ತನ್ನತ್ತ ನುಗ್ಗಿ ಬಂದ ಕಲ್ಲುಗಳಿಂದಲೇ ಕೋಟೆ ಕಟ್ಟಿದ ಕನ್ನಡಿಗ..!

ಅವಮಾನಿಸಿದವರಿಂದಲೇ ಶಹಬ್ಬಾಸ್ ಎನ್ನಿಸಿಕೊಳ್ಳುವುದರಲ್ಲಿ ಸಿಗುವ ತೃಪ್ತಿ ಬಹುಶಃ ಬೇರೆ ಎಲ್ಲೂ ಸಿಗಲಾರದು.. ಕರ್ನಾಟಕದ ಕ್ರಿಕೆಟ್ ಹೆಮ್ಮೆ ಕೆ.ಎಲ್ ರಾಹುಲ್ ಈಗ ಅದೇ ತೃಪ್ತಿಯನ್ನು ಅನುಭವಿಸುತ್ತಿದ್ದಾನೆ..

ಇವತ್ತು ರಾಜ್’ಕೋಟ್’ನಲ್ಲಿ ರಾಹುಲ್ ಆಡಿದ ಇನ್ನಿಂಗ್ಸ್, ಬಾರಿಸಿದ ಶತಕ ಅವನ ಅಸೀಮ ಕೌಶಲ್ಯಕ್ಕೆ ಮತ್ತೊಂದು ಸಾಕ್ಷಿ ಅಷ್ಟೇ..

ಒಬ್ಬ ವ್ಯಕ್ತಿಯ ಮೇಲೆ ಪದೇ ಪದೇ ಪೆಟ್ಟು ಬೀಳುತ್ತಲೇ ಇದ್ದರೆ ಒಂದೋ ಆತ ಸೋತು ಕೈಚೆಲ್ಲುತ್ತಾನೆ, ಇಲ್ಲಾ.. ತಿರುಗಿ ಬೀಳುತ್ತಾನೆ.. ರಾಹುಲ್ ತಿರುಗಿ ಬಿದ್ದಿದ್ದಾನೆ, ಬೀಳುತ್ತಲೇ ಇದ್ದಾನೆ..

ಧೂಳಿನಿಂದ ಮತ್ತೆ ಮತ್ತೆ ಎದ್ದು ಬರುವ ವಿಚಾರದಲ್ಲಿ ರಾಹುಲ್ ಮತ್ತೊಬ್ಬ ರಾಹುಲ್ ದ್ರಾವಿಡ್.. ದ್ರಾವಿಡ್ ಅವರೂ ಕೂಡ ಅಷ್ಟೇ.. ಇಂಥದ್ದೇ ಟೀಕೆ, ಅವಮಾನಗಳನ್ನು ಎದುರಿಸಿಯೇ ದಿಗ್ಗಜನಾಗಿ ಬೆಳೆದು ನಿಂತದ್ದು. ಅವರ ಅದೃಷ್ಟ.. ದ್ರಾವಿಡ್ ಆಡುತ್ತಿದ್ದ ಕಾಲದಲ್ಲಿ ಈಗಿನಂತೆ ವಿಷ ಕಾರಲು ಸಾಮಾಜಿಕ ಜಾಲತಾಣ ಇರಲಿಲ್ಲ.. ಕ್ರಿಕೆಟ್ ಪಂಡಿತರ ರೂಪದಲ್ಲಿ ಕಾಣುವ ವಿಷಸರ್ಪಗಳೂ ಈಗಿನಷ್ಟು ವಿಷ ಕಾರುತ್ತಿರಲಿಲ್ಲ.

ಆದರೆ ರಾಹುಲ್..?
ಅದೆಷ್ಟು ಟೀಕೆಗಳು.. ಅದೆಷ್ಟು ಅವಮಾನಗಳು.. ಅದೆಷ್ಟು ಕಿಡಿನುಡಿಗಳು…
ಇವನು ಭಾರತ ಪರ ಆಡುತ್ತಿರುವುದೇ ಅಪರಾಧ ಎಂದವರು ಹಲವರು..
ಇವನ ಕ್ರಿಕೆಟ್ ಜೀವನವೇ scam ಎಂದವರು ಕೆಲವರು..
ಬಹುಶಃ ಇತ್ತೀಚಿನ ವರ್ಷಗಳಲ್ಲಿ ಕೆ.ಎಲ್ ರಾಹುಲ್’ನಷ್ಟು ವಿಷವುಂಡ ಕ್ರಿಕೆಟಿಗ ಮತ್ತೊಬ್ಬನಿಲ್ಲ.. ಎಲ್ಲಾ ವಿಷವನ್ನು ನುಂಗಿದ ರಾಹುಲ್ ಭಾರತ ಕ್ರಿಕೆಟ್ ತಂಡಕ್ಕೆ ಅಮೃತವನ್ನು ಉಣ ಬಡಿಸುತ್ತಿದ್ದಾನೆ. ಮತ್ತೆ ಮತ್ತೆ ಅಗ್ನಿಪರೀಕ್ಷೆಗಳನ್ನು ಗೆಲ್ಲುತ್ತಲೇ ಇದ್ದಾನೆ..

ಅದು ಟೆಸ್ಟ್ ಕ್ರಿಕೆಟ್ ಇರಲಿ, ಏಕದಿನ ಕ್ರಿಕೆಟ್ ಇರಲಿ.. ಇವತ್ತಿಗೆ ರಾಹುಲ್ ಭಾರತ ಕ್ರಿಕೆಟ್ ತಂಡದ ಆಪದ್ಬಾಂಧವ.. ಅದರಲ್ಲೂ ಏಕದಿನ ಕ್ರಿಕೆಟ್.. ಆರು ಕ್ರಮಾಂಕಗಳಲ್ಲಿ ಆರು ಗೇರ್’ಗಳಲ್ಲಿ ಆಡಬಲ್ಲ ಸ್ಪೆಷಲ್ ಕ್ರಿಕೆಟರ್ ರಾಹುಲ್.

ಟೆಸ್ಟ್ ಕ್ರಿಕೆಟ್’ನಲ್ಲಿ ಆರಂಭಿಕ.. ಏಕದಿನ ಕ್ರಿಕೆಟ್’ನಲ್ಲಿ 5ನೇ ಕ್ರಮಾಂಕ.. ಎರಡೂ ಕೂಡ ಬ್ಯಾಟಿಂಗ್’ಗೆ ಸುಲಭವಲ್ಲದ ಜಾಗಗಳು.
ಪ್ರತಿಕೂಲ ಸನ್ನಿವೇಶಗಳಲ್ಲಿ ಹೊಸ ಕೆಂಪು ಚೆಂಡನ್ನು ಎದುರಿಸಿ ನಿಂತು ಟೆಸ್ಟ್ ಕ್ರಿಕೆಟ್’ನಲ್ಲಿ ಶತಕ ಬಾರಿಸುವುದು, ಏಕದಿನ ಕ್ರಿಕೆಟ್’ನಲ್ಲಿ ಬೇರೆ ಬೇರೆ ಕ್ರಮಾಂಕಗಳಲ್ಲಿ ಆಡಿ ಇನ್ನಿಂಗ್ಸ್ ಕಟ್ಟುವುದು ಸುಲಭದ ಕೆಲಸ ಅಲ್ಲವೇ ಅಲ್ಲ..

ಅದರಲ್ಲೂ 50 ಓವರ್’ಗಳ ಮಾದರಿಯ ಕ್ರಿಕೆಟ್’ನಲ್ಲಿ 5ನೇ ಕ್ರಮಾಂಕದಲ್ಲಿ ಸ್ಥಿರತೆಯ ಆಟವಾಡಲು ಸಾಮಾನ್ಯ ಕೌಶಲ್ಯ ಸಾಲದು. ಕೆಲವೊಮ್ಮೆ ಅಲ್ಲಿ ಆಡಲು ಸಿಗುವುದೇ ಬೆರಳೆಣಿಕೆಯ ಎಸೆತಗಳಷ್ಟೇ.. ಫಿನಿಷರ್ ಜವಾಬ್ದಾರಿಯನ್ನು ನಿಭಾಯಿಸುವ ಹೊತ್ತಲ್ಲೇ ಅಗ್ರ ಮತ್ತು ಮಧ್ಯಮ ಕ್ರಮಾಂಕ ಮಕಾಡೆ ಮಲಗಿದರೆ ನೆಲ ಕಚ್ಚಿ ಆಡಬೇಕಾದ ಸನ್ನಿವೇಶ ಎದುರಾಗುತ್ತದೆ. ಒಂದೊಂದೂ ಪಂದ್ಯಗಳಲ್ಲಿ ಒಂದೊಂದು ಪಾತ್ರ, ಒಂದೊಂದು ಜವಾಬ್ದಾರಿ.. ಇದರ ಮಧ್ಯೆ ಪದೇ ಪದೇ ಬ್ಯಾಟಿಂಗ್ ಕ್ರಮಾಂಕಗಳಲ್ಲಿ ಬದಲಾವಣೆ.. ಎಲ್ಲದಕ್ಕೂ ಎದೆಕೊಟ್ಟು ನಿಲ್ಲಬೇಕಾದರೆ ಅವನು ‘ರಾಹುಲ್’ ಆಗಿರಲೇಬೇಕು.

‘’ನಾನು ಪ್ಲೇಯಿಂಗ್ XIನಲ್ಲಿ ಇದ್ದರೆ ಸಾಕು. ಅದಕ್ಕಾಗಿ ನಾನು ಏನು ಬೇಕಾದರೂ ಮಾಡಲು ಸಿದ್ಧ’’
ನ್ಯೂಜಿಲೆಂಡ್ ವಿರುದ್ಧದ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ಸಿಕ್ಸರ್ ಬಾರಿಸಿ ಭಾರತವನ್ನು ಗೆಲ್ಲಿಸಿದ ನಂತರ ರಾಹುಲ್ ಆಡಿದ್ದ ಮಾತಿದು.

ಏಕದಿನ ಕ್ರಿಕೆಟ್’ನಲ್ಲಿ 50+ ಬ್ಯಾಟಿಂಗ್ ಸರಾಸರಿಯ ನಡುವೆಯೂ ರಾಹುಲ್ ಈ ಮಾತು ಹೇಳುತ್ತಾನೆ ಎಂದರೆ ತಂಡದಲ್ಲಿ ಅವನ ಸ್ಥಾನದ ಬಗ್ಗೆ ಅದೆಷ್ಟು ಅಭದ್ರತೆ ಇದೆ ಎಂಬುದು ಅರ್ಥವಾಗುತ್ತದೆ. ಅಂಥಾ ಅಭದ್ರತೆಯನ್ನು ಸೃಷ್ಠಿ ಮಾಡಿದವರಿಗೆ ರಾಹುಲ್ ಮತ್ತೆ ಮತ್ತೆ ಆಟದಿಂದಲೇ ಉತ್ತರಿಸುತ್ತಿದ್ದಾನೆ.

ಕಾಲಚಕ್ರ ತಿರುಗುತ್ತಲೇ ಇರುತ್ತದೆ..

-ಸುದರ್ಶನ್

The post ತನ್ನತ್ತ ನುಗ್ಗಿ ಬಂದ ಕಲ್ಲುಗಳಿಂದಲೇ ಕೋಟೆ ಕಟ್ಟಿದ ಕನ್ನಡಿಗ..! appeared first on SportsKannada ಸ್ಪೋರ್ಟ್ಸ್ ಕನ್ನಡ.

IND vs SA: ನಾಯಕನಾಗಿ KL ರಾಹುಲ್.. ದಕ್ಷಿಣ ಆಫ್ರಿಕಾ ಎದುರಿಸಲಿರುವ ಭಾರತೀಯ ಏಕದಿನ ತಂಡ ಇಂತಿದೆ!

 

ದಕ್ಷಿಣ ಆಫ್ರಿಕಾ ವಿರುದ್ಧದ ಮೂರು ಪಂದ್ಯಗಳ ಏಕದಿನ ಸರಣಿಗೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಭಾರತೀಯ ತಂಡವನ್ನು ಪ್ರಕಟಿಸಿದೆ. 15 ಸದಸ್ಯರ ತಂಡದ ವಿವರಗಳನ್ನು ಭಾನುವಾರ ಬಹಿರಂಗಪಡಿಸಲಾಯಿತು. ಕುತ್ತಿಗೆ ನೋವಿನಿಂದಾಗಿ ನಾಯಕ ಶುಭಮನ್ ಗಿಲ್ ಸರಣಿಯಿಂದ ಹೊರಗುಳಿದಿದ್ದರೆ, ಕೆಎಲ್ ರಾಹುಲ್ ಅವರಿಗೆ ನಾಯಕತ್ವ ನೀಡಲಾಗಿದೆ. ಉಪನಾಯಕ ಶ್ರೇಯಸ್ ಅಯ್ಯರ್ ಕೂಡ ಗಾಯದಿಂದಾಗಿ ತಂಡದಿಂದ ಹೊರಗುಳಿದಿದ್ದಾರೆ.

ಹಿರಿಯ ಬ್ಯಾಟ್ಸ್‌ಮನ್‌ಗಳಾದ ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಅವರಿಗೆ ಮತ್ತೆ ಸ್ಥಾನ ನೀಡಲಾಗಿದ್ದು, ಜಸ್ಪ್ರೀತ್ ಬುಮ್ರಾ ಮತ್ತು ಮೊಹಮ್ಮದ್ ಸಿರಾಜ್ ಅವರಿಗೆ ಸರಣಿಗೆ ವಿಶ್ರಾಂತಿ ನೀಡಲಾಗಿದೆ. ಅಕ್ಷರ್ ಪಟೇಲ್ ಬದಲಿಗೆ ರವೀಂದ್ರ ಜಡೇಜಾ ಅವರಿಗೆ ಅವಕಾಶ ನೀಡಲಾಯಿತು, ಆದರೆ ಹಾರ್ದಿಕ್ ಪಾಂಡ್ಯ ಅವರನ್ನು ಆಯ್ಕೆ ಮಾಡಲಾಗಿಲ್ಲ. ಏಷ್ಯಾಕಪ್‌ನಲ್ಲಿ ಗಾಯಗೊಂಡಿದ್ದ ಹಾರ್ದಿಕ್ ಪಾಂಡ್ಯ ಪಂದ್ಯದ ಫಿಟ್‌ನೆಸ್ ಸಾಧಿಸಲು ಶ್ರಮಿಸುತ್ತಿದ್ದಾರೆ. ಆಯ್ಕೆದಾರರು ಮತ್ತೊಮ್ಮೆ ಮೊಹಮ್ಮದ್ ಶಮಿಗೆ ಹಠಮಾರಿ ಕೈ ತೋರಿಸಿದ್ದಾರೆ. ಅವರನ್ನು ಏಕದಿನ ಸರಣಿಗೂ ಪರಿಗಣಿಸಲಾಗಿಲ್ಲ.

ಭಾರತ-ಎ ಪರ ಹಾಗೂ ದೇಶೀಯವಾಗಿ ಅದ್ಭುತ ಪ್ರದರ್ಶನ ನೀಡಿರುವ ರುತುರಾಜ್ ಗಾಯಕ್ವಾಡ್ ಅವರನ್ನು ಈ ತಂಡದಲ್ಲಿ ಸೇರಿಸಿಕೊಳ್ಳಲಾಗಿದೆ. ರಿಷಭ್ ಪಂತ್ ಅವರಿಗೆ ಬ್ಯಾಕಪ್ ವಿಕೆಟ್ ಕೀಪರ್ ಆಗಿ ಅವಕಾಶ ನೀಡಲಾಗಿದ್ದು, ವಾಷಿಂಗ್ಟನ್ ಸುಂದರ್ ಮತ್ತು ರವೀಂದ್ರ ಜಡೇಜಾ ಅವರಿಗೆ ಸ್ಪಿನ್ ಆಲ್ ರೌಂಡರ್ ಆಗಿ ಅವಕಾಶ ನೀಡಲಾಗಿದೆ. ನಿತೀಶ್ ಕುಮಾರ್ ರೆಡ್ಡಿ ಅವರಿಗೆ ವೇಗಿಗಳಾಗಿ ಸ್ಥಾನ ನೀಡಲಾಗಿದೆ. ಹರ್ಷಿತ್ ರಾಣಾ, ಪ್ರಸಿದ್ಧ್ ಕೃಷ್ಣ ಮತ್ತು ಅರ್ಶ್ದೀಪ್ ಸಿಂಗ್ ಅವರಿಗೆ ವೇಗಿಗಳಾಗಿ ಅವಕಾಶ ನೀಡಲಾಗಿದ್ದು, ರುತುರಾಜ್ ಗಾಯಕ್ವಾಡ್, ತಿಲಕ್ ವರ್ಮಾ, ಧ್ರುವ್ ಜುರೆಲ್ ಮತ್ತು ಯಶಸ್ವಿ ಜೈಸ್ವಾಲ್ ಅವರನ್ನು ಬ್ಯಾಟ್ಸ್‌ಮನ್‌ಗಳಾಗಿ ಆಯ್ಕೆ ಮಾಡಲಾಗಿದೆ.

ನವೆಂಬರ್ 30 ರಂದು ರಾಂಚಿಯಲ್ಲಿ ನಡೆಯುವ ಮೊದಲ ಏಕದಿನ ಪಂದ್ಯದೊಂದಿಗೆ ಸರಣಿ ಆರಂಭವಾಗಲಿದೆ. ಎರಡನೇ ಏಕದಿನ ಪಂದ್ಯ ಡಿಸೆಂಬರ್ 3 ರಂದು ರಾಯ್‌ಪುರದಲ್ಲಿ ಮತ್ತು ಮೂರನೇ ಏಕದಿನ ಪಂದ್ಯ ಡಿಸೆಂಬರ್ 6 ರಂದು ವೈಜಾಗ್‌ನಲ್ಲಿ ನಡೆಯಲಿದೆ.

ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಸರಣಿಗೆ ಭಾರತ ತಂಡ:

ರೋಹಿತ್ ಶರ್ಮಾ, ಯಶಸ್ವಿ ಜೈಸ್ವಾಲ್, ವಿರಾಟ್ ಕೊಹ್ಲಿ, ತಿಲಕ್ ವರ್ಮಾ, ಕೆಎಲ್ ರಾಹುಲ್ (ನಾಯಕ), ರಿಷಭ್ ಪಂತ್, ವಾಷಿಂಗ್ಟನ್ ಸುಂದರ್, ರವೀಂದ್ರ ಜಡೇಜಾ, ಕುಲದೀಪ್ ಯಾದವ್, ನಿತೀಶ್ ಕುಮಾರ್ ರೆಡ್ಡಿ, ಹರ್ಷಿತ್ ರಾಣಾ, ರುತುರಾಜ್ ಗಾಯಕ್ವಾಡ್, ಪ್ರಸಿದ್ಧ್ ಕೃಷ್ಣ, ಅರ್ಶ್ದೀಪ್ ಸಿಂಗ್, ಧ್ರುವ ಜುರೆಲ್.

The post IND vs SA: ನಾಯಕನಾಗಿ KL ರಾಹುಲ್.. ದಕ್ಷಿಣ ಆಫ್ರಿಕಾ ಎದುರಿಸಲಿರುವ ಭಾರತೀಯ ಏಕದಿನ ತಂಡ ಇಂತಿದೆ! appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಪೆಟ್ಟು ಬಿದ್ದಷ್ಟೂ ಗಟ್ಟಿಯಾಗಿ ನಿಂತಿರುವ ಗರುಡಗಂಬ ಅವನು.. ಆ ಗರುಡಗಂಬ ಅಷ್ಟು ಸುಲಭದಲ್ಲಿ ಉರುಳದು..! 

ನೀವು ಅವನನ್ನು ನಡು ಸಮುದ್ರಕ್ಕೆ ತಳ್ಳಿ.. ಈಜಿ ದಡ ಸೇರುತ್ತಾನೆ.. 

ನೀವು ಅವನನ್ನು ಪ್ರಪಾತಕ್ಕೆ ತಳ್ಳಿ ಬಿಡಿ.. ಮೇಲೆದ್ದು ನಿಲ್ಲುತ್ತಾನೆ.. 

ಅವನನ್ನು ಮುಗಿಸಿ ಬಿಡಲು ಅದೆಷ್ಟೇ ಷಡ್ಯಂತ್ರ, ಕುತಂತ್ರಗಳು ನಡೆಯಲಿ.. ಅರ್ಜುನನಂತೆ ಚಕ್ರವ್ಯೂಹವನ್ನು ಭೇದಿಸಿ ಬಿಡುತ್ತಾನೆ. 

ಅವನೆಡೆಗೆ ಅದೆಷ್ಟೇ ಕಲ್ಲುಗಳನ್ನು ಎಸೆಯಲಿ.. ಆ ಕಲ್ಲುಗಳನ್ನೇ ಮೈಲುಗಲ್ಲುಗಳಾಗಿ ನೆಟ್ಟು ಬಿಡುತ್ತಾನೆ. ಅದೇ ಕಲ್ಲುಗಳಿಂದ ಮೆಟ್ಟಿಲುಗಳನ್ನು ಕಟ್ಟಿ ಯಶೋಶಿಖರ ಏರಿ ನಿಲ್ಲುತ್ತಾನೆ. 

ಅವನು ಎದುರಿಸಿದ ಟೀಕೆಗಳೆಷ್ಟೋ, ಮೂದಲಿಕೆಗಳೆಷ್ಟೋ.. 

ಬಹುಶಃ ಇತ್ತೀಚಿನ ವರ್ಷಗಳಲ್ಲಿ ರಾಹುಲ್’ನಷ್ಟು ದ್ವೇಷಕ್ಕೊಳಗಾದ ಕ್ರಿಕೆಟಿಗ ಈ ಜಗತ್ತಿನಲ್ಲಿ ಮತ್ತೊಬ್ಬ ಇರಲಾರ.. 

ಮುಗಿಸಲು ಹತ್ತಾರು ಮಂದಿ ನಿಂತು ಬಿಟ್ಟರೆ ಕಾಯಲು ಒಬ್ಬ ಇದ್ದೇ ಇರುತ್ತಾನೆ. ದ್ವೇಷ, ನೋವು, ಅವಮಾನ, ಅಸೂಯೆ, ಬೆನ್ನು ಬಿಡದ ಬೇತಾಳನಂತೆ ಕಾಡಿದ ಅತೃಪ್ತ ಆತ್ಮಗಳ ಕಾಟದ ಮಧ್ಯೆ

ರಾಹುಲ್’ನನ್ನು ಇಲ್ಲಿಯವರೆಗೆ ತಂದು ನಿಲ್ಲಿಸಿರುವುದು ಅವನ ಬದ್ಧತೆ, ಡೃಢತೆ, ನಿಯತ್ತು ಮತ್ತು ಪರಿಶ್ರಮ..

ರಾಹುಲ್ ಆಟಕ್ಕೆ, ಅವನೊಳಗೆ ಅಡಗಿರುವ ಅಸಾಧಾರಣ ಪ್ರತಿಭೆಗೆ ‘ಶಹಬ್ಬಾಸ್’ ಎಂಬ ಸರ್ಟಿಫಿಕೇಟ್ ಕೊಟ್ಟವರು ಸಾಮಾನ್ಯರಲ್ಲ, ಕ್ರಿಕೆಟ್ ಕಂಡ ಅಸಾಮಾನ್ಯರು. 

‘ನಿಮ್ಮ ನೆಚ್ಚಿನ ಭಾರತೀಯ ಬ್ಯಾಟ್ಸ್’ಮನ್ ಯಾರು’ ಎಂದು ಕೇಳಿದರೆ ವೆಸ್ಟ್ ಇಂಡೀಸ್ ದಿಗ್ಗಜ ಬ್ರಯಾನ್ ಲಾರಾ, ದಕ್ಷಿಣ ಆಫ್ರಿಕಾ ಲೆಜೆಂಡ್ ಡೇಲ್ ಸ್ಟೇನ್, ನ್ಯೂಜಿಲೆಂಡ್’ನ ಸರ್ವೋತ್ತಮ ಕೇನ್ ವಿಲಿಯಮ್ಸನ್ ರಾಹುಲ್ ಹೆಸರು ಹೇಳುತ್ತಾರೆ. ದೇಶಕ್ಕೆ ಮೊಟ್ಟ ಮೊದಲ ಕ್ರಿಕೆಟ್ ವಿಶ್ವಕಪ್ ಗೆದ್ದುಕೊಟ್ಟ ನಾಯಕ ದಿ ಗ್ರೇಟ್ ಕಪಿಲ್ ದೇವ್ ಅವರು ರಾಹುಲ್ ಪ್ರತಿಭೆಗೆ ತಲೆದೂಗುತ್ತಾರೆ. ಇದುವೇ ಅಲ್ಲವೇ ರಾಹುಲ್ ಸಾಮರ್ಥ್ಯಕ್ಕೆ ಸಿಕ್ಕ ಸರ್ಟಿಫಿಕೇಟ್..?

ಸಮಯ, ಸಂದರ್ಭ ಏನೇ ಇರಲಿ.. ಆಪತ್ತಿನ ಕಾಲದಲ್ಲಿ ಭಾರತ ಕ್ರಿಕೆಟ್ ತಂಡಕ್ಕೆ ನೆನಪಾಗುವವನು ರಾಹುಲ್. ಕಾರಣ, ಅವನು ಆಪತ್ಕಾಲದ ನೆಂಟ.. ಅವನಿಗೆ ವೈಯಕ್ತಿಕ ಸ್ವಾರ್ಥವಿಲ್ಲ. ತಂಡಕ್ಕಾಗಿ ಆಡುವ ನಿಸ್ವಾರ್ಥಿಯವನು. ಇಲ್ಲಿಯವರೆಗೆ ತನಗೆ ವಹಿಸಿದ ಪಾತ್ರಗಳನ್ನು ನಿರೀಕ್ಷೆಗೂ ಮೀರಿ ಅಚ್ಚುಕಟ್ಟಾಗಿ ನಿಭಾಯಿಸುತ್ತಾ ಬಂದವನನ್ನು ನಾಯಕತ್ವ ಮತ್ತೊಮ್ಮೆ ಹುಡುಕಿ ಬಂದಿದೆ.  

ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಸರಣಿಗೆ ಕೆ.ಎಲ್ ರಾಹುಲ್ ಭಾರತ ತಂಡದ ನಾಯಕ. 

ಹಾಗೆ ನೋಡಿದರೆ ರೋಹಿತ್ ಶರ್ಮಾ ನಂತರ ನ್ಯಾಯವಾಗಿ ಭಾರತ ತಂಡದ ನಾಯಕನಾಗಬೇಕಿದ್ದವನು ರಾಹುಲ್. 

ಧೋನಿ ನಾಯಕತ್ವದಲ್ಲಿ ಭಾರತ ತಂಡಕ್ಕೆ ಕಾಲಿಟ್ಟು, ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ ಪಳಗಿ, ರೋಹಿತ್ ಶರ್ಮಾ ಸಾರಥ್ಯದಲ್ಲಿ 

ಪ್ರಬುದ್ಧನೆನಿಸಿಕೊಂಡವನು ನಾಯಕತ್ವದ ಜವಾಬ್ದಾರಿಗೆ ಹೆಗಲು ಕೊಡಲು ಸರ್ವ ಸನ್ನದ್ಧನಾಗಿ ನಿಂತಿದ್ದ. 

ವಯಸ್ಸಿನ ಕಾರಣವೋ, ಕಾಣದ ಕೈಗಳ ಆಟವೋ..? ರಾಹುಲ್ ನಾಯಕತ್ವದ ಸ್ಪರ್ಧೆಯಿಂದಲೇ ಹೊರ ಬಿದ್ದು ಬಿಟ್ಟ.. ‘ಹೊರ ಬಿದ್ದ’ ಎನ್ನುವುದಕ್ಕಿಂತಲೂ ‘ಹೊರ ಹಾಕಿದರು’ ಎನ್ನುವುದೇ ಸೂಕ್ತ. 

ಅವನನ್ನು ಯಾವ ರೀತಿ ಕಾಡಿದರೆಂದರೆ, ಅವನ ನೆಚ್ಚಿನ ಬ್ಯಾಟಿಂಗ್ ಕ್ರಮಾಂಕಗಳನ್ನು ಅವನಿಂದ ಕಿತ್ತುಕೊಳ್ಳಲಾಯಿತು. ಅವನದ್ದಲ್ಲದ ಜಾಗಗಳಲ್ಲಿ ಆಡಿಸಲಾಯಿತು. 

ಆಟ ಬಲ್ಲವನಿಗೆ ಜಾಗ ಯಾವುದಾದರೇನು..? ಆಟಕ್ಕೆ ನಿಂತವನು ಕ್ರಿಕೆಟ್ ಜಗತ್ತೇ ತನ್ನೆಡೆಗೆ ತಿರುಗಿ ನೋಡುವಂತೆ ಆಡಿದ.. ಶರಂಪರ ದ್ವೇಷಿಸಿದವರೇ ಪ್ರೀತಿಸುವಂತೆ ಮಾಡಿದ.. ವೈಯಕ್ತಿಕ ತೇಜೋವಧೆಗಿಳಿದು ಟೀಕಿಸಿದವರು ‘ಬಿಲ’ ಸೇರುವಂತೆ ಬ್ಯಾಟ್ ಬೀಸಿದ.. ಅವನು ಮಾತನಾಡಲಿಲ್ಲ.. ಅವನ ಆಟ ಮಾತನಾಡಿತು. 

ರಾಹುಲ್’ನನ್ನು ಮತ್ತೆ ಭಾರತ ತಂಡದ ನಾಯಕನಾಗಿ ನೋಡುವುದು ‘ಕನಸು’ ಎಂದುಕೊಂಡಿದ್ದೆ. ಕ್ರಿಕೆಟ್ ದೇವತೆ ಅವನಿಗೆ ಮತ್ತೊಂದು ಅವಕಾಶ ಕೊಟ್ಟಿದ್ದಾಳೆ. ದೊಡ್ಡ ದೊಡ್ಡ ಆಟಗಾರರಿಲ್ಲದ ಅನನುಭವಿ ತಂಡವನ್ನು ಮುನ್ನಡೆಸಿ ದಕ್ಷಿಣ ಆಫ್ರಿಕಾದಲ್ಲಿ ಏಕದಿನ ಸರಣಿ ಗೆದ್ದವನು ಈಗ ಮತ್ತದೇ ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಸರಣಿಗೆ ಭಾರತ ತಂಡದ ನಾಯಕನಾಗಿ ಆಯ್ಕೆಯಾಗಿದ್ದಾನೆ. 

ರಾಹುಲ್ ಮತ್ತೆ ಮತ್ತೆ ಪ್ರಸ್ತುತನಾಗುತ್ತಲೇ ಇದ್ದಾನೆ..! 

-ಸುದರ್ಶನ್

The post ಪೆಟ್ಟು ಬಿದ್ದಷ್ಟೂ ಗಟ್ಟಿಯಾಗಿ ನಿಂತಿರುವ ಗರುಡಗಂಬ ಅವನು.. ಆ ಗರುಡಗಂಬ ಅಷ್ಟು ಸುಲಭದಲ್ಲಿ ಉರುಳದು..!  appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಬ್ಯಾಟಿಂಗ್ ಕ್ರಮಾಂಕದ ಬದಲಾವಣೆಯ ನಡುವೆಯೂ ಸ್ಥಿರತೆ ತೋರುತ್ತಿರುವ ಕೆ.ಎಲ್. ರಾಹುಲ್

ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಎರಡನೇ ಏಕದಿನ ಪಂದ್ಯ ಗುರುವಾರ ಅಡಿಲೇಡ್‌ನಲ್ಲಿ ಆರಂಭವಾಗಲಿದೆ. ಈ ಪಂದ್ಯದಲ್ಲಿ ಗೆಲುವು ಸಾಧಿಸಿದರೆ ಮಾತ್ರ ಭಾರತ ಸರಣಿ ಗೆಲ್ಲುವ ಅವಕಾಶವನ್ನು ಪಡೆಯುತ್ತದೆ.

ಈ ಪರಿಸ್ಥಿತಿಯಲ್ಲಿ, ಮೊದಲ ODI ನಲ್ಲಿ ರಾಹುಲ್ ಐದನೇ ಸ್ಥಾನದಲ್ಲಿ ಬ್ಯಾಟಿಂಗ್ ಮಾಡುವ ನಿರೀಕ್ಷೆಯಿತ್ತು. ಆದರೆ ಅಕ್ಷರ್ ಪಟೇಲ್ ಅವರಿಗೆ ಅವರಿಗಿಂತ ಮೊದಲು ಆಡಲು ಅವಕಾಶ ನೀಡಲಾಯಿತು. ಈ ಕಾರಣದಿಂದಾಗಿ, ರಾಹುಲ್ ಆರನೇ ಸ್ಥಾನದಲ್ಲಿ ಬ್ಯಾಟಿಂಗ್ ಮಾಡಿದರು.

ಆದರೆ, ಅವರು 31 ಎಸೆತಗಳಲ್ಲಿ 38 ರನ್ ಗಳಿಸಿದರು. ಭಾರತೀಯ ತಂಡದ ಆಡಳಿತವು ಅವರನ್ನು ಇಚ್ಛೆಯಂತೆ ಬದಲಾಯಿಸುತ್ತಿದೆ ಮತ್ತು ಅವರು ಬ್ಯಾಟಿಂಗ್ ಕ್ರಮಾಂಕದ ಎಲ್ಲಾ 11 ಸ್ಥಾನಗಳಲ್ಲಿ ಆಡಿದ್ದಾರೆ. ಪರಿಸ್ಥಿತಿಗೆ ಅನುಗುಣವಾಗಿ ಅವರು ಪ್ರತಿ ಬಾರಿಯೂ ಅವರನ್ನು ಬದಲಾಯಿಸುತ್ತಾರೆ.

ಅಂತಹ ಬ್ಯಾಟ್ಸ್‌ಮನ್ ಒಂದು ನಿರ್ದಿಷ್ಟ ಹಂತವನ್ನು ಮೀರಿ ತನ್ನನ್ನು ತಾನು ಬದಲಾಯಿಸಿಕೊಳ್ಳುವುದು ಕಷ್ಟಕರವಾಗುತ್ತದೆ. ರಾಹುಲ್ ತನಗೆ ಯಾವುದೇ ಪಾತ್ರ ನೀಡಿದರೂ ಅದನ್ನು ಉತ್ತಮವಾಗಿ ನಿರ್ವಹಿಸುವ ಆಟಗಾರನಾಗಿದ್ದಾನೆ. ಅವರು ಕಠಿಣ ಪಿಚ್‌ಗಳಲ್ಲಿ ಭಾರತಕ್ಕಾಗಿ ಸಾಕಷ್ಟು ರನ್ ಗಳಿಸುತ್ತಿದ್ದಾರೆ. ಅದಕ್ಕಾಗಿಯೇ ಬ್ಯಾಟಿಂಗ್ ಕ್ರಮಾಂಕವನ್ನು ಆಗಾಗ್ಗೆ ಬದಲಾಯಿಸುವುದು ಆಟಗಾರನ ಆತ್ಮವಿಶ್ವಾಸವನ್ನು ಹಾಳು ಮಾಡುತ್ತದೆ.

ಆದರೆ, ಅವರು ಈ ಎಲ್ಲಾ ಸನ್ನಿವೇಶಗಳೊಂದಿಗೆ ಆಡುತ್ತಿದ್ದಾರೆ. ಅವರು ವಿಕೆಟ್ ಕೀಪರ್ ಕೂಡ. ರಾಹುಲ್ ಭಾರತದಲ್ಲಿ ಬಹುಮುಖ ಆಟಗಾರ. ಕೆ.ಎಲ್. ರಾಹುಲ್ ಭಾರತೀಯ ಕ್ರಿಕೆಟ್ ತಂಡದ ಪ್ರಮುಖ ಅಸ್ತ್ರವಾಗಿದ್ದು, ಯಾವ ಪಾತ್ರ ನೀಡಿದರೂ ಅದನ್ನು ಸಮರ್ಪಕವಾಗಿ ನಿರ್ವಹಿಸುವ ಅಪರೂಪದ ಆಟಗಾರರಲ್ಲೊಬ್ಬರು. ಅವರ ಸ್ಥಿರ ಮನೋಭಾವ ಮತ್ತು ತಾಳ್ಮೆಯ ಆಟ ಭಾರತಕ್ಕೆ ಮುಂದಿನ ಪಂದ್ಯಗಳಲ್ಲಿ ಬಹುಮುಖ್ಯವಾಗಲಿದೆ

The post ಬ್ಯಾಟಿಂಗ್ ಕ್ರಮಾಂಕದ ಬದಲಾವಣೆಯ ನಡುವೆಯೂ ಸ್ಥಿರತೆ ತೋರುತ್ತಿರುವ ಕೆ.ಎಲ್. ರಾಹುಲ್ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಲಾರ್ಡ್ಸ್ ಮೈದಾನದಲ್ಲಿ ನಡೆಯುತ್ತಿರುವ ಭಾರತ-ಇಂಗ್ಲೆಂಡ್ ನಡುವಿನ ಮೂರನೇ ಟೆಸ್ಟ್ ಪಂದ್ಯ ರೋಮಾಂಚಕಾರಿಯಾದ ತಿರುವು ಪಡೆದುಕೊಂಡಿದೆ. ಆತಿಥೇಯ ಇಂಗ್ಲೆಂಡ್ ತನ್ನ ಮೊದಲ ಇನ್ನಿಂಗ್ಸ್‌ನಲ್ಲಿ 387 ರನ್ ಗಳಿಸಿದರೆ, ಭಾರತವು ಉತ್ತರವಾಗಿ ಮೂರನೇ ದಿನದಾಟದ ಅಂತ್ಯಕ್ಕೆ ಅದೇ ಮೊತ್ತ 387 ರನ್ ಗಳಿಸಿ ಆಲೌಟ್ ಆಯಿತು. ದಿನದಾಟದ ಕೊನೆಗೆ ಇಂಗ್ಲೆಂಡ್ ವಿಕೆಟ್ ಕಳೆದುಕೊಳ್ಳದೆ ಎರಡು ರನ್ ಗಳಿಸಿದೆ.

ಭಾರತದ ಪರವಾಗಿ ಆರಂಭಿಕ ಬ್ಯಾಟ್ಸ್‌ಮನ್ ಕೆಎಲ್ ರಾಹುಲ್ ಅವರು ವೀರೋಚಿತ ಶತಕ (100 ರನ್) ದಾಖಲಿಸಿ ತಂಡಕ್ಕೆ ಭದ್ರ ಆಧಾರ ನೀಡಿದರು. 177 ಎಸೆತಗಳಲ್ಲಿ 13 ಬೌಂಡರಿಗಳೊಂದಿಗೆ ರಾಹುಲ್ ಅವರ ಈ ಇನ್ನಿಂಗ್ಸ್ ಶ್ರೇಷ್ಠವಾದದ್ದು. ತಮ್ಮ ಈ ಶತಕದ ಮೂಲಕ ಅವರು ಲಾರ್ಡ್ಸ್‌ನಲ್ಲಿ ಸತತ ಎರಡನೇ ಬಾರಿ ಶತಕ ಬಾರಿಸುವ ಸಾಧನೆ ಮಾಡಿದ್ದಾರೆ.

ಗಾಯದ ಹೊರತಾಗಿಯೂ ಬ್ಯಾಟಿಂಗ್‌ಗೆ ಬಂದ ರಿಷಭ್ ಪಂತ್ (74) ಅವರ ದಿಟ್ಟ ಹೋರಾಟದ ಮನೋಭಾವವನ್ನು ಸಹ ಉಲ್ಲೇಖಿಸಬೇಕಾಗಿದೆ. ಅವರು 112 ಎಸೆತಗಳಲ್ಲಿ 8 ಬೌಂಡರಿ ಮತ್ತು 2 ಸಿಕ್ಸರ್‌ಗಳ ಸಹಿತ ಅಗ್ರೇಸಿವ್ ಇನ್ನಿಂಗ್ಸ್ ಆಡಿದರು. ಜೊತೆಗೆ ಸಾಥ್ ನೀಡಿದ ರವೀಂದ್ರ ಜಡೇಜಾ (72) ಅವರು ಕೂಡಾ ಅಚ್ಚುಕಟ್ಟಾದ ಪ್ರದರ್ಶನ ನೀಡಿದ್ದು, 131 ಎಸೆತಗಳಲ್ಲಿ 8 ಬೌಂಡರಿ ಮತ್ತು 1 ಸಿಕ್ಸರ್ ಬಾರಿಸಿದರು.

ಇದೇ ರೀತಿ ಮಧ್ಯಮ ಕ್ರಮಾಂಕದಲ್ಲಿ ನಿತೀಶ್ ರೆಡ್ಡಿ (30) ಮತ್ತು ವಾಷಿಂಗ್ಟನ್ ಸುಂದರ್ (23) ಉತ್ತಮ ಕೊಡುಗೆ ನೀಡಿದರು. ಇಂಗ್ಲೆಂಡ್ ಬೌಲರ್‌ಗಳು ತೀವ್ರ ಶ್ರಮ ಪಟ್ಟು ಭಾರತವನ್ನು ಆಲೌಟ್ ಮಾಡಿದರು.

ಮೊದಲ ಇನ್ನಿಂಗ್ಸ್ ನ ಆಟದ ನಂತರ ಪಂದ್ಯ ಸದ್ಯ ಅತೀ ಸಮಬಲದ ಸ್ಥಿತಿಯಲ್ಲಿದೆ. ಮುಂದಿನ ದಿನಗಳ ಆಟದಲ್ಲಿ ಎರಡೂ ತಂಡಗಳ ತಂತ್ರಗಳು ಪಂದ್ಯ ಫಲಿತಾಂಶ ನಿರ್ಧಾರಕ್ಕೆ ಪ್ರಮುಖವಾಗಲಿವೆ.

The post ಲಾರ್ಡ್ಸ್‌ನಲ್ಲಿ ಶತಕ ಬಾರಿಸಿದ ರಾಹುಲ್! ಮಿಂಚಿದ ರಿಷಭ್ ಮತ್ತು ಜಡ್ಡು; ಇಂಗ್ಲೆಂಡ್‌ನಷ್ಟೇ ಸ್ಕೋರ್‌ ಮಾಡಿ ಭಾರತ ಆಲೌಟ್ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಟೀಮ್ ಇಂಡಿಯಾವನ್ನು ರಕ್ಷಿಸಿದ ಕನ್ನಡ ವೀರ!

The post ಟೀಮ್ ಇಂಡಿಯಾವನ್ನು ರಕ್ಷಿಸಿದ ಕನ್ನಡ ವೀರ! appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಚಾಂಪಿಯನ್ಸ್ ಟ್ರೋಫಿ.. ಐಪಿಎಲ್.. ಟೆಸ್ಟ್ ಕ್ರಿಕೆಟ್.. 4 ತಿಂಗಳು, 3 ಫಾರ್ಮ್ಯಾಟ್.. ಒಬ್ಬ ರಾಹುಲ್..!

ಮಂಗಳೂರಲ್ಲಿ ರಾತ್ರಿ ಬಸ್ ಹತ್ತಿದವನು ಬೆಳಗ್ಗೆ ಬೆಂಗಳೂರಲ್ಲಿ ಇಳಿದು ಬಿಡುತ್ತಿದ್ದ..

ರಾಜಧಾನಿಯಲ್ಲಿ ದಿನಪೂರ್ತಿ ಕ್ರಿಕೆಟ್ ಆಡಿ ಮತ್ತೆ ಬಸ್ ಹತ್ತಿ ಮಂಗಳೂರಿಗೆ ಮರಳಿದವನ ಮುಂದೆ ಮತ್ತದೇ ಸವಾಲು..

ಚಿಕ್ಕ ವಯಸ್ಸಲ್ಲಿ ದೊಡ್ಡ ಸವಾಲುಗಳಿಗೆ ಸಡ್ಡು ಹೊಡೆದು ನಿಲ್ಲುವುದನ್ನು ಅವನು ಕಲಿತಿದ್ದ.. ಸಣ್ಣ ವಯಸ್ಸಲ್ಲೇ ಅವನನ್ನು ಮಾನಸಿಕವಾಗಿ ಗಟ್ಟಿಗೊಳಿಸಿದ್ದರು ಅವನ ಕ್ರಿಕೆಟ್ ಗುರು ಸ್ಯಾಮುಯೆಲ್ ಜಯರಾಜ್..

ಅಡಿಪಾಯ ಗಟ್ಟಿಮುಟ್ಟಾಗಿರುವ ಕಾರಣಕ್ಕೆ
ಈಗ ಅದೆಂಥಾ ಸವಾಲೇ ಇರಲಿ.. ಲೀಲಾಜಾಲವಾಗಿ ಎದುರಿಸುತ್ತಾನೆ.. ಎದೆಯೊಡ್ಡಿ ನಿಲ್ಲುತ್ತಾನೆ.

ಅದು ದಕ್ಷಿಣ ಆಫ್ರಿಕಾವಿರಲಿ, ಆಸ್ಟ್ರೇಲಿಯಾವಿರಲಿ.. ಇಂಗ್ಲೆಂಡ್ ಇರಲಿ.. ಬ್ಯಾಟಿಂಗ್ ಸುಲಭವಲ್ಲದ ನೆಲಗಳಲ್ಲಿ ರಾಹುಲ್ ನೆಲ ಕಚ್ಚಿ ಆಡುತ್ತಾನೆ. ಅದು ತುಂಬಾ ವರ್ಷಗಳ ಹಿಂದೆ ಕಲಿತ ಪಾಠ.

ಗುಣಮಟ್ಟದ ಆಟಗಾರನಿಗೆ ತಾನು ಯಾವ ನೆಲದಲ್ಲಿ, ಯಾವ ಸನ್ನಿವೇಶದಲ್ಲಿ ಆಡುತ್ತಿದ್ದೇನೆ ಎಂಬುದೆಲ್ಲಾ ಮುಖ್ಯವಾಗುವುದಿಲ್ಲ. ಆಟವಷ್ಟೇ ಮುಖ್ಯವಾಗುತ್ತದೆ.
ಲೀಡ್ಸ್’ನಲ್ಲಿ ಇಂಗ್ಲೆಂಡ್ ವಿರುದ್ಧ ಕೆ.ಎಲ್ ರಾಹುಲ್ ಆಡಿದ ಶತಕದ ಇನ್ನಿಂಗ್ಸ್ ಅವನ ಅಗಾಧ ಪ್ರತಿಭೆಗೆ ಮತ್ತೊಂದು ಸಾಕ್ಷಿಯಷ್ಟೇ.
ಬಾರಿಸಿದ 9 ಟೆಸ್ಟ್ ಶತಕಗಳಲ್ಲಿ ಎಂಟು ಭಾರತದಿಂದ ಹೊರಗೆ.. ಅದರಲ್ಲಿ 6 ಶತಕಗಳು ಬಂದಿರುವುದು SENA (S.A, Eng, Aus, NZ) ದೇಶಗಳಲ್ಲಿ. ರಾಹುಲ್’ನ ಶ್ರೇಷ್ಠತೆಗೆ ಹಿಡಿದ ಕನ್ನಡಿಯಿದು.

ಕ್ರಿಕೆಟ್ ಹುಟ್ಟಿದ ನೆಲದಲ್ಲಿ ಕ್ರಿಕೆಟ್’ನ ಮೂರೂ ಪ್ರಕಾರಗಳಲ್ಲಿ ಶತಕ ಗಳಿಸುವುದೆಂದರೆ ಅದು ಎಲ್ಲರಿಗೂ ಸಾಧ್ಯವಾಗದು.

-ಲಾರ್ಡ್ಸ್’ನಲ್ಲಿ ಟೆಸ್ಟ್ ಶತಕ
-ಲೀಡ್ಸ್’ನಲ್ಲಿ ಟೆಸ್ಟ್ ಶತಕ
-ಓವಲ್’ನಲ್ಲಿ ಟೆಸ್ಟ್ ಶತಕ
-ಲೀಡ್ಸ್’ನಲ್ಲಿ ಏಕದಿನ ಶತಕ
-ಓಲ್ಡ್ ಟ್ರಾಫರ್ಡ್’ನಲ್ಲಿ ಟಿ20 ಶತಕ
ಕೆ.ಎಲಾ ರಾಹುಲ್ ಏಕೆ special ಕ್ರಿಕೆಟರ್ ಎಂಬುದಕ್ಕೆ ಸಾಕ್ಷಿ ಇದು.

ಚಾಂಪಿಯನ್ಸ್ ಟ್ರೋಫಿಯಲ್ಲಿ 6ನೇ ಕ್ರಮಾಂಕದಲ್ಲಿ ತೋರಿಸಿದ ತಾಕತ್ತು.. ಐಪಿಎಲ್’ನಲ್ಲಿ ಬೇರೆ ಬೇರೆ ಕ್ರಮಾಂಕಗಳಲ್ಲಿ ಆಡಿ ಗಳಿಸಿದ 500+ ರನ್’ಗಳು.. ಈಗ ಇಂಗ್ಲೆಂಡ್’ನಲ್ಲಿ ಆರಂಭಿಕನಾಗಿ ಬಾರಿಸಿದ ಟೆಸ್ಟ್ ಶತಕ..
Be it any condition, any position or any situation KL Rahul always stood tall✨
-ಸುದರ್ಶನ್

The post ಚಾಂಪಿಯನ್ಸ್ ಟ್ರೋಫಿ.. ಐಪಿಎಲ್.. ಟೆಸ್ಟ್ ಕ್ರಿಕೆಟ್.. 4 ತಿಂಗಳು, 3 ಫಾರ್ಮ್ಯಾಟ್.. ಒಬ್ಬ ರಾಹುಲ್..! appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಇತಿಹಾಸ ನಿರ್ಮಿಸಿದ ರಿಷಭ್ ಪಂತ್.. ಒಂದೇ ಟೆಸ್ಟ್ ನಲ್ಲಿ 2 ಶತಕ.. ಇಂಗ್ಲೆಂಡ್ ನೆಲದಲ್ಲಿ ಈ ಸಾಧನೆ ಮಾಡಿದ ಮೊದಲ ಭಾರತೀಯ.

ಇಂಗ್ಲೆಂಡ್ ವಿರುದ್ಧದ ಮೊದಲ ಕ್ರಿಕೆಟ್ ಟೆಸ್ಟ್ ಪಂದ್ಯದ ಎರಡನೇ ಇನ್ನಿಂಗ್ಸ್‌ನಲ್ಲಿ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ನೀಡುವ ಮೂಲಕ ಟೀಮ್ ಇಂಡಿಯಾ ತನ್ನ ಶಕ್ತಿಯನ್ನು ಪ್ರದರ್ಶಿಸಿದೆ. ಇತ್ತೀಚಿನ ದಿನಗಳಲ್ಲಿ  ತಮ್ಮ  ಬ್ಯಾಟಿಂಗ್ ಲೈನ್‌ಅಪ್ ಬಗ್ಗೆ ಅನುಮಾನ ವ್ಯಕ್ತಪಡಿಸಿದವರಿಗೆ ಭಾರತೀಯ ಆಟಗಾರರು ಉತ್ತರಿಸುತ್ತಿದ್ದಾರೆ. ಕೇವಲ ಆರು ರನ್‌ಗಳ ಮೊದಲ ಇನ್ನಿಂಗ್ಸ್ ಮುನ್ನಡೆಯೊಂದಿಗೆ ಹೊರಬಂದ ಶುಭಮನ್ ಗಿಲ್ ಮತ್ತು ಅವರ ತಂಡವು ಈಗ ತಮ್ಮ ಮುನ್ನಡೆಯನ್ನು 325+ ಗೆ ವಿಸ್ತರಿಸಿದೆ.

ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದ ಎರಡೂ ಇನ್ನಿಂಗ್ಸ್‌ಗಳಲ್ಲಿ ಶತಕ ಗಳಿಸುವ ಮೂಲಕ ಭಾರತದ ಬ್ಯಾಟ್ಸ್‌ಮನ್ ರಿಷಭ್ ಪಂತ್ ಇತಿಹಾಸ ಸೃಷ್ಟಿಸಿದ್ದು, ಇಂಗ್ಲೆಂಡ್ ನೆಲದಲ್ಲಿ ಇಂತಹ ಸಾಧನೆ ಮಾಡಿದ ಮೊದಲ ಭಾರತೀಯ ಬ್ಯಾಟ್ಸ್‌ಮನ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ರಿಷಭ್ ಪಂತ್ ಅವರ ಈ ಸಾಧನೆಯು ಅವರ ಆಕ್ರಮಣಕಾರಿ ಬ್ಯಾಟಿಂಗ್ ಮತ್ತು ಒತ್ತಡದ ಸಂದರ್ಭಗಳಲ್ಲಿ ಜವಾಬ್ದಾರಿಯುತವಾಗಿ ಆಡುವ ಸಾಮರ್ಥ್ಯವನ್ನು ಜಗತ್ತಿಗೆ ತೋರಿಸಿದೆ.

ಮೊದಲ ಇನ್ನಿಂಗ್ಸ್ ನಲ್ಲಿ ಅದ್ಭುತ ಶತಕದೊಂದಿಗೆ ಮಿಂಚಿದ್ದ ಉಪನಾಯಕ ರಿಷಭ್ ಪಂತ್ ಎರಡನೇ ಇನ್ನಿಂಗ್ಸ್ ನಲ್ಲೂ ಫಾರ್ಮ್ ನಲ್ಲಿದ್ದಾರೆ. ವೈಟ್-ಬಾಲ್ ಕ್ರಿಕೆಟ್‌ನಲ್ಲಿ ಸರಾಸರಿ ಬ್ಯಾಟ್ಸ್‌ಮನ್ ಆಗಿದ್ದರೂ, ಲೀಡ್ಸ್ ಟೆಸ್ಟ್‌ನ ಎರಡೂ ಇನ್ನಿಂಗ್ಸ್‌ಗಳಲ್ಲಿನ ಅವರ ಬ್ಯಾಟಿಂಗ್ ಪ್ರದರ್ಶನವು,  ಟೆಸ್ಟ್‌ನಲ್ಲಿ ಅವರು ಭಾರತದ ಅತ್ಯುತ್ತಮ ವಿಕೆಟ್-ಕೀಪರ್ ಬ್ಯಾಟ್ಸ್‌ಮನ್ ಎಂಬುದನ್ನು ಮತ್ತೊಮ್ಮೆ ಸಾಬೀತುಪಡಿಸಿತು.

ಕಳೆದ ಐಪಿಎಲ್ ಪಂದ್ಯದಲ್ಲಿ ಭಾರಿ ವೈಫಲ್ಯದ ನಂತರ ರಿಷಭ್ ಟೆಸ್ಟ್ ಸರಣಿಗಾಗಿ ಇಂಗ್ಲೆಂಡ್‌ಗೆ ಆಗಮಿಸಿದ್ದಾರೆ. ಐಪಿಎಲ್‌ನಲ್ಲಿ ಇದ್ದಂತೆ ಈಗ ಇಲ್ಲ ಎಂದು ಅವರು ತೋರಿಸಿದ್ದಾರೆ.

ಭಾರತದ ಆರಂಭಿಕ ಆಟಗಾರ ರಾಹುಲ್ ಅದ್ಭುತ ಆಟವಾಡಿ ಶತಕ ಬಾರಿಸಿದರು.ರಾಹುಲ್ ಶಾಂತವಾಗಿ ಆಟವಾಡುತ್ತಾ ರನ್ ಸೇರಿಸುವುದನ್ನು ಮುಂದುವರಿಸಿದರು. ಇಂಗ್ಲಿಷ್ ಆಟಗಾರರು ಅವರ ವಿಕೆಟ್ ಪಡೆಯಲು ಸಾಧ್ಯವಾಗಲಿಲ್ಲ. ಶುಭಮನ್ ಗಿಲ್ ನೇತೃತ್ವದ ಭಾರತ ತಂಡವು ಈ ಸರಣಿಯಲ್ಲಿ ಬಲಿಷ್ಠ ಸ್ಥಾನದಲ್ಲಿದೆ.

The post ಇತಿಹಾಸ ನಿರ್ಮಿಸಿದ ರಿಷಭ್ ಪಂತ್.. ಒಂದೇ ಟೆಸ್ಟ್ ನಲ್ಲಿ 2 ಶತಕ.. ಇಂಗ್ಲೆಂಡ್ ನೆಲದಲ್ಲಿ ಈ ಸಾಧನೆ ಮಾಡಿದ ಮೊದಲ ಭಾರತೀಯ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಗಿಲ್, ಜೈಸ್ವಾಲ್ ಅದ್ಭುತ ಶತಕಗಳು: ಇಂಗ್ಲೆಂಡ್‌ನಲ್ಲಿ ಮೊದಲ ದಿನವೇ ಹೊಸ ದಾಖಲೆ ಬರೆದ ಯುವ ಭಾರತ ತಂಡ

ನಾಯಕ ಶುಭಮನ್ ಗಿಲ್ ಮತ್ತು ಜೈಸ್ವಾಲ್ ಅವರ ಅದ್ಭುತ ಶತಕಗಳು ಮತ್ತು ರಿಷಭ್ ಪಂತ್ ಅವರ ಅರ್ಧಶತಕದಿಂದಾಗಿ ಯುವ ಭಾರತೀಯ ತಂಡವು ಟೆಸ್ಟ್ ಯುಗವನ್ನು ಅಬ್ಬರದಿಂದ ಪ್ರಾರಂಭಿಸಿದೆ.

ಹೆಡಿಂಗ್ಲಿಯಲ್ಲಿ ನಿನ್ನೆ ಆರಂಭವಾದ ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದ ಮೊದಲ ದಿನದಾಟದ ಅಂತ್ಯಕ್ಕೆ ಭಾರತ 3 ವಿಕೆಟ್ ನಷ್ಟಕ್ಕೆ 359 ರನ್ ಗಳಿಸಿ ಬಲಿಷ್ಠ ಸ್ಥಿತಿಯಲ್ಲಿದೆ.

ಜೈಸ್ವಾಲ್ (101) , ನಾಯಕ ಶುಭಮನ್ ಗಿಲ್ 127 ರನ್ ಗಳಿಸಿ ಅಜೇಯರಾಗಿ ಉಳಿದಿದ್ದಾರೆ ಮತ್ತು ಉಪನಾಯಕ ರಿಷಭ್ ಪಂತ್ 65 ರನ್ ಗಳಿಸಿ ಅಜೇಯರಾಗಿ ಉಳಿದಿದ್ದಾರೆ. ಮೊದಲ ವಿಕೆಟ್‌ಗೆ 91 ರನ್ ಸೇರಿಸಿದ ಕೆಎಲ್ ರಾಹುಲ್ ಮತ್ತು ಜೈಸ್ವಾಲ್ ಅವರ ಪಾಲುದಾರಿಕೆಯು ಬಲವಾದ ಅಡಿಪಾಯವನ್ನು ಹಾಕಿತು, ಮಧ್ಯಮ ಕ್ರಮಾಂಕವು ಒತ್ತಡವಿಲ್ಲದೆ ಬ್ಯಾಟಿಂಗ್ ಮಾಡಲು ಅವಕಾಶ ಮಾಡಿಕೊಟ್ಟಿತು.

ಇಂಗ್ಲೆಂಡ್ ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು, ಆದ್ದರಿಂದ ಜೈಸ್ವಾಲ್ ಮತ್ತು ಕೆಎಲ್ ರಾಹುಲ್ ಭಾರತದ ಪರ ಆರಂಭಿಕರಾಗಿ ಆಟಕ್ಕೆ ಇಳಿದರು. ಇಂಗ್ಲಿಷ್ ಆಟಗಾರರ ನಿರೀಕ್ಷೆಗಳಿಗೆ ವಿರುದ್ಧವಾಗಿ, ಭಾರತೀಯ ತಂಡದ ಬ್ಯಾಟಿಂಗ್ ಅವರನ್ನು ಹತ್ತಿಕ್ಕುತ್ತಿತ್ತು. ರಾಹುಲ್ ಮತ್ತು ಜೈಸ್ವಾಲ್ ಅವರ ಪಾಲುದಾರಿಕೆಯು ಇಂಗ್ಲಿಷ್ ಬೌಲಿಂಗ್ ಅನ್ನು ಅದ್ಭುತವಾಗಿ ನಿಭಾಯಿಸಿತು.

ಹಿರಿಯ ಬ್ಯಾಟ್ಸ್‌ಮನ್‌ಗಳಾದ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಮತ್ತು ಅಶ್ವಿನ್ ಅನುಪಸ್ಥಿತಿಯಲ್ಲಿ, ಶುಭಮನ್ ಗಿಲ್ ನೇತೃತ್ವದ ಯುವ ಭಾರತ ತಂಡವು ಶುಭಮನ್ ಗಿಲ್ ನಾಯಕತ್ವದಲ್ಲಿ ಯುವ ಭಾರತ ತಂಡ ಏನು ಮಾಡಲಿದೆ ಎಂಬ ಪ್ರಶ್ನೆಗೆ ಉತ್ತರಿಸಿದೆ,

ನಾಯಕನಾಗಿ ನೇಮಕಗೊಂಡ ನಂತರ, ಶುಭಮನ್ ಗಿಲ್ ನಾಯಕತ್ವದ ಜವಾಬ್ದಾರಿಯೊಂದಿಗೆ ಅವರ ಬ್ಯಾಟಿಂಗ್ ಹೇಗಿರುತ್ತದೆ ಎಂಬ ಪ್ರಶ್ನೆ ಮತ್ತು ನಿರೀಕ್ಷೆಗಳಿಗೆ ಉತ್ತರಿಸಿದ್ದಾರೆ.

ಶುಭಮನ್ ಗಿಲ್ ನಾಯಕತ್ವ ವಹಿಸಿಕೊಂಡ ನಂತರ ಮೊದಲ ಪಂದ್ಯದಲ್ಲೇ ಶತಕ ಬಾರಿಸಿದ ನಾಲ್ಕನೇ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.

ಇಂಗ್ಲಿಷ್ ಬೌಲರ್‌ಗಳ ಕಳಪೆ “ಲೈನ್ ಮತ್ತು ಲೆಂತ್” ಬೌಲಿಂಗ್ ಭಾರತ ತಂಡ ಮೊದಲ ಇನ್ನಿಂಗ್ಸ್‌ನಲ್ಲಿ ಇಷ್ಟೊಂದು ಸ್ಕೋರ್ ಗಳಿಸಲು ಕಾರಣವಾಗಿತ್ತು. ಮೊದಲ ದಿನ ಮಾಡಿದ ತಪ್ಪುಗಳನ್ನು ವಿಶ್ಲೇಷಿಸಿ ಸರಿಪಡಿಸಿಕೊಂಡು ಇಂದು ಎರಡನೇ ದಿನದಾಟ ಎದುರಿಸಿದರೆ ಮಾತ್ರ ಇಂಗ್ಲೆಂಡ್ ಬೌಲರ್‌ಗಳು ನಿಭಾಯಿಸಲು ಸಾಧ್ಯವಾಗುತ್ತದೆ. ಇಲ್ಲದಿದ್ದರೆ, ಭಾರತ ತಂಡದ ಮೊದಲ ಇನ್ನಿಂಗ್ಸ್ ಸ್ಕೋರ್ ಬೃಹತ್ ಸ್ಕೋರ್ ಆಗಿ ಬದಲಾಗುತ್ತದೆ.

The post ಗಿಲ್, ಜೈಸ್ವಾಲ್ ಅದ್ಭುತ ಶತಕಗಳು: ಇಂಗ್ಲೆಂಡ್‌ನಲ್ಲಿ ಮೊದಲ ದಿನವೇ ಹೊಸ ದಾಖಲೆ ಬರೆದ ಯುವ ಭಾರತ ತಂಡ appeared first on SportsKannada ಸ್ಪೋರ್ಟ್ಸ್ ಕನ್ನಡ.

IND vs ENG: ಜೈಸ್ವಾಲ್ 5ನೇ ಶತಕ ಸದ್ದು ಮಾಡಿತು.. ಭಾರತದ ರನ್-ಅಪ್

ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತದ ಆರಂಭಿಕ ಆಟಗಾರ ಜೈಸ್ವಾಲ್ ಅದ್ಭುತ ಶತಕ ಗಳಿಸುವ ಮೂಲಕ ಅಂತರರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್‌ನಲ್ಲಿ ಐದನೇ ಶತಕ ದಾಖಲಿಸಿದರು.

ಟಾಸ್ ಗೆದ್ದ ಇಂಗ್ಲೆಂಡ್ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಇಲ್ಲಿ ನಡೆದ ಕೊನೆಯ ಆರು ಟೆಸ್ಟ್‌ಗಳಲ್ಲಿ ಮೊದಲು ಬೌಲಿಂಗ್ ಮಾಡಿದ ತಂಡವೇ ಗೆದ್ದಿದ್ದರಿಂದ, ಮೊದಲ ದಿನದ ಮೊದಲ ಅವಧಿ ವೇಗದ ಬೌಲಿಂಗ್‌ಗೆ ಅನುಕೂಲಕರವಾಗಿರುತ್ತದೆ ಎಂದು ಇಂಗ್ಲೆಂಡ್ ಭಾವಿಸಿತ್ತು.

ಇದರಿಂದಾಗಿ ಇಂಗ್ಲೆಂಡ್ ಆಟಗಾರರು ಭಾರತದ ಬ್ಯಾಟಿಂಗ್ ಅನ್ನು ಮುರಿಯಲು ಬಂದರು. ಆದರೆ ಜೈಸ್ವಾಲ್ ಮತ್ತು ರಾಹುಲ್ ಅದ್ಭುತ ಪಾಲುದಾರಿಕೆಯನ್ನು ನೀಡಿದರು. ಈ ಜೋಡಿ ಮೊದಲ ವಿಕೆಟ್‌ಗೆ 91 ರನ್‌ಗಳ ಜೊತೆಯಾಟವಾಡಿತು. ರಾಹುಲ್ 42 ರನ್‌ಗಳಿಗೆ ಔಟಾದರು, ಆದರೆ ಬೌಂಡರಿಗಳನ್ನು ಬೆನ್ನಟ್ಟಿದ ಜೈಸ್ವಾಲ್ 96 ಎಸೆತಗಳಲ್ಲಿ ಅರ್ಧಶತಕ ಗಳಿಸಿದರು.

ಜೈಸ್ವಾಲ್ 144 ಎಸೆತಗಳಲ್ಲಿ ಶತಕ ಗಳಿಸಿದರು, ಇದರಲ್ಲಿ 16 ಬೌಂಡರಿಗಳು ಮತ್ತು ಒಂದು ಸಿಕ್ಸರ್ ಸೇರಿದ್ದವು. ಇದು ಜೈಸ್ವಾಲ್ ಅವರ ಅಂತರರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್‌ನಲ್ಲಿ ಐದನೇ ಟೆಸ್ಟ್ ಶತಕವಾಗಿದೆ. ಅಷ್ಟೇ ಅಲ್ಲ, ಜೈಸ್ವಾಲ್ ಅಂತರರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್‌ನಲ್ಲಿ ಲೀಡ್ಸ್‌ನಲ್ಲಿ ಶತಕ ಗಳಿಸಿದ ಮೊದಲ ಭಾರತೀಯ ಆರಂಭಿಕ ಆಟಗಾರ ಎಂಬ ಹೆಗ್ಗಳಿಕೆಗೂ ಪಾತ್ರರಾದರು.

ಶುಭಮನ್ ಗಿಲ್ ನೇತೃತ್ವದಲ್ಲಿ ಭಾರತ ತಂಡ ಆಡಿದ ಮೊದಲ ಟೆಸ್ಟ್ ಪಂದ್ಯ ಇದಾಗಿದೆ.

The post IND vs ENG: ಜೈಸ್ವಾಲ್ 5ನೇ ಶತಕ ಸದ್ದು ಮಾಡಿತು.. ಭಾರತದ ರನ್-ಅಪ್ appeared first on SportsKannada ಸ್ಪೋರ್ಟ್ಸ್ ಕನ್ನಡ.