ರಾಕ್ ಯೂತ್ ಕ್ಲಬ್ ತುಮಕೂರು-ನೂತನ ಪದಾಧಿಕಾರಿಗಳ ಆಯ್ಕೆ

ತುಮಕೂರಿನ ಖಾಸಗಿ ಹೋಟೆಲ್ ಒಂದರಲ್ಲಿ ನಡೆದ ಆಯ್ಕೆ ಪ್ರಕ್ರಿಯೆಯಲ್ಲಿ ರಾಕ್ ಯೂತ್ ಕ್ಲಬ್ ನ ಹಾಲಿ ಸಂಯೋಜಕರು,ಜಿಲ್ಲಾ ಸರಕಾರಿ ನೌಕರರ ಸಂಘದ ಜಿಲ್ಲಾಧ್ಯಕ್ಷ ನರಸಿಂಹರಾಜು(ರಾಕ್ ರಾಜು),ಪ್ರಧಾನ ಕಾರ್ಯದರ್ಶಿ ರಾಕ್ ಲೈನ್ ರವಿಕುಮಾರ್,ಕ್ಲಬ್ ನ ಉಪಾಧ್ಯಕ್ಷ ಬೆಳ್ಳಿ ಲೋಕೇಶ್ ಸೇರಿದಂತೆ ಹಲವಾರು ಹಿರಿಯ ಕ್ರೀಡಾಪಟುಗಳು ಭಾಗವಹಿಸಿದ್ದರು.

ಈ ಸಂದರ್ಭ ಮಾತನಾಡಿದ ರಾಕ್ ರಾಜು ರವರು,1989 ರಲ್ಲಿ ಆರಂಭವಾದ ಕ್ರೀಡಾ ಕ್ಲಬ್ ಹಲವಾರು ಎಡರು ತೊಡರುಗಳ ನಡುವೆ ಒಂದು ದಿನವೂ ಅಭ್ಯಾಸ ನಿಲ್ಲಿಸದೆ,ಇದುವರೆಗೂ ನಿರಂತರವಾಗಿ ಮುನ್ನಡೆಸಿಕೊಂಡು ಬಂದಿದೆ.ನಮ್ಮ ನಂತರದ ಪೀಳಿಗೆಗೂ ನಾಯಕತ್ವದ ಪರಿಚಯವಾಗಬೇಕು,ಅವರು ತಂಡವನ್ನು ಮುನ್ನಡೆಸುವ ಚಾಕಚಕ್ಯತೆ ಬೆಳೆಸಿಕೊಳ್ಳಬೇಕು ಎಂಬ ಉದ್ದೇಶದಿಂದ ನಾಯಕನ ಆಯ್ಕೆ ಸಭೆಯನ್ನು ಆಯೋಜಿಸಲಾಗಿದೆ ಎಂದು ತಿಳಿಸಿದರು.

ರಾಕ್ ಯೂತ್ ಕ್ಲಬ್ ನ ಉಪಾಧ್ಯಕ್ಷ ಬೆಳ್ಳಿ ಲೋಕೇಶ್ ಮಾತನಾಡಿ,ನಮ್ಮ ತಂಡ ಇಡೀ ರಾಜ್ಯದಲ್ಲಿಯೇ ಶಿಸ್ತು ಮತ್ತು ತಾಳ್ಮೆಗೆ ಹೆಸರಾಗಿದೆ,ಯುವ ಪ್ರತಿಭೆಗಳಿಗೆ ತಂಡ ವೇದಿಕೆ ಕಲ್ಪಿಸಿಕೊಡಬೇಕೆಂಬ ಆಶಯ ವ್ಯಕ್ತ ಪಡಿಸಿದರು.

ಈ ವೇಳೆ ತಂಡದ ಮೆನೇಜರ್ ರಾಕ್ ರವಿ ಹಾಗೂ ಹಿರಿಯ ಕ್ರೀಡಾಪಟುಗಳಾದ ರವಿ,ಪ್ರದೀಪ್ ಕುಮಾರ್,ಗುರುಪ್ರಸಾದ್ ಸೇರಿದಂತೆ ಹಲವರು ನೂತನ ನಾಯಕನಿಗೆ ಶುಭಹಾರೈಸಿದರು.