ಸಭ್ಯ ಕ್ರಿಕೆಟಿಗನ ವಿಚಿತ್ರ ಸೆಲೆಬ್ರೇಷನ್

ವಿರಾಟ್ ಕೊಹ್ಲಿ ಬಿಟ್ಟರೆ ಕರ್ನಾಟಕದ ಕೆ.ಎಲ್.ರಾಹುಲ್ ನನ್ನ ಪ್ರೀತಿಯ ಆಟಗಾರ. ಕೊಹ್ಲಿಯಂತೆ ಪ್ರತಿಭೆಯ ಗಣಿ ಈತ. ಆಡುವ ಶೈಲಿಯಂತೂ ಅತ್ಯಂತ ಆಕರ್ಷಕ. ಎಲ್ಲಾ ಮಾದರಿಯ ಕ್ರಿಕೆಟ್ ಗೆ ಹೇಳಿ ಮಾಡಿಸಿದ ಆಟಗಾರ. ಅಷ್ಟೇ ಅಲ್ಲ ಅಪ್ಪಟ ಟೀಂ ಮ್ಯಾನ್ ಕೂಡ. ತಂಡದ ಸಲುವಾಗಿ ಯಾವ ಕೆಲಸವನ್ನೂ ಮಾಡಬಲ್ಲ ಆಟಗಾರ.ವಿಕೆಟ್ ಕೀಪರ್ ಆಗಿ ಕರ್ತವ್ಯ ನಿರ್ವಹಿಸಿ,ಓಪನಿಂಗ್ ಗೂ ಸೈ ಅನ್ನುವವ, ಮಾದ್ಯಮ ಕ್ರಮಾಂಕಕ್ಕೂ ಸೈ, ಫಿನಿಶರ್ ಆಗಿ ಬರಬೇಕು, ಅದಕ್ಕೆ ಕೂಡ ಅಸ್ತು ಎನ್ನುವವ.ಕ್ರಿಕೆಟ್ ಜಗತ್ತಿನಲ್ಲಿ ಇಷ್ಟು ಫ್ಲೆಕ್ಸಿಬಲ್ ಆಟಗಾರ ಮತ್ತೊಬ್ಬ ಇರಲಿಕ್ಕಿಲ್ಲ.ಈ ದಿಶೆಯಲ್ಲಿ ನೋಡಿದರೆ ಕೊಹ್ಲಿಗಿಂತ ಒಂದು ಹಿಡಿ ಜಾಸ್ತಿಯೇ ತೂಗುವವ ಈ ರಾಹುಲ್.

ಪ್ರತಿ ಐಪಿಎಲ್ ಸೀಸನ್ ನಲ್ಲಿ ಆರೆಂಜ್ ಕ್ಯಾಪ್ ಗೆ ಇವನೊಬ್ಬ ಸ್ಪರ್ಧಿ. ಇನ್ನೂರಕ್ಕೂ ಮಿಕ್ಕಿ ರನ್ ಗಳನ್ನು ಹೆಚ್ಚು ಕಡಿಮೆ ಎಲ್ಲಾ ಸೀಸನ್ ನಲ್ಲಿ ಹೊಡೆಯುತ್ತಾ ಬಂದವಾ.

ಈ ಹಿಂದೆ ಆರ್ಸಿಬಿ ಪರವಾಗಿ ಕೂಡ ಆಡಿದವ.ಗೈಲ್, ಎಬಿಡಿ, ಇರುವಾಗ ಕೊಹ್ಲಿ ಜೊತೆಗೆ ಓಪನಿಂಗ್ ಬಂದು ಪರಿಣಾಮಕಾರಿ ಆಟ ಆಡಿದವ.ಇಷ್ಟೆಲ್ಲಾ ಹಿನ್ನೆಲೆ ಇದ್ದ ರಾಹುಲ್ ನಿನ್ನೆಯ ದಿನ ಆರ್ಸಿಬಿ ವಿರುದ್ಧದ ಪಂದ್ಯದಲ್ಲಿ ಅದ್ಭುತವಾಗಿ ಆಡಿ ತಂಡವನ್ನು ಜಯಿಸಿ ಕೊಟ್ಟ ಬಳಿಕ ಮಾಡಿದ ವಿಚಿತ್ರ ಸೆಲೆಬ್ರೇಷನ್ ನನಗಂತೂ ಬೇಸರ ತರಿಸಿದೆ.
ಈ ಬಾರಿ ಆರ್ಸಿಬಿ ಪರವಾಗಿ ಆಡುವ ಆಕಾಂಕ್ಷೆ ಇತ್ತಂತೆ ರಾಹುಲ್ ಗೆ. ಆದರೆ ಆಕ್ಷನ್ ನಲ್ಲಿ ರಾಹುಲ್ ಅನ್ನು ಆರ್ಸಿಬಿಯವರಿಗೆ ಪಡೆಯಲಾಗಲಿಲ್ಲ. ಅದನ್ನು ಈ ರೀತಿಯಾಗಿ ಪ್ರದರ್ಶಿಸುವ ಅಗತ್ಯ ಖಂಡಿತಾ ಇರಲಿಲ್ಲ.

ಆತನೊಳಗೊಂದು ಕಿಚ್ಚಿತ್ತು..ಅದು ಹೊರಗೆ ಬಂತು ಅಂತ ಅವನನ್ನು ಸಮರ್ಥಿಸುವವರು ಆಡಬಹುದು. ಆದರೆ ಇದೇ ರಾಹುಲ್ ಬೇಕಾದ ಸಂದರ್ಭದಲ್ಲಿ ಕೈ ಕೊಟ್ಟ ಸಂದರ್ಭಗಳನ್ನು ಅವರು ನೆನಪು ಮಾಡಿಕೊಳ್ಳಬೇಕು.

2016 ಆರ್ಸಿಬಿ ಅಪರೂಪಕ್ಕೆ ಫೈನಲ್ ಗೆ ಬಂದಿತ್ತು.. ಫೈನಲ್ ಪಂದ್ಯ ನಡೆದಿದ್ದು ಕೂಡ ಇದೇ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ.
ಹೈದರಾಬಾದ್ ವಿರುದ್ಧದ ಆ ಪಂದ್ಯದಲ್ಲಿ ಚೇಸಿಂಗ್ ವೇಳೆ ಕ್ರಿಸ್ ಗೇಲ್ ಅಬ್ಬರಿಸಿ ಬೊಬ್ಬಿರುತ್ತಿರುವ ಕಾಲಕ್ಕೆ ಇದೇ ರಾಹುಲ್ ಸಹಕಾರ ನೀಡಿ ಆರ್ಸಿಬಿ ಯನ್ನು ಗೆಲ್ಲಿಸಿ ಆರ್ಸಿಬಿ ಗೆ ಮೊದಲ ಐಪಿಎಲ್ ದೊರಕಿಸಿ ಕೊಟ್ಟು ಬ್ಯಾಟ್ ನಿಂದ ಗೆರೆ ಹಾಕಿ, ಅದನ್ನು ಹುಗಿದು ಈ ಅಡ್ಡಾ ನನ್ನದು ಅಂದಿದ್ದರೇ ಇಡೀ ಕ್ರೀಡಾ ಲೋಕ ಶಾಶ್ವತವಾಗಿ ನೆನಪಿಟ್ಟುಕೊಳ್ಳುತಿತ್ತು.

ಕಳೆದ ವರ್ಷ ನಡೆದ ಏಕದಿನ ವಿಶ್ವಕಪ್ ನಲ್ಲಿ ಅರ್ಧ ಶತಕ ಗಳಿಸಿದ ಬಳಿಕ ನಿಂತು ಆಡಿ
ಶತಕ ಗಳಿಸಿ ಒಂದು ಗೌರವಾರ್ಹ ಮೊತ್ತ ಗಳಿಸಿಕೊಟ್ಟು ಗೆರೆ ಹಾಕಿ ಬ್ಯಾಟ್ ಊರಿ ಆಸ್ಟ್ರೇಲಿಯಾ ಆಟಗಾರರಿಗೆ ಅಹಮದಾಬಾದ್ ನನ್ನ ದೇಶದ ಕ್ರೀಡಾಂಗಣ ಎಂದು ತೋರಿಸಿದ್ದರೇ, ಆಗ ಕೂಡಾ ಕ್ರಿಕೆಟ್ ಪ್ರೇಮಿಗಳು ನೆನಪಿಟ್ಟುಕೊಂಡು ರಾಹುಲ್ ನನ್ನು ಕೊಂಡಾಡುತ್ತಿದ್ದರು.

ಹಾಗೇ ತೀರಾ ಇತ್ತೀಚೆಗೆ ನಡೆದ ಭಾರತ ನ್ಯೂಜಿಲೆಂಡ್ ನಡುವಣ ಟೆಸ್ಟ್ ಸರಣಿ.
ಇದೇ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲೇ ನಡೆದ ಪ್ರಥಮ ಟೆಸ್ಟ್.
ಮೊದಲ ಇನಿಂಗ್ಸ್ ನಲ್ಲಿ ನಿಕೃಷ್ಟವಾಗಿ ಆಡಿದ ಭಾರತ ಕೇವಲ 46 ಕ್ಕೆ ಆಲೌಟ್.. ಅದರಲ್ಲಿ ಈ ಮಹಾನುಭಾವನ ಕೊಡುಗೆ ಸೊನ್ನೆ.
ಅದಕ್ಕೆ ಉತ್ತರವಾಗಿ ನ್ಯೂಜಿಲೆಂಡ್ 402 ಗಳಿಸಿತು. ಎರಡನೇ ಇನ್ನಿಂಗ್ಸ್ ನಲ್ಲಿ ದಿಟ್ಟ ಉತ್ತರ ನೀಡಿದ ಭಾರತ ಸರ್ಫರಾಜ್ ಖಾನ್ ಮತ್ತು ರಿಷಭ್ ಪಂತರ ಅದ್ಭುತ ಆಟದಿಂದ ಒಂದು ಹಂತದಲ್ಲಿ 408 /4 ರ ಸ್ಥಿತಿಯಲ್ಲಿ ಇತ್ತು. ರಿಷಭ್ 99 ರನ್ ಗಳಿಸಿ ಔಟಾದಾಗ ಇದೇ ರಾಹುಲ್ ಕ್ರೀಸ್ ಗೆ ಬಂದಿದ್ದು.ನಾಲ್ಕನೆ ದಿನದ ಕೊನೆಯ ಸೆಷನ್ ಅದು.
ವಿಕೆಟ್ ಕಳೆದುಕೊಳ್ಳದೇ ಆ ಸೆಷನ್ ಪೂರ್ಣವಾಗಿ ನಿಂತು ಮಾರನೆಯ ದಿನ ಅಂದರೆ ಟೆಸ್ಟ್ ನಾ ಕೊನೆಯ ದಿನಕ್ಕೆ ತರುವ ಜವಾಬ್ದಾರಿ ಇದೇ ರಾಹುಲ್ ಮೇಲಿತ್ತು. ಈತ ಮಾಡಿದ್ದಾದರೂ ಏನು !!?
ಅನಗತ್ಯ ಹೊಡೆತಕ್ಕೆ ಕೈ ಹಾಕಿ ವಿಕೆಟ್ ಒಪ್ಪಿಸಿ 408/4 ರಲ್ಲಿ ಭಾರತ 462 ಕ್ಕೆ ಆಲೌಟ್ ಆಗುವಂತೆ ಮಾಡಿದ. ಭಾರತ ಆ ಟೆಸ್ಟ್ ಅನ್ನು ಡ್ರಾ ಮಾಡಿಕೊಂಡಿದ್ದರೆ ನ್ಯೂಜಿಲೆಂಡ್ ಎದುರು ತವರಿನ ಸರಣಿ ಸೋಲುತ್ತಿರಲಿಲ್ಲ.
ಅಷ್ಟೇ ಅಲ್ಲ ಬರುವ ಜೂನ್ ನಲ್ಲಿ ನಡೆಯುವ ಐಸಿಸಿ ಟೆಸ್ಟ್ ಚಾಂಪಿಯನ್ ಶಿಪ್ ನ ಫೈನಲ್ ನಲ್ಲಿ ಆಡುವ ಅವಕಾಶವನ್ನು ಪಡೆದುಕೊಳ್ಳುತಿತ್ತು.
ಅಂದು ಚಿನ್ನಸ್ವಾಮಿಯಲ್ಲಿ ಶತಕವೋ, ಅರ್ಧ ಶತಕವೋ ಗಳಿಸಿ, ಮ್ಯಾಚ್ ಉಳಿಸಿ .. ಗೆರೆ ಹಾಕಿ, ಬ್ಯಾಟ್ ಅನ್ನು ಗ್ರೌಂಡ್ ನಲ್ಲಿ ಹುಗಿದು
ಇದು ನನ್ನ ಅಡ್ಡ..ನಾನಿಲ್ಲೇ ಆಡಿ ಬೆಳೆದವನು ಎಂದು ನ್ಯೂಜಿಲೆಂಡ್ ತಂಡದ ಆಟಗಾರರಿಗೆ ತೋರಿಸಿದ್ದರೇ ಭಾರತದ ಕ್ರಿಕೆಟ್ ಪ್ರೇಮಿಗಳು ಸದಾ ನೆನಪಿಟ್ಟುಕೊಳ್ಳುತ್ತಿದ್ದರು.

ಅಂತಹ ಅಗತ್ಯ ಸಂದರ್ಭಗಳಲ್ಲಿ ಮಾಡದೇ ಐಪಿಎಲ್ ನ ಒಂದು ಲೀಗ್ ಪಂದ್ಯವನ್ನು ಜಯಿಸಿದ ಬಳಿಕ ಮಾಡಿದ ಸೆಲೆಬ್ರೇಷನ್ ನಿಜಕ್ಕೂ ರಾಹುಲ್ ಅಂತಹ ಕ್ರಿಕೆಟ್ ನ ನೈಜ ಪ್ರತಿಭೆಗೆ ಶೋಭೆ ತರುವಂತಹದ್ದಲ್ಲಾ.

ಡಾ.ಜಗದೀಶ್

#hilights
#ipl

The post ಸಭ್ಯ ಕ್ರಿಕೆಟಿಗನ ವಿಚಿತ್ರ ಸೆಲೆಬ್ರೇಷನ್ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ವಿಜಯ್ ಹಜಾರೆ ಟ್ರೋಫಿ: ಕರ್ನಾಟಕ ಫೈನಲ್-16ನಲ್ಲಿ ಸ್ಥಾನ ಪಡೆದ ಅಭಿಲಾಷ್ ಶೆಟ್ಟಿ

ಉಡುಪಿಯ ಕೋಟಾದ ಮೂಡು ಗಿಳಿಯಾರಿನ ಹುಡುಗ ಅಭಿಲಾಷ್ ಶೆಟ್ಟಿ ವಿಜಯ್ ಹಜಾರೆ ಟ್ರೋಫಿ ಏಕದಿನ ಟೂರ್ನಿಗೆ ಪ್ರಕಟಿಸಲಾಗಿರುವ ಕರ್ನಾಟಕ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.

ಪ್ರತಿಭಾನ್ವಿತ ಎಡಗೈ ಮಧ್ಯಮ ವೇಗಿ ಅಭಿಲಾಷ್ ಶೆಟ್ಟಿ ಈ ವರ್ಷ ರಣಜಿ ಟ್ರೋಫಿಗೆ ಪದಾರ್ಪಣೆ ಮಾಡಿದ್ದರು. ಇದೀಗ ವಿಜಯ್ ಹಜಾರೆ ಟ್ರೋಫಿ ತಂಡದಲ್ಲೂ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.

ಕರ್ನಾಟಕ ತಂಡವನ್ನು ಮಯಾಂಕ್ ಅಗರ್ವಾಲ್ ಮುನ್ನಡೆಸಲಿದ್ದು, ಅನುಭವಿ ಆಲ್ರೌಂಡರ್ ಶ್ರೇಯಸ್ ಗೋಪಾಲ್ ಉಪನಾಯಕರಾಗಿ ನೇಮಕಗೊಂಡಿದ್ದಾರೆ. ವಿಜಯ್ ಹಜಾರೆ ಟ್ರೋಫಿಯಲ್ಲಿ ಕರ್ನಾಟಕ ತಂಡದ ಪಂದ್ಯಗಳು ಡಿಸೆಂಬರ್ 21ರಿಂದ ಜನವರಿ 5ರವರೆಗೆ ಗುಜರಾತ್’ನ ಅಹ್ಮದಾಬಾದ್’ನಲ್ಲಿ ನಡೆಯಲಿವೆ.

ವಿಜಯ್ ಹಜಾರೆ ಟ್ರೋಫಿ ಟೂರ್ನಿಗೆ ಕರ್ನಾಟಕ ತಂಡ
1. ಮಯಾಂಕ್‌ ಅಗರ್ವಾಲ್‌ (ನಾಯಕ)
2. ಎಸ್‌ಜೆ ನಿಕಿನ್‌ ಜೋಸ್‌
3. ಅನೀಶ್‌ ಕೆವಿ
4. ಸ್ಮರಣ್‌ ಆರ್‌.
5. ಶ್ರೀಜಿತ್‌ ಕೆಎಲ್‌ (ವಿಕೆಟ್ ಕೀಪರ್)
6. ಅಭಿನವ್‌ ಮನೋಹರ್‌
7. ಶ್ರೇಯಸ್‌ ಗೋಪಾಲ್‌ (ಉಪನಾಯಕ)
8. ಹಾರ್ದಿಕ್‌ ರಾಜ್‌
9. ವೈಶಾಖ್‌ ವಿಜಯ ಕುಮಾರ್‌
10. ಕೌಶಿಕ್‌ ವಿ.
11. ವಿದ್ಯಾಧರ್‌ ಪಾಟೀಲ್‌
12. ಕಿಶನ್‌ ಎಸ್‌ ಬೆದಾರೆ
13. ಅಭಿಲಾಶ್‌ ಶೆಟ್ಟಿ
14. ಮನೋಜ್‌ ಭಾಂಡಗೆ
15. ಪ್ರವೀಣ್‌ ದುಬೆ
16. ಲವ್‌ನಿತ್‌ ಸಿಸೋಡಿಯಾ (ವಿಕೆಟ್ ಕೀಪರ್)

ವಿಜಯ್ ಹಜಾರೆ ಟ್ರೋಫಿ: ಕರ್ನಾಟಕ ತಂಡದ ವೇಳಾಪಟ್ಟಿ ಡಿಸೆಂಬರ್ 21: ಕರ್ನಾಟಕ Vs ಮುಂಬೈ (ಅಹ್ಮದಾಬಾದ್)

ಡಿಸೆಂಬರ್ 23: ಕರ್ನಾಟಕ Vs ಪುದುಚೇರಿ (ಅಹ್ಮದಾಬಾದ್)

ಡಿಸೆಂಬರ್ 26: ಕರ್ನಾಟಕ Vs ಪಂಜಾಬ್ (ಅಹ್ಮದಾಬಾದ್)

ಡಿಸೆಂಬರ್ 28: ಕರ್ನಾಟಕ Vs ಅರುಣಾಚಲ ಪ್ರದೇಶ (ಅಹ್ಮದಾಬಾದ್)

ಡಿಸೆಂಬರ್ 31: ಕರ್ನಾಟಕ Vs ಹೈದರಾಬಾದ್ (ಅಹ್ಮದಾಬಾದ್)

ಜನವರಿ 03: ಕರ್ನಾಟಕ Vs ಸೌರಾಷ್ಟ್ರ (ಅಹ್ಮದಾಬಾದ್)

ಜನವರಿ 05: ಕರ್ನಾಟಕ Vs ನಾಗಾಲ್ಯಾಂಡ್ (ಅಹ್ಮದಾಬಾದ್)

The post ವಿಜಯ್ ಹಜಾರೆ ಟ್ರೋಫಿ: ಕರ್ನಾಟಕ ಫೈನಲ್-16ನಲ್ಲಿ ಸ್ಥಾನ ಪಡೆದ ಅಭಿಲಾಷ್ ಶೆಟ್ಟಿ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಕರ್ನಾಟಕ ವಿಜಯ್ ಹಜಾರೆ ಟ್ರೋಫಿ ತಂಡದಲ್ಲಿ ಅಭಿಲಾಷ್ ಶೆಟ್ಟಿಗೆ ಸ್ಥಾನ, ಮನೀಶ್ ಪಾಂಡೆ ಔಟ್

ಮಾಜಿ ನಾಯಕ ಮನೀಶ್ ಪಾಂಡೆ ಸಂಭಾವ್ಯರ ತಂಡದಲ್ಲಿ ಸ್ಥಾನ ಪಡೆಯುವಲ್ಲಿ ವಿಫಲರಾಗಿದ್ದಾರೆ. 

ಆಸ್ಟ್ರೇಲಿಯಾ ಪ್ರವಾಸದಲ್ಲಿರುವ ಸ್ಟಾರ್ ಬ್ಯಾಟ್ಸ್’ಮನ್ ಕೆ.ಎಲ್ ರಾಹುಲ್ ಅವರನ್ನೂ ಕೂಡ ಕರ್ನಾಟಕ ಸಂಭಾವ್ಯರ ತಂಡಕ್ಕೆ ಸೇರಿಸಿಕೊಳ್ಳಲಾಗಿದೆ. ವಿಜಯ್ ಹಜಾರೆ ಟ್ರೋಫಿ ಏಕದಿನ ಟೂರ್ನಿ ಡಿಸೆಂಬರ್ 21ರಂದು ಆರಂಭವಾಗಲಿದ್ದು, ಕರ್ನಾಟಕದ ಪಂದ್ಯಗಳು ಅಹ್ಮದಾಬಾದ್’ನಲ್ಲಿ ನಡೆಯಲಿವೆ. 

 

ವಿಜಯ್ ಹಜಾರೆ ಟ್ರೋಫಿ: ಕರ್ನಾಟಕ ತಂಡದ ವೇಳಾಪಟ್ಟಿ

ಡಿಸೆಂಬರ್ 21: ಕರ್ನಾಟಕ Vs ಮುಂಬೈ (ಅಹ್ಮದಾಬಾದ್)

ಡಿಸೆಂಬರ್ 23: ಕರ್ನಾಟಕ Vs ಪುದುಚೇರಿ (ಅಹ್ಮದಾಬಾದ್)

ಡಿಸೆಂಬರ್ 26: ಕರ್ನಾಟಕ Vs ಪಂಜಾಬ್ (ಅಹ್ಮದಾಬಾದ್)

ಡಿಸೆಂಬರ್ 28: ಕರ್ನಾಟಕ Vs ಅರುಣಾಚಲ ಪ್ರದೇಶ (ಅಹ್ಮದಾಬಾದ್)

ಡಿಸೆಂಬರ್ 31: ಕರ್ನಾಟಕ Vs ಹೈದರಾಬಾದ್ (ಅಹ್ಮದಾಬಾದ್)

ಜನವರಿ 03: ಕರ್ನಾಟಕ Vs ಸೌರಾಷ್ಟ್ರ (ಅಹ್ಮದಾಬಾದ್)

ಜನವರಿ 05: ಕರ್ನಾಟಕ Vs ನಾಗಾಲ್ಯಾಂಡ್ (ಅಹ್ಮದಾಬಾದ್)

 

 

ವಿಜಯ್ ಹಜಾರೆ ಟ್ರೋಫಿ: ಕರ್ನಾಟಕ ಸಂಭಾವ್ಯರ ತಂಡ
1ಕೆಎಲ್‌ ರಾಹುಲ್‌
2ಮಯಾಂಕ್‌ ಅಗರ್ವಾಲ್‌
3ಪ್ರಸಿದ್ಧ್‌ ಎಂ. ಕೃಷ್ಣ
4ದೇವದತ್ತ ಪಡಿಕ್ಕಲ್‌
5ಚೇತನ್‌ ಎಲ್‌. ಆರ್‌.
6ಮೆಕ್‌ನೀಲ್‌ ಎಚ್‌. ನೊರೊಹ್ನಾ
7ಶ್ರೇಯಸ್‌ ಗೋಪಾಲ್‌
8ಶ್ರೀಜಿತ್‌ ಕೆ.ಎಲ್‌.   (ವಿಕೆಟ್ ಕೀಪರ್)
9ಅಭಿನವ್‌ ಮನೋಹರ್‌
10ಮನೋಜ್‌ ಭಾಂಡಗೆ
11ಹಾರ್ದಿಕ್‌ ರಾಜ್‌
12ಕೌಶಿಕ್‌ ವಿ.
13ವಿದ್ಯಾಧರ ಪಾಟೀಲ್‌
14ಶುಭಾಂಗ್‌ ಹೆಗ್ಡೆ
15ಅಭಿಲಾಶ್‌ ಶೆಟ್ಟಿ
16ಮೊಹ್ಸಿನ್‌ ಖಾನ್‌
17ಸ್ಮರಣ್‌ ಆರ್‌.
18ಲವ್ನೀತ್‌ ಸಿಸೋಡಿಯಾ   (ವಿಕೆಟ್ ಕೀಪರ್)
19ವೈಶಾಖ್‌ ವಿಜಯ ಕುಮಾರ್‌
20ಮನ್ವಂತ್‌ ಕುಮಾರ್‌ ಎಲ್‌.
21ಯಶೋವರ್ಧನ್‌ ಪ್ರತಾಪ್‌
22ಪ್ರವೀಣ್ ದುಬೆ
23ವೆಂಕಟೇಶ್‌ ಎಂ.
24ಎಸ್‌ಜೆ ನಿಕಿನ್‌ ಜೋಸ್‌
25ಅನೀಶ್‌ ಕೆವಿ
26ಶಶಿ ಕುಮಾರ್‌ ಕೆ.
27ಪರಾಸ್‌ ಗುರ್ಬಕ್ಸ್‌ ಆರ್ಯ
28ಶಿಖರ್‌ ಶೆಟ್ಟಿ
29ಕಿಶನ್‌ ಎಸ್‌ ಬೆದಾರೆ
30ಹರ್ಷಿಲ್‌ ಧರ್ಮಾನಿ
31ವಿದ್ವತ್‌ ಕಾವೇರಪ್ಪ
32ಕೃತಿಕ್‌ ಕೃಷ್ಣ        (ವಿಕೆಟ್ ಕೀಪರ್)

 

ಕೋಚ್‌ :ಯರೇ ಗೌಡ
ಬೌಲಿಂಗ್‌ ಕೋಚ್‌: ಮನ್ಸೂರ್‌ ಅಲಿ ಖಾನ್‌ ‌
ಫೀಲ್ಡಿಂಗ್‌ ಕೋಚ್‌: ಶಭರೀಶ್‌ ಮೋಹನ್‌
ಮ್ಯಾನೇಜರ್‌: ಎ. ರಮೇಶ್‌ ರಾವ್‌
ಫಿಸಿಯೋಥೆರಪಿಸ್ಟ್‌: ಜಾಬಾ ಪ್ರಭು
ಶಕ್ತಿ ಮತ್ತು ಸ್ಥಿತಿ ನಿರ್ವಹಣೆ ಕೋಚ್‌: ಕಿರಣ್‌ ಎ.
ಮಸಾಜ್:ಸೋಮಸುಂದರ್‌ ಸಿ .ಎಂ
ವೀಡಿಯೋ ವಿಶ್ಲೇಷಕ :ಗಿರಿ ಪ್ರಸಾದ್

The post ಕರ್ನಾಟಕ ವಿಜಯ್ ಹಜಾರೆ ಟ್ರೋಫಿ ತಂಡದಲ್ಲಿ ಅಭಿಲಾಷ್ ಶೆಟ್ಟಿಗೆ ಸ್ಥಾನ, ಮನೀಶ್ ಪಾಂಡೆ ಔಟ್ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ವೈಭವ್ ಸೂರ್ಯವಂಶಿ ಐಪಿಎಲ್ ಇತಿಹಾಸದಲ್ಲಿ ತಂಡಕ್ಕೆ ಸಹಿ ಮಾಡಿದ ಅತ್ಯಂತ ಕಿರಿಯ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಐಪಿಎಲ್ ಸರಣಿಯ ಮೆಗಾ ಹರಾಜು ಕಳೆದ 2 ದಿನಗಳಿಂದ ಬಿರುಸಿನಿಂದ ನಡೆದಿದೆ. ಇದರಲ್ಲಿ ಇತಿಹಾಸವನ್ನೇ ಬದಲಿಸುವ ಹಲವು ಸಾಧನೆಗಳು ನಡೆದವು. ಅದರಂತೆ ರಾಜಸ್ಥಾನ ತಂಡಕ್ಕೆ 13ರ ಹರೆಯದ ಆಟಗಾರನನ್ನು ಸಹಿ ಮಾಡಲಾಗಿದೆ.

The post IPL ಇತಿಹಾಸದಲ್ಲೇ 13 ವರ್ಷದ ಕಿರಿಯ ಆಟಗಾರ..!! ‘ವೈಭವ್ ಸೂರ್ಯವಂಶಿ’ ಕ್ರಿಕೆಟ್ ಜಗತ್ತನ್ನು ಅಲುಗಾಡಿಸುತ್ತಾರಾ? appeared first on SportsKannada ಸ್ಪೋರ್ಟ್ಸ್ ಕನ್ನಡ.

10 ನಿಮಿಷದಲ್ಲಿ ಇತಿಹಾಸ ಬದಲಿಸಿದ ಲಕ್ನೋ ,ರಿಷಬ್ ಪಂತ್’!  ರೂ.27 ಕೋಟಿಗೆ ಹರಾಜು!

ಆಲ್‌ರೌಂಡರ್ ಮತ್ತು ವಿಕೆಟ್‌ಕೀಪರ್ ರಿಷಬ್ ಪಂತ್ ಅವರನ್ನು ಲಕ್ನೋ ಸೂಪರ್‌ಜೈಂಟ್ಸ್ ತೀವ್ರ ಪೈಪೋಟಿಯ ಬಿಡ್‌ನಲ್ಲಿ ಎತ್ತಿಕೊಂಡರು.

ಐಪಿಎಲ್ 18ನೇ ಆವೃತ್ತಿಯ ಮೆಗಾ ಹರಾಜು ಸದ್ಯ ಸೌದಿ ಅರೇಬಿಯಾದಲ್ಲಿ ಭರದಿಂದ ಸಾಗುತ್ತಿದೆ. ಈ ಪೈಕಿ ಪ್ರಮುಖ ಆಟಗಾರರ ಹರಾಜು ಪ್ರಕ್ರಿಯೆ ನಡೆಯುತ್ತಿದೆ.

ಅದರಂತೆ, ಈ ಹಿಂದೆ ಶ್ರೇಯಸ್ ಅಯ್ಯರ್ ಅವರು ತೀವ್ರ ಪೈಪೋಟಿ ಹೊಂದಿದ್ದರು, ಇದರಲ್ಲಿ ಅವರನ್ನು ಪಂಜಾಬ್ 27.75 ಕೋಟಿಗೆ ತೆಗೆದುಕೊಂಡಿತು. ಐಪಿಎಲ್ ಇತಿಹಾಸ ಎಂದು ಹೇಳುತ್ತಿರುವಾಗ ರಿಷಬ್ ಪಂತ್ ಮುಂದಿನ 10 ನಿಮಿಷಗಳಲ್ಲಿ ಅದನ್ನು ಬದಲಾಯಿಸಿದರು.

ಅದರಂತೆ ರಿಷಬ್ ಪಂತ್ ಹರಾಜಿಗೆ ಬಂದಾಗ ಹಲವು ತಂಡಗಳ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿತ್ತು. ವಿಶೇಷವಾಗಿ ಪಂಜಾಬ್, ದೆಹಲಿ, ಹೈದರಾಬಾದ್ ಮತ್ತು ಲಖನೌ ತಂಡಗಳು ಸ್ಪರ್ಧಿಸಿದ್ದವು. ರಿಷಬ್ ಪಂತ್ ಗೆ ತೀವ್ರ ಪೈಪೋಟಿ ನಡೆದಿದೆ ಎನ್ನಬಹುದು.

ಕೊನೆಗೆ ಲಖನೌ ತಂಡ ತಮ್ಮ ಬಜೆಟ್ ಅನ್ನು 20.75 ಕೋಟಿಯಿಂದ 27 ಕೋಟಿಗೆ ಏರಿಸಿದಾಗ ಎದುರಾಳಿ ಡೆಲ್ಲಿ ತಂಡ ಸ್ಪರ್ಧೆಯಿಂದ ಹಿಂದೆ ಸರಿದಿತ್ತು. ಹಾಗಾಗಿ ಅಂತಿಮವಾಗಿ ರಿಷಬ್ ಪಂತ್ ಅವರನ್ನು ಲಕ್ನೋ ತಂಡ 27 ಕೋಟಿ ರೂ.ಗೆ ತೆಗೆದುಕೊಂಡಿತು.

ಇದರೊಂದಿಗೆ ರಿಷಬ್ ಪಂತ್ ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ಹರಾಜಿಗಿಟ್ಟ ಆಟಗಾರ ಎನಿಸಿಕೊಂಡರು. ಅಲ್ಲದೆ, ಲಕ್ನೋ ತಂಡದ ನಾಯಕತ್ವ ಖಾಲಿಯಾಗಿರುವುದರಿಂದ ಪಂತ್ ಲಕ್ನೋ ತಂಡದ ನಾಯಕರಾಗಿಯೂ ಕಾರ್ಯನಿರ್ವಹಿಸಬಹುದು ಎಂದು ನಿರೀಕ್ಷಿಸಲಾಗಿದೆ.

The post 10 ನಿಮಿಷದಲ್ಲಿ ಇತಿಹಾಸ ಬದಲಿಸಿದ ಲಕ್ನೋ ,ರಿಷಬ್ ಪಂತ್’!  ರೂ.27 ಕೋಟಿಗೆ ಹರಾಜು! appeared first on SportsKannada ಸ್ಪೋರ್ಟ್ಸ್ ಕನ್ನಡ.

RCB ನಾಯಕ ಕೊಹ್ಲಿ? ಖುಷಿಯಾದ ಅಭಿಮಾನಿಗಳು

ಇಂಡಿಯನ್ ಪ್ರೀಮಿಯರ್ ಲೀಗ್‌ನ ಪ್ರೀಮಿಯರ್ ಲೀಗ್‌ನ 2025 ರ ಸೀಸನ್‌ಗೆ ಮುಂಚಿತವಾಗಿ ಆರ್‌ಸಿಬಿ ನಡೆಗಳು ಅಭಿಮಾನಿಗಳನ್ನು ತೃಪ್ತಿಪಡಿಸುತ್ತಿಲ್ಲ. ವರದಿಯ ಪ್ರಕಾರ ಕೆಎಲ್ ರಾಹುಲ್ ಆರ್‌ಸಿಬಿ ತಲುಪಬೇಕಿದ್ದ ಆಟಗಾರ. ಲಕ್ನೋ ತೊರೆದ ನಂತರ ರಾಹುಲ್ ಅವರನ್ನು ಆರ್‌ಸಿಬಿ ನಾಯಕನಾಗಿ ಕರೆತರುತ್ತಾರೆ ಎಂದು ಎಲ್ಲರೂ ನಿರೀಕ್ಷಿಸಿದ್ದರು. ಆದರೆ ರಾಹುಲ್ 14 ಕೋಟಿಗೆ ದೆಹಲಿ ಕ್ಯಾಪಿಟಲ್ಸ್‌ಗೆ ಹೋಗುತ್ತಿದ್ದಾರೆ.

ಅಭಿಮಾನಿಗಳು ನಿರೀಕ್ಷಿಸಿದ ಯಾವುದೇ ಆಟಗಾರರನ್ನು ಆರ್‌ಸಿಬಿ ಸೇರಿಸಿಕೊಂಡಿಲ್ಲ.

ರಾಹುಲ್‌ಗಾಗಿ ಆರ್‌ಸಿಬಿ 20 ಕೋಟಿ ಖರ್ಚು ಮಾಡಲಿದೆ ಎಂದು ನಿರೀಕ್ಷಿಸಲಾಗಿತ್ತು, ಆದರೆ ಅಂತಹ ಪ್ರಯತ್ನ ಆರ್‌ಸಿಬಿ ಕಡೆಯಿಂದ ಆಗಲಿಲ್ಲ. ರಾಹುಲ್‌ಗೆ 13 ಕೋಟಿಗೂ ಹೆಚ್ಚು ಹಣ ನೀಡಲು ಆರ್‌ಸಿಬಿ ಸಿದ್ಧವಿರಲಿಲ್ಲ. ಶ್ರೇಯಸ್ ಅಯ್ಯರ್ ಅವರ ಸಂಭಾವನೆ ವೇಗವಾಗಿ ಹೆಚ್ಚಿದ್ದು, ಆರ್‌ಸಿಬಿ ಅವರನ್ನು ತಂಡಕ್ಕೆ ಕರೆತರಲು ಪ್ರಯತ್ನಿಸಲಿಲ್ಲ. ಎಲ್ಲಾ ಸ್ಟಾರ್‌ಗಳನ್ನು ಕೈಬಿಟ್ಟ ನಂತರ RCB ನಾಯಕನಾಗಿ ಯಾರನ್ನು ತರುತ್ತದೆ ಎಂಬ ಪ್ರಶ್ನೆ ಜೀವಂತವಾಗಿದೆ.

ಪ್ರಸ್ತುತ ತಂಡದ ಪರಿಸ್ಥಿತಿಯನ್ನು ಪರಿಗಣಿಸಿ, ಆರ್‌ಸಿಬಿ ವಿರಾಟ್ ಕೊಹ್ಲಿಯನ್ನು ಮತ್ತೆ ನಾಯಕನ ಸ್ಥಾನಕ್ಕೆ ತರಬಹುದು. ಆರ್‌ಸಿಬಿಗೆ ನಾಯಕತ್ವ ವಹಿಸಲು ಕೊಹ್ಲಿ ಆಸಕ್ತಿ ಹೊಂದಿದ್ದಾರೆ ಎಂದು ವರದಿಯಾಗಿದೆ. ಹೀಗಿರುವಾಗ ಕೊಹ್ಲಿ ಮತ್ತೆ ನಾಯಕ ಆಗುವ ಸಾಧ್ಯತೆ ಹೆಚ್ಚಿದೆ. ಈ ನಿರ್ಧಾರದಿಂದ ಅಭಿಮಾನಿಗಳು ಸಂತಸಗೊಂಡಿದ್ದಾರೆ. ಈಗಾಗಲೇ ಕೊಹ್ಲಿ ನಾಯಕ ಆಗಿ ಕಮ್ ಬ್ಯಾಕ್ ಮಾಡ್ತಾರಂತೆ.

The post RCB ನಾಯಕ ಕೊಹ್ಲಿ? ಖುಷಿಯಾದ ಅಭಿಮಾನಿಗಳು appeared first on SportsKannada ಸ್ಪೋರ್ಟ್ಸ್ ಕನ್ನಡ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಮುಂಬೈಕರ್ ಬೌಲಿಂಗ್ ಕೋಚ್

ಐಪಿಎಲ್-2025ನೇ ಸಾಲಿನ ಟೂರ್ನಿಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಸಜ್ಜಾಗುತ್ತಿದೆ. ಮಾಜಿ ನಾಯಕ ವಿರಾಟ್ ಕೊಹ್ಲಿ, ರಜತ್ ಪಾಟಿದಾರ್ ಮತ್ತು ಯಶ್ ದಯಾಳ್ ಅವರನ್ನು ರಿಟೇನ್ ಮಾಡಿಕೊಂಡಿರುವ ಆರ್.ಸಿ.ಬಿ, ಮೆಗಾ ಆಕ್ಷನ್’ಗೆ ರೆಡಿಯಾಗುತ್ತಿದೆ.

ಈ ಮಧ್ಯೆ ಆರ್.ಸಿ.ಬಿ ತಂಡಕ್ಕೆ ಹೊಸ ಬೌಲಿಂಗ್ ಕೋಚ್ ಬಂದಿದ್ದಾರೆ. ಅವರೇ, ಮುಂಬೈನ ಓಂಕಾರ್ ಸಾಳ್ವಿ.

ಓಂಕಾರ್ ಸಾಳ್ವಿ ರಣಜಿ ಟ್ರೋಫಿ, ಇರಾನಿ ಕಪ್ ವಿಜೇತ ಮುಂಬೈ ತಂಡದ ಬೌಲಿಂಗ್ ಕೋಚ್ ಆಗಿದ್ದರು. ಇದೀಗ ಆರ್.ಸಿ.ಬಿ ಬ್ಯಾಟಿಂಗ್ ಕೋಚ್ ಹಾಗೂ ಮೆಂಟರ್ ಆಗಿರುವ ದಿನೇಶ್ ಕಾರ್ತಿಕ್, ಮುಂಬೈನ ಓಂಕಾರ್ ಸಾಳ್ವಿ ಅವರನ್ನು ರಾಯಲ್ ಚಾಲೆಂಜರ್ಸ್ ತಂಡದ ಕೋಚಿಂಗ್ ಸ್ಟಾಫ್ ಆಗಿ ಕರೆ ತರುವಲ್ಲಿ ಯಶಸ್ವಿಯಾಗಿದ್ದಾರೆ.

RCB ಕೋಚಿಂಗ್ ಮತ್ತು ಸಹಾಯಕ ಸಿಬ್ಬಂದಿ
ಚೇರ್ಮನ್: ಪ್ರಥಮೇಶ್ ಮಿಶ್ರಾ
ಉಪಾಧ್ಯಕ್ಷ ಮತ್ತು ಮುಖ್ಯಸ್ಥ: ರಾಜೇಶ್ ಮೆನನ್
ಹೆಡ್ ಕೋಚ್: ಆ್ಯಂಡಿ ಫ್ಲವರ್
ಬ್ಯಾಟಿಂಗ್ ಕೋಚ್ ಮತ್ತು ಮೆಂಟರ್: ದಿನೇಶ್ ಕಾರ್ತಿಕ್
ಬೌಲಿಂಗ್ ಕೋಚ್: ಓಂಕಾರ್ ಸಾಳ್ವಿ
ಫೀಲ್ಡಿಂಗ್ ಕೋಚ್ & ಟ್ಯಾಲೆಂಟ್ ಸ್ಕೌಟ್: ಮಲೋಲನ್ ರಂಗರಾಜನ್
ಹೆಡ್ ಆಫ್ ಮಾರ್ಕೆಟಿಂಗ್ & ರೆವೆನ್ಯೂ: ನಿಖಿಲ್ ಸೋಸಲೆ
ಹೆಡ್ ಆಫ್ ಕಂಟೆಂಟ್ & ಡಿಜಿಟಲ್: ಅಜಿತ್ ರಾಮಮೂರ್ತಿ
ಡೈರೆಕ್ಟರ್ ಆಫ್ ಕ್ರಿಕೆಟ್ ಆಪರೇಷನ್ಸ್: ಮೊ ಬೊಬಾಟ್
ಸ್ಟ್ರೆಂತ್ & ಕಂಡಿಷನಿಂಗ್ ಕೋಚ್: ಶಂಕರ್ ಬಸು
ಟೀಮ್ ಫಿಸಿಯೊ: ಇವಾನ್ ಸ್ಪೀಚ್ಲೀ
ಟೀಮ್ ಅನಾಲಿಸ್ಟ್: ಫ್ರೆಡ್ಡೀ ವಿಲ್ಡೇ
ಸ್ಪೋರ್ಟ್ಸ್ ಮಸಾಜ್ ಥೆರಪಿಸ್ಟ್: ನವನೀತಾ ಗೌತಮ್
ಮ್ಯಾಸಿಯರ್ & ಕೇರ್ ಟೇಕರ್: ರಮೇಶ್ ಮಾನೆ
ಮಾಸಿಯರ್: ಮಂಗೇಶ್
ವೆಲ್’ನೆಸ್ ಎಕ್ಸ್’ಪರ್ಟ್: ಡಾ.ಚೈತನ್ಯ ಶ್ರೀಧರ್

The post ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಮುಂಬೈಕರ್ ಬೌಲಿಂಗ್ ಕೋಚ್ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಅಣ್ಣನ ಕನಸು ಮರಳಿ ತರುವ ಪ್ರಯತ್ನದಲ್ಲಿ ಚಿಕ್ಕಣ್ಣ

ಭಾರತ ಕ್ರಿಕೆಟ್ ತಂಡದ ಸ್ಟಾರ್ ಓಪನರ್ ಯಶಸ್ವಿ ಜೈಸ್ವಾಲ್ ಬಡತನದಿಂದ ಸ್ಟಾರ್ ಪಟ್ಟಕ್ಕೆ ಏರಿದ್ದು ಹೇಗೆ ಎಂಬುದು ಎಲ್ಲರಿಗೂ ಗೊತ್ತೇ ಇದೆ. ಪ್ರಸ್ತುತ, ಜೈಸ್ವಾಲ್ ಭಾರತೀಯ ತಂಡದಲ್ಲಿ ಅನಿವಾರ್ಯ ಆಟಗಾರರಾಗಿದ್ದಾರೆ. ರಾಜಸ್ಥಾನ್ ರಾಯಲ್ಸ್, ಜೈಸ್ವಾಲ್ ಅವರನ್ನು ಐಪಿಎಲ್ 2025 ರ ಸೀಸನ್‌ಗಾಗಿ 18 ಕೋಟಿ ರೂಪಾಯಿಗಳಿಗೆ ಉಳಿಸಿಕೊಂಡಿದೆ.

ಪಾನಿಪುರಿ ಮಾರುತ್ತಿದ್ದ ಹುಡುಗ ಯಶಸ್ವಿ ಜೈಸ್ವಾಲ್ ಕ್ರಿಕೆಟ್ ನಲ್ಲಿ ಸಾಧನೆ ಮಾಡುತ್ತಲೇ ಇರುವಾಗಲೇ ಇದೀಗ ಜೈಸ್ವಾಲ್ ಸಹೋದರ ತೇಜಸ್ವಿ ಜೈಸ್ವಾಲ್ ಕೂಡ ಐಪಿಎಲ್ ಹರಾಜಿನಲ್ಲಿ ಫೀಲ್ಡ್ ಗೆ ಎಂಟ್ರಿ ಕೊಡುತ್ತಿರುವುದು ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದೆ.

ಕಿರಿಯ ಸಹೋದರ ಯಶಸ್ವಿ ಜೈಸ್ವಾಲ್ ಅವರಂತೆ, ಅವರ ಹಿರಿಯ ಸಹೋದರ ಕೂಡ ಕ್ರಿಕೆಟಿಗರಾಗಿದ್ದರು. ಆದರೆ ಸಂಸಾರದ ದುರವಸ್ಥೆಯಿಂದಾಗಿ ಕೂಲಿ ಕೆಲಸಕ್ಕೆ ಹೋದಾಗ ಮಾತ್ರ ಊಟ ಬರುತ್ತಿತ್ತು. ಇದರ ಬೆನ್ನಲ್ಲೇ ತಮ್ಮ ಕ್ರಿಕೆಟ್ ಕನಸನ್ನು ಸಮಾಧಿ ಮಾಡಿಕೊಂಡ ತೇಜಸ್ವಿ ದೆಹಲಿಗೆ ಹೋಗಿ ಬೀದಿ ಬೀದಿಯಲ್ಲಿ ದೀಪ ಮಾರುತ್ತಿದ್ದರು. ಅದರಿಂದ ಬಂದ ಆದಾಯವನ್ನು ತಮ್ಮ ಸಹೋದರ ಯಶಸ್ವಿ ಜೈಸ್ವಾಲ್‌ಗೆ ಕಳುಹಿಸುತ್ತಿದ್ದರು.

ಜೈಸ್ವಾಲ್ ಕ್ರಿಕೆಟ್‌ನಲ್ಲಿ ಶ್ರೇಷ್ಠ ಶಿಖರವನ್ನು ತಲುಪಿದ್ದು, ಇದೀಗ ಅವರ ಕುಟುಂಬ ಉತ್ತಮ ಸ್ಥಿತಿಯಲ್ಲಿದೆ. ಇದರ ಬೆನ್ನಲ್ಲೇ ಕಿರಿಯ ಸಹೋದರ ಯಶಸ್ವಿ ಜಯಸ್ವಾಲ್ ತನ್ನ ಸಹೋದರ ಕುಟುಂಬದ ಸಲುವಾಗಿ ಕ್ರಿಕೆಟ್ ವೃತ್ತಿಜೀವನವನ್ನು ತ್ಯಜಿಸಬಾರದು ಎಂದು ಮತ್ತೆ ಕ್ರಿಕೆಟ್ ಆಡಲು ತನ್ನ ಸಹೋದರನಿಗೆ ಸಲಹೆ ನೀಡಿದ್ದಾರೆ.

ಇದರ ನಂತರ, ತೇಜಸ್ವಿ ಜಯಸ್ವಾಲ್ ಮತ್ತೆ ಕೈಯಲ್ಲಿ ಬ್ಯಾಟ್ ಮತ್ತು ಬಾಲ್ ಹಿಡಿದು ಅಭ್ಯಾಸ ಮಾಡಿ ಕಳೆದ ಅಕ್ಟೋಬರ್‌ನಲ್ಲಿ ಉತ್ತರ ಪ್ರದೇಶಕ್ಕಾಗಿ ರಣಜಿ ಕ್ರಿಕೆಟ್‌ಗೆ ಪಾದಾರ್ಪಣೆ ಮಾಡಿದರು. ತೇಜಸ್ವಿ ಜೈಸ್ವಾಲ್ ಆಲ್ ರೌಂಡರ್. ಬ್ಯಾಟಿಂಗ್ ಮತ್ತು ವೇಗದ ಬೌಲಿಂಗ್ ಎರಡನ್ನೂ ಮಾಡುತ್ತಾರೆ.

ಎಡಗೈ ಬ್ಯಾಟ್ಸ್‌ಮನ್ ಆಗಿ ಬ್ಯಾಟಿಂಗ್ ಮತ್ತು ಬಲಗೈ ಬೌಲರ್ ಆಗಿ ಬೌಲಿಂಗ್ ಮಾಡುತ್ತಿರುವ ತೇಜಸ್ವಿ ಇದುವರೆಗೆ ನಾಲ್ಕು ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಿದ್ದಾರೆ. ವಿಶೇಷವಾಗಿ ಬರೋಡಾ ವಿರುದ್ಧದ ನಿರ್ಣಾಯಕ ಪಂದ್ಯದಲ್ಲಿ ತೇಜಸ್ವಿ ಜೈಸ್ವಾಲ್ 82 ರನ್ ಗಳಿಸಿದ್ದರು.

ಹರಾಜಿನಲ್ಲಿ ಜಿಗಿದ ಜೈಸ್ವಾಲ್ ಸಹೋದರ!

ಈ ಹಂತದಲ್ಲಿ ತೇಜಸ್ವಿ ಜಯಸ್ವಾಲ್ ಐಪಿಎಲ್ ಮೆಗಾ ಹರಾಜಿನಲ್ಲಿ ತಮ್ಮ ಹೆಸರನ್ನು ನೋಂದಾಯಿಸಿಕೊಂಡಿದ್ದಾರೆ. ಅವರು ತಮ್ಮ ಕಿರಿಯ ಸಹೋದರನಂತೆ ಕ್ರಿಕೆಟ್‌ನಲ್ಲಿ ದೊಡ್ಡ ವ್ಯಕ್ತಿಯಾಗುತ್ತಾರೆ ಎಂದು ಅಭಿಮಾನಿಗಳು ನಿರೀಕ್ಷಿಸುತ್ತಿದ್ದಾರೆ. ಸಂಸಾರಕ್ಕಾಗಿ ತನ್ನ ಕನಸನ್ನು ಕಳೆದುಕೊಂಡ ಅಣ್ಣ ಮತ್ತು ಆತನ ಕನಸು ಮರಳಿ ತರಲು ಪ್ರಯತ್ನಿಸುತ್ತಿರುವ ಚಿಕ್ಕಣ್ಣನ ಕಥೆ ಅಭಿಮಾನಿಗಳನ್ನು ತಲುಪುವಂತೆ ಮಾಡಿದೆ.

The post ಅಣ್ಣನ ಕನಸು ಮರಳಿ ತರುವ ಪ್ರಯತ್ನದಲ್ಲಿ ಚಿಕ್ಕಣ್ಣ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಸಚಿನ್ ತೆಂಡೂಲ್ಕರ್ ಅವರ ಪುತ್ರ ಅರ್ಜುನ್ ತೆಂಡೂಲ್ಕರ್ ಸೆನ್ಸೇಷನಲ್ ಬೌಲಿಂಗ್‌ನಿಂದ ಪ್ರಭಾವಿತರಾದರು. ಪ್ರತಿಷ್ಠಿತ ದೇಶೀಯ ಪಂದ್ಯಾವಳಿ ರಣಜಿ ಟ್ರೋಫಿಯಲ್ಲಿ ಅವರು ಮೊದಲ ಬಾರಿಗೆ ಐದು ವಿಕೆಟ್ ಪಡೆದರು. ಈ ಟೂರ್ನಿಯಲ್ಲಿ ಗೋವಾವನ್ನು ಪ್ರತಿನಿಧಿಸುತ್ತಿರುವ ಅರ್ಜುನ್ ತೆಂಡೂಲ್ಕರ್  ಅರುಣಾಚಲ ಪ್ರದೇಶ ವಿರುದ್ಧದ ಪಂದ್ಯದಲ್ಲಿ ಬೆಂಕಿ ಹಚ್ಚಿದ್ದರು.

ಈ ಪಂದ್ಯದಲ್ಲಿ ಒಟ್ಟು 9 ಓವರ್ ಬೌಲ್ ಮಾಡಿದ ಅರ್ಜುನ್ ತೆಂಡೂಲ್ಕರ್ 25 ರನ್ ನೀಡಿ 5 ವಿಕೆಟ್ ಪಡೆದರು. ಈ ಐದು ವಿಕೆಟ್‌ಗಳಲ್ಲಿ ಮೂವರು ಬ್ಯಾಟ್ಸ್‌ಮನ್‌ಗಳು ಕ್ಲೀನ್ ಬೌಲ್ಡ್ ಆಗಿದ್ದರು.ಇದು ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿ ಅರ್ಜುನ್ ತೆಂಡೂಲ್ಕರ್ ಅವರ ಮೊದಲ ಐದು ವಿಕೆಟ್ ಸಾಧನೆಯಾಗಿದೆ. ಇತ್ತೀಚೆಗೆ ಕಳಪೆ ಪ್ರದರ್ಶನದಿಂದ ಬಳಲುತ್ತಿರುವ ಅರ್ಜುನ್ ತೆಂಡೂಲ್ಕರ್ ಗೆ ಈ ಪ್ರದರ್ಶನ ಆತ್ಮವಿಶ್ವಾಸ ಮೂಡಿಸಲಿದೆ.

ಐಪಿಎಲ್ 2025ರ ಮೆಗಾ ಹರಾಜಿಗೂ ಮುನ್ನ ಅರ್ಜುನ್ ತೆಂಡೂಲ್ಕರ್ 5 ವಿಕೆಟ್ ಪಡೆಯುವ ಮೂಲಕ ಫ್ರಾಂಚೈಸಿಗಳ ಗಮನ ಸೆಳೆದಿದ್ದಾರೆ. ಫ್ರಾಂಚೈಸಿಗಳು ಅವರಿಗೆ ಬಿಡ್ ಮಾಡುವ ಸಾಧ್ಯತೆಯಿದೆ.

The post ಅರ್ಜುನ್ ತೆಂಡೂಲ್ಕರ್: ಸಚಿನ್ ಪುತ್ರನ ಸೆನ್ಸೇಷನಲ್ ಬೌಲಿಂಗ್..! appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಆರ್‌ಸಿಬಿ ತಂಡಕ್ಕೆ ಆಡಿದ್ದು ಅದೊಂದು ಸುಂದರ ಪಯಣ

ಐಪಿಎಲ್ ಸರಣಿಯಲ್ಲಿ ಲಖನೌ ತಂಡದ ನಾಯಕರಾಗಿದ್ದ ಕೆಎಲ್ ರಾಹುಲ್ ಈ ಬಾರಿ ಬಿಡುಗಡೆಗೊಂಡಿದ್ದಾರೆ. ಇದು ಐಪಿಎಲ್ ಮೆಗಾ ಹರಾಜಿನಲ್ಲಿ ಕೆಎಲ್ ರಾಹುಲ್ ಅವರನ್ನು ಯಾವ ತಂಡ ಖರೀದಿಸಲಿದೆ ಎಂಬ ನಿರೀಕ್ಷೆಗೆ ಕಾರಣವಾಗಿದೆ. ಕೆಎಲ್ ರಾಹುಲ್  ವಿಕೆಟ್-ಕೀಪರ್ ಮತ್ತು ಯಾವುದೇ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಆಡಬಲ್ಲವರು. ಅದು ಆರಂಭಿಕ, ಮಧ್ಯಮ…. ಅವರನ್ನು ಖರೀದಿಸಲು ದೊಡ್ಡ ಸ್ಪರ್ಧೆಯನ್ನು ನಿರೀಕ್ಷಿಸಲಾಗಿದೆ. ಅದೇ ರೀತಿ ಈ ಬಾರಿಯೂ ಕೆಎಲ್ ರಾಹುಲ್ ಅವರನ್ನು ಆರ್‌ಸಿಬಿ ಖರೀದಿಸಲಿದೆ ಎಂದು ಹೇಳಲಾಗುತ್ತಿದೆ.

ಏಕೆಂದರೆ ತಂಡಕ್ಕೆ ನಾಯಕನ ಅಗತ್ಯವಿದ್ದು, ವಿರಾಟ್ ಕೊಹ್ಲಿ ನಂತರ ಸ್ಟಾರ್ ಆಟಗಾರನನ್ನು ಕರೆತರುವ ಅಗತ್ಯವಿದೆ. ಇದಲ್ಲದೇ ಕೆಎಲ್ ರಾಹುಲ್ ಕರ್ನಾಟಕ ರಾಜ್ಯದವರಾಗಿರುವುದರಿಂದ ಸ್ಥಳೀಯ ಅಭಿಮಾನಿಗಳನ್ನೂ ಸುಲಭವಾಗಿ ತನ್ನತ್ತ ಸೆಳೆಯುವಂತಿದೆ.

ಈ ಕುರಿತು ಮಾತನಾಡಿದ ಕೆಎಲ್ ರಾಹುಲ್, ನಾನು 2013ರಲ್ಲಿ ಆರ್‌ಸಿಬಿ ತಂಡಕ್ಕೆ ಸಹಿ ಮಾಡಿದ್ದೆ. ನಂತರ 2016ರಲ್ಲಿ ಮತ್ತೆ ಆರ್‌ಸಿಬಿ ತಂಡ ಸೇರಿಕೊಂಡೆ. ಅದೊಂದು ಸುಂದರ ಪಯಣ. ಆರ್‌ಸಿಬಿ ಪರ ಆಡುವಾಗ ನಾನು ಖುಷಿಯಾಗಿದ್ದೆ ಎಂದು ಹೇಳಲೇಬೇಕು. ಬೆಂಗಳೂರು ನನ್ನ ಹುಟ್ಟೂರು. ಹಾಗಾಗಿ ಆರ್‌ಸಿಬಿ ಅಭಿಮಾನಿಗಳು ಅವರನ್ನು ಕನ್ನಡದ ಆಟಗಾರನಾಗಿಯೇ ನೋಡುತ್ತಾರೆ.

ಅದೇ ರೀತಿ ಕಳೆದ 5 ರಿಂದ 6 ವರ್ಷಗಳಲ್ಲಿ ವಿರಾಟ್ ಕೊಹ್ಲಿ ಮತ್ತು ನಾನು 2016ರ ಐಪಿಎಲ್ ಫೈನಲ್ ಬಗ್ಗೆ ಹಲವು ಬಾರಿ ಮಾತನಾಡಿದ್ದೇವೆ. ಆ ಫೈನಲ್‌ನಲ್ಲಿ ನಾನು ಅಥವಾ ವಿರಾಟ್ ಕೊಹ್ಲಿ ಸ್ವಲ್ಪ ಹೆಚ್ಚುವರಿ ಸಮಯ ಬ್ಯಾಟಿಂಗ್ ಮಾಡಿದ್ದರೆ, RCB ಗೆಲುವಿನ ಸಾಧ್ಯತೆ ಹೆಚ್ಚು. ಆ ಋತುವಿನಲ್ಲಿ ನಾವು ಕೊನೆಯ ಸ್ಥಾನದಿಂದ ಮೇಲೇರಿದ್ದೇವೆ ಮತ್ತು ಐಪಿಎಲ್ ಫೈನಲ್‌ಗೆ ಅರ್ಹತೆ ಪಡೆದಿದ್ದೆವು. ಗೆಲ್ಲುವ ಅವಕಾಶವಿತ್ತು. ಆದರೆ ಅದು ತಪ್ಪಿದೆ ಎಂದು ಹೇಳಿದರು.

The post ಆರ್‌ಸಿಬಿ ತಂಡಕ್ಕೆ ಆಡಿದ್ದು ಅದೊಂದು ಸುಂದರ ಪಯಣ appeared first on SportsKannada ಸ್ಪೋರ್ಟ್ಸ್ ಕನ್ನಡ.