ನಮ್ಮ ಕುಡ್ಲ Archives - SportsKannada ಸ್ಪೋರ್ಟ್ಸ್ ಕನ್ನಡ

ಸಿಲ್ವರ್ ಕಪ್ 2022-ನಮ್ಮ ಕುಡ್ಲ ರನ್ನರ್ಸ್

ಕೋಟ ರಾಮಕೃಷ್ಣ ಆಚಾರ್ಯ — Wed, 10 Aug 2022 07:47:41 +0000

*ಸ್ಪೋರ್ಟ್ಸ್ ಕನ್ನಡ ವರದಿ*

ಬಹ್ರೇನ್-ಬುಸೈಟಿನ ಮೈದಾನದಲ್ಲಿ ನಡೆದ ಸಿಲ್ವರ್ ಕಪ್-2022 ಟಿ-10 ಕ್ರಿಕೆಟ್ ಪಂದ್ಯಾಟದಲ್ಲಿ ನಮ್ಮ ಕುಡ್ಲ ತಂಡ ದ್ವಿತೀಯ ಪ್ರಶಸ್ತಿ ಜಯಿಸಿದೆ.

*ಸವಾಲಿನ ಗುರಿ ನೀಡಿದ ಬಹ್ರೇನ್ ಫಾಲ್ಕನ್ಸ್*

ಲೀಗ್ ಹಂತದ ಹೋರಾಟದ ಬಳಿಕ ಫೈನಲ್ ಅತ್ಯಂತ ರೋಚಕ ಅಂತ್ಯ ಕಂಡಿತ್ತು.ಮೊದಲು ಬ್ಯಾಟಿಂಗ್ ನಡೆಸಿದ ಬಹ್ರೇನ್ ಫಾಲ್ಕನ್ಸ್ ಮೊದಲ 7 ಓವರ್ ಗಳಲ್ಲಿ 51 ರನ್ ಗಳಿಸಿತ್ತು‌.ಅಂತಿಮ ಹಂತದಲ್ಲಿ ಸಿಡಿದ ಬಹ್ರೇನ್ ಫಾಲ್ಕನ್ಸ್ ನ ದಾಂಡಿಗರು ಕೊನೆಯ 3 ಓವರ್ ಗಳಲ್ಲಿ 54 ರನ್ ಕಲೆಹಾಕಿ ಎದುರಾಳಿ ತಂಡಕ್ಕೆ 10 ಓವರ್ ಗಳಲ್ಲಿ 105 ರನ್ ಅಸಾಧ್ಯದ ಗುರಿಯನ್ನು ನೀಡಿದರು.

*ಲಿಸ್ಟನ್ ವೀರೋಚಿತ ಹೋರಾಟ ವ್ಯರ್ಥ*

ಗುರಿಯನ್ನು ಬೆಂಬತ್ತುವ ಭರದಲ್ಲಿ ನಮ್ಮ ಕುಡ್ಲ ತಂಡ ಕೇವಲ 20 ರನ್ ಗಳಿಸುವಷ್ಟರಲ್ಲಿ ಲಘುಬಗನೆ 6 ವಿಕೆಟ್ ಕಳೆದುಕೊಂಡಿತ್ತು.ಆದರೆ ಧೃತಿಗೆಡದ ನಮ್ಮ ಕುಡ್ಲದ ಲಿಸ್ಟನ್ ಸ್ಪೋಟಕ ಹೊಡೆತಗಳ ಮೂಲಕ ಗುರಿಯನ್ನು ತಲುಪಿಸುವ ಕೊನೆಯ ಹಂತದಲ್ಲಿ 4 ಎಸೆತಗಳಲ್ಲಿ 12 ರನ್ ಅವಶ್ಯಕತೆಯ ಸಂದರ್ಭದಲ್ಲಿ ಎದುರಾಳಿಗೆ ವಿಕೆಟ್ ಒಪ್ಪಿಸಿದರು.ಲಿಸ್ಟನ್ ವಿಕೆಟ್ ಪತನದ ಬಳಿಕ ನಮ್ಮ ಕುಡ್ಲ ತಂಡಕ್ಕೆ ಗೆಲುವು ಮರೀಚಿಕೆಯಾಗಿ ಉಳಿಯಿತು.10 ರನ್ ಅಂತರದಲ್ಲಿ ಸೋಲೊಪ್ಪಿಕೊಂಡ ನಮ್ಮ ಕುಡ್ಲ ಸಿಲ್ವರ್ ಕಪ್ ನ ದ್ವಿತೀಯ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿತು.

The post ಸಿಲ್ವರ್ ಕಪ್ 2022-ನಮ್ಮ ಕುಡ್ಲ ರನ್ನರ್ಸ್ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ನಂಬಲಸಾಧ್ಯ ಗೆಲುವು ಸಾಧಿಸಿದ ನಮ್ಮ ಕುಡ್ಲ-ಕರ್ನಾಟಕ ಪ್ರೀಮಿಯರ್ ಲೀಗ್ ಚಾಂಪಿಯನ್ಸ್

ಕೋಟ ರಾಮಕೃಷ್ಣ ಆಚಾರ್ಯ — Wed, 20 Jul 2022 14:32:13 +0000

ಬಹ್ರೇನ್-ಬುಸೈಟಿನ್ ಮೈದಾನದಲ್ಲಿ ಬಹ್ರೇನ್ ನಲ್ಲಿ ಅತ್ಯಂತ ರೋಚಕವಾಗಿ ಸಾಗಿದ ಕರ್ನಾಟಕ ಪ್ರೀಮಿಯರ್ ಲೀಗ್ ಪಂದ್ಯಾವಳಿಯ ಫೈನಲ್ ನಲ್ಲಿ ನಮ್ಮ ಕುಡ್ಲ ತಂಡ ಗೆಲುವು ಸಾಧಿಸಿ,ಕೆ.ಪಿ‌‌‌.ಎಲ್-2022 ಚಾಂಪಿಯನ್ಸ್

ಪಟ್ಟ ಅಲಂಕರಿಸಿದೆ.

ಲೀಗ್ ಕಮ್ ನಾಕೌಟ್ ಮಾದರಿ ಯಲ್ಲಿ ನಡೆದ ಈ ಪಂದ್ಯಾಟದಲ್ಲಿ ನಮ್ಮ ಕುಡ್ಲ,ಅಭಿಜ್ಞಾ ಇಲೆವೆನ್,ರಿಫಾ ಇಂಡಿಯನ್ ಸ್ಟಾರ್,ಜೈ ಕರ್ನಾಟಕ, ಸಾಚಿ ಇಲೆವೆನ್,

ಕರಾವಳಿ ಕಿಂಗ್ಸ್,ಝಿಂಝ್ ಫ್ರೆಂಡ್ಸ್ ಮತ್ತು ಬಿ.ಎಮ್ ಸಿ ಹೀಗೆ ಕರ್ನಾಟಕದ ಆಟಗಾರರನ್ನೊಳಗೊಂಡ ಒಟ್ಟು 8 ಫ್ರಾಂಚೈಸಿಗಳು ಭಾಗವಹಿಸಿದ್ದವು.

ಲೀಗ್ ಹಂತದ ರೋಚಕ ಸೆಣಸಾಟದ ಬಳಿಕ ಉಪಾಂತ್ಯ ಪಂದ್ಯಗಳಲ್ಲಿ,ನಮ್ಮ ಕುಡ್ಲ ತಂಡ ಬಿ‌.ಎಮ್‌.ಸಿ ತಂಡವನ್ನು ಮತ್ತು ಜೈ ಕರ್ನಾಟಕ ತಂಡ ಕರಾವಳಿ ಕಿಂಗ್ಸ್ ತಂಡವನ್ನು ಸೋಲಿಸಿ ಫೈನಲ್ ಗೆ ಎಂಟ್ರಿ ಪಡೆದಿದ್ದರು‌.ಫೈನಲ್ ನಲ್ಲಿ

ನಮ್ಮ‌ ಕುಡ್ಲ ತಂಡ ಜೈ ಕರ್ನಾಟಕ ತಂಡದ ವಿರುದ್ಧ ಗೆಲುವು ಸಾಧಿಸಿ ಚಾಂಪಿಯನ್ಸ್ ಪಟ್ಟವನ್ನು ತನ್ನದಾಗಿಸಿಕೊಂಡಿತು.

ಪ್ರಥಮ ಪ್ರಶಸ್ತಿ ರೂಪದಲ್ಲಿ ನಮ್ಮ‌ ಕುಡ್ಲ ತಂಡ 666 ಡಾಲರ್,ದ್ವಿತೀಯ ಪ್ರಶಸ್ತಿ ರೂಪದಲ್ಲಿ ಜೈ ಕರ್ನಾಟಕ 333ಡಾಲರ್ ಸಹಿತ ಆಕರ್ಷಕ ಟ್ರೋಫಿಗಳನ್ನು ತನ್ನದಾಗಿಸಿ ಕೊಂಡರು.

ವೈಯಕ್ತಿಕ ಪ್ರಶಸ್ತಿ ರೂಪದಲ್ಲಿ ಕ್ರಮವಾಗಿ ಫೈನಲ್ ನ ಪಂದ್ಯಶ್ರೇಷ್ಟ ಸಾಗರ್ ಶೆಟ್ಟಿ, ಬೆಸ್ಟ್ ಫೀಲ್ಡರ್ ಜೈ ಕರ್ನಾಟಕ ಸಂದೇಶ್,ಬೆಸ್ಟ್ ವಿಕೆಟ್ ಕೀಪರ್ ಝಿಂಝ್ ಫ್ರೆಂಡ್ಸ್ ನ‌ ಅಶೋಕ್,ಬೆಸ್ಟ್ ಬೌಲರ್ ಸಾಗರ್ ಶೆಟ್ಟಿ ನಮ್ಮ ಕುಡ್ಲ, ಬೆಸ್ಟ್ ಬ್ಯಾಟ್ಸ್‌ಮನ್‌ ಸುನಿಲ್ ಕುಲಾಲ್ ಕರಾವಳಿ ಕಿಂಗ್ಸ್,ಸರಣಿಯುದ್ದಕ್ಕೂ ಶ್ರೇಷ್ಠ ನಿರ್ವಹಣೆ ನೀಡಿದ ಜೈ ಕರ್ನಾಟಕದ ಅರುಣ್ ಶೆಟ್ಟಿ ಸರಣಿ ಶ್ರೇಷ್ಠ ಗೌರವಕ್ಕೆ ಭಾಜನರಾದರು.

ಸಮಾರೋಪ ಸಮಾರಂಭದಲ್ಲಿ ಕೆ.ಪಿ‌.ಎಲ್-2022 ನ ಯಶಸ್ಸಿನ ರೂವಾರಿಗಳಾದ ವಿವಿನ್ಜಿತ್ ಕುಂದಾಪುರ ಮತ್ತು ಸಂಪತ್ ಶೆಟ್ಟಿ ಸುರತ್ಕಲ್ ಭಾಗವಹಿಸಿದ ಎಲ್ಲಾ ತಂಡಗಳಿಗೂ ಮತ್ತು ಪ್ರೋತ್ಸಾಹಕರಿಗೂ ಧನ್ಯವಾದಗಳನ್ನು ಸಲ್ಲಿಸಿದರು.

The post ನಂಬಲಸಾಧ್ಯ ಗೆಲುವು ಸಾಧಿಸಿದ ನಮ್ಮ ಕುಡ್ಲ-ಕರ್ನಾಟಕ ಪ್ರೀಮಿಯರ್ ಲೀಗ್ ಚಾಂಪಿಯನ್ಸ್ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಬಹ್ರೇನ್- ಫ್ರೀ ಬರ್ಡ್ಸ್ ಕ್ರಿಕೆಟ್ ಚಾಂಪಿಯನ್ಶಿಪ್-ಚಾಂಪಿಯನ್ಸ್ ಪಟ್ಟವನ್ನು ಅಲಂಕರಿಸಿದ ನಮ್ಮ ಕುಡ್ಲ

ಕೋಟ ರಾಮಕೃಷ್ಣ ಆಚಾರ್ಯ — Mon, 07 Feb 2022 14:44:29 +0000

ಬಹ್ರೇನ್ ನ ಬುಸೈದ್ದೀನ್ ಅಂಗಣದಲ್ಲಿ ನಡೆದ ಫ್ರೀಬರ್ಡ್ಸ್ ಕ್ರಿಕೆಟ್ ಟಿ-12 ಟೂರ್ನಮೆಂಟ್ ಚಾಂಪಿಯನ್ಶಿಪ್ ಲೀಗ್-ಸೀಸನ್ 2 ರ ಚಾಂಪಿಯನ್ಸ್ ಪಟ್ಟವನ್ನು ಬಹುಪಾಲು ಉಡುಪಿ ಮತ್ತು ಕುಂದಾಪುರದ ಆಟಗಾರರನ್ನೊಳಗೊಂಡ “ನಮ್ಮ ಕುಡ್ಲ” ತಂಡ ಅಲಂಕರಿಸಿದೆ.

ಫೈನಲ್ ನಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ಯು.ಕೆ‌.ಸಿ.ಸಿ ಕಾಸರಗೋಡು ನಿಗದಿತ 12 ಓವರ್ ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 78 ರನ್ ಕಲೆಹಾಕಿತ್ತು.ಇದಕ್ಕುತ್ತರವಾಗಿ ನಮ್ಮ ಕುಡ್ಲ ತಂಡ 11.2 ಓವರ್ ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ ಗುರಿ ತಲುಪಿತ್ತು.

ಟೂರ್ನಮೆಂಟ್ ನ ಬೆಸ್ಟ್ ಬ್ಯಾಟ್ಸ್‌ಮನ್‌ ಯು.ಕೆ.ಸಿ‌.ಸಿ ತಂಡದ ಸುನಿಲ್ ಬಂಗೇರ,ಬೆಸ್ಟ್ ಬೌಲರ್ ನಮ್ಮ ಕುಡ್ಲ ತಂಡದ ಲಿಸ್ಟನ್ ಬಸ್ರೂರು,ಸರಣಿಯುದ್ದಕ್ಕೂ ಸರ್ವಾಂಗೀಣ ಶ್ರೇಷ್ಠ ಪ್ರದರ್ಶನ ನೀಡಿದ ನಮ್ಮ ಕುಡ್ಲ ತಂಡದ ಅರುಣ್ ಶೆಟ್ಟಿ ಕಟಪಾಡಿ ಸರಣಿಶ್ರೇಷ್ಟ ಗೌರವಕ್ಕೆ ಪಾತ್ರರಾದರು….

The post ಬಹ್ರೇನ್- ಫ್ರೀ ಬರ್ಡ್ಸ್ ಕ್ರಿಕೆಟ್ ಚಾಂಪಿಯನ್ಶಿಪ್-ಚಾಂಪಿಯನ್ಸ್ ಪಟ್ಟವನ್ನು ಅಲಂಕರಿಸಿದ ನಮ್ಮ ಕುಡ್ಲ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಕೊಲ್ಲಿ ರಾಷ್ಟ್ರದಲ್ಲಿ ವಿಜಯದುಂಧುಭಿ ಮೊಳಗಿಸಿದ ಆಟೋಡೀಲ್ ಮೂಡಬಿದಿರೆ- ಕರ್ನಾಟಕ ಪ್ರೀಮಿಯರ್ ಲೀಗ್ ನ ವಿನೂತನ ಚಾಂಪಿಯನ್ಸ್.

ಕೋಟ ರಾಮಕೃಷ್ಣ ಆಚಾರ್ಯ — Sun, 19 Jan 2020 06:46:45 +0000

ಕೊಲ್ಲಿ ರಾಷ್ಟ್ರದಲ್ಲಿ ವಿಜಯದುಂಧುಭಿ ಮೊಳಗಿಸಿದ
ಆಟೋಡೀಲ್ ಮೂಡಬಿದಿರೆ- ಕರ್ನಾಟಕ ಪ್ರೀಮಿಯರ್ ಲೀಗ್ ನ ವಿನೂತನ ಚಾಂಪಿಯನ್ಸ್.

ಕೋಸ್ಟಲ್ ಫ್ರೆಂಡ್ಸ್ ದುಬೈ ಆಶ್ರಯದಲ್ಲಿ
ಅಲ್ ಹಮ್ರಿಯಾ ಕಲ್ಚರಲ್ & ಸ್ಪೋರ್ಟ್ಸ್ ಕ್ಲಬ್ ಅಜ್ಮನ್ ದುಬೈನ ಅಂಗಣದಲ್ಲಿ ನಿನ್ನೆ ನಡೆದ
ಹಗಲು ರಾತ್ರಿಯ
ಕೊಲ್ಲಿ ರಾಷ್ಟ್ರದ ಅತ್ಯಂತ ವೈಭವೋಪೇತ ಪಂದ್ಯಾವಳಿ ಎಂದೇ ಖ್ಯಾತಿ ಪಡೆದ “ಕರ್ನಾಟಕ ಪ್ರೀಮಿಯರ್ ಲೀಗ್” ಕೆ.ಪಿ.ಎಲ್- ಸೀಸನ್ 2″ ನ್ನು ಆಟೋಡೀಲ್ ಮೂಡಬಿದಿರೆ ಜಯಿಸಿ ಚಾಂಪಿಯನ್ಸ್ ಪಟ್ಟ ಅಲಂಕರಿಸಿತು.

ಪ್ರತಿಷ್ಟಿತ ಪ್ರಶಸ್ತಿಗಾಗಿ 8 ಫ್ರಾಂಚೈಸಿಗಳು ಸೆಣಸಾಡಿದ್ದವು.
ಲೀಗ್ ಹಂತದ ರೋಚಕ ಕದನಗಳ ಬಳಿಕ ಅಂತಿಮವಾಗಿ,
ಮೊದಲ ಕ್ವಾಲಿಫೈಯರ್ ಸುತ್ತಿನಲ್ಲಿ
ಆಟೋಡೀಲ್ ತಂಡ ಕಳೆದ ಸಾಲಿನ ಚಾಂಪಿಯನ್ ಹೀಟ್ ಶೀಲ್ಡ್ ಗ್ಲಾಡಿಯೇಟರ್ಸ್ ಶಿಮಂತೂರು ತಂಡವನ್ನು ಸೋಲಿಸಿ ನೇರವಾಗಿ ಫೈನಲ್ ಪ್ರವೇಶಿಸಿತ್ತು.

ಎಲಿಮಿನೇಟರ್ ಸುತ್ತಿನಲ್ಲಿ ಚಕ್ರವರ್ತಿ ಕುಂದಾಪುರ ತಂಡವನ್ನು ಸೋಲಿಸಿದ ಗಂಗೊಳ್ಳಿ ಸ್ಟ್ರೈಕರ್ಸ್
ಎರಡನೇ ಕ್ವಾಲಿಫೈಯರ್ ಸುತ್ತು ಪ್ರವೇಶಿಸಿದರೂ, ಹೀಟ್ ಶೀಲ್ಡ್ ಗ್ಲಾಡಿಯೇಟರ್ಸ್ ತಂಡದೆದುರು ಪರಾಭವಗೊಂಡಿತು.

ಫೈನಲ್ ನಲ್ಲಿ ಆಟೋಡೀಲ್ ಮೂಡಬಿದಿರೆ,ಹೀಟ್ ಶೀಲ್ಡ್ ಗ್ಲಾಡಿಯೇಟರ್ಸ್ ವಿರುದ್ಧ 9 ವಿಕೆಟ್ ಗಳ ಅನಾಯಾಸ ಗೆಲುವು ಸಾಧಿಸಿತು.

ವಿಜೇತ ತಂಡ ಗರಿಷ್ಠ ನಗದು ಬಹುಮಾನ‌ ಸಹಿತ ಆಕರ್ಷಕ ಟ್ರೋಫಿಗಳನ್ನು ಪಡೆದುಕೊಂಡರು.

ವೈಯಕ್ತಿಕ ಪ್ರಶಸ್ತಿಯಾಗಿ
ಫೈನಲ್ ನ ಪಂದ್ಯಶ್ರೇಷ್ಟ ಆಟೋಡೀಲ್ ನ ಮಿಥುನ್ ಶೆಟ್ಟಿ,
ಟೂರ್ನಿಯ ಬೆಸ್ಟ್ ಬೌಲರ್ ಹೀಟ್ ಶೀಲ್ಡ್ ನ ವಿನಯ್,ಬೆಸ್ಟ್ ಬ್ಯಾಟ್ಸ್‌ಮನ್ ಚಕ್ರವರ್ತಿಯ ಗುರು ಪ್ರಸಾದ್, ಬೆಸ್ಟ್ ವಿಕೆಟ್ ಕೀಪರ್ ಹೀಟ್ ಶೀಲ್ಡ್ ನ ಹಮ್ದಾನ್,ಪಂದ್ಯಾವಳಿಯುದ್ದಕ್ಕೂ ಶ್ರೇಷ್ಠ ನಿರ್ವಹಣೆ ತೋರಿದ ಆಟೋ ಡೀಲ್ ನ ಮಿಥುನ್ ಶೆಟ್ಟಿ ಸರಣಿ ಶ್ರೇಷ್ಠ ಪ್ರಶಸ್ತಿ ಪಡೆದರೆ,
ಫೇರ್ ಪ್ಲೇ ಪ್ರಶಸ್ತಿ ಡಿ.ಜೆ‌.ಚಾಲೆಂಜರ್ಸ್ ಪಾಲಾಯಿತು.

ವರ್ಣರಂಜಿತ ಸಮಾರೋಪ ಸಮಾರಂಭದಲ್ಲಿ ಆಟೋಡೀಲ್ ಮಾಲೀಕ ಸೈಯ್ಯದ್ ಫೈಝಲ್,ಕಾಪು ಫ್ರೆಂಡ್ಸ್ ನ ಮೊಹಮ್ಮದ್ ಶಫಿ,
ಡಿ.ಜೆ ಚಾಲೆಂಜರ್ಸ್ ಪಡೀಲ್ ನ ದೀಪಕ್,ಹೀಟ್ ಶೀಲ್ಡ್ ಗ್ಲಾಡಿಯೇಟರ್ಸ್ ನ ಪ್ರೇಮನಾಥ್ ಶೆಟ್ಟಿ, ಅಲ್ ಸಿತಾರಾದ ಪರ್ವೇಜ್,ಗ್ಲೋಬಲಿಂಕ್ ವೆಸ್ಟರ್ನ್ ನ ಸಮೀರ್ ,ಕೋಸ್ಟಲ್ ಫ್ರೆಂಡ್ಸ್ ನ ಸದಸ್ಯರು ಉಪಸ್ಥಿತರಿದ್ದರು.

ಪ್ರಸಿದ್ಧ ಕನ್ನಡ ವೀಕ್ಷಕ ವಿವರಣೆಕಾರ ಸತೀಶ್ ಮಣಿಪಾಲ್ ಕಾರ್ಯಕ್ರಮ ನಿರೂಪಣೆಗೈದರು.
ಪಂದ್ಯಾವಳಿಯ ನೇರ ಪ್ರಸಾರವನ್ನು ನಮ್ಮ ಕುಡ್ಲ ಹಾಗೂ ಯೂಟ್ಯೂಬ್ ಚಾನೆಲ್ ಬಿತ್ತರಿಸಿದರೆ,ಸ್ಪೋರ್ಟ್ಸ್ ಕನ್ನಡ ಮೀಡಿಯಾ ಪಾರ್ಟ್ನರ್ ರೂಪದಲ್ಲಿ ಸಹಕರಿಸಿತ್ತು.
ಆರ್.ಕೆ.ಆಚಾರ್ಯ ಕೋಟ.

The post ಕೊಲ್ಲಿ ರಾಷ್ಟ್ರದಲ್ಲಿ ವಿಜಯದುಂಧುಭಿ ಮೊಳಗಿಸಿದ ಆಟೋಡೀಲ್ ಮೂಡಬಿದಿರೆ- ಕರ್ನಾಟಕ ಪ್ರೀಮಿಯರ್ ಲೀಗ್ ನ ವಿನೂತನ ಚಾಂಪಿಯನ್ಸ್. appeared first on SportsKannada ಸ್ಪೋರ್ಟ್ಸ್ ಕನ್ನಡ.