ದುಬೈ Archives - SportsKannada ಸ್ಪೋರ್ಟ್ಸ್ ಕನ್ನಡ

ದುಬೈ- ಬ್ಲೂಫೋರ್ಸ್ ಪ್ರೀಮಿಯರ್ ಲೀಗ್ ಚಾಂಪಿಯನ್ಸ್ ಪಟ್ಟ ಅಲಂಕರಿಸಿದ ನವೀನ್ ಇಲೆವೆನ್

ಕೋಟ ರಾಮಕೃಷ್ಣ ಆಚಾರ್ಯ — Sat, 25 Feb 2023 05:30:10 +0000

ಕೆ.ಆರ್.ಕೆ ಆಚಾರ್ಯ-ಸ್ಪೋರ್ಟ್ಸ್ ಕನ್ನಡ

ಯುಎಇ-ಇಲ್ಲಿನ ಪ್ರತಿಷ್ಠಿತ ತಂಡ ಬ್ಲೂ ಫೋರ್ಸ್ ಇವರು ಫೆಬ್ರವರಿ 19 ರಂದು ಶಾರ್ಜಾ ಸ್ಕೈ ಲೈನ್ ಯೂನಿವರ್ಸಿಟಿಯಲ್ಲಿ ಆಯೋಜಿಸಿದ ಬ್ಲೂ ಫೋರ್ಸ್ ಪ್ರೀಮಿಯರ್ ಲೀಗ್ ಸೀಸನ್ 1 ರ ಪ್ರಶಸ್ತಿಯನ್ನು ನವೀನ್ ಇಲೆವೆನ್ ಜಯಿಸಿದೆ.

ಒಟ್ಟು ಬಲಿಷ್ಠ ಹತ್ತು ತಂಡಗಳು ಭಾಗವಹಿಸಿದ ಈ ಪಂದ್ಯಾಟದ ಫೈನಲ್ ನಲ್ಲಿ ಬ್ಲೂ ಫೋರ್ಸ್ ತಂಡದ ವಿರುದ್ಧ ಗೆಲುವು ಸಾಧಿಸಿ ಚಾಂಪಿಯನ್‌ ತಂಡವಾಗಿ ಮೂಡಿ ಬಂದಿತು.

ಫೈನಲ್ ಪಂದ್ಯಶ್ರೇಷ್ಟ ಅಶ್ರಫ್,ಬೆಸ್ಟ್ ಬ್ಯಾಟರ್ ಇಮ್ರಾನ್ ಕೋಟೇಶ್ವರ,ಅಶುರ್ ಬೆಸ್ಟ್ ಬೌಲರ್,ರೋಶನ್ ಸರಣಿ ಶ್ರೇಷ್ಠ ಗೌರವಕ್ಕೆ ಪಾತ್ರರಾದರು.

*ಫೈಸಲ್ ಕಾಪು ಇವರಿಗೆ ಸ್ವರ್ಣ ಪದಕ ಗೌರವ*

ಸಮಾರೋಪ ಸಮಾರಂಭದಲ್ಲಿ ಉಡುಪಿ ಮೂಲದ ಪ್ರಸಿದ್ಧ ಎಡಗೈ ಆಟಗಾರ ಮತ್ತು ದುಬೈನಲ್ಲಿ ಪ್ರತಿವರ್ಷ ಅದ್ಧೂರಿಯಾಗಿ ಆಯೋಜಿಸಲ್ಪಡುವ ಯುನೈಟೆಡ್ ಕಾಪು ಟ್ರೋಫಿ ಪಂದ್ಯಾಟದ ಪ್ರಮುಖ ರೂವಾರಿ,ಬ್ಲೂ ಫೋರ್ಸ್ ಪಂದ್ಯಾಟದ ಅಭೂತಪೂರ್ವ ಯಶಸ್ಸಿನಲ್ಲಿ ಬೆನ್ನೆಲುಬಾಗಿ ನಿಂತ ಫೈಸಲ್ ಮೊಹಮ್ಮದ್ ಕಾಪು ಇವರಿಗೆ ಚಿನ್ನದ ಪದಕವನ್ನು ನೀಡಿ ಗೌರವಿಸಲಾಯಿತು.

ಈ ಸಂದರ್ಭ ಬ್ಲೂ ಫೋರ್ಸ್ ಸಂಘಟಕರಾದ ರೈನರ್ ಕೊಲ್ಯಾಕೋ,ಯೋಗೀಶ್ ಕೋಟ್ಯಾನ್,ಮುಖ್ಯ ಅತಿಥಿಯಾಗಿ ಆದಿಲ್ ಮುಲ್ಲಾ,ಟೀಮ್ ಎಕ್ಸ್ಪರ್ಟ್ ದಾಫ್ಝಾ ಮಾಲೀಕ ಸೋಹೈಲ್, ಇಮ್ರಾನ್ ಕಾಪು ಮತ್ತು ಫ್ರೆಂಡ್ಸ್ ಕುವೈಟ್ ಮಾಲೀಕರಾದ ಅಮಿತ್ ಫುರ್ಟಾಡೋ ಉಪಸ್ಥಿತರಿದ್ದರು.

ಪಂದ್ಯಾವಳಿಯ ಪ್ರಮುಖ ಪ್ರಾಯೋಜಕರಾಗಿ ಮುಸಾಫಿರ್.ಕಾಮ್,ರಿಯಲ್ ವಾಟರ್ ಅಜ್ಮನ್,ದುಬೈ ಆನ್ಲೈನ್ ವೀಸಾ.ಕಾಮ್,ವರಾಹ ರೂಪ ಮಂಗಳೂರು, ಎಮ್.ಜೆ ಮೋಟಾರ್ಸ್,ಎಸ್.ಕೆ ಸ್ಪೋರ್ಟ್ಸ್,ಜಿಟಿ-ಡೆಸರ್ಟ್ ಸಫಾರಿ ಇವರು ಸಹಕರಿಸಿದರು.

The post ದುಬೈ- ಬ್ಲೂಫೋರ್ಸ್ ಪ್ರೀಮಿಯರ್ ಲೀಗ್ ಚಾಂಪಿಯನ್ಸ್ ಪಟ್ಟ ಅಲಂಕರಿಸಿದ ನವೀನ್ ಇಲೆವೆನ್ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ದುಬೈನಲ್ಲಿ ಅದ್ಧೂರಿಯ “ಯುನೈಟೆಡ್‌ ಕಾಪು ಟ್ರೋಫಿ-2022” ಟ್ರೋಫಿ ಅನಾವರಣ ಕಾರ್ಯಕ್ರಮ

ಕೋಟ ರಾಮಕೃಷ್ಣ ಆಚಾರ್ಯ — Mon, 21 Nov 2022 10:13:21 +0000

ದುಬೈ-ಇಲ್ಲಿನ ಮಲಿಕ್ ರೆಸ್ಟೋರೆಂಟ್ ದುಬೈ ನಲ್ಲಿ ನವೆಂಬರ್ 18 ಶುಕ್ರವಾರದಂದು,ಯುನೈಟೆಡ್ ಕಾಪು ಟ್ರೋಫಿ-2022 ಮಿರುಗುವ ಟ್ರೋಫಿ ಅನಾವರಣ ಕಾರ್ಯಕ್ರಮ ಜರುಗಿತು.

ನವೆಂಬರ್ 27 ರಂದು ದುಬೈ ನ‌ ಅಲ್ ಧಾಯಿದ್ ಕ್ರಿಕೆಟ್ ವಿಲೇಜ್ ನಲ್ಲಿ ಹೊನಲು ಬೆಳಕಿನಲ್ಲಿ ಯುನೈಟೆಡ್ ಕಾಪು ಟ್ರೋಫಿ-2022 ಅದ್ಧೂರಿ ಕ್ರಿಕೆಟ್ ಪಂದ್ಯಾಟ ನಡೆಯಲಿದೆ‌‌‌.ಒಟ್ಟು 8 ಪ್ರತಿಷ್ಠಿತ ತಂಡಗಳು ಭಾಗವಹಿಸಲಿದ್ದು ತಂಡಗಳನ್ನು 2 ಪೂಲ್ ಗಳನ್ನಾಗಿ ವಿಭಾಗಿಸಲಾಗಿದೆ‌.A ಪೂಲ್ ನಲ್ಲಿ ಕಟೀಲ್ ಫ್ರೆಂಡ್ಸ್, ಫ್ರೆಂಡ್ಸ್ ಕಟೀಲ್,ಉಡುಪಿ ಫ್ರೆಂಡ್ಸ್,ದಾನುಬೆ ಫ್ರೆಂಡ್ಸ್ ಹಾಗೂ B ಪೂಲ್ ನಲ್ಲಿ ಕುಡ್ಲ ಫ್ರೆಂಡ್ಸ್,ಬ್ಲೂ ಫೋರ್ಸ್,ಟೀಮ್ ಎಲಿಗೆಂಟ್ ಮತ್ತು ನವೀನ್ ಇಲೆವೆನ್ ತಂಡಗಳ ನಡುವೆ ರೋಚಕ ಹಣಾಹಣಿ ನಡೆಯಲಿದೆ.

ಟ್ರೋಫಿ ಅನಾವರಣ ಕಾರ್ಯಕ್ರಮದಲ್ಲಿ ಟೂರ್ನಮೆಂಟ್ ನ ಪ್ರಮುಖ ರೂವಾರಿಗಳು,ಕಾಪು ಪರಿಸರದ ಪ್ರಸಿದ್ಧ ಆಟಗಾರರಾದ

ಫೈಸಲ್ ಕಾಪು,ಶಾಫಿ,ಶಕೀರ್,ಆಶಿಕ್ ಮತ್ತು ಆದಿಲ್ ಉಪಸ್ಥಿತರಿದ್ದರು….

The post ದುಬೈನಲ್ಲಿ ಅದ್ಧೂರಿಯ “ಯುನೈಟೆಡ್‌ ಕಾಪು ಟ್ರೋಫಿ-2022” ಟ್ರೋಫಿ ಅನಾವರಣ ಕಾರ್ಯಕ್ರಮ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ದುಬೈ-ಯುನೈಟೆಡ್ ಕಾಪು ಆಶ್ರಯದಲ್ಲಿ 3 ನೇ ಆವೃತ್ತಿಯ ಅದ್ಧೂರಿಯ ಯುನೈಟೆಡ್ ಕಾಪು ಟ್ರೋಫಿ.

ಕೋಟ ರಾಮಕೃಷ್ಣ ಆಚಾರ್ಯ — Mon, 19 Sep 2022 05:37:34 +0000

ಕಾಪು ಪರಿಸರದ ಆಟಗಾರರು,ಪ್ರಸ್ತುತ ದುಬೈನಲ್ಲಿ ಉದ್ಯೋಗದಲ್ಲಿರುವ ಫೈಜಲ್ ಕಾಪು,ಶಫಿ,ಆದಿಲ್,

ಶಾಕಿರ್ ಹಾಗೂ ಆಶಿಕ್ ಇವರೆಲ್ಲರ ಒಗ್ಗೂಡುವಿಕೆಯ ಯುನೈಟೆಡ್ ಕಾಪು ತಂಡ 3 ನೇ ಬಾರಿಗೆ ಯುನೈಟೆಡ್ ಕಾಪು ಟ್ರೋಫಿ-2022 ಕ್ರಿಕೆಟ್ ಪಂದ್ಯಾವಳಿ ಆಯೋಜಿಸಿದ್ದಾರೆ.

ನವೆಂಬರ್ ದಿನಾಂಕ 27 ರಂದು ಯು.ಎ‌.ಇ ಶಾರ್ಜಾ ಅಲ್ ಧಾಯಿದ್ ಕ್ರಿಕೆಟ್ ವಿಲೇಜ್ ಮೈದಾನದಲ್ಲಿ,ಟಿ-5 ಲೀಗ್ ಕಮ್ ನಾಕೌಟ್ ಮಾದರಿಯಲ್ಲಿ,ಹೊನಲು ಬೆಳಕಿನಡಿಯಲ್ಲಿ,ಕರ್ನಾಟಕದ ಆಟಗಾರರನ್ನೊಳಗೊಂಡ ಪ್ರತಿಷ್ಠಿತ ತಂಡಗಳ ನಡುವೆ ಜಿದ್ದಾಜಿದ್ದಿನ ಹೋರಾಟ ನಡೆಯಲಿದೆ

ಪ್ರಥಮ‌ ಪ್ರಶಸ್ತಿ ವಿಜೇತ ತಂಡ 5005 ದಿರ್ಹಮ್ಸ್,

ದ್ವಿತೀಯ ಸ್ಥಾನಿ 2505 ದಿರ್ಹಮ್ಸ್ ಸಹಿತ ಆಕರ್ಷಕ ಟ್ರೋಫಿಗಳನ್ನು ಪಡೆಯಲಿದ್ದಾರೆ.

ಹೆಚ್ಚಿನ ಮಾಹಿತಿಗಾಗಿ +971506288509,

+971545102554,+971528291122 ಈ ಮೊಬೈಲ್ ನಂಬರ್ ಗಳನ್ನು ಸಂಪರ್ಕಿಸಬಹುದು.

The post ದುಬೈ-ಯುನೈಟೆಡ್ ಕಾಪು ಆಶ್ರಯದಲ್ಲಿ 3 ನೇ ಆವೃತ್ತಿಯ ಅದ್ಧೂರಿಯ ಯುನೈಟೆಡ್ ಕಾಪು ಟ್ರೋಫಿ. appeared first on SportsKannada ಸ್ಪೋರ್ಟ್ಸ್ ಕನ್ನಡ.

ದುಬೈ-ಕ್ರೀಡೆ ಜೀವನದ ಅವಿಭಾಜ್ಯ ಅಂಗ-ವಕ್ವಾಡಿ ಪ್ರವೀಣ್ ಕುಮಾರ್ ಶೆಟ್ಟಿ

ಕೋಟ ರಾಮಕೃಷ್ಣ ಆಚಾರ್ಯ — Wed, 30 Mar 2022 07:06:48 +0000

ಕರ್ನಾಟಕ ಸಂಘ ಶಾರ್ಜಾ ಯುಎಇ ಇವರ ಆಶ್ರಯದಲ್ಲಿ ನಡೆದ ಯುಎಇ ಮಟ್ಟದ ಪುರುಷರ ವಾಲಿಬಾಲ್ , ಪುರುಷರ ಮತ್ತು ಮಹಿಳೆಯರ ತ್ರೋಬಾಲ್ ಪಂದ್ಯಾಟ , 27 ಭಾನುವಾರ ಅಜ್ಮನ್ ಅಕಾಡೆಮಿಯಲ್ಲಿ ನಡೆಯಿತು.

ಈ ಸಮಾರಂಭದ ಉದ್ಘಾಟನೆಯ ಕಾರ್ಯಕ್ರಮದಲ್ಲಿ ಕರ್ನಾಟಕ ಸಂಘ ಶಾರ್ಜಾದ ಅಧ್ಯಕ್ಷರು ಶ್ರೀ ಎಂ.ಇ.ಮೂಳೂರು. ಮುಖ್ಯ ಅತಿಥಿಗಳಾಗಿ ಸಂಘದ ಪ್ರಮುಖ ಸಲಹೆಗಾರರು ಮತ್ತು ಉದಾರ ದಾನಿಗಳು ಸಮಾಜಸೇವಕರು ಆಗಿರುವ ಶ್ರೀ ವಕ್ವಾಡಿ ಪ್ರವೀಣ್ ಕುಮಾರ್ ಶೆಟ್ಟಿ ಫಾರ್ಚುನ್ ಗ್ರೂಪ್ಸ್ ಆಫ್ ಹೋಟೆಲ್ಸ್, ಡಾ.ಶ್ರೀ ಶಿವಮೂರ್ತಿ ಮುರುಘಾ ಶರಣ ಸ್ವಾಮಿಗಳು ಕನ್ನಡ ಚಿತ್ರರಂಗದ ಖ್ಯಾತ ಹಾಸ್ಯ ನಟ ಶ್ರೀ ಎಂ.ಎನ್.ಸುರೇಶ್ ಮತ್ತು ಸಂಘದ ಪದಾಧಿಕಾರಿಗಳು , ಕ್ರೀಡಾಪಟುಗಳು ಉಪಸ್ಥಿತರಿದ್ದರು.

ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಶ್ರೀ ವಕ್ವಾಡಿ ಪ್ರವೀಣ್ ಕುಮಾರ್ ಶೆಟ್ಟಿ ಕ್ರೀಡಾ ಜೀವನದ ಅವಿಭಾಜ್ಯ ಅಂಗ ಕ್ರೀಡಾ ಚಟುವಟಿಕೆಗಳಿಗೆ ನನ್ನ ಸಹಕಾರ ಮತ್ತು ಬೆಂಬಲ ಇದ್ದೇ ಇರುತ್ತದೆ ಎಂದು ಎಲ್ಲಾ ಕ್ರೀಡಾ ಪಟುಗಳಿಗೂ ಶುಭ ಹಾರೈಸಿದರು.

ಬೆಳಿಗ್ಗೆ ಪ್ರಾರಂಭಗೊಂಡ ಕ್ರೀಡಾ ಚಟುವಟಿಕೆ ಮುಸಂಜೆವರೆಗೆ ನಡೆಯಿತು. ಯುಎಇ 15ಕ್ಕೂ ಹೆಚ್ಚು ತಂಡಗಳು ಭಾಗವಹಿಸಿದ್ದವು. ಲೀಗ್ ಮಾದರಿಯ ಪಂದ್ಯಾಟದಲ್ಲಿ ಪುರುಷರ ವಾಲಿಬಾಲ್ ವಿಭಾಗದಲ್ಲಿ ಟೀಮ್ ಡಿ3 ವಿಜಯಶಾಲಿಗಳಾದರೆ ಪುರುಷರ ತ್ರೋಬಾಲ್ ವಿಭಾಗದಲ್ಲಿ ಕೋಸ್ಟಲ್ ಫ್ರೆಂಡ್ಸ್ ಮತ್ತು ಮಹಿಳೆಯರ ತ್ರೋಬಾಲ್ ಪಂದ್ಯಾವಳಿಯಲ್ಲಿ ಬಂಟ್ಸ್ ದುಬೈ ವಿಜಯಿಶಾಲಿ ಆಗುವ ಮೂಲಕ ಮಯೂರ ಕಪ್ ತನ್ನದಾಗಿಸಿಕೊಂಡಿದೆ.

ಪಂದ್ಯಾಟದ ಕಾರ್ಯಕ್ರಮ ನಿರೂಪಣೆಯನ್ನು ಸ್ಪೋರ್ಟ್ಸ್ ಕನ್ನಡ ಗಲ್ಫ್ ಪ್ರತಿನಿಧಿ ವಿಘ್ನೇಶ್ ಕುಂದಾಪುರ ನಡೆಸಿದರು.

The post ದುಬೈ-ಕ್ರೀಡೆ ಜೀವನದ ಅವಿಭಾಜ್ಯ ಅಂಗ-ವಕ್ವಾಡಿ ಪ್ರವೀಣ್ ಕುಮಾರ್ ಶೆಟ್ಟಿ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ದುಬೈ-ಯಶಸ್ವಿ ದ್ವಿತೀಯ ಬಾರಿಗೆ ಕರ್ನಾಟಕದ ಆಟಗಾರರಿಗಾಗಿ ಯುನೈಟೆಡ್ ಕಾಪು ಟ್ರೋಫಿ-2021

ಕೋಟ ರಾಮಕೃಷ್ಣ ಆಚಾರ್ಯ — Wed, 24 Nov 2021 02:23:58 +0000

ಕಾಪು ಪರಿಸರದ ಆಟಗಾರರು ಪ್ರಸ್ತುತ ದುಬೈನಲ್ಲಿ ಉದ್ಯೋಗದಲ್ಲಿರುವ ಫೈಜಲ್ ಕಾಪು,ಶಫಿ, ಆದಿಲ್,ಶಾಕಿರ್ ಹಾಗೂ ಆಶಿಕ್ ಸ್ನೇಹಿತರೆಲ್ಲರ ಒಗ್ಗೂಡುವಿಕೆಯ ಯುನೈಟೆಡ್ ಕಾಪು ತಂಡ 2 ನೇ ಬಾರಿಗೆ ಯುನೈಟೆಡ್ ಕಾಪು ಟ್ರೋಫಿ-2021 ಪಂದ್ಯಾವಳಿಯನ್ನು ಆಯೋಜಿಸಿದ್ದಾರೆ.

ದಿನಾಂಕ 26-11-2021 ಶುಕ್ರವಾರದಂದು ದುಬೈ ನ ಅಜ್ಮನ್ ಓವಲ್ ಕ್ರೀಡಾಂಗಣದಲ್ಲಿ,ಹೊನಲು ಬೆಳಕಿನಲ್ಲಿ,ಲೀಗ್ ಕಮ್ ನಾಕೌಟ್ ಮಾದರಿಯಲ್ಲಿ ನಡೆಯಲಿರುವ ಈ ಪಂದ್ಯಾಕೂಟದಲ್ಲಿ ಕರ್ನಾಟಕದ ಆಟಗಾರರಿಂದ ಕೂಡಿದ 8 ಪ್ರತಿಷ್ಠಿತ ತಂಡಗಳು ಪ್ರಶಸ್ತಿಗಾಗಿ ಸೆಣಸಾಡಲಿದೆ.

ಭಾಗವಹಿಸುವ 8 ತಂಡಗಳು

1-ಟೀಮ್ ಎಕ್ಸ್ಪರ್ಟ್ ದಾಫ್ಜಾ

2-ಬ್ಲೂ ಫೋರ್ಸ್

3-ಟೀಮ್ ಎಲಿಗೆಂಟ್

4-ಕೆ.ಎಫ್.ಸಿ

5-ದುಬೈ ಲೆಜೆಂಡ್ಸ್

6-ಟಿ.ಸಿ.ಎ

7-ಮಂಗಳೂರು ವಾರಿಯರ್ಸ್‌

8-ಯು.ಟಿ.ಎಸ್.ಕಟೀಲ್ ಫ್ರೆಂಡ್ಸ್

ಟೂರ್ನಮೆಂಟ್ ನ ಪ್ರಥಮ ಪ್ರಶಸ್ತಿ ವಿಜೇತ ತಂಡ 5005 ದಿರ್ಹಮ್ಸ್,ದ್ವಿತೀಯ ಪ್ರಶಸ್ತಿ 2505 ದಿರ್ಹಮ್ಸ್ ಸಹಿತ ಆಕರ್ಷಕ ಪಾರಿತೋಷಕಗಳನ್ನು ಪಡೆಯಲಿದ್ದಾರೆ.

ನಿನ್ನೆ ನಡೆದ ಟ್ರೋಫಿ ಅನಾವರಣ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಉದ್ಯಮಿಗಳಾದ ತಾಜಾಮುಲ್,ಸುನಿಲ್ ಶೆಟ್ಟಿ ಹಾಗೂ ಸಂಘಟಕರು,ಭಾಗವಹಿಸುವ ತಂಡಗಳ ಮಾಲೀಕರು ಉಪಸ್ಥಿತರಿದ್ದರು.ಕ್ಲೇವನ್ ಕಾರ್ಯಕ್ರಮ ನಿರೂಪಿಸಿದರು.

The post ದುಬೈ-ಯಶಸ್ವಿ ದ್ವಿತೀಯ ಬಾರಿಗೆ ಕರ್ನಾಟಕದ ಆಟಗಾರರಿಗಾಗಿ ಯುನೈಟೆಡ್ ಕಾಪು ಟ್ರೋಫಿ-2021 appeared first on SportsKannada ಸ್ಪೋರ್ಟ್ಸ್ ಕನ್ನಡ.

ದುಬೈ ನಲ್ಲಿ ವರ್ಣರಂಜಿತ ಕ್ರಿಕೆಟ್ ಹಬ್ಬ ಯುನೈಟೆಡ್ ಪ್ರೀಮಿಯರ್ ಲೀಗ್-2021

ಕೋಟ ರಾಮಕೃಷ್ಣ ಆಚಾರ್ಯ — Fri, 28 May 2021 15:34:28 +0000

ದುಬೈ ನ ಪ್ರತಿಷ್ಠಿತ ಸಂಸ್ಥೆ River Valley ಮುಖ್ಯಸ್ಥರಾದ ಮಿ.ರಫೀಕ್ ಇವರ ಪ್ರಮುಖ ಪ್ರಾಯೋಜಕತ್ವದಲ್ಲಿ,

ಸಲ್ಮಾನ್,ರೆಹಮತ್ ಹೊನ್ನಾಳ,M.H.T ಹಾಗೂ ಈಶಾಮ್ ಇವರೆಲ್ಲರ ಮುಂದಾಳತ್ವದಲ್ಲಿ ಜೂನ್ 17 ರಂದು ದುಬೈ ಸ್ಕೌಟ್ ಮಿಷನ್ ಮೈದಾನದಲ್ಲಿ ಅದ್ಧೂರಿಯ ಯುನೈಟೆಡ್ ಪ್ರೀಮಿಯರ್ ಲೀಗ್-2021 40 ಗಜಗಳ ಹೊನಲು ಬೆಳಕಿನ ರಾಜ್ಯಮಟ್ಟದ ಕ್ರಿಕೆಟ್ ಪಂದ್ಯಾಟ ಆಯೋಜಿಸಲಾಗಿದೆ.

ಲೀಗ್ ಕಮ್ ನಾಕೌಟ್ ಮಾದರಿಯಲ್ಲಿ ಪಂದ್ಯಾಟ ಮೂಡಿಬರಲಿದ್ದು,5 ಓವರ್ ನ 12 ರೋಚಕ ಹಣಾಹಣಿಗಳು ನಡೆಯಲಿದೆ.ನಿಗದಿತ 9 ತಂಡಗಳಿಗಷ್ಟೇ ಭಾಗವಹಿಸಲು ಅವಕಾಶವಿದ್ದು,ಪ್ರವೇಶ ದರ 400 A.E.D ಹಾಗೂ ವಿಜೇತ ತಂಡ 1ಲಕ್ಷ ನಗದು ಹಾಗೂ ಆಕರ್ಷಕ ಟ್ರೋಫಿಗಳನ್ನು ಪಡೆಯಲಿದೆ.

ಟೂರ್ನಮೆಂಟ್ ನ ಬೆಸ್ಟ್ ಬ್ಯಾಟ್ಸ್‌ಮನ್‌ ಪೂಮಾ ಶೂ,ಬೆಸ್ಟ್ ಬೌಲರ್ ನೈಕ್ ಶೂ,ಬೆಸ್ಟ್ ಕೀಪರ್ ಸ್ಮಾರ್ಟ್ ಟಿ.ವಿ,ಹ್ಯಾಟ್ರಿಕ್ ವಿಕೆಟ್ ಪಡೆವ ಬೌಲರ್ ಬುರ್ಜ್ ಖಲೀಫಾ ಟಿಕೆಟ್,ಬೆಸ್ಟ್ ಫೀಲ್ಡರ್ ದುಬಾರಿ ಸುಗಂಧ ದ್ರವ್ಯ,ಫೈನಲ್ ನ ಪಂದ್ಯಶ್ರೇಷ್ಟ ಚಿನ್ನದ ನಾಣ್ಯ ಹಾಗೂ ಸರಣಿಶ್ರೇಷ್ಟ ಪ್ರಶಸ್ತಿ ರೂಪದಲ್ಲಿ ಎಲ್.ಇ.ಡಿ ಟಿ.ವಿ ಹಾಗೂ ಆಕರ್ಷಕ ಟ್ರೋಫಿಗಳನ್ನು ಪಡೆಯಲಿದ್ದಾರೆ.

*ಟೊರ್ಪೆಡೋಸ್ ಕುಂದಾಪುರ ಹಾಗೂ ಸನ್ ರೈಸ್ ಹೊನ್ನಾಳ ಪ್ರದರ್ಶನ ಪಂದ್ಯ*

ಜೂನ್ 17 ರಾತ್ರಿ 8 ಗಂಟೆಗೆ ಪಂದ್ಯಾಟ ಪ್ರಾರಂಭವಾಗಲಿದ್ದು,10 ಗಂಟೆಗೆ ವರ್ಣರಂಜಿತ ಉದ್ಘಾಟನಾ ಕಾರ್ಯಕ್ರಮ ನಡೆಯಲಿದೆ.

ರಾತ್ರಿ 10.30 ಗಂಟೆಗೆ ಸರಿಯಾಗಿ ಉಡುಪಿ ಜಿಲ್ಲೆಯ 2 ಪ್ರಸಿದ್ಧ ಸಂಸ್ಥೆಗಳಾದ ಟೊರ್ಪೆಡೋಸ್ ಕುಂದಾಪುರ ಹರಿಪ್ರಸನ್ನ ಪುಟ್ಟ ಸಾರಥ್ಯದಲ್ಲಿ ಹಾಗೂ ಸನ್ ರೈಸ್ ಹೊನ್ನಾಳ ರೆಹಮತ್ ಹೊನ್ನಾಳ ಸಾರಥ್ಯದಲ್ಲಿ ಪ್ರದರ್ಶನ ಪಂದ್ಯ ನಡೆಯಲಿದೆ.ಬೆಳಿಗ್ಗೆ 5 ಗಂಟೆಗೆ ಗಣ್ಯಾತಿಗಣ್ಯರ ಸಮ್ಮುಖದಲ್ಲಿ ಸಮಾರೋಪ ಸಮಾರಂಭ ನಡೆಯಲಿದೆ.

ಆಸಕ್ತ ತಂಡಗಳು ಜೂನ್ 2 ರ ಒಳಗೆ ನೋಂದಣಿ ಮಾಡಿಕೊಳ್ಳಬಹುದು.ಹೆಚ್ಚಿನ ವಿವರಗಳಿಗಾಗಿ ರೆಹಮತ್ ಹೊನ್ನಾಳ 971588569104 ಮೊಬೈಲ್ ನಂಬರ್ ಸಂಪರ್ಕಿಸಬಹುದು.

The post ದುಬೈ ನಲ್ಲಿ ವರ್ಣರಂಜಿತ ಕ್ರಿಕೆಟ್ ಹಬ್ಬ ಯುನೈಟೆಡ್ ಪ್ರೀಮಿಯರ್ ಲೀಗ್-2021 appeared first on SportsKannada ಸ್ಪೋರ್ಟ್ಸ್ ಕನ್ನಡ.