ಭಾರತದಲ್ಲಿ ಕ್ರಿಕೆಟ್ನ ಜನನ ಆಗದಿದ್ದರೂ, ಭಾರತದಲ್ಲಿರುವ ಕ್ರಿಕೆಟ್ ನ ಜನಪ್ರಿಯತೆ ಬೇರೆ ಯಾವ ದೇಶದಲ್ಲು ಇಲ್ಲ ಆ ಮಟ್ಟಕ್ಕೆ ಭಾರತದಲ್ಲಿ ಕ್ರಿಕೆಟ್ ಜನಪ್ರಿಯತೆ ಗೊಂಡಿದೆ. ಹೀಗಾಗಿಯೇ ಬಹುತೇಕ ಯುವಕರು ಕ್ರಿಕೆಟನ್ನ ತಮ್ಮ ಬದುಕಿನ ಸರ್ವಸ್ವ ಅಂತಾ ಆರಾಧಿಸುವ ಜೊತೆ ಜೋತೆಗೆ ಕ್ರಿಕೆಟ್ ಕಲಿಕೆಯಲ್ಲು ಮುಂದಾಗಿದ್ದಾರೆ
ದೇಶಿಯ ಟೂರ್ನಿಗಳಲ್ಲಿ ಅಬ್ಬರಿಸಿ ದೇಶ ಪ್ರತಿನಿಧಿಸುವುದು ಪ್ರತಿಯೊಬ್ಬ ಕ್ರಿಕೆಟಿಗನ ಕನಸಾಗಿರುತ್ತದೆ. ಆದರೆ ಕೆಲವರಿಗೆ ಪ್ರತಿಭೆ ಇದ್ದರೂ, ದೇಶವನ್ನು ಪ್ರತಿನಿಧಿಸುವ ಅದೃಷ್ಟ ಒಲಿಯುವುದೆ ಇಲ್ಲ.
ಗೆಲ್ಲೋ ಪಂದ್ಯ ಕ್ಷಣಾರ್ಧದಲ್ಲಿ ಸೋಲಬಹುದು, ಸೋತೇ ಬಿಟ್ಟಿತು ಅನ್ನೋ ಪಂದ್ಯಗಳು ಕ್ಷಣಾರ್ಧದಲ್ಲಿ ತಿರುವನ್ನು ಪಡೆದು ಗೆಲುವಿನ ನಗೆ ಬಿರಬಹುದು, ಹೀಗಾಗಿಯೇ ಕ್ರಿಕೆಟನ್ನ ಊಹೆಗೂ ಮೀರಿದ ಆಟ ಎನ್ನಬಹುದು. ಹಾಗೇಯೆ ಈತ ಟೀಮ್ ಇಂಡಿಯಾಗೆ ಅಡೆ ಅಡುತ್ತಾನೆನ್ನುವ ಆಟಗಾರನಿಗೆ ಅದೃಷ್ಟ ಒಲಿಯದೆ ದೇಶಿ ಕ್ರಿಕೆಟ್ಗೆ ಸೀಮಿತವಾಗಬಹುದು. ಹೀಗೆ ಟೀಮ್ ಇಂಡಿಯಾ ಪರ ಆಡುವ ಎಲ್ಲಾ ಅರ್ಹತೆ ಹೊಂದಿದ್ದರು ದೇಶಿ ಕ್ರಿಕೆಟ್ಗೆ ಸೀಮಿತವಾಗಿರುವ ಹಲವು ಆಟಗಾರರ ಉದಾಹರಣೆಗಳಿವೆ ನಮ್ಮಿ ಈ ನೆಲದಲ್ಲಿ ದೇಶಿ ಕ್ರಿಕೆಟ್ನಲ್ಲಿ ಒಂದೂವರೆ ದಶಕದಿಂದ ಅಬ್ಬರಿಸಿ ಬೊಬ್ಬಿರಿಯುತ್ತಿರುವ ಈ ಆಟಗಾರನಿಗೆ ಇನ್ನೂ ರಾಷ್ಟ್ರೀಯ ತಂಡದ ಬಾಗಿಲು ತೆರೆಯುವ ಅವಕಾಶ ಸಿಕ್ಕಿಲ್ಲ. ಹೀಗಾಗಿಯೇ ಇವರು ಭಾರತೀಯ ದೇಶಿ ಕ್ರಿಕೆಟ್ನ ನತದೃಷ್ಟ ಆಟಗಾರನಾಗಿ ಉಳಿದುಬಿಟ್ಟಿದ್ದಾರೆ. ಅವರು ಬೇರೆಯಾರು ಅಲ್ಲ, ಕೇರಳದ ಆಲ್ರೌಂಡರ್ *ಜಲಜ್ ಸಕ್ಸೇನಾ*.
ಹೌದು ಜಲಜ್ ಸಕ್ಸೇನಾ, ದೇಶಿ ಕ್ರಿಕೆಟ್ನ ಅಪ್ರತಿಮ ಪ್ರತಿಭೆ, ಆದರೆ ಈತನ ಕ್ರಿಕೆಟ್ ಬದುಕಿನ ಹಾದಿಯನ್ನು ನೋಡಿದರೆ ಪ್ರತಿಯೊಬ್ಬರ ಸಕ್ಸಸ್ಗೆ ಆಟವಷ್ಟೆ ಅಲ್ಲ , ಅದೃಷ್ಟ ಕೂಡ ಜೊತೆಗಿರ ಬೇಕು ಎಂದು ನಿಮಗೂ ಅನ್ನಿಸುತ್ತದೆ. ದೇಶವನ್ನ ಪ್ರತಿನಿಧಿಸುವ ಎಲ್ಲಾ ಅರ್ಹತೆ ಹೊಂದಿದ್ದರು ಇವರು ದೇಶಿ ಕ್ರಿಕೆಟ್ಗೆ ಸೀಮಿತವಾಗಿದ್ದಾರೆ, ಇದೇ ಕಾರಣಕ್ಕಾಗಿ ಪ್ರತಿಭೆ ಜೊತೆ ಲಕ್ಕೂಡಾ ಇರಬೇಕು ಅನ್ನೋದು.
ದೇಶಿ ಕ್ರಿಕೆಟ್ನಲ್ಲಿ ಮಿಂಚಿದರು ಐಪಿಎಲ್ ಆಡಿಲ್ಲ
ಸದ್ಯ ದೇಶಿ ಕ್ರಿಕೆಟ್ನಲ್ಲಿ ಆಡುತ್ತಿರುವ ಪ್ರತಿಯೊಬ್ಬ ಕ್ರಿಕೆಟರ್, ಐಪಿಎಲ್ನಲ್ಲಿ ಆಡಲು ಉತ್ಸುಕರಾಗಿ ಇರ್ತಾರೆ. ಐಪಿಎಲ್ನ ಶಾರ್ಟ್ ಕಟ್ ಹಾದಿಯಲ್ಲಿ ಟೀಮ್ ಇಂಡಿಯಾಕ್ಕೆ ಹಾರಲು ತುದಿಗಾಲಿನಲ್ಲಿ ನಿಂತಿರುತ್ತಾರೆ. ಆದರೆ ಈ ಕ್ರಿಕೆಟಿಗ ಮಾತ್ರ ವಿಭಿನ್ನ, ದೇಶಿ ಕ್ರಿಕೆಟ್ನ ಬೆಸ್ಟ್ ಆಲ್ರೌಂಡರ್ಗೆ ನೀಡಲಾಗುವ ಲಾಲ ಅಮರ್ನಾಥ್ ಪ್ರಶಸ್ತಿಯನ್ನ ಮೂರು ಬಾರಿ ಮುಡಿಗೇರಿಸಿಕೊಂಡಿದ್ದಾರೆ. ದೇಶಿ ಕ್ರಿಕೆಟ್ನಲ್ಲಿ ಬ್ಯಾಟಿಂಗ್, ಬೌಲಿಂಗ್ನಲ್ಲಿ ಉತ್ತಮ ಟ್ರ್ಯಾಕ್ ರೆಕಾರ್ಡ್ ಹೊಂದಿದ್ದಾರೆ, ಆದರೂ ಇವರೂ ಇದುವರೆಗೆ ಐಪಿಎಲ್ನಲ್ಲಿ ಆಡೆ ಇಲ್ಲ ಎಂದರೆ ಅಚ್ಚರಿಯೆ ಹೌದು!!
ಬೆನ್ಸ್ಟ್ರೋಕ್ಸ್, ಮೊಹಿನ್ ಆಲಿಗಿಂತ ಇವರೇ ಬೆಸ್ಟ್..! ಎಂದರೆ ನೀವು ನಂಬಲೆ ಬೇಕು
ದೇಶಿ ಕ್ರಿಕೆಟ್ನ ಅಂಕಿಅಂಶಗಳ ಪ್ರಕಾರ, ಟಾಪ್ ಫೈವ್ ವಿಶ್ವ ದೇಶಿ ಕ್ರಿಕೆಟರ್ಗಳಲ್ಲಿ *ಜಲಜ್ ಸಕ್ಸೇನಾ* ಒಬ್ಬರಾಗಿದ್ದಾರೆ. ಇವರ ಅಂಕಿಅಂಶಗಳ ಮುಂದೆ ಇಂಗ್ಲೆಡ್ನ ಸ್ಟಾರ್ ಆಲ್ರೌಂಡರ್ ಬೆನ್ ಸ್ಟೋಕ್ಸ್, ಮೊಹಿನ್ ಆಲಿಯನ್ನೂ ಮೀರಿಸಿದ್ದಾರೆ. ವಿಶ್ವದಲ್ಲಿ 300 ಪ್ಲಸ್ ರನ್ ಹಾಗೂ 150 ಪ್ಲಸ್ ವಿಕೆಟ್ ಪಡೆದ ಆಲ್ರೌಂಡರ್ಗಳಲ್ಲಿ ಜಲಜ್ ಸಕ್ಸೇನಾ ಕೂಡ ಒಬ್ಬರಾಗಿದ್ದಾರೆ
*ವಿಶ್ವ ದೇಶಿ ಕ್ರಿಕೆಟ್ ನಲ್ಲಿ ಕೆಲವರ ಸಾಧನೆ*
ವಿಶ್ವದೇಶಿ ಕ್ರಿಕೆಟ್ನಲ್ಲಿ ಆಲ್ರೌಂಡರ್ಗಳ ಪ್ರದರ್ಶನ ನೋಡಿದರೆ, ಇಂಗ್ಲೆಂಡ್ನ ಮೊಹಿನ್ ಆಲಿ, 194 ಪಂದ್ಯಗಳಿಂದ 11,202 ರನ್ ಗಳಿಸಿ 368 ವಿಕೆಟ್ ಕಬಳಿಸಿದ್ದಾರೆ. ಕೇವಲ 123 ಪಂದ್ಯಗಳನ್ನಾಡಿರುವ ಜಲಜ್ ಸಕ್ಸೇನಾ, 6334 ರನ್ ಕಲೆಹಾಕಿ 347 ವಿಕೆಟ್ ಉರುಳಿಸಿದ್ದಾರೆ. ಇನ್ನು 143 ಪಂದ್ಯಗಳನ್ನಾಡಿರುವ ಬೆನ್ ಸ್ಟೋಕ್ಸ್ 8221 ರನ್ ಗಳಿಸಿ 330 ವಿಕೆಟ್ ಉರುಳಿಸಿದ್ದಾರೆ.
6000+ ರನ್, 300+ ವಿಕೆಟ್, ಸಿಕ್ಕಿಲ್ಲ ಚಾನ್ಸ್
ಭಾರತೀಯ ಕ್ರಿಕೆಟ್ ಇತಿಹಾಸದಲ್ಲಿ 6 ಸಾವಿರ ಪ್ಲಸ್ ರನ್, ಮುನ್ನೂರಕ್ಕೂ ಹೆಚ್ಚು ವಿಕೆಟ್ ಪಡೆದಿದ್ರೂ, ಟೀಮ್ ಇಂಡಿಯಾ ಪ್ರತಿನಿಧಿಸದ ನತದೃಷ್ಟ ಜಲಜ್ ಸಕ್ಸೇನಾ, ಹೌದು ಜಲಜ್ ಸಕ್ಸೇನಾ ಹೊರತುಪಡೆಸಿ 19 ಭಾರತೀಯ ಕ್ರಿಕೆಟಿಗರು 6 ಸಾವಿರಕ್ಕೂ ಹೆಚ್ಚು ರನ್, 300ಕ್ಕೂ ಹೆಚ್ಚು ವಿಕೆಟ್ ಕಬಳಿಸಿದ್ದಾರೆ. ಈ ಎಲ್ಲಾ ಆಲ್ರೌಂಡರ್ಗಳು ಟೀಮ್ ಇಂಡಿಯಾ ಪ್ರತಿನಿಧಿಸಿದ್ದಾರೆ. ಆದರೆ ಇಷ್ಟು ಸಾಧನೆ ಮಾಡಿಯೂ ಟೀಮ್ ಇಂಡಿಯಾ ಪ್ರತಿನಿಧಿಸದ ನತದೃಷ್ಟ ಅಂದರೆ ಜಲಜ್ ಸಕ್ಸೇನಾ ಮಾತ್ರ..
ಮುಂದಿನ ಸರಣಿಯಲ್ಲಿ ಸಿಗುತ್ತಾ ಚಾನ್ಸ್..?
ಸದ್ಯ ಟೀಮ್ ಇಂಡಿಯಾದಲ್ಲಿ ಸೂಕ್ತ ಸ್ಪಿನ್ ಆಲ್ರೌಂಡರ್ನ ಕೊರತೆ ಕಾಣುತ್ತಿದೆ. ರವೀಂದ್ರ ಜಡೇಜಾ, ಆರ್.ಅಶ್ವಿನ್ ಗಾಯದ ಸಮಸ್ಯೆಯಿಂದ ಇಂಗ್ಲೆಂಡ್ನ ಸರಣಿ ಆಡುವುದು ಅನುಮಾನ ಎನ್ನಲಾಗುತ್ತಿದೆ. ಹಾಗಾಗಿ ಬ್ಯಾಟಿಂಗ್ ಹಾಗೂ ಬೌಲಿಂಗ್ನಲ್ಲಿ ಕಮಾಲ್ ಮಾಡಬಲ್ಲ ಕೇರಳದ ಈ ಆಲ್ರೌಂಡರ್ಗೆ ಚಾನ್ಸ್ ನೀಡಿ ಬೇಕು ಅನ್ನೋ ಕೂಗು ಎದ್ದಿದೆ.
ಒಟ್ಟಿನಲ್ಲಿ ಜಲಜ್ ಸಕ್ಸೇನಾ ದೇಶಿ ಕ್ರಿಕೆಟ್ನಲ್ಲಿ ತಾನೇನು ಅಂತಾ ಸಾಬೀತು ಪಡೆಸಿದ್ರೂ, ಆತನಿಗೆ ಟೀಮ್ ಇಂಡಿಯಾ ಕರೆ ಬಾರದಿರುವುದು ದುರದೃಷ್ಟವೇ ಸರಿ. ಅದೇನೇ ಆಗಲಿ ಮುಂದಿನ ದಿನಗಳಲ್ಲಿ ಆದರೂ ನತದೃಷ್ಟ ಸಕ್ಸೇನಾ ಲಕ್ ಬದಲಾಗಲಿ ಅನ್ನೋದೆ ಅಭಿಮಾನಿಗಳ ಆಶಯ.
*-ಸುಧೀರ್ ಕುಮಾರ್*
*ಪತ್ರಕರ್ತರು*
*ಶಿವಮೊಗ್ಗ*