ಚಿತ್ರದುರ್ಗದಲ್ಲಿ ರಾಜಾ ವೀರ ಮದಕರಿ ಕಪ್–2025 ರಾಷ್ಟ್ರಮಟ್ಟದ ಹೊನಲುಬೆಳಕಿನ ಕ್ರಿಕೆಟ್ ಟೂರ್ನಿ ಯಶಸ್ವಿ

ಚಿತ್ರದುರ್ಗ:
ದುರ್ಗಾ ಇಲೆವೆನ್ ಕ್ರಿಕೆಟರ್ಸ್, ಚಿತ್ರದುರ್ಗ ಇವರ ಆಶ್ರಯದಲ್ಲಿ ಆಯೋಜಿಸಲಾದ ರಾಜಾ ವೀರ ಮದಕರಿ ಕಪ್–2025 ರಾಷ್ಟ್ರಮಟ್ಟದ ಹೊನಲುಬೆಳಕಿನ ಕ್ರಿಕೆಟ್ ಟೂರ್ನಿ ನಗರದಲ್ಲಿ ಕ್ರೀಡಾಭಿಮಾನಿಗಳ ಭಾರೀ ಮೆಚ್ಚುಗೆಗೆ ಪಾತ್ರವಾಯಿತು. ಟೂರ್ನಿಯು ನಗರದ ಹಳೇ ಮಾಧ್ಯಮಿಕ ಶಾಲಾ ಆವರಣದಲ್ಲಿ ಭಾನುವಾರ ಸಂಭ್ರಮದಿಂದ ನಡೆಯಿತು.

ರೋಚಕ ಫೈನಲ್ ಪಂದ್ಯದಲ್ಲಿ SMCC ನ್ಯಾಶ್ ಬೆಂಗಳೂರು ತಂಡವು ಅತ್ಯುತ್ತಮ ಆಟ ಪ್ರದರ್ಶಿಸಿ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಿತು. ವಿಜೇತ ತಂಡಕ್ಕೆ ರೂ.2 ಲಕ್ಷ ನಗದು ಬಹುಮಾನ ನೀಡಲಾಯಿತು. ಫೈನಲ್‌ನಲ್ಲಿ ಪೈಪೋಟಿ ನೀಡಿದ ಜೈ ಕರ್ನಾಟಕ ಬೆಂಗಳೂರು ತಂಡವು ರನ್ನರ್ಸ್‌ಅಪ್ ಆಗಿ ರೂ.1 ಲಕ್ಷ ಬಹುಮಾನ ಪಡೆದುಕೊಂಡಿತು.

ಮೂರನೇ ಸ್ಥಾನವನ್ನು ಪಾಂಚಜನ್ಯ ಕೋಟ ತಂಡ ಪಡೆದುಕೊಂಡರೆ, ನಾಲ್ಕನೇ ಸ್ಥಾನವನ್ನು ಅಥರ್ವ ಶೃಂಗೇರಿ ತಂಡ ಗಳಿಸಿತು.

ವೈಯಕ್ತಿಕ ಸಾಧನೆಯಲ್ಲಿ,
ಅಥರ್ವ ಶೃಂಗೇರಿ ತಂಡದ ಲೆಫ್ಟಿ ಕಿರಣ್ ಅವರು ಬೆಸ್ಟ್ ಬ್ಯಾಟ್ಸ್‌ಮನ್ ಪ್ರಶಸ್ತಿಗೆ ಭಾಜನರಾದರು.
SMCC ನ್ಯಾಶ್ ಬೆಂಗಳೂರು ತಂಡದ ಪ್ರೀತೇಶ್ ಮೂಲ್ಕಿ ಅವರು ತಮ್ಮ ಮಾರಕ ಬೌಲಿಂಗ್ ಮೂಲಕ ಬೆಸ್ಟ್ ಬೌಲರ್ ಪ್ರಶಸ್ತಿಯನ್ನು ಪಡೆದುಕೊಂಡರು.
ಸಂಪೂರ್ಣ ಟೂರ್ನಿಯಲ್ಲಿನ ಸತತ ಪ್ರದರ್ಶನದ ಹಿನ್ನೆಲೆಯಲ್ಲಿ ಜೈ ಕರ್ನಾಟಕ ತಂಡದ ಡೇವಿಡ್ ಅರಸೀಕೆರೆ ಅವರಿಗೆ ಮ್ಯಾನ್ ಆಫ್ ದ ಸೀರೀಸ್ ಪ್ರಶಸ್ತಿ ಪ್ರದಾನಿಸಲಾಯಿತು. ಈ ಪ್ರಶಸ್ತಿಗೆ ರೂ.15,000 ನಗದು ಬಹುಮಾನವನ್ನು ದಾವಣಗೆರೆಯ ಜಯಪ್ರಕಾಶ್ ಗೌಡ್ರು ಅವರು ಪ್ರಾಯೋಜಿಸಿದ್ದರು.

ಟೂರ್ನಿಯ ಸಮಾರೋಪ ಸಮಾರಂಭದಲ್ಲಿ ಗಣ್ಯ ಅತಿಥಿಗಳು, ಆಯೋಜಕರು ಹಾಗೂ ಕ್ರೀಡಾಭಿಮಾನಿಗಳು ಉಪಸ್ಥಿತರಿದ್ದು, ಆಟಗಾರರಿಗೆ ಶುಭಾಶಯಗಳನ್ನು ಕೋರಿದರು. ಆಯೋಜಕರು ಯಶಸ್ವಿ ನಿರ್ವಹಣೆಗೆ ಎಲ್ಲರ ಸಹಕಾರವನ್ನು ಅಭಿನಂದಿಸಿದರು.