RCB ಅಭಿಮಾನಿಗಳಿಗೆ ಬಿಗ್ ಶಾಕ್.. ರಾಯಲ್ ಚಾಲೆಂಜರ್ಸ್’ಗೆ ಕೊಹ್ಲಿ ಗುಡ್ ಬೈ..?

ಟೀಮ್ ಇಂಡಿಯಾದ ಮಾಜಿ ನಾಯಕ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಸೂಪರ್ ಸ್ಟಾರ್ ಕ್ರಿಕೆಟರ್, ಕಿಂಗ್ ಖ್ಯಾತಿಯ ವಿರಾಟ್ ಕೊಹ್ಲಿ RCBಗೆ ಗುಡ್ ಬೈ ಹೇಳಲಿದ್ದಾರಾ..? ಮುಂದಿನ ವರ್ಷದಿಂದ ವಿರಾಟ್ ಕೊಹ್ಲಿ ಐಪಿಎಲ್ ಟೂರ್ವಿಯಲ್ಲಿ ಆಡಲ್ವಾ..? ಇಂತಹ ಪ್ರಶ್ನೆಗಳು ಏಳುವಂತೆ ಮಾಡಿದೆ ಅದೊಂದು ಸುದ್ದಿ.

2008ರಲ್ಲಿ ಐಪಿಎಲ್ ಟೂರ್ನಿ ಆರಂಭವಾದ ದಿನದಿಂದ ವಿರಾಟ್ ಕೊಹ್ಲಿ ಆಡಿರುವುದು, ಆಡುತ್ತಾ ಬಂದಿರುವುದು ಒಂದೇ ತಂಡದ ಪರ, ಅದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ. ಕ್ರಿಕೆಟ್ ಇತಿಹಾಸದಲ್ಲೇ ಒಂದೇ ಫ್ರಾಂಚೈಸಿ ಪರ 18 ವರ್ಷ ಆಡಿದ ಆಟಗಾರ ಯಾರಾದರೂ ಇದ್ದರೆ ಅದು ಕಿಂಗ್ ವಿರಾಟ್ ಕೊಹ್ಲಿ. 2008ರಲ್ಲಿ ಆರ್.ಸಿ.ಬಿ ಫ್ರಾಂಚೈಸಿ ಸೇರಿದ್ದ ವಿರಾಟ್ ಕೊಹ್ಲಿ ಅಂದಿನಿಂದ ಇಂದಿನವರೆಗೂ ಚಾಲೆಂಜರ್ಸ್ ಪರ ರಾಯಲ್ ಆಟವಾಡುತ್ತಾ ಬಂದಿದ್ದಾರೆ. ಐಪಿಎಲ್ ಕಪ್ ಗೆಲ್ಲಲಾಗದ ಕೊರಗನ್ನು ಈ ವರ್ಷದ ಟೂರ್ನಿಯಲ್ಲಿ ನೀಗಿಸಿಕೊಂಡಿದ್ದಾರೆ . ಆದರೆ ಮುಂದಿನ ವರ್ಷದಿಂದ ವಿರಾಟ್ ಕೊಹ್ಲಿ ಐಪಿಎಲ್ ಟೂರ್ನಿಯಲ್ಲಿ ಆಡುವ ಬಗ್ಗೆ ಖಚಿಚತೆಯೂ ಇಲ್ಲ, ಸ್ಪಷ್ಟತೆಯೂ ಇಲ್ಲ. ಕಾರಣ, ವಿರಾಟ್ ಕೊಹ್ಲಿ ಅವರ ಅದೊಂದು ನಡೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಜೊತೆಗಿನ ಒಪ್ಪಂದ ನವೀಕರಣಕ್ಕೆ ಸಹಿ ಹಾಕಲು ವಿರಾಟ್ ಕೊಹ್ಲಿ ನಿರಾಕರಿಸಿದ್ದಾರೆ. ಇದು ಹಲವಾರು ಅನುಮಾನಗಳನ್ನು ಹುಟ್ಟು ಹಾಕಿದೆ.

ಐಪಿಎಲ್’ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಒಟ್ಟು 267 ಪಂದ್ಯಗಳನ್ನಾಡಿರುವ ವಿರಾಟ್ ಕೊಹ್ಲಿ 39.54ರ ಸರಾಸರಿಯಲ್ಲಿ 8 ಶತಕಗಳು ಮತ್ತು 63 ಅರ್ಧಶತಕಗಳ ಸಹಿತ 132.85ರ ಸ್ಟ್ರೈಕ್’ರೇಟ್’ನಲ್ಲಿ 8661 ರನ್ ಕಲೆ ಹಾಕಿದ್ದಾರೆ