಟ್ ನವೆಂಬರ್ 8 ಮತ್ತು 9ರಂದು ಮಕಾಳಿಯ ಸೃಷ್ಟಿ ಪಬ್ಲಿಕ್ ಸ್ಕೂಲ್ ಮೈದಾನದಲ್ಲಿ ಆಯೋಜಿಸಲಾಗಿದೆ.
ಈ ಟೂರ್ನಿಯಲ್ಲಿ 42 ವರ್ಷ ಮೇಲ್ಪಟ್ಟ ಕ್ರಿಕೆಟಿಗರು (ಜನ್ಮ ದಿನಾಂಕ 7 ನವೆಂಬರ್ 1983ರ ಒಳಗೆ) ಮಾತ್ರ ಭಾಗವಹಿಸಲು ಅವಕಾಶವಿದ್ದು, ರಾಜ್ಯದ ವಿವಿಧ ಭಾಗಗಳಿಂದ 16 ತಂಡಗಳು ಪಾಲ್ಗೊಳ್ಳಲಿವೆ. ಪಂದ್ಯಗಳು Wilson ಅಧಿಕೃತ ಚೆಂಡಿನಿಂದ ನಡೆಯಲಿವೆ.
ವಿಜೇತ ತಂಡಕ್ಕೆ ₹55,555 ಹಾಗೂ ದ್ವಿತೀಯ ಬಹುಮಾನವಾಗಿ ₹33,333 ನಗದು ಬಹುಮಾನ ನೀಡಲಾಗುತ್ತದೆ. ಜೊತೆಗೆ ಪ್ರತಿಯೊಂದು ಪಂದ್ಯಕ್ಕೆ ಮ್ಯಾನ್ ಆಫ್ ದ ಮ್ಯಾಚ್, ಸರಣಿಯ ಅತ್ಯುತ್ತಮ ಆಟಗಾರರಿಗೆ ಮ್ಯಾನ್ ಆಫ್ ದ ಸೀರೀಸ್, ಅತ್ಯುತ್ತಮ ಬೌಲರ್ ಹಾಗೂ ಅತ್ಯುತ್ತಮ ಬ್ಯಾಟ್ಸ್ಮನ್ ಪ್ರಶಸ್ತಿಗಳೂ ನಿಗದಿಯಾಗಿವೆ.
ಟೂರ್ನಿಗೆ ನೋಂದಣಿಯ ಕೊನೆಯ ದಿನಾಂಕ ನವೆಂಬರ್ 1 ಎಂದು ಆಯೋಜಕರು ತಿಳಿಸಿದ್ದಾರೆ. ನೋಂದಣಿ ಶುಲ್ಕ ₹7,777 ಆಗಿದ್ದು, ಆಸಕ್ತರು ಸಮಯಕ್ಕೆ ಮೊದಲು ತಮ್ಮ ತಂಡಗಳನ್ನು ನೋಂದಾಯಿಸಿಕೊಳ್ಳುವಂತೆ ವಿನಂತಿಸಲಾಗಿದೆ.
ಕಾರ್ಯಕ್ರಮದ ಯಶಸ್ವೀ ಆಯೋಜನೆಗಾಗಿ ಗೋವಿಂದರಾಜ ಗೌಡ (ಮೊ. 96864 55333) ಮತ್ತು ಗಿರೀಶ್ (ಮೊ. 98804 17131) ಸಂಪರ್ಕಿಸಬಹುದಾಗಿದೆ.
ಆಯೋಜಕರು ಈ ಟೂರ್ನಿಯು ಹಿರಿಯ ಕ್ರಿಕೆಟಿಗರ ಸ್ನೇಹ, ಕ್ರೀಡಾಸ್ಫೂರ್ತಿ ಹಾಗೂ ಸಾಮಾಜಿಕ ಬಾಂಧವ್ಯವನ್ನು ಬಲಪಡಿಸುವ ವೇದಿಕೆಯಾಗಲಿದೆ ಎಂದು ತಿಳಿಸಿದ್ದಾರೆ.
