ದುಬೈನಲ್ಲಿ ‘ಮಿಸ್ಟರ್ ಕ್ರಿಕೆಟ್ ರಾಹುಲ್ ದ್ರಾವಿಡ್ ಕಪ್’ – ಸೀಸನ್ 1 ಆರಂಭ; ಟೆಕ್ನೋ ಟೈಟಾನ್ಸ್ ಗೆ  ಮೊದಲ ಪಂದ್ಯದಲ್ಲಿ ಶುಭಾರಂಭ

ದುಬೈನಲ್ಲಿ ‘ಮಿಸ್ಟರ್ ಕ್ರಿಕೆಟ್ ರಾಹುಲ್ ದ್ರಾವಿಡ್ ಕಪ್’ – ಸೀಸನ್ 1 ಆರಂಭ; ಟೆಕ್ನೋ ಟೈಟಾನ್ಸ್ ಗೆ  ಮೊದಲ ಪಂದ್ಯದಲ್ಲಿ ಶುಭಾರಂಭ

ಕ್ರಿಕೆಟ್ ಲೋಕದಲ್ಲಿ “ಗ್ರೇಟ್ ವಾಲ್ ಆಫ್ ಇಂಡಿಯಾ” ಎಂದೇ ಖ್ಯಾತರಾದ ರಾಹುಲ್ ದ್ರಾವಿಡ್ ಅವರ ಹೆಸರಿನಲ್ಲಿ ದುಬೈನಲ್ಲಿ ಕ್ರಿಕೆಟ್ ಪ್ರೀಮಿಯರ್ ಲೀಗ್ ಆಯೋಜನೆಗೊಂಡಿದೆ. ಈ ಟೂರ್ನಮೆಂಟನ್ನು ದುಬೈನಲ್ಲಿ ನೆಲೆಸಿರುವ ಕುಂದಾಪುರದ ಸೂರಾಲು ಮೂಲದ ಕ್ರಿಕೆಟ್ ಅಭಿಮಾನಿ ಹಾಗೂ ಟೆಕ್ನೋ ಟೈಟಾನ್ಸ್ ತಂಡದ ನಾಯಕ ವಿಠಲ ರಿಷಾನ್ ನಾಯಕ್ ನೇತೃತ್ವದಲ್ಲಿ ಆಯೋಜಿಸಲಾಗುತ್ತಿದೆ.

ಸೀಸನ್-1 ಕ್ರಿಕೆಟ್ ಟೂರ್ನಿಯು ನಿನ್ನೆ ಜೂನ್ 1ರಂದು ಪ್ರಾರಂಭವಾಗಿದ್ದು, ಜುಲೈ 20ರವರೆಗೆ ಪ್ರತಿ ಭಾನುವಾರ ನಡೆಯಲಿದೆ. ಪ್ರತಿಯೊಂದು ಪಂದ್ಯವೂ 15 ಓವರಿನ ಪಂದ್ಯವಾಗಿದ್ದು, ದುಬೈನ ವಿವಿಧ ಭಾಗಗಳಿಂದ ಆಯ್ಕೆಯಾದ 16 ಹೆಸರಾಂತ ತಂಡಗಳು ಈ ಟೂರ್ನಿಯಲ್ಲಿ ಭಾಗವಹಿಸುತ್ತಿವೆ. ಫೈನಲ್ ಪಂದ್ಯ ಜುಲೈ 20 ರಂದು ಅಜ್ಮಾನ್‌ನ ಗ್ರಾಸ್ ಗ್ರೌಂಡ್‌ನಲ್ಲಿ ನಡೆಯಲಿದೆ.

ಟೂರ್ನಿಯ ಮೊದಲ ಪಂದ್ಯ ನಿನ್ನೆ ಬ್ಲೂ ಮಾಸ್ಟರ್ಸ್ ಮತ್ತು ಟೆಕ್ನೋ ಟೈಟಾನ್ಸ್ ತಂಡಗಳ ಮಧ್ಯೆ ನಡೆಯಿತು. ಮೊದಲು ಬ್ಯಾಟ್ ಮಾಡಿದ ಬ್ಲೂ ಮಾಸ್ಟರ್ ತಂಡ ನಿಗದಿತ 15 ಓವರ್ ಗಳಲ್ಲಿ 105 ರನ್ ಗಳಿಸಿತು. ಇದಕ್ಕೆ ಉತ್ತರವಾಗಿ ಟೆಕ್ನೋ ಟೈಟಾನ್ಸ್ 10.3 ಓವರ್ ಗಳಲ್ಲಿ ಗುರಿಯನ್ನು ತಲುಪಿ ಆರು ವಿಕೆಟ್ ಗಳಿಂದ ಪಂದ್ಯವನ್ನು ಜಯಿಸಿತು. ಉತ್ತಮವಾಗಿ ಬೌಲಿಂಗ್ ಮಾಡಿದ ಟೆಕ್ನೋ ಟೈಟಾನ್ಸ್ ತಂಡದ ಆಟಗಾರ ನದೀರ್ ಪಂದ್ಯ ಶ್ರೇಷ್ಠ ಪ್ರಶಸ್ತಿಯನ್ನು ಗಳಿಸಿದರು

ಕೇರಳ, ಬಿಹಾರ್, ಮುಂಬೈ, ಕೊಲ್ಕತ್ತಾ, ತಮಿಳುನಾಡು, ರಾಜಸ್ಥಾನ ಹಾಗೂ ಕರ್ನಾಟಕದ ಉಡುಪಿ, ಮಂಗಳೂರು, ಕುಂದಾಪುರದ ಪ್ರತಿಭಾವಂತ ಆಟಗಾರರು ಪಾಲ್ಗೊಳ್ಳುತ್ತಿರುವ ಈ ಪಂದ್ಯಾವಳಿ ಯುಎಇಯಲ್ಲಿರುವ ಕ್ರಿಕೆಟ್ ಅಭಿಮಾನಿಗಳಲ್ಲಿ ಭಾರೀ ಆಸಕ್ತಿ ಹುಟ್ಟಿಸಿದೆ.