IND vs SA 2nd T20 ಟರ್ನಿಂಗ್ ಪಾಯಿಂಟ್.. ಭಾರತದ ಸೋಲಿಗೆ ಇದೇ ಕಾರಣ!

ದಕ್ಷಿಣ ಆಫ್ರಿಕಾ ವಿರುದ್ಧದ ಎರಡನೇ ಟಿ20ಯಲ್ಲಿ ಟೀಂ ಇಂಡಿಯಾ ಸೋಲು ಕಂಡಿದೆ. ಸೋಲು ಖಚಿತವಾಗಿದ್ದ ಈ ಪಂದ್ಯದಲ್ಲಿ ಭಾರತ ಗೆಲುವಿನ ಅವಕಾಶ ಸೃಷ್ಟಿಸಿತ್ತು. ಭಾನುವಾರ ನಡೆದ ಈ ರೋಚಕ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ 3 ವಿಕೆಟ್‌ಗಳಿಂದ ಟೀಂ ಇಂಡಿಯಾವನ್ನು ಮಣಿಸಿತು.

ಟೀಂ ಇಂಡಿಯಾದ ಸ್ಪಿನ್ ಆಲ್ ರೌಂಡರ್ ಅಕ್ಷರ್ ಪಟೇಲ್ ರನ್ ಔಟ್ ಆಗಿದ್ದು ಈ ಪಂದ್ಯದ ಮಹತ್ವದ ತಿರುವು.

ಹಾರ್ದಿಕ್ ಪಾಂಡ್ಯ ಮತ್ತು  ಅಕ್ಷರ್ ಪಟೇಲ್ ಮಧ್ಯದಲ್ಲಿ ಆಡುವ ಮೂಲಕ ಇನಿಂಗ್ಸ್ ಸುಧಾರಿಸಲು ಪ್ರಯತ್ನಿಸಿದರು. ಹಾರ್ದಿಕ್ ಪಾಂಡ್ಯ ಅವರೊಂದಿಗೆ ಅಕ್ಷರ್ ಪಟೇಲ್ ಇನ್ನಿಂಗ್ಸ್ ಮುಂದುವರಿಸಿದರು. ಬಲಿಷ್ಠ ಬ್ಯಾಟಿಂಗ್ ಪ್ರದರ್ಶಿಸಿದ ಅಕ್ಷರ್ ಪಟೇಲ್ 21 ಎಸೆತಗಳಲ್ಲಿ ನಾಲ್ಕು ಬೌಂಡರಿಗಳ ಸಹಿತ 27 ರನ್ ಗಳಿಸಿ ತಮ್ಮ ಶಕ್ತಿ ಪ್ರದರ್ಶಿಸಿದರು.

ಕ್ರೀಸ್‌ಗೆ ಅಣಿಯಾದರು ಎಂದು ಎಲ್ಲರೂ ಭಾವಿಸಿದಾಗ ಅಕ್ಷರ್ ಪಟೇಲ್ ಅವರನ್ನು ದುರದೃಷ್ಟ ಕಾಡಿತು. ವಿಚಿತ್ರ ರೀತಿಯಲ್ಲಿ ರನೌಟ್. ಹಾರ್ದಿಕ್ ಪಾಂಡ್ಯ ಅವರ ನೇರ ಹೊಡೆತದಿಂದ ( Straight drive) ನಾನ್ ಸ್ಟ್ರೈಕರ್ ಅಕ್ಷರ್ ಪಟೇಲ್ ರನೌಟ್ ಆದರು. ಚೆಂಡು ಬೌಲರ್‌ಗೆ ಬಡಿದಿದ್ದು, ಕ್ರೀಸ್‌ನ ಹೊರಗಿದ್ದ ಅಕ್ಷರ್ ವಿಕೆಟ್‌ಗೆ ಬಡಿದು ಪೆವಿಲಿಯನ್ ಸೇರಬೇಕಾಯಿತು. ಈ ರನ್ ಔಟ್ ಪಂದ್ಯಕ್ಕೆ ತಿರುವು ನೀಡಿತು.

ಇದು ಭಾರತದ ಸೋಲಿಗೆ ಪ್ರಮುಖ ಕಾರಣವಾಗಿತ್ತು. ಅಕ್ಷರ್ ಪಟೇಲ್ ಕೊನೆಯವರೆಗೂ ಬ್ಯಾಟಿಂಗ್ ಮುಂದುವರಿಸಿದ್ದರೆ ಭಾರತ ಇನ್ನಷ್ಟು ರನ್ ಗಳಿಸುತ್ತಿತ್ತು. 140-150 ರನ್ ಗಳಿಸಿದ್ದರೆ ಫಲಿತಾಂಶವೇ ಬೇರೆಯಾಗುತ್ತಿತ್ತು. ಕೊನೆಯಲ್ಲಿ ಹಾರ್ದಿಕ್ ಪಾಂಡ್ಯ ಅತಿಯಾದ ಆತ್ಮವಿಶ್ವಾಸದಿಂದ ಬಾಲ್ ಗಳನ್ನು ವೇಸ್ಟ್ ಮಾಡಿದ್ದರಿಂದ ಟೀಂ ಇಂಡಿಯಾ ನಿಗದಿತ 20 ಓವರ್ ಗಳಲ್ಲಿ 124 ರನ್ ಗಳಿಸಲು ಮಾತ್ರ ಸಾಧ್ಯವಾಯಿತು.

ಆ ಬಳಿಕ ದಕ್ಷಿಣ ಆಫ್ರಿಕಾವನ್ನು ಸ್ಪಿನ್ನರ್‌ಗಳು ಕಟ್ಟಿ ಹಾಕಿದರೂ ವೇಗಿಗಳು ಕೈ ಎತ್ತಿದ್ದರಿಂದ ತಂಡ 19 ಓವರ್‌ಗಳಲ್ಲಿ ಗುರಿ ತಲುಪಿತು.