ಮಹಾರಾಜಾ ಟ್ರೋಫಿ T20: ಮಳೆಯ ನಡುವೆ ಮಂಗಳೂರು ಡ್ರ್ಯಾಗನ್ಸ್ ಚಾಂಪಿಯನ್

ಮೈಸೂರು: 2025ರ ಮಹಾರಾಜಾ ಟ್ರೋಫಿ ಟಿ20 ಕ್ರಿಕೆಟ್ ಟೂರ್ನಿಯ ಫೈನಲ್‌ ಪಂದ್ಯದಲ್ಲಿ ಮಂಗಳೂರು ಡ್ರ್ಯಾಗನ್ಸ್‌ ತಂಡವು ಮಳೆಯ ಅಡಚಣೆಯ ನಡುವೆಯೂ ಹುಬ್ಬಳ್ಳಿ ಟೈಗರ್ಸ್‌ ವಿರುದ್ಧ ಜಯ ಸಾಧಿಸಿ, ಮೊದಲ ಬಾರಿಗೆ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಿದೆ. ಮೈಸೂರು ನಗರದ ಶ್ರೀಕಂಠದತ್ತ ನರಸಿಂಹರಾಜ ಒಡೆಯರ್ ಕ್ರೀಡಾಂಗಣದಲ್ಲಿ ಗುರುವಾರ ನಡೆದ ಪಂದ್ಯವು ಮಳೆ ಕಾರಣದಿಂದ ಅರ್ಧಕ್ಕೆ ನಿಂತಿದ್ದು, ವಿ ಜಯದೇವನ್ (VJD) ವಿಧಾನದಿಂದ ಫಲಿತಾಂಶ ನಿರ್ಧರಿಸಲಾಯಿತು.

ಹುಬ್ಬಳ್ಳಿ ಟೈಗರ್ಸ್‌ ನಾಯಕರು ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಮೊದಲ ಇನಿಂಗ್ಸ್‌ನಲ್ಲಿ ಅವರು 20 ಓವರ್‌ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 154 ರನ್ಗಳನ್ನು ಕಲೆ ಹಾಕಿದರು. ಮಂಗಳೂರು ಡ್ರ್ಯಾಗನ್ಸ್ ತಂಡ ಚೇಸ್ ಆರಂಭಿಸಿ 10.4 ಓವರ್‌ಗಳಲ್ಲಿ 2 ವಿಕೆಟ್ ಕಳೆದುಕೊಂಡು 85 ರನ್ ಗಳಿಸಿದ್ದಾಗ ಮಳೆ ಆರ್ಭಟಿಸಿತು. ಮುಂದೆ ಪಂದ್ಯವನ್ನು ಮುಂದುವರಿಸಲು ಸಾಧ್ಯವಾಗದ ಕಾರಣ, ನಿಯಮಾನುಸಾರ ಮಂಗಳೂರು ತಂಡವು 14 ರನ್ ಗಳಿಂದ ವಿಜೇತಎಂದು ಘೋಷಿಸಲಾಯಿತು.

ಈ ವಿಜಯದೊಂದಿಗೆ ಮಂಗಳೂರು ಡ್ರ್ಯಾಗನ್ಸ್ ಮಹಾರಾಜಾ ಟ್ರೋಫಿ ಜಯಿಸಿದ ನಾಲ್ಕನೇ ತಂಡವಾಗಿದೆ. ಅವರಿಗೆ ಪ್ರಶಸ್ತಿ ಜೊತೆ ₹15 ಲಕ್ಷ ನಗದು ಬಹುಮಾನ ನೀಡಲಾಯಿತು. ರನ್ನರ್ ಅಪ್ ಆಗಿ ಮುಕ್ತಾಯಗೊಳ್ಳಿದ ಹುಬ್ಬಳ್ಳಿ ಟೈಗರ್ಸ್‌ಗೆ ₹10 ಲಕ್ಷ ಬಹುಮಾನ ಲಭಿಸಿತು.

ಮಹಾರಾಜಾ ಟ್ರೋಫಿ ಟಿ20 ಟೂರ್ನಿಯ ಚಾಂಪಿಯನ್‌ ಪಟ್ಟ:

2022 – ಗುಲ್ಬರ್ಗ ಮಿಸ್ಟಿಕ್ಸ್

2023 – ಹುಬ್ಬಳ್ಳಿ ಟೈಗರ್ಸ್

2024 – ಮೈಸೂರು ವಾರಿಯರ್ಸ್

2025 – ಮಂಗಳೂರು ಡ್ರ್ಯಾಗನ್ಸ್ 

ಮಂಗಳೂರಿನ ಈ ಗೆಲುವು ತಂಡದ ಸುತ್ತಲೂ ಸಂಭ್ರಮದ ವಾತಾವರಣವನ್ನು ಸೃಷ್ಟಿಸಿದೆ. ಆಟಗಾರರ ಶಿಸ್ತು, ಉತ್ತಮ ತಂಡ ಒಗ್ಗಟ್ಟು ಮತ್ತು ಕ್ರಿಕೆಟ್ ಅಭಿಮಾನಿಗಳ ಬೆಂಬಲವೇ ಈ ಯಶಸ್ಸಿಗೆ ಮೂಲ ಕಾರಣ ಎಂದು ತಂಡದ ನಿರ್ವಾಹಕರು ತಿಳಿಸಿದ್ದಾರೆ.

The post ಮಹಾರಾಜಾ ಟ್ರೋಫಿ T20: ಮಳೆಯ ನಡುವೆ ಮಂಗಳೂರು ಡ್ರ್ಯಾಗನ್ಸ್ ಚಾಂಪಿಯನ್ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಮಹಾರಾಜಾ ಟ್ರೋಫಿ 2025 – ಮಹಾ ಫೈನಲ್ ಕಾದಾಟ

ಬೆಂಗಳೂರು: ಕರ್ನಾಟಕ ಕ್ರಿಕೆಟ್ ಅಭಿಮಾನಿಗಳು ಬಹಳ ನಿರೀಕ್ಷಿಸಿದ್ದ ಮಹಾರಾಜಾ ಟ್ರೋಫಿ ಟಿ–20 2025ರ ಫೈನಲ್ ಪಂದ್ಯ ಇಂದು ಸಂಚಲನ ಮೂಡಿಸಿದೆ. ಹುಬ್ಬಳ್ಳಿ ಟೈಗರ್ಸ್ ಹಾಗೂ ಮಂಗಳೂರು ಡ್ರಾಗನ್ಸ್ ತಂಡಗಳು ಕ್ರೀಡಾಂಗಣದಲ್ಲಿ ಮುಖಾಮುಖಿಯಾಗಿದ್ದು, ಉತ್ಸಾಹ, ಸಂಭ್ರಮ ಹಾಗೂ ರೋಮಾಂಚನದಿಂದ ಕಂಗೊಳಿಸುತ್ತಿದೆ.

ಹುಬ್ಬಳ್ಳಿ ಟೈಗರ್ಸ್ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಆರಂಭಿಕ ಬ್ಯಾಟ್ಸ್‌ಮನ್‌ಗಳು ಶಾಂತವಾಗಿ ಆಡಲು ಪ್ರಯತ್ನಿಸಿದರೂ ಮಂಗಳೂರು ಬೌಲರ್‌ಗಳು ಒತ್ತಡ ಮೂಡಿಸಿ ನಿರಂತರ ವಿಕೆಟ್‌ಗಳನ್ನು ಪಡೆದುಕೊಂಡರು. ಮಧ್ಯ ಓವರ್‌ಗಳಲ್ಲಿ ಟೈಗರ್ಸ್ ತಂಡ ಕಟ್ಟುನಿಟ್ಟಿನ ಹೋರಾಟ ನೀಡಿದರೂ ಡ್ರಾಗನ್ಸ್ ಬೌಲಿಂಗ್ ಕೌಶಲ್ಯ ಗಮನ ಸೆಳೆಯಿತು.

ಕ್ವಾಲಿಫೈಯರ್ 1ರಲ್ಲಿ ಹುಬ್ಬಳ್ಳಿ ಟೈಗರ್ಸ್ ಭರ್ಜರಿ ಪ್ರದರ್ಶನ ತೋರಿದ್ದು ಮಂಗಳೂರು ಡ್ರಾಗನ್ಸ್ ಅವರನ್ನು 110 ರನ್ ಗಳಿಂದ ಸೋಲಿಸಿ ನೇರವಾಗಿ ಫೈನಲ್‌ಗೆ ಕಾಲಿಟ್ಟಿದ್ದರು.

ನಂತರ ಕ್ವಾಲಿಫೈಯರ್ 2ರಲ್ಲಿ ಮಂಗಳೂರು ಡ್ರಾಗನ್ಸ್ ಬೆಂಗ್ಳೂರು ಬ್ಲಾಸ್ಟರ್ಸ್ ವಿರುದ್ಧ 7 ವಿಕೆಟ್‌ಗಳ ಜಯ ಸಾಧಿಸಿ ಮರುಪ್ರವೇಶ ಮಾಡಿ ಫೈನಲ್‌ ಪ್ರವೇಶ ಪಡೆದರು.

ಅಭಿಮಾನಿಗಳ ಕಣ್ಣು ಅಂತಿಮ ಫಲಿತಾಂಶದ ಕಡೆ

ಉಭಯ ತಂಡಗಳು ಸಮಬಲದ ಶಕ್ತಿ ಪ್ರದರ್ಶನ ಮಾಡುತ್ತಿರುವ ಹಿನ್ನೆಲೆಯಲ್ಲಿ, ಈ ಬಾರಿ ಚಾಂಪಿಯನ್ ಆಗುವವರು ಯಾರು ಎಂಬ ಕುತೂಹಲ ಗರಿಷ್ಠ ಮಟ್ಟಕ್ಕೇರಿದೆ. ಟೂರ್ನಮೆಂಟ್‌ವಿಡೀ ಉತ್ತಮ ಬ್ಯಾಟಿಂಗ್ ಹಾಗೂ ಬೌಲಿಂಗ್ ಪ್ರದರ್ಶನ ನೀಡಿದ ಎರಡೂ ತಂಡಗಳು ಇದೀಗ ಗೆಲುವಿನ ಹಂಬಲದಲ್ಲಿ ಮೈದಾನಕ್ಕಿಳಿದಿವೆ.

ಮಹಾರಾಜಾ ಟ್ರೋಫಿ 2025 ಫೈನಲ್ ಕರ್ನಾಟಕ ಕ್ರಿಕೆಟ್‌ನಲ್ಲಿ ಹೊಸ ಅಧ್ಯಾಯ ಬರೆಯುವಂತಾಗಿದೆ. ಹುಬ್ಬಳ್ಳಿ ಟೈಗರ್ಸ್ ಮೂರನೇ ಬಾರಿಗೆ ಕಿರೀಟ ಎತ್ತಲಿದೆಯೋ, ಅಥವಾ ಮಂಗಳೂರು ಡ್ರಾಗನ್ಸ್ ತಮ್ಮ ಮೊದಲ ಪ್ರಶಸ್ತಿಯನ್ನು ಮುಟ್ಟಲಿದೆಯೋ – ಅಭಿಮಾನಿಗಳು ತುದಿಗಾಲಿನಲ್ಲಿ ಕಾದಿದ್ದಾರೆ.

The post ಮಹಾರಾಜಾ ಟ್ರೋಫಿ 2025 – ಮಹಾ ಫೈನಲ್ ಕಾದಾಟ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ನಿಜವಾಯ್ತು ಸ್ಪೋರ್ಟ್ಸ್ ಕನ್ನಡ ವರದಿ, ರಣಜಿ ಟ್ರೋಫಿಗೆ ಅಭಿಲಾಷ್ ಶೆಟ್ಟಿ ಪಾದಾರ್ಪಣೆ!

 

ಉಡುಪಿ ಜಿಲ್ಲೆಯ ಕೋಟಾದ ಮೂಡು ಗಿಳಿಯಾರಿನ ಅಭಿಲಾಷ್ ಶೆಟ್ಟಿ ರಣಜಿ ಟ್ರೋಫಿಗೆ ಪಾದಾರ್ಪಣೆ ಮಾಡಿದ್ದಾರೆ.ಬಂಗಾಳ ವಿರುದ್ಧ ಬೆಂಗಳೂರಿನ ಎಂ.ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಬುಧವಾರ ಆರಂಭಗೊಂಡ ರಣಜಿ ಪಂದ್ಯದ ಮೂಲಕ ಅಭಿಲಾಷ್ ಶೆಟ್ಟಿ ಪ್ರಥಮದರ್ಜೆ ಕ್ರಿಕೆಟ್’ಗೆ ಕಾಲಿಟ್ಟರು.

ಬಂಗಾಳ ವಿರುದ್ಧ ರಣಜಿ ಟ್ರೋಫಿಗೆ ಅಭಿಲಾಷ್ ಶೆಟ್ಟಿ ಪಾದಾರ್ಪಣೆ ಮಾಡಲಿದ್ದಾರೆ ಎಂದು ‘ಸ್ಪೋರ್ಟ್ಸ್ ಕನ್ನಡ’ ವಾರದ ಹಿಂದೆಯೇ ವರದಿ ಮಾಡಿತ್ತು. ಆ ವರದಿ ನಿಜವಾಗಿದೆ.

ಮನೆಯಂಗಳದಲ್ಲೇ ರಣಜಿ ಪಾದಾರ್ಪಣೆಯ ಅದ್ಭುತ ಅವಕಾಶ ಪಡೆದ ಅಭಿಲಾಷ್ ಶೆಟ್ಟಿ, ಮೊದಲ ಪಂದ್ಯದಲ್ಲಿ 15 ಓವರ್ ಬೌಲಿಂಗ್ ಮಾಡಿ, 52 ರನ್ನಿತ್ತು 1 ವಿಕೆಟ್ ಪಡೆದರು. ಬಂಗಾಳದ ಅಲ್ವಿನ್ ಘೋಷ್ ಪ್ರಥಮದರ್ಜೆ ಕ್ರಿಕೆಟ್’ನಲ್ಲಿ ಕರಾವಳಿ ಹುಡುಗನ ಮೊದಲ ಬಲಿಯಾದರು.

ಟಾಸ್ ಸೋತು ಬ್ಯಾಟಿಂಗ್ ಆರಂಭಿಸಿರುವ ಬಂಗಾಳ ತಂಡ ಪ್ರಥಮ ದಿನದಂತ್ಯಕ್ಕೆ 78 ಓವರ್’ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 249 ರನ್ ಕಲೆ ಹಾಕಿದೆ. ಬಂಗಾಳ ಪರ ಅನುಸ್ತೂಪ್ ಮಂಜುಮ್ದಾರ್ ಅಮೋಘ ಶತಕ (101) ಬಾರಿಸಿದ್ರೆ, ಕರ್ನಾಟಕ ಪರ ಬಲಗೈ ಮಧ್ಯಮ ವೇಗಿ ವಿ.ಕೌಶಿಕ್ 18 ಓವರ್’ಗಳಲ್ಲಿ ಕೇವಲ 29 ರನ್ನಿತ್ತು 3 ವಿಕೆಟ್ ಪಡೆದಿದ್ದಾರೆ.

The post ನಿಜವಾಯ್ತು ಸ್ಪೋರ್ಟ್ಸ್ ಕನ್ನಡ ವರದಿ, ರಣಜಿ ಟ್ರೋಫಿಗೆ ಅಭಿಲಾಷ್ ಶೆಟ್ಟಿ ಪಾದಾರ್ಪಣೆ! appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಭಾರತ ತಂಡದ ಪರ ಆಡಬೇಕು, ದೇಶವನ್ನು ಪ್ರತಿನಿಧಿಸಬೇಕೆಂಬುದು ಕ್ರಿಕೆಟ್ ಆಡುವ ಪ್ರತಿಯೊಬ್ಬ ಹುಡುಗನ ಕನಸಾಗಿರುತ್ತದೆ. ಅದಕ್ಕೂ ಮೊದಲು ರಾಜ್ಯದ ಪರ ರಣಜಿ ಪಂದ್ಯವಾಡಬೇಕೆಂಬ ಕನಸು ಹೊತ್ತವರೂ ಇರುತ್ತಾರೆ. ಅಂತಹ ಆಟಗಾರರಲ್ಲಿ ಉಡುಪಿ ಜಿಲ್ಲೆಯ ಕೋಟಾದ ಮೂಡು ಗಿಳಿಯಾರಿನ ಹುಡುಗ ಅಭಿಲಾಷ್ ಶೆಟ್ಟಿ ಕೂಡ ಒಬ್ಬ.

ಪ್ರತಿಭಾವಂತ ಎಡಗೈ ಮಧ್ಯಮ ವೇಗದ ಬೌಲರ್ ಆಗಿರುವ ಅಭಿಲಾಷ್ ಶೆಟ್ಟಿ ಕಿರಿಯರ ಕ್ರಿಕೆಟ್’ನಲ್ಲಿ ಈಗಾಗಲೇ ಕರ್ನಾಟಕ ಪರ ಮಿಂಚು ಹರಿಸಿರುವ ಆಟಗಾರ. ಮಹಾರಾಜ ಟ್ರೋಫಿ ಟಿ20 ಟೂರ್ನಿ, ಡಾ.ತಿಮ್ಮಪ್ಪಯ್ಯ ಟ್ರೋಫಿ 4 ದಿನಗಳ ಪಂದ್ಯ ಸೇರಿದಂತೆ ಆಡಿರುವ ಬಹುತೇಕ ಟೂರ್ನಿಗಳಲ್ಲಿ ತಮ್ಮ ಎಡಗೈ ಸ್ವಿಂಗ್ ಬೌಲಿಂಗ್ ಮೂಲಕ ಗಮನ ಸೆಳೆದಿದ್ದಾರೆ. ಅದೇ ಆಧಾರದಲ್ಲಿ ರಾಜ್ಯ ರಣಜಿ ತಂಡಕ್ಕೆ ಆಯ್ಕೆಯಾಗಿರುವ ಅಭಿಲಾಷ್ ಶೆಟ್ಟಿಗೆ ಕಳೆದ ಮೂರು ರಣಜಿ ಪಂದ್ಯಗಳಲ್ಲಿ ಆಡುವ ಅವಕಾಶ ಸಿಕ್ಕಿಲ್ಲ. ಇದೀಗ ಅಭಿಲಾಷ್ ಶೆಟ್ಟಿ ರಣಜಿ ಪಾದಾರ್ಪಣೆಯ ಕ್ಷಣ ಹತ್ತಿರ ಬಂದಿರುವಂತೆ ಕಾಣುತ್ತಿದೆ.

ಬಂಗಾಳ ವಿರುದ್ಧ ನವೆಂಬರ್ 6ರಂದು ಬೆಂಗಳೂರಿನ ಎಂ.ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಆರಂಭವಾಗಲಿರುವ ಪಂದ್ಯದ ಮೂಲಕ ಅಭಿಲಾಷ್ ಶೆಟ್ಟಿ ರಣಜಿ ಕ್ರಿಕೆಟ್’ಗೆ ಪಾದಾರ್ಪಣೆ ಮಾಡುವ ಸಾಧ್ಯತೆಯಿದೆ.

ಬಂಗಾಳ ವಿರುದ್ಧದ ರಣಜಿ ಪಂದ್ಯಕ್ಕೆ ಕರ್ನಾಟಕ ತಂಡ ಹೀಗಿದೆ:
1. ಮಯಾಂಕ್ ಅಗರ್ವಾಲ್ (ನಾಯಕ)
2. ಮನೀಶ್ ಪಾಂಡೆ (ಉಪನಾಯಕ)
3. ನಿಕಿನ್ ಜೋಸ್
4. ಸ್ಮರಣ್ ಆರ್.
5. ಕಿಶನ್ ಬೆದರೆ
6. ಅಭಿನವ್ ಮನೋಹರ್
7. ಸುಜಯ್ ಸತೇರಿ (ವಿಕೆಟ್ ಕೀಪರ್)
8. ಲವ್ನೀತ್ ಸಿಸೋಡಿಯಾ (ವಿಕೆಟ್ ಕೀಪರ್)
9. ಶ್ರೇಯಸ್ ಗೋಪಾಲ್
10. ಹಾರ್ದಿಕ್ ರಾಜ್
11. ವಿದ್ಯಾಧರ್ ಪಾಟೀಲ್
12. ವಿ.ಕೌಶಿಕ್
13. ಅನೀಶ್ ಕೆ.ವಿ
14. ಮೊಹ್ಸಿನ್ ಖಾನ್
15. ಅಭಿಲಾಷ್ ಶೆಟ್ಟಿ
16. ಯಶೋವರ್ಧನ್ ಪ್ರತಾಪ್

The post ಉಡುಪಿಯ ಹುಡುಗನಿಗೆ ಒಲಿಯಲಿದೆಯೇ ಚೊಚ್ಚಲ ರಣಜಿ ಕ್ಯಾಪ್? appeared first on SportsKannada ಸ್ಪೋರ್ಟ್ಸ್ ಕನ್ನಡ.

The post ಸೈಯದ್ ಮುಷ್ತಾಕ್ ಅಲಿ ಟಿ20: ಕರ್ನಾಟಕ ಸಂಭಾವ್ಯರ ತಂಡದಲ್ಲಿ ಅಭಿಲಾಷ್ ಶೆಟ್ಟಿ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಬಂಗಾಳ ವಿರುದ್ಧ ಅಭಿಲಾಷ್ ಶೆಟ್ಟಿ ರಣಜಿ ಪಾದಾರ್ಪಣೆ ಸಾಧ್ಯತೆ!

ಉಡುಪಿಯ ಮೂಡು ಗಿಳಿಯಾರಿನ ಹುಡುಗ ಅಭಿಲಾಷ್ ಶೆಟ್ಟಿ, ಬಂಗಾಳ ವಿರುದ್ಧ ನವೆಂಬರ್ 6ರಂದು ರಣಜಿ ಕ್ರಿಕೆಟ್’ಗೆ ಪಾದಾರ್ಪಣೆ ಮಾಡುವ ಸಾಧ್ಯತೆಯಿದೆ. ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆಯ ಟೂರ್ನಿಗಳಲ್ಲಿ ಅಮೋಘ ಪ್ರದರ್ಶನ ತೋರಿರುವ ಅಭಿಲಾಷ್ ಶೆಟ್ಟಿ ಈ ಬಾರಿಯ ಕರ್ನಾಟಕ ರಣಜಿ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಮಧ್ಯಪ್ರದೇಶ, ಕೇರಳ ಹಾಗೂ ಬಿಹಾರ ತಂಡಗಳ ವಿರುದ್ಧದ ಪಂದ್ಯಗಳಿಗೆ ರಾಜ್ಯ ತಂಡದಲ್ಲಿ ಸ್ಥಾನ ಪಡೆದರೂ ಆಡುವ ಅವಕಾಶ ಸಿಕ್ಕಿರಲಿಲ್ಲ. ಇದೀಗ ಎಲೈಟ್ ಸಿ ಗುಂಪಿನಲ್ಲಿ ಕರ್ನಾಟಕದ ಮುಂದಿನ ಪಂದ್ಯ ನವೆಂಬರ್ 6ರಂದು ಬಂಗಾಳ ವಿರುದ್ಧ ಬೆಂಗಳೂರಲ್ಲಿ ಆರಂಭವಾಗಲಿದೆ. ಈ ಪಂದ್ಯದಲ್ಲಿ ಅಭಿಲಾಷ್ ಶೆಟ್ಟಿಗೆ ರಣಜಿ ಪಾದಾರ್ಪಣೆಯ ಅವಕಾಶ ಸಿಗುವ ಸಾಧ್ಯತೆಗಳು ದಟ್ಟವಾಗಿವೆ.

ಬಂಗಾಳ ವಿರುದ್ಧದ ರಣಜಿ ಪಂದ್ಯಕ್ಕೆ ಕರ್ನಾಟಕ ತಂಡ ಹೀಗಿದೆ:
1. ಮಯಾಂಕ್ ಅಗರ್ವಾಲ್ (ನಾಯಕ)
2. ಮನೀಶ್ ಪಾಂಡೆ (ಉಪನಾಯಕ)
3. ನಿಕಿನ್ ಜೋಸ್
4. ಸ್ಮರಣ್ ಆರ್.
5. ಕಿಶನ್ ಬೆದರೆ
6. ಅಭಿನವ್ ಮನೋಹರ್
7. ಸುಜಯ್ ಸತೇರಿ (ವಿಕೆಟ್ ಕೀಪರ್)
8. ಲವ್ನೀತ್ ಸಿಸೋಡಿಯಾ (ವಿಕೆಟ್ ಕೀಪರ್)
9. ಶ್ರೇಯಸ್ ಗೋಪಾಲ್
10. ಹಾರ್ದಿಕ್ ರಾಜ್
11. ವಿದ್ಯಾಧರ್ ಪಾಟೀಲ್
12. ವಿ.ಕೌಶಿಕ್
13. ಅನೀಶ್ ಕೆ.ವಿ
14. ಮೊಹ್ಸಿನ್ ಖಾನ್
15. ಅಭಿಲಾಷ್ ಶೆಟ್ಟಿ
16. ಯಶೋವರ್ಧನ್ ಪ್ರತಾಪ್

The post ಬಂಗಾಳ ವಿರುದ್ಧ ಅಭಿಲಾಷ್ ಶೆಟ್ಟಿ ರಣಜಿ ಪಾದಾರ್ಪಣೆ ಸಾಧ್ಯತೆ! appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಎಸ್.ಅರವಿಂದ್ ಅವರೇ ಕೊನೆ.. ಅವರ ನಿವೃತ್ತಿಯ ನಂತರ ಕರ್ನಾಟಕ ರಣಜಿ ತಂಡಕ್ಕೊಬ್ಬ ಸಮರ್ಥ ಎಡಗೈ ವೇಗದ ಬೌಲರ್ ಸಿಕ್ಕಿಲ್ಲ. ಬಲಗೈ ವೇಗಿಗಳಾಗಿ ವಿದ್ವತ್ ಕಾವೇರಪ್ಪ, ವೈಶಾಖ್ ವಿಜಯ್ ಕುಮಾರ್, ವಾಸುಕಿ ಕೌಶಿಕ್ ಗಮನ ಸೆಳೆಯುತ್ತಿದ್ದಾರೆ. ಅವಕಾಶ ಸಿಕ್ಕರೆ ವಿದ್ಯಾಧರ್ ಪಾಟೀಲ್ ರೆಡಿ ಇದ್ದಾರೆ. ಯುವ ಪ್ರತಿಭೆ ಸಮರ್ಥ್ ನಾಗರಾಜ್ ಅವಕಾಶಕ್ಕಾಗಿ ಕಾಯುತ್ತಿದ್ದಾರೆ. ಇವರೆಲ್ಲಾ ಬಲಗೈ ಮಧ್ಯಮ ವೇಗದ ಬೌಲರ್’ಗಳು.

ಸಾಲು ಸಾಲು ಬಲಗೈ ವೇಗದ ಬೌಲರ್’ಗಳ ಮಧ್ಯೆ ಕರ್ನಾಟಕದ ಭರವಸೆಯ ಎಡವೈ ವೇಗಿಯಾಗಿ ಕಾಣುತ್ತಿರುವುದು ಒಬ್ಬನೇ.. ಅದು ಉಡುಪಿ ಜಿಲ್ಲೆಯ ಕೋಟಾದ ಮೂಡು ಗಿಳಿಯಾರಿನ ಅಭಿಲಾಷ್ ಶೆಟ್ಟಿ.

ಅಭಿಲಾಷ್ ಶೆಟ್ಟಿ.. ಎಡಗೈ ಸ್ವಿಂಗ್ ಬೌಲರ್. ಹೊಸ ಚೆಂಡಿನಲ್ಲಿ ಅತ್ಯಂತ ಪರಿಣಾಮಕಾರಿ ಬೌಲರ್. ಚೆಂಡನ್ನು ಎರಡೂ ಕಡೆ ಸ್ವಿಂಗ್ ಮಾಡುವ ಸಾಮರ್ಥ್ಯವುಳ್ಳ ಪ್ರತಿಭಾವಂತ.. ಈ ಬಾರಿ ರಣಜಿ ಟ್ರೋಫಿ ಟೂರ್ನಿಗೆ ಪ್ರಕಟಿಸಲಾಗಿರುವ ಕರ್ನಾಟಕದ 36 ಮಂದಿ ಸಂಭಾವ್ಯರ ತಂಡದಲ್ಲಿ 25 ವರ್ಷದ ಅಭಿಲಾಷ್ ಶೆಟ್ಟಿ ಸ್ಥಾನ ಪಡೆದಿದ್ದಾರೆ.

ಈಗಾಗಲೇ ರಾಜ್ಯ ಕ್ರಿಕೆಟ್ ಸಂಸ್ಥೆಯ ಟೂರ್ನಿಗಳಲ್ಲಿ ಅಮೋಘ ಪ್ರದರ್ಶನ ತೋರಿರುವ ಅಭಿಲಾಷ್ ಶೆಟ್ಟಿ, ರಣಜಿ ಪದಾರ್ಪಣೆಯ ನಿರೀಕ್ಷೆಯಲ್ಲಿದ್ದಾರೆ. KSCA ಆಶ್ರಯದಲ್ಲಿ ನಡೆಯುತ್ತಿರುವ ಡಾ.ತಿಮ್ಮಪ್ಪಯ್ಯ ಟ್ರೋಫಿ ಪಂದ್ಯದಲ್ಲಿ ಅಭಿಲಾಷ್ ಶೆಟ್ಟಿ ತಮ್ಮ ಸ್ವಿಂಗ್ ಬೌಲಿಂಗ್ ಮೂಲಕ ಮಿಂಚಿದ್ದಾರೆ. ನಾಲ್ಕು ದಿನಗಳ ಪಂದ್ಯದಲ್ಲಿ, ಕೆಂಪು ಚೆಂಡಿನಲ್ಲಿ ಅದ್ಭುತ ದಾಳಿ ನಡೆಸುವ ಮೂಲಕ ರಾಜ್ಯ ಕ್ರಿಕೆಟ್ ಸಂಸ್ಥೆಯ ಆಯ್ಕೆ ಸಮಿತಿಯ ಗಮನ ಸೆಳೆದಿದ್ದಾರೆ.

2023ರ ಮಹಾರಾಜ ಟ್ರೋಫಿ ಟೂರ್ನಿಯಲ್ಲಿ 11 ಇನ್ನಿಂಗ್ಸ್’ಗಳಲ್ಲಿ 22 ವಿಕೆಟ್ ಪಡೆದು ಅತೀ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿ ಮೂಡಿ ಬಂದಿದ್ದ ಅಭಿಲಾಷ್ ಶೆಟ್ಟಿ, ಈ ಬಾರಿಯ ಮಹಾರಾಜ ಟ್ರೋಫಿ ಟೂರ್ನಿಯಲ್ಲಿ ಮಂಗಳೂರು ಡ್ರಾಗನ್ಸ್ ಪರ 10 ಪಂದ್ಯಗಳಿಂದ 11 ವಿಕೆಟ್ ಪಡೆದಿದ್ದರು.

ಅಷ್ಟೇ ಅಲ್ಲ, ಟಿ20 ಕ್ರಿಕೆಟ್’ನ ಪವರ್’ಪ್ಲೇನಲ್ಲಿ ಎರಡು ಮೇಡನ್ ಓವರ್’ಗಳನ್ನು ಎಸೆದು ಗಮನ ಸೆಳೆದಿದ್ದರು.

ಕರ್ನಾಟಕ ದಿಗ್ಗಜ ವೇಗದ ಬೌಲರ್, ಪೀಣ್ಯ ಎಕ್ಸ್’ಪ್ರೆಸ್ ಖ್ಯಾತಿಯ ಅಭಿಮನ್ಯು ಮಿಥನ್ ಬೆಂಗಳೂರಿನಲ್ಲಿ ಅಭಿಲಾಷ್ ಶೆಟ್ಟಿಗೆ ಬೌಲಿಂಗ್ ಪಾಠಗಳನ್ನು ಹೇಳಿ ಕೊಡುತ್ತಿದ್ದಾರೆ. ಬೆಂಗಳೂರಿನ ಹೊರವಲಯದಲ್ಲಿ ತಮ್ಮದೇ ರನ್ ಅಪ್ ಕ್ರಿಕೆಟ್ ಅಕಾಡೆಮಿಯಲ್ಲಿ ಮತ್ತು ಪ್ಯಾಲೇಸ್ ಗ್ರೌಂಡ್’ನಲ್ಲಿರುವ ಬ್ರಿಜೇಶ್ ಪಟೇಲ್ ಕ್ರಿಕೆಟ್ ಅಕಾಡೆಮಿಯಲ್ಲಿ ಮಿಥುನ್ ಗರಡಿಯಲ್ಲಿ ಪಳಗುತ್ತಿರುವ ಯುವ ವೇಗಿಗಳು ಒಬ್ಬರಲ್ಲ ಇಬ್ಬರಲ್ಲ.. ಅವರಲ್ಲಿ ಒಬ್ಬ ಈ ಅಭಿಲಾಷ್ ಶೆಟ್ಟಿ.

ರಣಜಿ ಸಂಭಾವ್ಯರ ಪಟ್ಟಿಯಲ್ಲಿ ಕಾಣಿಸಿಕೊಂಡಿರುವ ಅಭಿಲಾಷ್ ಶೆಟ್ಟಿ ಕರ್ನಾಟಕ ರಣಜಿ ತಂಡದಲ್ಲೂ ಸ್ಥಾನ ಪಡೆಯುವ ನಿರೀಕ್ಷೆಯಲ್ಲಿದ್ದಾರೆ.

The post ರಣಜಿ ಸಂಭಾವ್ಯರ ಪಟ್ಟಿಯಲ್ಲಿ ಉಡುಪಿಯ ಗಿಳಿಯಾರಿನ ಹುಡುಗ.. ರಣಜಿ ಪದಾರ್ಪಣೆಗೆ ಇನ್ನೊಂದೇ ಹೆಜ್ಜೆ! appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಕರುನಾಡ ಕ್ರಿಕೆಟ್ ಹಬ್ಬ ಖ್ಯಾತಿಯ ಮಹಾರಾಜ ಟ್ರೋಫಿ ಟಿ20 ಟೂರ್ನಿಗೆ ಇನು 10 ದಿನಗಳಷ್ಟೇ ಬಾಕಿ. 3ನೇ ಆವೃತ್ತಿಯ ಮಹಾರಾಜ ಟ್ರೋಫಿ ಟಿ20 ಟೂರ್ನಿ ಇದೇ ಆಗಸ್ಟ್ 15ರಂದು ಬೆಂಗಳೂರಿನ ಎಂ.ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಆರಂಭವಾಗಲಿದೆ.

ಟೂರ್ನಿಯ ಫೈನಲ್ ಪಂದ್ಯ ಸೆಪ್ಟೆಂಬರ್ 1ರಂದು ನಡೆಯಲಿದೆ. ಟೂರ್ನಿ ಎಲ್ಲಾ ಪಂದ್ಯಗಳಿಗೆ ಚಿನ್ನಸ್ವಾಮಿ ಕ್ರೀಡಾಂಗಣ ಆತಿಥ್ಯ ವಹಿಸಲಿದೆ.

ಮಹಾರಾಜ ಟ್ರೋಫಿ ಟೂರ್ನಿಗೆ ಬೆಂಗಳೂರು ಬ್ಲಾಸ್ಟರ್ಸ್, ಗುಲ್ಬರ್ಗ ಮಿಸ್ಟಿಕ್ಸ್, ಶಿವಮೊಗ್ಗ ಲಯನ್ಸ್, ಮೈಸೂರು ವಾರಿಯರ್ಸ್, ಮಂಗಳೂರು ಡ್ರಾಗನ್ಸ್ ಮತ್ತು ಹಾಲಿ ಚಾಂಪಿಯನ್ ಹುಬ್ಬಳ್ಳಿ ಟೈಗರ್ಸ್ ತಂಡಗಳು ಸಜ್ಜಾಗಿವೆ. ಆರೂ ಫ್ರಾಂಚೈಸಿಗಳು ತಮ್ಮ ತಂಡದ ನಾಯಕರನ್ನು ಹೆಸರಿಸಿವೆ. ಆರು ತಂಡಗಳ ಪೈಕಿ ನಾಲ್ಕು ಐದು ತಂಡಗಳನ್ನು ಕರ್ನಾಟಕದ ಹಾಲಿ ಮತ್ತು ಮಾಜಿ ರಣಜಿ ಹೀರೋಗಳು ಮುನ್ನಡೆಸಲಿದ್ದಾರೆ, ಒಂದು ತಂಡಗಳನ್ನು ಇನ್ನೂ ರಣಜಿ ಪಂದ್ಯವಾಡದ ನಿಹಾಲ್ ಉಳ್ಳಾಲ್ ಮುನ್ನಡೆಸಲಿದ್ದಾರೆ.

ಮಹಾರಾಜ ಟ್ರೋಫಿ ಟಿ20 ಟೂರ್ನಿ 2024: ಆರು ತಂಡಗಳ ನಾಯಕರು
ಬೆಂಗಳೂರು ಬ್ಲಾಸ್ಟರ್ಸ್: ಮಯಾಂಕ್ ಅಗರ್ವಾಲ್
ಗುಲ್ಬರ್ಗ ಮಿಸ್ಟಿಕ್ಸ್: ದೇವದತ್ತ್ ಪಡಿಕ್ಕಲ್
ಶಿವಮೊಗ್ಗ ಲಯನ್ಸ್: ನಿಹಾಲ್ ಉಳ್ಳಾಲ್
ಮೈಸೂರು ವಾರಿಯರ್ಸ್: ಕರುಣ್ ನಾಯರ್
ಮಂಗಳೂರು ಡ್ರಾಗನ್ಸ್: ಶ್ರೇಯಸ್ ಗೋಪಾಲ್
ಹುಬ್ಬಳ್ಳಿ ಟೈಗರ್ಸ್: ಮನೀಶ್ ಪಾಂಡೆ

ಮಹಾರಾಜ ಟ್ರೋಫಿ ಟಿ20 ಟೂರ್ನಿ 2024: ಸಂಪೂರ್ಣ ವೇಳಾಪಟ್ಟಿ ಹೀಗಿದೆ
ಆಗಸ್ಟ್ 15: ಬೆಂಗಳೂರು ಬ್ಲಾಸ್ಟರ್ಸ್ Vs ಗುಲ್ಬರ್ಗ ಮಿಸ್ಟಿಕ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 15: ಶಿವಮೊಗ್ಗ ಲಯನ್ಸ್ Vs ಮೈಸೂರು ವಾರಿಯರ್ಸ್ (ಸಂಜೆ 7ಕ್ಕೆ)

ಆಗಸ್ಟ್ 16: ಮಂಗಳೂರು ಡ್ರಾಗನ್ಸ್ Vs ಹುಬ್ಬಳ್ಳಿ ಟೈಗರ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 16: ಬೆಂಗಳೂರು ಬ್ಲಾಸ್ಟರ್ಸ್ Vs ಮೈಸೂರು ವಾರಿಯರ್ಸ್ (ಸಂಜೆ 7ಕ್ಕೆ)

ಆಗಸ್ಟ್ 17: ಶಿವಮೊಗ್ಗ ಲಯನ್ಸ್ Vs ಮಂಗಳೂರು ಡ್ರಾಗನ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 17: ಗುಲ್ಬರ್ಗ ಮಿಸ್ಟಿಕ್ಸ್ Vs ಹುಬ್ಬಳ್ಳಿ ಟೈಗರ್ಸ್ (ಸಂಜೆ 7ಕ್ಕೆ)

ಆಗಸ್ಟ್ 18: ಗುಲ್ಬರ್ಗ ಮಿಸ್ಟಿಕ್ಸ್ Vs ಮೈಸೂರು ವಾರಿಯರ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 18: ಬೆಂಗಳೂರು ಬ್ಲಾಸ್ಟರ್ಸ್ Vs ಶಿವಮೊಗ್ಗ ಲಯನ್ಸ್ (ಸಂಜೆ 7ಕ್ಕೆ)

ಆಗಸ್ಟ್ 19: ಬೆಂಗಳೂರು ಬ್ಲಾಸ್ಟರ್ಸ್ Vs ಹುಬ್ಬಳ್ಳಿ ಟೈಗರ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 19: ಮೈಸೂರು ವಾರಿಯರ್ಸ್ Vs ಮಂಗಳೂರು ಡ್ರಾಗನ್ಸ್ (ಸಂಜೆ 7ಕ್ಕೆ)

ಆಗಸ್ಟ್ 20: ಶಿವಮೊಗ್ಗ ಲಯನ್ಸ್ Vs ಹುಬ್ಬಳ್ಳಿ ಟೈಗರ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 20: ಗುಲ್ಬರ್ಗ ಮಿಸ್ಟಿಕ್ಸ್ Vs ಮಂಗಳೂರು ಡ್ರಾಗನ್ಸ್ (ಸಂಜೆ 7ಕ್ಕೆ)

ಆಗಸ್ಟ್ 21: ಶಿವಮೊಗ್ಗ ಲಯನ್ಸ್ Vs ಗುಲ್ಬರ್ಗ ಮಿಸ್ಟಿಕ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 21: ಮೈಸೂರು ವಾರಿಯರ್ಸ್ Vs ಹುಬ್ಬಳ್ಳಿ ಟೈಗರ್ಸ್ (ಸಂಜೆ 7ಕ್ಕೆ)

ಆಗಸ್ಟ್ 22: ಶಿವಮೊಗ್ಗ ಲಯನ್ಸ್ Vs ಮೈಸೂರು ವಾರಿಯರ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 22: ಬೆಂಗಳೂರು ಬ್ಲಾಸ್ಟರ್ಸ್ Vs ಮಂಗಳೂರು ಡ್ರಾಗನ್ಸ್ ( (ಸಂಜೆ 7ಕ್ಕೆ)

ಆಗಸ್ಟ್ 23: ಬೆಂಗಳೂರು ಬ್ಲಾಸ್ಟರ್ಸ್ Vs ಹುಬ್ಬಳ್ಳಿ ಟೈಗರ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 23: ಗುಲ್ಬರ್ಗ ಮಿಸ್ಟಿಕ್ಸ್ Vs ಮಂಗಳೂರು ಡ್ರಾಗನ್ಸ್ (ಸಂಜೆ 7ಕ್ಕೆ)

ಆಗಸ್ಟ್ 24: ಗುಲ್ಬರ್ಗ ಮಿಸ್ಟಿಕ್ಸ್ Vs ಮೈಸೂರು ವಾರಿಯರ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 24: ಶಿವಮೊಗ್ಗ ಲಯನ್ಸ್ Vs ಹುಬ್ಬಳ್ಳಿ ಟೈಗರ್ಸ್ (ಸಂಜೆ 7ಕ್ಕೆ)

ಆಗಸ್ಟ್ 25: ಬೆಂಗಳೂರು ಬ್ಲಾಸ್ಟರ್ಸ್ Vs ಮೈಸೂರು ವಾರಿಯರ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 25: ಶಿವಮೊಗ್ಗ ಲಯನ್ಸ್ Vs ಮಂಗಳೂರು ಡ್ರಾಗನ್ಸ್ (ಸಂಜೆ 7ಕ್ಕೆ)

ಆಗಸ್ಟ್ 26: ಮಂಗಳೂರು ಡ್ರಾಗನ್ಸ್ Vs ಹುಬ್ಬಳ್ಳಿ ಟೈಗರ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 26: ಗುಲ್ಬರ್ಗ ಮಿಸ್ಟಿಕ್ಸ್ Vs ಬೆಂಗಳೂರು ಬ್ಲಾಸ್ಟರ್ಸ್ (ಸಂಜೆ 7ಕ್ಕೆ)

ಆಗಸ್ಟ್ 27: ಗುಲ್ಬರ್ಗ ಮಿಸ್ಟಿಕ್ಸ್ Vs ಶಿವಮೊಗ್ಗ ಲಯನ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 27: ಹುಬ್ಬಳ್ಳಿ ಟೈಗರ್ಸ್ Vs ಮೈಸೂರು ವಾರಿಯರ್ಸ್ (ಸಂಜೆ 7ಕ್ಕೆ)

ಆಗಸ್ಟ್ 28: ಮಂಗಳೂರು ಡ್ರಾಗನ್ಸ್ Vs ಮೈಸೂರು ವಾರಿಯರ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 28: ಬೆಂಗಳೂರು ಬ್ಲಾಸ್ಟರ್ಸ್ Vs ಶಿವಮೊಗ್ಗ ಲಯನ್ಸ್ (ಸಂಜೆ 7ಕ್ಕೆ)

ಆಗಸ್ಟ್ 29: ಮಂಗಳೂರು ಡ್ರಾಗನ್ಸ್ Vs ಬೆಂಗಳೂರು ಬ್ಲಾಸ್ಟರ್ಸ್ (ಮಧ್ಯಾಹ್ನ 3ಕ್ಕೆ)
ಆಗಸ್ಟ್ 29: ಹುಬ್ಬಳ್ಳಿ ಟೈಗರ್ಸ್ Vs ಗುಲ್ಬರ್ಗ ಮಿಸ್ಟಿಕ್ಸ್ (ಸಂಜೆ 7ಕ್ಕೆ)

ಆಗಸ್ಟ್ 30: ಸೆಮಿಫೈನಲ್-1 (ಸಂಜೆ 7ಕ್ಕೆ)
ಆಗಸ್ಟ್ 31: ಸೆಮಿಫೈನಲ್-2 (ಸಂಜೆ 7ಕ್ಕೆ)

ಸೆಪ್ಟೆಂಬರ್ 01: ಫೈನಲ್ (ಸಂಜೆ 7ಕ್ಕೆ)

The post ಮಹಾರಾಜ ಟ್ರೋಫಿ ಟಿ20 ಟೂರ್ನಿ: ಆರು ತಂಡಗಳ ನಾಯಕರು ಇವರೇ! appeared first on SportsKannada ಸ್ಪೋರ್ಟ್ಸ್ ಕನ್ನಡ.