ಟೆನಿಸ್ ಬಾಲ್ ಕ್ರಿಕೆಟ್ ಅಸೋಸಿಯೇಷನ್ ಉಡುಪಿ ಜಿಲ್ಲೆ 10 ಓವರ್ ಕ್ರಿಕೆಟ್ ಟೂರ್ನಮೆಂಟ್ – ವಿದ್ಯಾರ್ಥಿಗಳಿಗಾಗಿ

ಉಡುಪಿ: ಟೆನಿಸ್ ಬಾಲ್ ಕ್ರಿಕೆಟ್ ಅಸೋಸಿಯೇಷನ್, ಉಡುಪಿ ಜಿಲ್ಲೆ ವತಿಯಿಂದ ನವೆಂಬರ್ 25 ಬುಧವಾರದಿಂದ  ನವೆಂಬರ್ 30, 2025 ರವರೆಗೆ ಕುಂದಾಪುರದಲ್ಲಿ ವಿಶೇಷ 10 ಓವರ್ ಕ್ರಿಕೆಟ್ ಟೂರ್ನಮೆಂಟ್ ಆಯೋಜಿಸಲಾಗಿದೆ. ಈ ಟೂರ್ನಮೆಂಟ್ ವಿಶೇಷವಾಗಿ ಶಾಲಾ ಹಾಗೂ ಕಾಲೇಜು ವಿದ್ಯಾರ್ಥಿಗಳಿಗಾಗಿ ನಡೆಯಲಿದ್ದು, ಭಾಗವಹಿಸುವವರಿಗೆ ಉಚಿತ ಪ್ರವೇಶ ಲಭ್ಯವಿದೆ. ಎಲ್ಲಾ ತಂಡದ ಆಟಗಾರರಿಗೆ ಉಚಿತ ಪ್ರವೇಶಾತಿ, ಮಧ್ಯಾಹ್ನದ ಊಟ ದ ವ್ಯವಸ್ಥೆ ಇರುತ್ತದೆ.ಉಡುಪಿ ದ‌.ಕ ಜಿಲ್ಲೆಯ ಒಟ್ಟು 38 ಶಾಲಾ ಕಾಲೇಜಿನ ತಂಡಗಳು ಭಾಗವಹಿಸಲಿದೆ.

ಈ ಟೂರ್ನಮೆಂಟ್ ವಿದ್ಯಾರ್ಥಿಗಳ ಕ್ರಿಕೆಟ್ ಪ್ರತಿಭೆಯನ್ನು ಬೆಳೆಸಲು ಹಾಗೂ ಆರೋಗ್ಯಕರ ಸ್ಪರ್ಧಾತ್ಮಕ ಮನೋಭಾವವನ್ನು ಉತ್ತೇಜಿಸಲು ಉದ್ದೇಶಿಸಲಾಗಿದೆ. ಈ ಪಂದ್ಯಾವಳಿಯಲ್ಲಿ ಭಾಗವಹಿಸುವವರಿಗೆ ಒಳ್ಳೆಯ ಅನುಭವ ಹಾಗೂ ಕ್ರೀಡಾ ಸ್ಪರ್ಧೆಯಲ್ಲಿ ಉತ್ತಮ ಮಟ್ಟದ ಅವಕಾಶ ಸಿಗಲಿದೆ.

ಟೂರ್ನಮೆಂಟ್ ಕುರಿತು ಹೆಚ್ಚಿನ ಮಾಹಿತಿಗಾಗಿ, ಸಂಪರ್ಕಿಸಬೇಕಾದವರ ಪಟ್ಟಿಯಲ್ಲಿ ಚೇತನ್, ಪ್ರವೀಣ್, ಪ್ರಶಾಂತ್ ಅಥವಾ ಅಜೀಜ್ ಇವರು ನಿಗದಿಪಡಿಸಿರುವ ದೂರವಾಣಿ ಸಂಖ್ಯೆಗಳ ಮೂಲಕ ಸಂಪರ್ಕಿಸಬಹುದು.

ಈ ಟೂರ್ನಮೆಂಟನ್ನು ಉಡುಪಿ ಜಿಲ್ಲಾ ಟೆನಿಸ್ ಬಾಲ್ ಕ್ರಿಕೆಟ್ ಸಂಘದ ಅಧ್ಯಕ್ಷ ಗೌತಮ್ ಶೆಟ್ಟಿ ಕುಂದಾಪುರ ಜರುಗಿಸುತ್ತಿದ್ದಾರೆ. ಅವರು ಎಲ್ಲರಿಗೂ ಹೃತ್ಪೂರ್ವಕವಾಗಿ ಸ್ವಾಗತ ಕೋರಿದ್ದಾರೆ.

ಕ್ರಿಕೆಟ್ ಪ್ರೇಮಿಗಳು ಮತ್ತು ವಿದ್ಯಾರ್ಥಿಗಳಾದರೆ ಈ ಅವಕಾಶವನ್ನು ಕಳೆದುಕೊಳ್ಳಬೇಡಿ ಮತ್ತು ನಿಮ್ಮ ಪ್ರತಿಭೆಯನ್ನು ಪ್ರದರ್ಶಿಸಿ.