ಸೂರ್ಯಕುಮಾರ್ ಯಾದವ್ Archives - SportsKannada ಸ್ಪೋರ್ಟ್ಸ್ ಕನ್ನಡ

ನಾಯಕತ್ವದ ಬೆನ್ನು ಬಿದ್ದವನ ಬೆನ್ನು ಮೂಳೆಯನ್ನೇ ಮುರಿದರು..!

ಕೋಟ ರಾಮಕೃಷ್ಣ ಆಚಾರ್ಯ — Fri, 19 Jul 2024 15:21:28 +0000

ವಿಶ್ವಕಪ್ ಗೆದ್ದ ಬೆನ್ನಲ್ಲೇ ರೋಹಿತ್ ಶರ್ಮಾ ಟಿ20 ಅಂತರಾಷ್ಟ್ರೀಯ ಕ್ರಿಕೆಟ್’ಗೆ ವಿದಾಯ ಹೇಳಿದಾಗ ಬಹುಶಃ ಖುಷಿ ಪಟ್ಟವನು ಹಾರ್ದಿಕ್ ಪಾಂಡ್ಯ ಒಬ್ಬನೇ ಇರಬೇಕು. ಕಾರಣವೂ ಇತ್ತು. ರೋಹಿತ್ ಜಾಗ ಖಾಲಿ ಮಾಡಿದರೆ ಟಿ20 ತಂಡದ ನಾಯಕತ್ವಕ್ಕೆ ಅವನೇ ವಾರಸ್ದಾರನಾಗಿದ್ದ.. ಆದರೆ ಕ್ರಿಕೆಟ್ ದೇವತೆ ಬರೆದ ಶಾಸನಕ್ಕೆ ಪಾಂಡ್ಯ ದಂಗಾಗಿ ಕೂತಿದ್ದಾನೆ.

ನಾಯಕನಾಗುವ ಮಾತು ಪಕ್ಕಕ್ಕಿರಲಿ.. ಪಾಂಡ್ಯನ ಮುಕುಟದಲ್ಲಿದ್ದ ಉಪನಾಯಕನ ಕಿರೀಟವನ್ನೂ ಕಿತ್ತುಕೊಳ್ಳಲಾಗಿದೆ. ಇನ್ನು ಮುಂದೆ ಭಾರತ ತಂಡದಲ್ಲಿ ಹಾರ್ದಿಕ್ ಪಾಂಡ್ಯ ಒಬ್ಬ ಸಾಮಾನ್ಯ ಆಟಗಾರನಷ್ಟೇ..

ಹಾರ್ದಿಕ್ ಪಾಂಡ್ಯ ನಿಸ್ಸಂದೇಹವಾಗಿ ಒಬ್ಬ ಅದ್ಭುತ ಕ್ರಿಕೆಟಿಗ. ಆದರೆ ಅದನ್ನು ಪಕ್ಕಕ್ಕಿಟ್ಟು ನೋಡಿದರೆ ಆತನಲ್ಲಿ ಮಾದರಿ ಎನಿಸುವಂಥಾ ಯಾವ ಗುಣಗಳೂ ಕಾಣುವುದಿಲ್ಲ. ನನಗೆ ಗೊತ್ತಿರುವ ಪ್ರಕಾರ ಪಾಂಡ್ಯನನ್ನು ಮನಸ್ಸಿನಿಂದ ಇಷ್ಟ ಪಡುವ ಒಬ್ಬ ಆಟಗಾರನೂ ಭಾರತ ತಂಡದಲ್ಲಿಲ್ಲ.

2021..
ಹಾರ್ದಿಕ್ ಪಾಂಡ್ಯ ಮುಂಬೈ ಇಂಡಿಯನ್ಸ್ ತಂಡ ತೊರೆದು ಗುಜರಾತ್ ಟೈಟನ್ಸ್ ನಾಯಕನಾಗಿ ಹೋದ ಸಮಯ. ಅಸಲಿಗೆ ಪಾಂಡ್ಯ ಮುಂಬೈ ತಂಡದ ನಾಯಕತ್ವ ಕೇಳಿದ್ದನಂತೆ. ‘’ರೋಹಿತ್ ಶರ್ಮಾ ಇರುವವರೆಗೆ ಅದು ಸಾಧ್ಯವಾಗದ ಮಾತು’’ ಎಂದಿದ್ದ ಆಕಾಶ್ ಅಂಬಾನಿ.

ನಾಯಕತ್ವದ ಬೆನ್ನು ಬಿದ್ದಿದ್ದ ಪಾಂಡ್ಯ ಐಪಿಎಲ್’ನ ಹೊಸ ತಂಡ ಗುಜರಾತ್ ಟೈಟನ್ಸ್ ಸೇರಿಕೊಂಡ.. ಮೊದಲ ಟೂರ್ನಿಯಲ್ಲೇ ತಂಡವನ್ನು ಚಾಂಪಿಯನ್ ಪಟ್ಟಕ್ಕೇರಿಸಿದ.. ಮರು ವರ್ಷ ಮತ್ತೆ ಫೈನಲ್. ಐಪಿಎಲ್’ನಲ್ಲಿ ಯಾವ ತಂಡಕ್ಕೂ ಸಿಗದ ಅದ್ಧೂರಿ ಆರಂಭ ಪಾಂಡ್ಯ ನಾಯಕತ್ವದ ಗುಜರಾತ್ ತಂಡಕ್ಕೆ ಸಿಕ್ಕಿತ್ತು.

ಕಾಲು ನೆಲದ ಮೇಲೆ ನಿಲ್ಲಲಿಲ್ಲ ಪಾಂಡ್ಯನಿಗೆ.. ‘’ಇನ್ನು ನನ್ನದೇ ಆಟ’’ ಎಂದುಕೊಂಡ. ಬಿಸಿಸಿಐ ಬಾಸ್ ಜಯ್ ಶಾ ಬೇರೆ ಗುಜರಾತ್’ನವನು. ಭಾರತ ತಂಡದಲ್ಲೂ ಪಾಂಡ್ಯನಿಗೆ ಪ್ರಾಮುಖ್ಯತೆ ಸಿಗಲಾರಂಭಿಸಿತು. ಟಿ20 ತಂಡದ ನಾಯಕತ್ವ ಪಾಂಡ್ಯ ಹೆಗಲೇರಿತು. ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಟಿ20 ತಂಡಕ್ಕೆ ಬೇಡ ಎನ್ನುವಷ್ಟರ ಮಟ್ಟಿಗೆ ಬೆಳೆದು ಬಿಟ್ಟ ಹಾರ್ದಿಕ್ ಪಾಂಡ್ಯ.

ಪಾಂಡ್ಯನಿಗೆ ಭಾರತ ತಂಡದಲ್ಲಿ ಸಿಕ್ಕ ಪ್ರಾಮುಖ್ಯತೆ, ಗುಜರಾತ್ ತಂಡಕ್ಕೆ ಚಾಂಪಿಯನ್’ಷಿಪ್ ಗೆಲ್ಲಿಸಿಕೊಟ್ಟದ್ದನ್ನು ನೋಡಿ ಮುಂಬೈ ಇಂಡಿಯನ್ಸ್ ತಂಡದ ಮಾಲೀಕ ಆಕಾಶ್ ಅಂಬಾನಿಗೂ ತಲೆ ತಿರುಗಿತು. ತಂಡಕ್ಕೆ 5 ಟ್ರೋಫಿಗಳನ್ನು ಗೆಲ್ಲಿಸಿಕೊಟ್ಟವನೆಂಬುದನ್ನೂ ನೋಡದೆ ರೋಹಿತ್ ಶರ್ಮಾನನ್ನು ಪಕ್ಕಕ್ಕೆ ತಳ್ಳಿ ಹಾರ್ದಿಕ್ ಪಾಂಡ್ಯನಿಗೆ ಪಟ್ಟಾಭಿಷೇಕ ಮಾಡಿಯೇ ಬಿಟ್ಟ. ನೆನಪಿರಲಿ.. ರೋಹಿತ್ ಶರ್ಮಾನನ್ನು ಸೌಜನ್ಯಕ್ಕೂ ಒಂದು ಮಾತೂ ಕೇಳದೆ ಪಾಂಡ್ಯನಿಗೆ ಪಟ್ಟ ಕಟ್ಟಲಾಗಿತ್ತು.

ಮುಂಬೈ ತಂಡದಲ್ಲಿ ಹಾರ್ದಿಕ್ ಪಾಂಡ್ಯನನ್ನು ನಾಯಕನನ್ನಾಗಿ ಪೂರ್ಣ ಮನಸ್ಸಿನಿಂದ ಒಪ್ಪಿಕೊಂಡವರು ಬಹುಶಃ ಇಬ್ಬರೇ.. ನೀತಾ ಅಂಬಾನಿ ಮತ್ತು ಆಕಾಶ್ ಅಂಬಾನಿ.. ಕಾರಣ, ಪಾಂಡ್ಯ ಪಟ್ಟಾಭಿಷೇಕ ಅವರದ್ದೇ ನಿರ್ಧಾರವಾಗಿತ್ತು. ನಾಯಕತ್ವಕ್ಕಾಗಿ ತಂಡವನ್ನು ತೊರೆದವನನ್ನು ವಾಪಸ್ ಕರೆದು ಪಟ್ಟ ಕಟ್ಟಿದ್ದನ್ನು ಯಾರು ತಾನೇ ಒಪ್ಪಲು ಸಾಧ್ಯ..? ಹಾರ್ದಿಕ್ ಪಾಂಡ್ಯ ಮುಂಬೈ ತಂಡಕ್ಕೆ ವಾಪಸ್ ಬಂದಾಗ ಜಸ್ಪ್ರೀತ್ ಬುಮ್ರಾ ಮತ್ತು ಸೂರ್ಯಕುಮಾರ್ ಯಾದವ್ ಅಸಹನೆ ಹೊರ ಹಾಕಿದ್ದು ಇದೇ ಕಾರಣಕ್ಕೆ..!

ಕಾಲಚಕ್ರ ಹೇಗೆ ತಿರುಗಿತು ನೋಡಿ..
ಮುಂಬೈ ತಂಡದಲ್ಲಿ ನಾಯಕತ್ವ ಕಳೆದುಕೊಂಡಿದ್ದ ರೋಹಿತ್ ಶರ್ಮಾ ಭಾರತ ಟಿ20 ತಂಡದ ನಾಯಕನಾಗಿ ದೇಶಕ್ಕೆ ವಿಶ್ವಕಪ್ ಗೆದ್ದು ಕೊಟ್ಟ. ಮುಂಬೈ ತಂಡದ ನಾಯಕತ್ವದ ನಿರೀಕ್ಷೆಯಲ್ಲಿದ್ದ ಸೂರ್ಯಕುಮಾರ್ ಯಾದವ್ ಈಗ ಹಾರ್ದಿಕ್ ಪಾಂಡ್ಯನನ್ನು overtake ಮಾಡಿ ಭಾರತ ಟಿ20 ತಂಡದ full time skipper ಆಗಿ ಆಯ್ಕೆಯಾಗಿದ್ದಾನೆ. ಇದರ ಹಿಂದಿನ ಸೂತ್ರಧಾರ ತಂಡದ ಹೊಸ ಕೋಚ್ ಗೌತಮ್ ಗಂಭೀರ್. ಗಾಡ್ ಫಾದರ್ ಜಯ್ ಶಾ ಕೂಡ ಈ ಬಾರಿ ಪಾಂಡ್ಯನ ನೆರವಿಗೆ ಬಂದಿಲ್ಲ..!

‘’ಮಾಡಿದ್ದುಣ್ಣೋ ಮಹಾರಾಯ’’ ಎಂಬ ಮಾತು ಅದೆಷ್ಟು ನಿಜ..! ಜಯ್ ಶಾ ಬಿಸಿಸಿಐ secretary ಆದ ಕೂಡಲೇ ಭಾರತ ಏಕದಿನ ಹಾಗೂ ಟಿ20 ತಂಡದ ನಾಯಕತ್ವ ಪಡೆಯಲು ಇಲ್ಲದ ರಾಜಕೀಯ ಮಾಡಿದ್ದ ಪಾಂಡ್ಯನಿಗೆ ಕಾಲವೇ ಉತ್ತರ ಕೊಟ್ಟಿದೆ. ಮುಂಬೈ ಆಟಗಾರರಿಗೆ ಚಳ್ಳೆಹಳ್ಳು ತಿನ್ನಿಸಿ ಮುಂಬೈ ಇಂಡಿಯನ್ಸ್ ತಂಡದ ನಾಯಕತ್ವ ದಕ್ಕಿಸಿಕೊಂಡಿದ್ದ ಪಾಂಡ್ಯ ಈಗ ನಾಯಕತ್ವದ ಪೈಪೋಟಿಯಲ್ಲಿ ಅದೇ ಮುಂಬೈನ ಇಬ್ಬರು ಆಟಗಾರರ ಮುಂದೆ ಸೋತು ಬಿಟ್ಟಿದ್ದಾನೆ.

The post ನಾಯಕತ್ವದ ಬೆನ್ನು ಬಿದ್ದವನ ಬೆನ್ನು ಮೂಳೆಯನ್ನೇ ಮುರಿದರು..! appeared first on SportsKannada ಸ್ಪೋರ್ಟ್ಸ್ ಕನ್ನಡ.

ದಾಖಲೆ ಸರದಾರ ಟೀಮ್ ಇಂಡಿಯಾದ ಬ್ಯಾಟ್ಸ್‌ಮನ್ ಸೂರ್ಯಕುಮಾರ್ ಯಾದವ್..

ಸುಧೀರ್ ವಿಧಾತ — Thu, 29 Sep 2022 06:03:37 +0000

ಬುಧವಾರ ದೇವರ ನಾಡಿನ ತಿರುವನಂತಪುರದಲ್ಲಿ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಟಿ20 ಪಂದ್ಯದಲ್ಲಿ ಭಾರತ ತಂಡ ಮತ್ತೆ ಆಬ್ಬರಿಸಿದೆ ಬೌಲಿಂಗ್ ಫೀಲ್ಡಿಂಗ್ ಮತ್ತು ಬ್ಯಾಟಿಂಗ್ ವಿಭಾಗದಲ್ಲಿ ತಮ್ಮ ಶ್ರೇಷ್ಠ ಮಟ್ಟದ ಆಟ ಪ್ರದರ್ಶಿಸಿದ ಭಾರತೀಯ ಆಟಗಾರರು ಪ್ರವಾಸಿ ದಕ್ಷಿಣ ಆಫ್ರಿಕಾ ತಂಡವನ್ನು ಮೊದಲ ಟಿ20 ಪಂದ್ಯದಲ್ಲಿ ಸದೆಬಡಿದು ಗೆಲುವಿನ ನಗೆ ಬಿರಿದ್ದಾರೆ.

ಮತ್ತೆ ಕರ್ನಾಟಕದ ಹೆಮ್ಮೆಯ ಕ್ರಿಕೆಟಿಗ ಭಾರತ ತಂಡದ ಓಪನರ್ ಕೆ ಎಲ್ ರಾಹುಲ್ ಮತ್ತೆ ತನ್ನ ಮನಮೋಹಕ ಆಟವನ್ನು ಪ್ರದರ್ಶಿಸಿ ಅಜೇಯ ಅರ್ಧ ಶತಕವನ್ನು ಸಿಡಿಸಿದರೆ ತಂಡದ ಮತ್ತೊಬ್ಬ ನಂಬಿಕಸ್ಥ ಬಿರುಸಿನ ಆಟಗಾರ ಸೂರ್ಯ ಕುಮಾರ್ ಯಾದವ್ ಅಬ್ಬರದ ಪ್ರದರ್ಶನ ತೋರಿ ಅಜೇಯ ಅರ್ಧಶತಕ ಬಾರಿಸಿದ್ದಾರೆ, ಈ ಮೂಲಕ ಅಂತಾರಾಷ್ಟ್ರೀಯ ಟಿ20ಗಳ ಕ್ಯಾಲೆಂಡರ್ ವರ್ಷದಲ್ಲಿ ಭಾರತದ ಪರ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಎನಿಸಿಕೊಂಡಿದ್ದಾರೆ ಸೂರ್ಯಕುಮಾರ್ ಯಾದವ್.

ದೇವರನಾಡಿನ ಅಂಗಳದಲ್ಲಿ ಭಾರತೀಯ ತಂಡ ಹೊಸ ದಾಖಲೆ ನಿರ್ಮಿಸಿದೆ ಕೆವಲ 15 ಬಾಲ್ ಗಳಲ್ಲಿ ಹರಿಣಿಗಳ 5 ವಿಕೆಟ್ ಬಿಳಿಸುವುದರೊಂದಿಗೆ ಬ್ಯಾಟಿಂಗ್ ಬಲವನ್ನೆ ಅಡಗಿಸಿದ ಭಾರತದ ಆಟಗಾರರು ಕೆವಲ 106 ರನ್ ಗೆ ಆಫ್ರಿಕಾ ತಂಡದ ಮೊತ್ತಕ್ಕೆ ಬ್ರೇಕ್ ಹಾಕಿದರು.

ಭಾರತ ತಂಡ ತನ್ನ ಬ್ಯಾಟಿಂಗ್ ಆರಂಭಿಸಿ ಬೇಗನೆ ನಾಯಕ ರೋಹಿತ್ ಮತ್ತು ಕೊಯ್ಲಿ ವಿಕೆಟ್ ಕಳೆದು ಕೊಂಡು ಸಂಕಷ್ಟದಲ್ಲಿತ್ತು ಕೊಯ್ಲಿ ಔಟಾದ ಬೆನ್ನಿಗೆ ಅಂಗಳಕ್ಕೆ ಇಳಿದ ಸೂರ್ಯಕುಮಾರ್ ಆಫ್ರಿಕದ ಬೌಲರ್ ಗಳ ಬೆವರಿಳಿಸಿದರು ಇವರ ಜೋತೆಗೆ ಕ್ರಿಸ್ ನಲ್ಲಿದ್ದ ರಾಹುಲ್ ಕೂಡ ಬಿರುಸಿನ ಆಟಕ್ಕೆ ಇಳಿದು ಪಂದ್ಯದ ಗತಿಯನ್ನೆ ಬದಲಿಸಿ ಭಾರತ ತಂಡ ನಿರಾಯಸವಾಗಿ ಗೆಲುವಿನ ಗೆರೆ ದಾಟುವಂತೆ ಮಾಡಿದರೂ ಜೋತೆಗೆ ಕೊನೆಯ ಕ್ಷಣದಲ್ಲಿ ಇಬ್ಬರೂ ಲೆಕ್ಕಾಚಾರದ ಆಟವಾಡಿ ಅರ್ಧಶತಕ ದಾಲಿಸಿದ್ದು ವಿಷೇಶವಾಗಿತ್ತು.

ಸೂರ್ಯಕುಮಾರ್ ಯಾದವ್ 2022 ರಲ್ಲಿ T20 ಪಂದ್ಯಗಳಲ್ಲಿ ತಮ್ಮ ಅದ್ಭುತ ಓಟವನ್ನು ಮುಂದುವರೆಸಿದ್ದಾರೆ 700 ಕ್ಕೂ ಹೆಚ್ಚು ರನ್‌ಗಳನ್ನು ಪೂರ್ಣಗೊಳಿಸಿದ್ದಾರೆ. 2022 ರಲ್ಲಿ T20 ಪಂದ್ಯಗಳಲ್ಲಿ ಅವರ ರನ್ ಗಳಿಕೆಯು ಭಾರತೀಯ ಬ್ಯಾಟರ್‌ ಒಬ್ಬನ ದಾಖಲೆಯಾಗಿದೆ. ಜೊತೆಗೆ ಸೂರ್ಯಕುಮಾರ್ 2018 ರಲ್ಲಿ ಶಿಖರ್ ಧವನ್ 689 ರನ್‌ಗಳ ಮೂಲಕ ನಿರ್ಮಿಸಿದ್ದ ದಾಖಲೆಯನ್ನು ಮೀರಿಸಿದ್ದಾರೆ.

ಯಾದವ್ 180 ಸ್ಟ್ರೈಕ್ ರೇಟ್‌ನಲ್ಲಿ ಮತ್ತು 40 ಕ್ಕಿಂತ ಹೆಚ್ಚು ಸರಾಸರಿಯಲ್ಲಿ ಈ ರನ್ ಕಲೆಹಾಕಿದ್ದಾರೆ ಎಂಬುದು ಅವರ ದಾಖಲೆಯನ್ನು ಇನ್ನಷ್ಟು ಮುತ್ತಮಗೊಳಿಸಿತ್ತಿದೆ.

ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ T20 ಪಂದ್ಯದಲ್ಲಿ ಭಾರತವು ಏಳನೇ ಓವರ್‌ನಲ್ಲಿ 2 ವಿಕೆಟ್ ನಷ್ಟಕ್ಕೆ 17 ರನ್ ಗಳಿಸಿ ಸಂಕಷ್ಟದಲ್ಲಿತ್ತು ಈ ಸಮಯದಲ್ಲಿ ನಾಲ್ಕನೇ ಕ್ರಮಾಂಕದಲ್ಲಿ ಕ್ರೀಸ್ ಗೆ ಬಂದ ಸೂರ್ಯಕುಮಾರ್ ಯಾದವ್ ತನ್ನ ಮೊದಲ ಮೂರು ಎಸೆತಗಳಲ್ಲಿ ಎರಡು ಸಿಕ್ಸರ್‌ಗಳನ್ನು ಹೊಡೆದು ತಂಡಕ್ಕೆ ಬಲ ತುಂಬಿದರು. 33 ಎಸೆತಗಳಲ್ಲಿ 50 ರನ್ ಗಳಿಸಿ ಅಜೇಯರಾಗಿ ಉಳಿದರು. ಭಾರತ ಇನ್ನೂ ಮೂರು ಓವರ್‌ಗಳು ಬಾಕಿ ಇರುವಂತೆಯೇ ಗುರಿಯನ್ನು ಮುಟ್ಟಿ ಐತಿಹಾಸಿಕ ಗೆಲುವು ಸಾಧಿಸಿದ್ದಾರೆ.

ಇನ್ನಿಂಗ್ಸ್‌ನ ಆರಂಭದಲ್ಲಿ ಎರಡು ಸಿಕ್ಸರ್‌ ಬಾರಿಸಿದ ಯಾದವ್ ಪಾಕಿಸ್ತಾನದ ಮೊಹಮ್ಮದ್ ರಿಜ್ವಾನ್‌ರವರ ದಾಖಲೆಯನ್ನೂ ಮುರಿದಿದ್ದಾರೆ. T20 ಪಂದ್ಯಗಳಲ್ಲಿ ಕ್ಯಾಲೆಂಡರ್ ವರ್ಷದಲ್ಲಿ ಅತಿ ಹೆಚ್ಚು ಸಿಕ್ಸರ್‌ಗಳನ್ನು ದಾಖಲಿಸಿದ ಆಟಗಾರ ಎನಿಸಿಕೊಂಡಿದ್ದಾರೆ. ರಿಜ್ವಾನ್ 2021 ರಲ್ಲಿ 42 ಸಿಕ್ಸರ್‌ಗಳನ್ನು ಸಿಡಿಸುವ ಮೂಲಕ ದಾಖಲೆಯನ್ನು ಮಾಡಿದ್ದರು.

ಇದೀಗ ಸೂರ್ಯ ಕುಮಾರ್ 45 ಸಿಕ್ಸರ್ ಗಳನ್ನು ಬಾರಿಸಿದ್ದು, ಇದು ಎಲ್ಲಾ T20 ಪಂದ್ಯಗಳಲ್ಲಿಯು ದಾಖಲೆಯಾಗಿದೆ. ರಿಜ್ವಾನ್ 42 ಸಿಕ್ಸರ್‌ಗಳನ್ನು ಸಿಡಿಸಲು 26 ಇನ್ನಿಂಗ್ಸ್ ತೆಗೆದುಕೊಂಡರೆ, ಸೂರ್ಯಕುಮಾರ್ ಅದರ ಐದು ಪಟ್ಟು ಕಡಿಮೆ ಬ್ಯಾಟಿಂಗ್ ಮೂಲಕ ಈ ದಾಖಲೆಯನ್ನು ಮುರಿದಿದ್ದಾರೆ.

*ಮೊದಲ ಪಂದ್ಯದಲ್ಲೇ ಭಾರತೀಯರಿಗೆ ಐತಿಹಾಸಿಕ ಗೆಲುವು*

ದ.ಆಫ್ರಿಕಾವನ್ನು 106 ರನ್ ಗಳಿಗೆ ಕಟ್ಟಿಹಾಕಿದ ಭಾರತ ತಂಡ ರಾಹುಲ್ ಮತ್ತು ಯಾದವ್ ಅವರ ಆಕರ್ಷಕ ಬ್ಯಾಟಿಂಗ್ ನೆರವಿನಿಂದ ಎಂಟು ವಿಕೆಟ್ ಗಳ ಗೆಲುವು ಸಾಧಿಸಿದರೆ ದಕ್ಷಿಣ ಆಫ್ರಿಕಾ ಮೊದಲ ಟಿ20 ಹೀನಾಯ ಸೋಲು ಅನುಭವಿಸಿದೆ.

ಹೈದರಾಬಾದ್‌ನಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಮೂರನೇ ಮತ್ತು ಅಂತಿಮ ಟಿ20 ಪಂದ್ಯದಲ್ಲಿ ಅರ್ಧಶತಕ ಗಳಿಸಿದ ಬಳಿಕ ಯಾದವ್ 801 ರೇಟಿಂಗ್ ಪಾಯಿಂಟ್‌ಗಳೊಂದಿಗೆ ಇತ್ತೀಚಿನ MRF ಟೈರ್ಸ್ ICC ಪುರುಷರ T20 ಪಂದ್ಯಗಳ ಆಟಗಾರರ ಶ್ರೇಯಾಂಕದಲ್ಲಿ ಎರಡನೇ ಸ್ಥಾನಕ್ಕೆ ಏರಿದ್ದಾರೆ ಸೂರ್ಯಕುಮಾರ್ ಯಾದವ್…

The post ದಾಖಲೆ ಸರದಾರ ಟೀಮ್ ಇಂಡಿಯಾದ ಬ್ಯಾಟ್ಸ್‌ಮನ್ ಸೂರ್ಯಕುಮಾರ್ ಯಾದವ್.. appeared first on SportsKannada ಸ್ಪೋರ್ಟ್ಸ್ ಕನ್ನಡ.