ಫ್ರೆಂಡ್ಸ್ ಕ್ರಿಕೆಟ್ ಲೀಗ್ ಸೀಸನ್–1ಕ್ಕೆ ಸಿದ್ಧತೆ ; ಬಕ್ಕರ್ ಮೆಮೋರಿಯಲ್ ಕ್ರಿಕೆಟ್ ಟೂರ್ನಮೆಂಟ್ಗೆ ಶ್ರೀನಿವಾಸಪುರ ಸಜ್ಜು
ಶ್ರೀನಿವಾಸಪುರ:
ಶ್ರೀನಿವಾಸಪುರದ ಕ್ರಿಕೆಟ್ ಅಭಿಮಾನಿಗಳ ನಿರೀಕ್ಷೆ ಹೆಚ್ಚಿಸುತ್ತಿರುವ ಫ್ರೆಂಡ್ಸ್ ಕ್ರಿಕೆಟ್ ಲೀಗ್ – ಸೀಸನ್ 1 , ಬಕ್ಕರ್ ಮೆಮೋರಿಯಲ್ ಕ್ರಿಕೆಟ್ ಟೂರ್ನಮೆಂಟ್ ಜನವರಿ 31ರಿಂದ ಫೆಬ್ರವರಿ 2, 2026ರವರೆಗೆ ಶ್ರೀನಿವಾಸಪುರದ ಈದ್ಗಾ ಮೈದಾನ (ಚಿಂತಾಮಣಿ ರಸ್ತೆ) ಯಲ್ಲಿ ನಡೆಯಲಿದೆ. ಫ್ರೆಂಡ್ಸ್ ಕ್ರಿಕೆಟರ್ಸ್ ಶ್ರೀನಿವಾಸಪುರ ಕ್ಲಬ್ ಆಶ್ರಯದಲ್ಲಿ ಈ ಪ್ರತಿಷ್ಠಿತ ಕ್ರಿಕೆಟ್ ಟೂರ್ನಮೆಂಟ್ ಆಯೋಜಿಸಲಾಗುತ್ತಿದೆ.
ಟೂರ್ನಮೆಂಟ್ನಲ್ಲಿ ಲೀಗ್ ಕಮ್ ನಾಕೌಟ್ ಮಾದರಿಯಲ್ಲಿ ಪಂದ್ಯಗಳು ನಡೆಯಲಿದ್ದು, ಪ್ರತಿ ಪಂದ್ಯವು 6 ಅಥವಾ 8 ಓವರ್ಗಳಾಗಿರಲಿದೆ. ವಿಲ್ಸನ್ ಕಂಪನಿಯ 4 ನಂಬರ್ ಬಾಲ್ ಬಳಸಲಾಗುವುದು. ಪ್ರತಿ ಪಂದ್ಯದಲ್ಲಿ 5 ಬೌಲರ್ಗಳು ಬೌಲಿಂಗ್ ಮಾಡಬಹುದಾಗಿದೆ. ಅಂಪೈರ್ ತೀರ್ಪೇ ಅಂತಿಮ ತೀರ್ಪಾಗಿರುತ್ತದೆ ಎಂದು ಆಯೋಜಕರು ತಿಳಿಸಿದ್ದಾರೆ.
ಟೂರ್ನಮೆಂಟ್ನಲ್ಲಿ ಭಾಗವಹಿಸುವ ಆಟಗಾರರು ಶ್ರೀನಿವಾಸಪುರ ತಾಲ್ಲೂಕಿನವರಾಗಿರಬೇಕು ಎಂಬ ನಿಯಮವಿದ್ದು, ಪ್ರತಿ ತಂಡದಲ್ಲಿ ಕೇವಲ ಒಬ್ಬ ಹೊರಗಿನ ಆಟಗಾರರನ್ನು ಮಾತ್ರ ಅವಕಾಶ ನೀಡಲಾಗಿದೆ. ಆಟಗಾರರು ಶೂ ಧರಿಸುವುದು ಕಡ್ಡಾಯವಾಗಿದ್ದು, ಜರ್ಸಿಯನ್ನು ಆಯೋಜಕರು ಒದಗಿಸಲಿದ್ದಾರೆ. ಪಂದ್ಯ ಆರಂಭಕ್ಕೂ ಕನಿಷ್ಠ 45 ನಿಮಿಷಗಳ ಮುಂಚಿತವಾಗಿ ತಂಡಗಳು ಮೈದಾನದಲ್ಲಿ ಹಾಜರಿರಬೇಕು.
ವಿಜೇತ ತಂಡಕ್ಕೆ ರೂ.1,00,000 ನಗದು ಬಹುಮಾನ ಹಾಗೂ ಟ್ರೋಫಿ, ರನ್ನರ್ಸ್ ತಂಡಕ್ಕೆ ರೂ.50,000 ನಗದು ಬಹುಮಾನ ಹಾಗೂ ಟ್ರೋಫಿ ನೀಡಲಾಗುವುದು. ತಂಡದ ನೋಂದಣಿ ಶುಲ್ಕವನ್ನು ರೂ.10,000 ಎಂದು ನಿಗದಿಪಡಿಸಲಾಗಿದೆ. ಆಟಗಾರರ ಹರಾಜು ಪ್ರಕ್ರಿಯೆ ಜನವರಿ 19, 2026ರಂದು ಎಸ್7 ಸ್ಪೋರ್ಟ್ಸ್ ಲೈವ್ ಮೂಲಕ ನೇರ ಪ್ರಸಾರವಾಗಲಿದೆ.
ಫ್ರೆಂಡ್ಸ್ ಕ್ರಿಕೆಟರ್ಸ್ ಶ್ರೀನಿವಾಸಪುರ ಕ್ಲಬ್ ಆಶ್ರಯದಲ್ಲಿ ಆಯೋಜಿಸಲಾಗಿರುವ ಈ ಲೀಗ್, ತಾಲ್ಲೂಕಿನ ಕ್ರಿಕೆಟ್ ಪ್ರತಿಭೆಗಳಿಗೆ ವೇದಿಕೆಯಾಗಿದ್ದು, ಸಂಘಟಿತ ಹಾಗೂ ಶಿಸ್ತುಬದ್ಧ ಕ್ರಿಕೆಟ್ಗೆ ಉತ್ತಮ ಅವಕಾಶವನ್ನು ಒದಗಿಸುತ್ತಿದೆ.
ಟೂರ್ನಮೆಂಟ್ಗೆ ಪ್ರವೇಶ ಪಡೆಯಲು ಆಧಾರ್ ಕಾರ್ಡ್, ಮತದಾರರ ಗುರುತಿನ ಚೀಟಿ ಅಥವಾ ರೇಷನ್ ಕಾರ್ಡ್ ಕಡ್ಡಾಯವಾಗಿದೆ. ಹರಾಜು ಫಾರ್ಮ್ ಶುಲ್ಕ ರೂ.300 ಆಗಿದ್ದು, ಪ್ರವೇಶಕ್ಕೆ ಕೊನೆಯ ದಿನಾಂಕ ಜನವರಿ 16, 2026 ಆಗಿದೆ.
ಹೆಚ್ಚಿನ ಮಾಹಿತಿಗಾಗಿ ಹಾಗೂ ತಂಡ ನೋಂದಣಿಗೆ ನೀಲು (9945674933), ಶೋಯಬ್ (9738336334), ಸಲ್ಮಾನ್ (7019159207) ಮತ್ತು ಉಮರ್ ಪಟೇಲ್ (7899297464) ಅವರನ್ನು ಸಂಪರ್ಕಿಸಬಹುದಾಗಿದೆ ಎಂದು ಆಯೋಜಕರು ತಿಳಿಸಿದ್ದಾರೆ.