ರಾಹುಲ್ Archives - SportsKannada ಸ್ಪೋರ್ಟ್ಸ್ ಕನ್ನಡ

ಮತ್ತೆ ಮತ್ತೆ ನಮ್ಮ ಹುಡುಗನಿಗೇ ಯಾಕೆ ಈ ಅನ್ಯಾಯ..?

ಸ್ಪೋರ್ಟ್ಸ್ ಕನ್ನಡ — Fri, 09 Aug 2024 06:54:43 +0000

ಕಳೆದ ಐದು ವರ್ಷಗಳಲ್ಲಿ ಕನಿಷ್ಠ25 ಏಕದಿನ ಅಂತರಾಷ್ಟ್ರೀಯ ಇನ್ನಿಂಗ್ಸ್’ಗಳನ್ನು ಆಡಿದವರ ಪೈಕಿ ಮಧ್ಯಮ ಕ್ರಮಾಂಕದಲ್ಲಿ ಕೆ.ಎಲ್ ರಾಹುಲ್’ಗಿಂತ ಬೆಸ್ಟ್ ಬ್ಯಾಟ್ಸ್’ಮನ್ ಇದ್ದರೆ ತೋರಿಸಿ..

ಸದ್ಯದ ಪರಿಸ್ಥಿತಿಯಲ್ಲಿ ರಾಹುಲ್ ಭಾರತ ಏಕದಿನ ಹಾಗೂ ಟೆಸ್ಟ್ ತಂಡದ ಮಧ್ಯಮ ಕ್ರಮಾಂಕದ ಬೆನ್ನೆಲುಬು. ಆ ಬೆನ್ನೆಲುಬನ್ನೇ ಮುರಿಯುವ ಪ್ರಯತ್ನ ನಡೆಯತ್ತಿದೆಯೇ..? ಈ ಪ್ರಶ್ನೆ ಹುಟ್ಟಲು ಕಾರಣವಿದೆ.

ಶ್ರೀಲಂಕಾ ವಿರುದ್ಧ 3 ಏಕದಿನ ಪಂದ್ಯದಲ್ಲಿ ಸೋಲು ಕಂಡಿರುವ ಭಾರತ 27 ವರ್ಷಗಳ ನಂತರ ದ್ವೀಪರಾಷ್ಟ್ರದಲ್ಲಿ ಏಕದಿನ ಸರಣಿ ಸೋತಿದೆ. ಕಾಕತಾಳೀಯ ಏನೆಂದರೆ, 1997ರಲ್ಲಿ ಭಾರತ ವಿರುದ್ಧ ಶ್ರೀಲಂಕಾ ತನ್ನದೇ ನೆಲದಲ್ಲಿ ಏಕದಿನ ಸರಣಿ ಗೆದ್ದಾಗ ತಂಡದ ನಾಯಕರಾಗಿದ್ದವರು ಸಿಡಿಲ ಹೊಡೆತಗಳ ದಾಂಡಿಗ ಸನತ್ ಜಯಸೂರ್ಯ. ಆ ಸರಣಿಯಲ್ಲೇ ಅವರೇ ಮ್ಯಾನ್ ಆಫ್ ದಿ ಸೀರೀಸ್.

ಈಗ 27 ವರ್ಷಗಳ ನಂತರ ಭಾರತ ವಿರುದ್ಧ ಏಕದಿನ ಸರಣಿ ಗೆದ್ದಿರುವ ಶ್ರೀಲಂಕಾ ತಂಡದ ಕೋಚ್ ಆಗಿರುವವರು ಅದೇ ಸನತ್ ಜಯಸೂರ್ಯ.

ಬಲಾಬದಲ್ಲಿ ಭಾರತಕ್ಕೆ ಯಾವ ರೀತಿಯಲ್ಲೂ ಸಾಟಿಯೇ ಇಲ್ಲದ ಶ್ರೀಲಂಕಾ ವಿರುದ್ಧ ಭಾರತ ಏಕದಿನ ಸರಣಿ ಸೋತಿದೆ. ಅದೂ ಕೋಚ್ ಆಗಿ ಗೌತಮ್ ಗಂಭೀರ್ ಎದುರಿಸಿದ ಮೊದಲ ಏಕದಿನ ಸರಣಿಯಲ್ಲಿ..!

3ನೇ ಪಂದ್ಯದಲ್ಲಿ ಕೆ.ಎಲ್ ರಾಹುಲ್’ನನ್ನು ಹೊರಗಿಟ್ಟು ರಿಷಭ್ ಪಂತ್’ನನ್ನ ಆಡಿಸಿದ ಮರ್ಮವೇ ಅರ್ಥವಾಗುತ್ತಿಲ್ಲ. ಈ ಪಂತ್ ನಮ್ಮ ರಾಹುಲ್’ಗಿಂತಾ ದೊಡ್ಡ ಬ್ಯಾಟ್ಸ್’ಮನಾ..? ಹೋಗಲಿ, ವಿಕೆಟ್ ಕೀಪಿಂಗ್’ನಲ್ಲಿ ಧೋನಿಯಂತೆ ಕೌಶಲ್ಯ ಹೊಂದಿದ್ದಾನಾ..? ಅದೂ ಇಲ್ಲ. ರಿಷಭ್ ಪಂತ್’ಗಿಂತ any day, any time, in any condition ರಾಹುಲ್ ಬೆಸ್ಟ್.. ರಾಹುಲ್’ನನ್ನ ರಿಷಭ್ ಪಂತ್’ಗೆ ಹೋಲಿಕೆ ಮಾಡಿದರೆ ಅದು ನಮ್ಮ ಹುಡುಗನಿಗೆ ನಾವೇ ಮಾಡುವ ಅವಮಾನ.

ಹಾಗಂತ ರಿಷಭ್ ಪಂತ್ ಕಳಪೆ ಆಟಗಾರನೆಂದು ಹೇಳುತ್ತಿಲ್ಲ. ಆತನೂ ಭಾರತಕ್ಕೆ ಐತಿಹಾಸಿಕ ಟೆಸ್ಟ್ ಸರಣಿಯನ್ನು ಗೆಲ್ಲಿಸಿರುವ ಆಟಗಾರ. ಆದರೆ ರಾಹುಲ್ Vs ರಿಷಭ್ ಪಂತ್ ಎಂದು ಬಂದರೆ, ಕ್ವಾಲಿಟಿಯಲ್ಲಿ ನಿಸ್ಸಂದೇಹವಾಗಿ ರಾಹುಲ್ ಮೇಲ್ಪಂಕ್ತಿಯಲ್ಲಿ ನಿಲ್ಲುತ್ತಾನೆ. ಇಂಥಾ ರಾಹುಲ್’ನನ್ನು ಹೊರಗಿಟ್ಟು ತಂಡದ ತರಬೇತುದಾರ ಮತ್ತು ನಾಯಕ ಅದ್ಯಾವ ಸಾಧನೆ ಮಾಡಲು ಹೊರಟರೋ ಗೊತ್ತಿಲ್ಲ..!

ಕಳೆದ ಐದು ವರ್ಷಗಳಲ್ಲಿ ಮಧ್ಯಮ ಕ್ರಮಾಂಕದಲ್ಲಿ 25 ಇನ್ನಿಂಗ್ಸ್ ಆಡಿರುವ ಆಟಗಾರರ ಸಾಧನೆಗಳನ್ನೊಮ್ಮೆ ನೋಡಿ.

ಈ ಅಂಕಿ ಅಂಶಗಳನ್ನು ನೋಡಿದ ಮೇಲೂ ರಾಹುಲ್’ನನ್ನು ಆಡುವ ಬಳಗದಿಂದ ಹೊರಗಿಡುವ ನಿರ್ಧಾರಕ್ಕೆ ಬಂದಿದ್ದಾರೆ ಎಂದರೆ, ಅದರ ಹಿಂದಿನ ಮರ್ಮವೇನು ಎಂಬುದನ್ನು ಅವರೇ ಹೇಳಬೇಕು.

ಶ್ರೀಲಂಕಾ ವಿರುದ್ಧದ ಮೊದಲ ಪಂದ್ಯದಲ್ಲಿ ಅಕ್ಷರ್ ಪಟೇಲ್ ಜೊತೆ ರಾಹುಲ್ ನೆಲಕಚ್ಚಿ ನಿಲ್ಲದೇ ಹೋಗಿದ್ದರೆ, ಅಲ್ಲೇ ಭಾರತ ಸೋತಿರುತ್ತಿತ್ತು. 2ನೇ ಪಂದ್ಯದಲ್ಲಿ ಸೊನ್ನೆ ಸುತ್ತಿದ ಎಂಬ ಒಂದೇ ಕಾರಣಕ್ಕೆ 3ನೇ ಪಂದ್ಯದಲ್ಲಿ ಅವಕಾಶ ನಿರಾಕರಣೆ..?

ಸನ್ಮಾನ್ಯ ಶ್ರೀ ಗೌತಮ್ ಗಂಭೀರ್ ಅವರೇ..
ನಿಮ್ಮ ಕೋಲ್ಕತಾ ನೈಟ್ ರೈಡರ್ಸ್ ತಂಡದ ನಾಯಕ ಶ್ರೇಯಸ್ ಅಯ್ಯರ್ ಏನು ಟನ್’ಗಟ್ಟಲೆ ರನ್ ಹೊಡೆದು ಬಿಟ್ಟಿದ್ದಾನಾ..? ರಿಷಭ್ ಪಂತ್’ನನ್ನು ಆಡಿಸಲೇಬೇಕೆಂದಿದ್ದರೆ ಶ್ರೇಯಸ್’ನನ್ನು ಹೊರಗಿಡುವ ಅವಕಾಶವೂ ಇತ್ತಲ್ಲಾ..? ಓಹ್, ಶ್ರೇಯಸ್ ಅಯ್ಯರ್ ನಿಮ್ಮ ಹುಡುಗನೆಂಬ ಮಮಕಾರವಿರಬೇಕು. ಹಾಗೆಯೇ ಕೆ.ಎಲ್ ರಾಹುಲ್ ನಮ್ಮ ಹುಡುಗನೆಂಬ ಪ್ರೀತಿ, ಅಭಿಮಾನ ನಮಗೂ ಇದೆ.

The post ಮತ್ತೆ ಮತ್ತೆ ನಮ್ಮ ಹುಡುಗನಿಗೇ ಯಾಕೆ ಈ ಅನ್ಯಾಯ..? appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಗೋಡೆ ಏರಿ ಕುಳಿತು ವಿದಾಯ ಹೇಳಿದ ದಿಗ್ಗಜರು!

ವಿನಯ್ ಭಟ್.ಕೆ — Sun, 30 Jun 2024 14:10:00 +0000

ವಾವ್..! ಇಂತದ್ದೊಂದು ಕ್ಷಣಕ್ಕೆ ಅದೆಷ್ಟು ವರ್ಷಗಳಿಂದ ಕಾದಿದ್ವೋ..! ಬಾಲ್ಯದಿಂದಲೂ ರಾಹುಲ್ ದ್ರಾವಿಡ್ ಅಂದ್ರೆ ಅಷ್ಟು ಇಷ್ಟ. Cricket is a gentleman’s game ಅಂತ ದ್ರಾವಿಡ್ ನೋಡಿ ಹೇಳಿರಬೇಕು ಎಂಬಂತಹ ನಡತೆ, ಗಂಭೀರತೆ..

ಅಂತದ್ದೊಂದು ವ್ಯಕ್ತಿತ್ವಕ್ಕೆ ಅದೃಷ್ಟ ಅನ್ನೋದು ಯಾಕೆ ಕೈಹಿಡಿಯಲಿಲ್ಲ ಅಂತ ಯಾವಾಗಲೂ ಬೇಸರವಾಗ್ತಿತ್ತು.. ಅವರ ವ್ಯಕ್ತಿಗತ ಸಾಧನೆ ಏನೇ ಇದ್ರೂ ವಿಶ್ವಕಪ್ ಅಂತ ಬಂದಾಗ ಗೆದ್ದ ತಂಡದಲ್ಲಿ ಒಮ್ಮೆಯೂ ಇರಲಿಲ್ಲ ಅಂತ ಪದೇ ಪದೇ ಕಾಡ್ತಿದ್ದ ಬೇಸರ. ವ್ಯಕ್ತಿಗತವಾದ ಸಾಧನೆಯಲ್ಲೂ ಸಹ ಅವ್ರ ಸಮಕಾಲೀನ ಬೇರವರೊಡನೆ ಮರೆಮಾಚಿಬಿಡ್ತಿತ್ತು.. ಕೊನೆಗೆ ಒಂದು ಸರಿಯಾದ ವಿದಾಯ ಸಹ ಸಿಗಲಿಲ್ಲ.

.ಸರಿ ಅಧ್ಯಾಯ ಮುಗಿಯಿತು ಇನ್ಯಾರು ಎಂದು ಆಲೋಚಿಸುವ ಹೊತ್ತಿಗೆ ಕೊಹ್ಲಿ ಎಂಬ ಅತ್ಯುತ್ತಮ ಆಟಗಾರನ ಆಗಮನ.. ಬ್ರಾಡ್ಮಾನ್ ಕಥೆಗಳನ್ನು ಕೇಳ್ತಿದ್ದ ನಮಗೆ ಕೊಹ್ಲಿಯಲ್ಲಿ ಬ್ರಾಡ್ಮಾನ್ ಕಂಡಂತ ಅನುಭವ.. Consistency throughout the career, fitness, energy, aggressiveness.. ಗಂಗೂಲಿ ಇತ್ತೀಚಿಗೆ ಹೇಳಿದಂತ Kohliಯಂತಹ ಆಟಗಾರ one time special.. ಮತ್ತೆ ಯಾರೂ replace ಮಾಡದಂತಹ ಆಟಗಾರ‌. ಆದ್ರೆ ಇಲ್ಲೂ ಸಹ ವಿಶ್ವಕಪ್ ಗೆದ್ದ ತಂಡದಲ್ಲಿ ಇವ ಇಲ್ಲ ಎಂಬ ಕೊರತೆ ಕಾಡುತ್ತಲೇ ಇತ್ತು.. ಕಳೆದ ವರ್ಷದ ಏಕದಿನ ವಿಶ್ವಕಪ್ನಲ್ಲಿ ನನ್ನ ಇಷ್ಟು ದಿನದ ಕಾಯಿವಿಕೆ ಮುಗೀತು.. ಭಾರತದ ನೆಲದಲ್ಲಿ ಇಬ್ರನ್ನು ಹೊತ್ತು ಮೆರೆಸೋ ಕಾಲ ಬಂದೇ ಬಿಡ್ತು ಅಂದ್ಕೊಂಡಿದ್ದೆ ಆದ್ರೆ ಆಸ್ಟ್ರೇಲಿಯಾ ಅದನ್ನು ಕಸಿದುಬಿಡ್ತು..

ನಿಜಕ್ಕೂ ಈ ವಿಶ್ವಕಪ್ ಶುರುವಾದಾಗಿಂದ ಇವರು ಗೆಲ್ಲಬಹುದು ಅಂತ ನಿರೀಕ್ಷೆ ಇಟ್ಕೊಂಡಿರಲಿಲ್ಲ‌. ಒಂದು ಪೋಸ್ಟ್ ಸಹ ಯಾವ ಮ್ಯಾಚ್ ಬಗ್ಗೆ ಹಾಕ್ಲಿಲ್ಲ.. ಚೋಕರ್ಸ್ ಎಂಬ ಹಣೆಪಟ್ಟಿಯ ಸೌತಾಫ್ರಿಕ ಎದುರಾಳಿ ಅಂತ ಗೊತ್ತಾದ್ಮೇಲೂ ಸಹ ಕಳೆದ ವರ್ಷದ ಕಹಿನೆನಪು ಮತ್ತೇ ಕಾಡ್ತಾನೇ ಇತ್ತು.. ಮೂವತ್ತು ಬಾಲಿಗೆ ಮೂವತ್ತು ರನ್ನಿನ ಪರಿಸ್ಥಿತಿಯಲ್ಲಂತೂ ರಾಹುಲ್ ಮತ್ತು ಕೊಹ್ಲಿ ಹಣೆಯಲ್ಲೇ ಬರೆದಿದ್ದದ್ದು ನಾವು ಎಷ್ಟು ಬಯಸಿದರೆ ಏನು ಪ್ರಯೋಜನ ಅಂತಲೇ ಮ್ಯಾಚ್ ನೋಡ್ತಿದ್ದೆ.. ಆದರೆ ಪವಾಡ ನಡೆದೇ ಹೋಯಿತು..

ಸಂತಸದ ವಿಷಯ ಏನಂದ್ರೆ ಯಾವ ಕ್ರಿಕೆಟ್‌ ಜಗತ್ತು ಕೊಹ್ಲಿ unlucky player.. ವಿಶ್ವಕಪ್ನಂತಹ ಪಂದ್ಯಾವಳಿ ಗೆಲ್ಲಲಾರ ಅಂತಿತ್ತೋ ಅದೇ ಜಗತ್ತಿನ ಮುಂದೆ ಫೈನಲ್ ಪಂದ್ಯದಲ್ಲಿ ಪಂದ್ಯ ಪುರುಷೋತ್ತಮನಾಗಿ ಗೆಲ್ಲೋದು..

ಯಾವ ಕ್ರಿಕೆಟ್ ಜಗತ್ತು ಟಿಟ್ವೆಂಟಿ ಫಾರ್ಮ್ಯಾಟ್ ಶುರುವಾದಾಗ ದ್ರಾವಿಡ್ನಂತಹ ಆಟಗಾರನಿಗೆ ಇವೆಲ್ಲಾ ಆಗಲ್ಲ ಅಂತಿಂತ್ತೋ ಅದೇ ಜಗತ್ತಿನ ಮುಂದೆ ದ್ರಾವಿಡ್ ಕೋಚ್ ಆಗಿ ಟಿಟ್ವೆಂಟಿ ವಿಶ್ವಕಪ್ ಗೆಲ್ಲೋದು..

We can’t expect more than this from God..! ಇಂತಹ ಒಂದು ಬೀಳ್ಕೊಡುಗೆ ಎಲ್ಲರಿಗೂ ಸಿಗಲ್ಲ.. ಅಂತದ್ದೊಂದು ಅದೃಷ್ಟ ದ್ರಾವಿಡ್ ಮತ್ತು ಕೊಹ್ಲಿಗೆ ಸಿಕ್ಕಿಬಿಡ್ತು ಮತ್ತು ನಾವೆಲ್ಲಾ ಅದಕ್ಕೆ ಸಾಕ್ಷಿಯಾಗಿಬಿಟ್ವಿ

ಇದೊಂದು ಕೇವಲ ವಿಶ್ವಕಪ್ ಗೆಲುವು ಅಂತ ಅನ್ನಿಸ್ತಾನೇ ಇಲ್ಲ. ಇದು ನಮ್ಮ ಜನರೇಷನ್ನಿನ ಗೆಲುವು.. ದಶಕಗಳ ಕನಸು.. ಕಾಯುತ್ತಿದ್ದ ಕ್ಷಣ..

ತುಂಬಾ Emotional ಅಂತ ಹೇಳೋದು ಸಹ ಸಣ್ಣದೋ ಏನೊ.. ಹೇಳಲಿಕ್ಕಾಗದಷ್ಟು ಖುಷಿ.. Its an experience that never ends..

The post ಗೋಡೆ ಏರಿ ಕುಳಿತು ವಿದಾಯ ಹೇಳಿದ ದಿಗ್ಗಜರು! appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಕೆರಳಿದ ರಾಹುಲ್-ಬಳಲಿದ ರಾಯಲ್ ಹರ್ಪ್ರೀತ್ ಬ್ರಾರ್-ರಾತ್ರೋರಾತ್ರಿ ಸ್ಟಾರ್

ಪ್ರವೀಣ್ ಚಿತ್ತಾಪುರ — Sat, 01 May 2021 09:53:11 +0000

ಟಾಸ್ ಗೆದ್ದ ವಿರಾಟ್ ಪಡೆ ಬಾ ಗುರು ಬೌಲಿಂಗ್ ಮಾಡೋಣ ಅಂದರು. ಚಾಲೆಂಜ್ ಸ್ವೀಕರಿಸಿದ ರಾಹುಲ್ ಪಡೆ ಪ್ರೀತಿಯಿಂದ ತಗೋ 179 ರನ್ನು ಎಂದರು.

ಆರಂಭದಲ್ಲಿ ಆನೆ ಹೆಜ್ಜೆ ಇಟ್ಟು ಕೊನೆಕೊನೆಗೆ ಹುಲಿಯಾದ ರಾಹುಲ್. ಪಂಜಾಬಿಗೆ ಸೇಲಾದ ಕ್ರಿಸ್ ಗೇಲ್ ಚಚ್ಚಿದ್ದು 41 ರನ್ನುಗಳ ಹೋಲ್ ಸೇಲ್. ಬ್ಯಾಟಿಂಗ್ ಬೌಲಿಂಗ್ ಎರಡರಲ್ಲೂ ಮಿಂಚಿದ ಯುವ ಹರಪ್ರೀತ್ ಬ್ರಾರ್. ಅರೇ ಯೆ ತೋ ಸೇಮ್ ಟು ಸೇಮ್ ಯುವರಾಜ್ ಸಿಂಗ್ ಹೈ ಯಾರ್. ಕೈ ಬಿಗಿ ಹಿಡಿದು ಬೌಲಿಂಗ್ ಮಾಡಿದ ಆರ್ಸಿಬಿ ಬೌಲರಗಳ ಶ್ರಮ ಆಯ್ತ ವ್ಯರ್ಥ, ಕೊನೆ ಓವರನ್ನ ಹರ್ಷಲ್ ಗೆ ಕೊಟ್ಟಿದ್ದರಲ್ಲಿ ಇರಲಿಲ್ಲ ಯಾವುದೇ ಅರ್ಥ.

180 ರ ಗುರಿ ದಾಟಲು ಅಂಗಳಕ್ಕಿಳಿದ ಕೊಹ್ಲಿ ಪಡೆ ಆದರೆ ಪಂದ್ಯ ಸಂಪೂರ್ಣವಾಗಿ ವಾಲಿದ್ದು ಪಂಜಾಬ್ ಕಡೆ. ಕ್ಲಾಸಿಕ್ ಕ್ರಿಕೆಟ್ ಶಾಟ್ಸ್ ಆಡಿದ ವಿರಾಟ ಆದರೆ ನಿಧಾನವಾಗಿ ಆಡಿದಕ್ಕೆ ಅಭಿಮಾನಿಗಳ ಚೀರಾಟ. ಏಳರ ನಂತರ ಏಳಲೇ ಇಲ್ಲ

ಪಡಿಕಲ್ಲು ಆರಂಭದ ಜೊತೆಯಾಟಕ್ಕೆ ಹಾಕಲೇ ಇಲ್ಲ ಅಡಿಗಲ್ಲು. ಪಟ್ಟು ಹಿಡಿದು ನಿಂತ ಪಾಟಿದಾರ ಕೆಲ ಅಗತ್ಯ ರನ್ನುಗಳ ಜೊತೆಯಾಟಕ್ಕಾದ ಪಾಲುದಾರ. ಹರಪ್ರೀತನ ಆಫ್ ಸ್ಪಿನ್ ಮೋಡಿಗೆ ಮರುಳಾಗಿಬಿಟ್ಟಿತು

ಮ್ಯಾಕ್ಸು, ಎಬಿಡಿ ಜೋಡಿ. ಬೌಲಿಂಗಲ್ಲಿ ದುಬಾರಿಯಾಗಿ ಬ್ಯಾಟಿಂಗಲ್ಲಿ ಗೆಲುವಿನ ರೂವಾರಿಯಾಗಲು ಹೊರಟಿದ್ದ ಹರ್ಶಲ್ ನ ವೀರಾವೇಶ ಸಾಕಾಗಿರಲಿಲ್ಲ, ಪಾಯಿಂಟ್ ಟೇಬಲಲ್ಲಿ ಮೂರಕ್ಕಿಳಿಯುವುದು ಆರ್.ಸಿ.ಬಿ ಅಭಿಮಾನಿಗಳಿಗೆ ಬೇಕಾಗಿರಲಿಲ್ಲ

The post ಕೆರಳಿದ ರಾಹುಲ್-ಬಳಲಿದ ರಾಯಲ್ ಹರ್ಪ್ರೀತ್ ಬ್ರಾರ್-ರಾತ್ರೋರಾತ್ರಿ ಸ್ಟಾರ್ appeared first on SportsKannada ಸ್ಪೋರ್ಟ್ಸ್ ಕನ್ನಡ.