ಹೆಬ್ರಿ , ಜ . 8 : ಸೋಮೇಶ್ವರ ಪಟ್ಟಣದಲ್ಲಿ ಏರ್‌ಟೆಲ್ ಟವರ್ ಬಳಿ ಕಟ್ಟಡ ಕೆಲಸ ಮಾಡುತ್ತಿದ್ದ ವೇಳೆ ಕಾರ್ಮಿಕ ಬೈಲೂರು ನಿವಾಸಿ ರವಿ ಪೂಜಾರಿ ( 38 ) ಅವರು ಆಕಸ್ಮಿಕವಾಗಿ ವಿದ್ಯುತ್ ಶಾಕ್ ತಗಲಿ ಮೃತಪಟ್ಟ ಘಟನೆ ಶನಿವಾರ ನಡೆದಿದೆ .
ಕಟ್ಟಡದ ಸೆಂಟ್ರಿಂಗ್ ಕಾಮಗಾರಿಗೆ ಅಳವಡಿಸಿದ ಕಬ್ಬಿಣದ ಸರಳನ್ನು ತೆಗೆಯುತ್ತಿರುವ ವೇಳೆ ಹತ್ತಿರದಲ್ಲಿರುವ 11 ಕೆವಿ ಟಿಸಿಗೆ ಕಬ್ಬಿಣದ ಸರಳು ತಗಲಿದ ಪರಿಣಾಮ ವಿದ್ಯುತ್ ಹರಿದು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ . ರವಿ ಪೂಜಾರಿ ಉತ್ತಮ ಕ್ರಿಕೆಟ್ ಆಟಗಾರರಾಗಿದ್ದು ಸಾಕಷ್ಟು ಪಂದ್ಯಗಳಲ್ಲಿ ಶ್ರೇಷ್ಠ ಮಟ್ಟದ ಆಟವನ್ನು ಆಡುವುದರ ಮುಖಾಂತರ ಸಾಕಷ್ಟು ಅಭಿಮಾನಿಗಳ ಬಳಗವನ್ನು ಹೊಂದಿದ್ದರು . ಇವರು ನಾಲ್ಕು ತಿಂಗಳ ಹಿಂದೆಯಷ್ಟೇ ವೈವಾಹಿಕ ಜೀವನಕ್ಕೆ ಕಾಲಿಟ್ಟು ಕನಸುಗಳ ಮೂಟೆಹೊತ್ತು ನೆಮ್ಮದಿಯ ಜೀವನ ಸಾಗಿಸಲು ಹಗಲಿರುಳು ಕಷ್ಟಪಟ್ಟು ದುಡಿಯುತ್ತಿದ್ದರು.
ಈ ಪ್ರಕರಣಕ್ಕೆ ಸಂಭಂಧಿಸಿದಂತೆ ಕಟ್ಟಡ ಮಾಲಿಕ ಹಾಗೂ ಕಟ್ಟಡದ ಗುತ್ತಿಗೆದಾರನ ಮೇಲೆ ನಿರ್ಲಕ್ಷ್ಯದ ಆರೋಪದಡುಯಲ್ಲಿ ಹೆಬ್ರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ .
ಅದೇನೇ ಇರಲಿ ಬಾಳಿ ಬದುಕಬೇಕಿದ್ದ ಜೀವ ಒಂದು ಕಿರು ವಯಸ್ಸಿನಲ್ಲೆ ತನಗೆ ಅರಿವಿಲ್ಲದೆಯೇ ಉಸಿರು ಚೆಲ್ಲಿ ಮಸಣದ ಹಾದಿ ಹಿಡಿದಿರಿವುದು ದುರಂತ
ಉತ್ತಮ ಕ್ರಿಕೆಟ್ ಆಟಗಾರನಾಗಿದ್ದ ರವಿ ಪೂಜಾರಿ ಅವರ ಆತ್ಮಕ್ಕೆ ಚಿರಶಾಂತಿ ದೊರಕಲಿ…. 
