ಹಾಕಿ ಏಷ್ಯಾ ಕಪ್ ಗೆಲುವೇ ಕ್ರಿಕೆಟ್‌ಗಿಂತ ದೊಡ್ಡ ಸಾಧನೆ

ಏಷ್ಯಾದ ಬಲಿಷ್ಠ ಒಲಿಂಪಿಕ್ ರಾಷ್ಟ್ರಗಳ ಎದುರು ಭಾರತ ಹಾಕಿ ತಂಡದ ಹೋರಾಟ – ಕ್ರಿಕೆಟ್‌ಗೆ ಹೋಲಿಸಿದರೆ ಹಾಕಿಯಲ್ಲಿ ಗೆಲುವೇ ನಿಜವಾದ ಕ್ರೀಡಾ ಶಕ್ತಿ ಪರೀಕ್ಷೆ.

ಭಾರತದಲ್ಲಿ ಕ್ರಿಕೆಟ್ ಅತ್ಯಂತ ಜನಪ್ರಿಯ ಕ್ರೀಡೆ. 2028ರಿಂದ ಕ್ರಿಕೆಟ್ ಒಲಿಂಪಿಕ್‌ ಕ್ರೀಡೆಯಾಗಿ ಸೇರುವುದರಿಂದ ವಿಶ್ವದ ಅನೇಕ ರಾಷ್ಟ್ರಗಳು ಈ ಕ್ರೀಡೆಯನ್ನು ಗಂಭೀರವಾಗಿ ತೆಗೆದುಕೊಳ್ಳಲಿವೆ. ಆದರೆ ಪ್ರಸ್ತುತದ ಸ್ಥಿತಿ ನೋಡಿದರೆ, ಕ್ರಿಕೆಟ್ ಮತ್ತು ಹಾಕಿ ಏಷ್ಯಾ ಕಪ್‌ಗಳ ನಡುವಿನ ವ್ಯತ್ಯಾಸ ಸ್ಪಷ್ಟವಾಗುತ್ತದೆ.

ಇನ್ನೇನು ಕೆಲವು ದಿನಗಳಲ್ಲಿ ಕ್ರಿಕೆಟ್ ಏಷ್ಯಾ ಕಪ್ ಮತ್ತು ಹಾಕಿ ಏಷ್ಯಾ ಕಪ್ ಆರಂಭವಾಗುತ್ತಿವೆ. ಹಾಕಿ ಟೂರ್ನಿಯಲ್ಲಿ ಭಾಗವಹಿಸುವ ಎಂಟು ರಾಷ್ಟ್ರಗಳಲ್ಲಿ ಐದು ರಾಷ್ಟ್ರಗಳು ಕಳೆದ ಐದು ಒಲಿಂಪಿಕ್ಸ್‌ನಲ್ಲಿ ಭಾರತಕ್ಕಿಂತ ಹೆಚ್ಚು ಪದಕಗಳನ್ನು ಗೆದ್ದಿವೆ. ಇದರಿಂದ ಹಾಕಿ ಸ್ಪರ್ಧಾತ್ಮಕತೆಯ ಮಟ್ಟ ಎಷ್ಟು ಕಠಿಣವಾಗಿದೆಯೆಂಬುದು ಸ್ಪಷ್ಟವಾಗುತ್ತದೆ.

ಕ್ರಿಕೆಟ್‌ನಲ್ಲಿ ಪರಿಸ್ಥಿತಿ ತೀರಾ ವಿಭಿನ್ನ. ಕಳೆದ ಐದು ಒಲಿಂಪಿಕ್ಸ್‌ನಲ್ಲಿ ಭಾರತ ಒಟ್ಟು 24 ಪದಕಗಳನ್ನು ಗೆದ್ದಿದ್ದರೆ, ಬಹುತೇಕ ಏಷ್ಯನ್ ಕ್ರಿಕೆಟ್ ರಾಷ್ಟ್ರಗಳು ಹತ್ತಿರಕ್ಕೂ ಬಂದಿಲ್ಲ. ಬಾಂಗ್ಲಾದೇಶ, ಶ್ರೀಲಂಕಾ, ಓಮಾನ್ ಮತ್ತು ಯುಎಇ ಒಂದೂ ಪದಕವಿಲ್ಲದೆ ಉಳಿದರೆ, ಪಾಕಿಸ್ತಾನಕ್ಕೆ ಕೇವಲ ಒಂದು, ಆಫ್ಘಾನಿಸ್ತಾನಕ್ಕೆ ಎರಡು ಮಾತ್ರ ಸಿಕ್ಕಿವೆ.

ಇದರಿಂದ ಕ್ರಿಕೆಟ್ ಏಷ್ಯಾ ಕಪ್‌ನಲ್ಲಿ ಭಾರತಕ್ಕೆ ಎದುರಾಗುವ ರಾಷ್ಟ್ರಗಳ ಸ್ಪರ್ಧಾತ್ಮಕತೆಯ ಮಟ್ಟ ಕಡಿಮೆ ಎನ್ನುವುದು ಸ್ಪಷ್ಟ. ಆದರೆ ಹಾಕಿಯಲ್ಲಿ ಭಾರತವು ಎದುರಿಸುತ್ತಿರುವುದು ನಿಜವಾದ ಒಲಿಂಪಿಕ್ ಮಟ್ಟದ ಬಲಿಷ್ಠ ರಾಷ್ಟ್ರಗಳನ್ನು. ಆದ್ದರಿಂದ ಭಾರತ ಹಾಕಿ ಏಷ್ಯಾ ಕಪ್ ಗೆದ್ದರೆ, ಅದನ್ನು ಕ್ರಿಕೆಟ್ ಏಷ್ಯಾ ಕಪ್ ಗೆಲುವಿಗಿಂತ ದೊಡ್ಡ ಸಾಧನೆ ಎಂದು ಪರಿಗಣಿಸಲೇಬೇಕು.

ಭಾರತದಲ್ಲಿ ಕ್ರೀಡಾ ಸಂಸ್ಕೃತಿ ದಿನದಿಂದ ದಿನಕ್ಕೆ ಬೆಳೆದುಬರುತ್ತಿದೆ. ಕ್ರಿಕೆಟ್ ಹೊರತಾಗಿಯೂ ಅನೇಕ ಕ್ರೀಡೆಗಳಿಗೆ ಜನ ಬೆಂಬಲ ನೀಡಲು ಪ್ರಾರಂಭಿಸಿದ್ದಾರೆ. ಆದರೂ, ನಿಜವಾದ ಕ್ರೀಡಾ ಸಂಸ್ಕೃತಿ ಎಂದರೆ ಎಲ್ಲಾ ಕ್ರೀಡೆಗಳನ್ನೂ ಸಮಾನವಾಗಿ ಗೌರವಿಸುವುದು, ಪ್ರತಿಯೊಬ್ಬ ಭಾರತೀಯ ಕ್ರೀಡಾಪಟುವಿನ ಸಾಧನೆಯನ್ನು ಹೆಮ್ಮೆಯಿಂದ ಆಚರಿಸುವುದೇ ಆಗಿದೆ.

ಆಗಸ್ಟ್ 29ರಂದು ರಾಷ್ಟ್ರೀಯ ಕ್ರೀಡಾ ದಿನದ ಸಂದರ್ಭದಲ್ಲಿ, ಕ್ರಿಕೆಟ್ ತಂಡಕ್ಕೆ ನೀಡುವ ಉತ್ಸಾಹದಷ್ಟೇ ನಮ್ಮ ಹಾಕಿ ತಂಡಕ್ಕೂ ಬೆಂಬಲ ನೀಡೋಣ, ಪ್ರತಿಯೊಬ್ಬ ಭಾರತೀಯ ಕ್ರೀಡಾಪಟುವಿನ ಸಾಧನೆಗೆ ಹರ್ಷಧ್ವನಿ ಮಾಡೋಣ.

The post ಹಾಕಿ ಏಷ್ಯಾ ಕಪ್ ಗೆಲುವೇ ಕ್ರಿಕೆಟ್‌ಗಿಂತ ದೊಡ್ಡ ಸಾಧನೆ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಮಗ ಇಡೀ ಜಗತ್ತೇ ತನ್ನೆಡೆಗೆ ತಿರುಗಿ ನೋಡುವಂತೆ ಮಾಡಿ ಬಿಟ್ಟ..!

ರಾಹುಲ್ ದ್ರಾವಿಡ್ ಅವರಂತೆ ಇವರೂ ‘ದಿ ಗ್ರೇಟ್ ವಾಲ್ ಆಫ್ ಇಂಡಿಯಾ’.. ಇವರ ಕಡೆಗೂ ಒಮ್ಮೆ ನೋಡಿ..!

ಪ್ಯಾರಿಸ್ ಒಲಿಂಪಿಕ್ಸ್’ನಲ್ಲಿ ಭಾರತ ಹಾಕಿ ತಂಡ ಕಂಚಿನ ಪದಕ ಗೆದ್ದ ಕ್ಷಣ ಆಟಗಾರರು ಸಂಭ್ರಮಾಚರಣೆಯಲ್ಲಿ ತೊಡಗಿದ್ದರೆ, ಗೋಲ್ ಕೀಪರ್ ಶ್ರೀಜೇಶ್ ಮಾತ್ರ ಗೋಲ್ ಪೋಸ್ಟ್ ಮುಂದೆ ತಲೆ ಬಾಗಿ ಕೂತಿದ್ದ.

ಅದು ನೋಡುವವರ ಕಣ್ಣಿಗೆ ಗೋಲ್ ಪೋಸ್ಟ್ ಅಷ್ಟೇ. ಆದರೆ ಶ್ರೀಜೇಶ್ ಪಾಲಿಗೆ ಕಳೆದ ಎರಡು ದಶಕಗಳಿಂದ ಅದುವೇ ಮನೆಯಾಗಿತ್ತು. ಆ ಮನೆಯಲ್ಲಿ ಮುಂದೆಂದೂ ಶ್ರೀಜೇಶ್ ಕಾಣಿಸುವುದಿಲ್ಲ. He will miss that home, but India will miss him even more.

ಕ್ರಿಕೆಟ್ ತೀವ್ರತೆಯ ದೇಶದಲ್ಲಿ ಒಬ್ಬ ನೀರಜ್ ಚೋಪ್ರಾ ಧ್ರುವ ನಕ್ಷತ್ರದಂತೆ ಎದ್ದು ಬರುತ್ತಾನೆ.. ಪಿ.ವಿ ಸಿಂಧೂ, ಮನು ಭಾಕರ್, ವಿನೇಶ್ ಫೊಗಾಟ್ ಎಂಬ ಹೆಣ್ಣು ಮಕ್ಕಳು ಇಡೀ ಸ್ತ್ರೀಕುಲಕ್ಕೆ ಸ್ಫೂರ್ತಿ, ಹೆಮ್ಮೆ, ಅಭಿಮಾನದ ಪ್ರತೀಕವಾಗಿ ನಿಲ್ಲುತ್ತಾರೆ. ಇಡೀ ಜಗತ್ತೇ ತಮ್ಮತ್ತ ತಿರುಗಿ ನೋಡುವಂತೆ ಮಾಡುತ್ತಾರೆ.

ಇವರ ಮಧ್ಯೆ ನಮ್ಮ ದೇಶ ಯಾವತ್ತೂ ಮರೆಯಲೇಬಾರದ, ಕ್ರೀಡೆಯನ್ನು ಪ್ರೀತಿಸುವವರು ತಲೆಯ ಮೇಲೆ ಹೊತ್ತು ಮೆರೆಸಲೇಬೇಕಾದ ಸೈಲೆಂಟ್ ಸಂತನೊಬ್ಬನಿದ್ದಾನೆ. ಅವನೇ ಪರಟ್ಟು ರವೀಂದ್ರನ್ ಶ್ರೀಜೇಶ್.

ಕರ್ನಾಟಕದ ಹೆಮ್ಮೆ ರಾಹುಲ್ ದ್ರಾವಿಡ್ ಸಾವಿರ ಸಾವಿರ ಬೆಂಕಿಯಂತಾ ಎಸೆತಗಳಿಗೆ ಎದೆಯೊಡ್ಡಿ The Great Wall of India ಎಂದು ಕರೆಸಿಕೊಂಡವರು.

ಪಿ.ಆರ್ ಶ್ರೀಜೇಶ್ ಕೂಡ ಹಾಗೆಯೇ. ಭಾರತ ಸತತ ಒಲಿಂಪಿಕ್ಸ್’ಗಳಲ್ಲಿ 2 ಕಂಚಿನ ಪದಕಗಳನ್ನು ಗೆದ್ದಿದೆ ಎಂದರೆ ಆ ವಿಜಯಗಳ ಹಿಂದಿರುವ ನಿಜವಾದ ವಿಜಯಶಿಲ್ಪಿ ಈ ಕೇರಳ ಕುಟ್ಟಿ ಶ್ರೀಜೇಶ್.

ಪ್ಯಾರಿಸ್ ಒಲಿಂಪಿಕ್ಸ್’ನಲ್ಲಿ ಭಾರತದ ಪಾಲಿಗೆ ಆತ ರಕ್ಷಾ ಕವಚವಾದ ಗೋಡೆ.. ಎದುರಾಳಿಗಳ ಪಾಲಿಗೆ ಆತ ಭೇದಿಸಲಾಗದ ಮಹಾಗೋಡೆ. ಗೋಲ್ ಪೋಸ್ಟ್’ನ ಮುಂದೆ ಶ್ರೀಜೇಶ್ ದೃಢವಾಗಿ ನಿಲ್ಲದೇ ಇದ್ದಿದ್ದರೆ ಭಾರತ ಖಂಡಿತಾ ಕಂಚಿನ ಪದಕ ಗೆಲ್ಲುತ್ತಲೇ ಇರಲಿಲ್ಲ.

ಗೋಲ್’ಕೀಪರ್’ಗಳನ್ನು ಜನ ಪ್ರೀತಿಸುವುದು ತುಂಬಾ ಅಪರೂಪ. ಅವನು ಹೆಚ್ಚಾಗಿ limelightಗೆ ಬರುವುದು ಮೈದಾನದಲ್ಲಿ ತಪ್ಪು ಮಾಡಿದಾಗ. ಇಂಥದ್ದನೆಲ್ಲಾ ಎದುರಿಸಿಯೇ ಲೆಜೆಂಡ್ ಆದವನು ಪಿ.ಆರ್ ಶ್ರೀಜೇಶ್. He is widely regarded as one of the greatest goal keepers in the history of hockey.

ಕೇರಳದ ಕಿಝಕ್ಕಂಬಳಮ್ ಎಂಬ ಹಳ್ಳಿಯ ಸಾಮಾನ್ಯ ರೈತನೊಬ್ಬನ ಮಗ ಪಿ.ಆರ್ ಶ್ರೀಜೇಶ್. ಸಣ್ಣ ಹುಡುಗನಾಗಿದ್ದಾಗ ಸ್ಪ್ರಿಂಟ್, ಲಾಂಗ್ ಜಂಪ್, ವಾಲಿಬಾಲ್ ಶ್ರೀಜೇಶ್’ನ ಆಸಕ್ತಿ. 12ನೇ ವಯಸ್ಸಲ್ಲಿ ತಿರುವನಂತಪುರದ ಜಿ.ವಿ ರಾಜಾ ಕ್ರೀಡಾ ಶಾಲೆ ಸೇರಿದ ಶ್ರೀಜೇಶ್’ಗೆ ಅಲ್ಲಿ ಹಾಕಿ ಗೋಲ್ ಕೀಪಿಂಗ್ ಮೇಲೆ ಆಸಕ್ತಿ ಬೆಳೆಯುತ್ತದೆ. ‘’ಗೋಲ್ ಕೀಪಿಂಗ್ ಕಿಟ್ ತೆಗೆದುಕೊಂಡು ಬಾ’’ ಎನ್ನುತ್ತಾರೆ ಕೋಚ್. ತಂದೆಯ ಮುಂದೆ ನಿಂತವನು ‘’ನನಗೊಂದು ಕಿಟ್ ಕೊಡಿಸು’’ ಎಂದ ಮಗನ ಆಸೆಯನ್ನು ಪೂರೈಸಲು ಮನೆಗೆ ಆಧಾರವಾಗಿದ್ದ ಹಸುವನ್ನೇ ₹10 ಸಾವಿರಕ್ಕೆ ಮಾರಿ ಬಿಡುತ್ತಾರೆ ಆ ತಂದೆ. P.R Sreejesh has made those 10 thousand rupees really worth.

The Man , The Myth , The legend PR sreejesh
– 18 years.
– 336 matches.
– 2 Olympic medals.
– 2 in Commonwealth games medals.
– 3 Asian Games medals.
The great Wall of Indian Hockey

Well done Champion. ನೀನು ನಿಜವಾದ ಲೆಜೆಂಡ್. ಈ ದೇಶ ನಿನ್ನನ್ನು ಯಾವತ್ತೂ ನೆನಪಿನಲ್ಲಿಟ್ಟುಕೊಳ್ಳುತ್ತದೆ.

The post ಹಸು ಮಾರಿ ಮಗನಿಗೆ hockey ಗೋಲ್ ಕೀಪಿಂಗ್ ಕಿಟ್ ಕೊಡಿಸಿದ್ದರು ಆ ತಂದೆ..! appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಏಷ್ಯನ್ ಚಾಂಪಿಯನ್ಸ್ ಟ್ರೋಫಿಯ ಅಂತಿಮ ಪಂದ್ಯದಲ್ಲಿ ಭಾರತವು ಮಲೇಷ್ಯಾವನ್ನು 4-3 ಗೋಲುಗಳಿಂದ ಸೋಲಿಸಿ ನಾಲ್ಕನೇ ಬಾರಿ ಪ್ರಶಸ್ತಿಯನ್ನು ಗೆದ್ದುಕೊಂಡಿತು.

The post ಫೈನಲ್‌ನಲ್ಲಿ ಮಲೇಷ್ಯಾವನ್ನು ಸೋಲಿಸಿ ನಾಲ್ಕನೇ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಪ್ರಶಸ್ತಿಯನ್ನು ಗೆದ್ದ ಭಾರತ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಹೀರೋ ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಚೆನ್ನೈ 2023: ಗುರುವಾರ ಚೆನ್ನೈನ ಮೇಯರ್ ರಾಧಾಕೃಷ್ಣನ್ ಸ್ಟೇಡಿಯಂನಲ್ಲಿ ಭಾರತ ಹಾಕಿ ತಂಡ ಅದ್ಭುತ ಪ್ರದರ್ಶನ ನೀಡಿದೆ.

The post ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ 2023: ಚೀನಾವನ್ನು 7-2 ಗೋಲುಗಳಿಂದ ಸೋಲಿಸಿ ಏಕಪಕ್ಷೀಯ ವಿಜಯದಿಂದ ಮಿಂಚಿದ ಭಾರತ ಹಾಕಿ ತಂಡ. appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಕಳೆದ ವರ್ಷ ನಡೆದ ಟೋಕಿಯೋ ಒಲಿಂಪಿಕ್ಸ್ ಭಾರತಕ್ಕೆ ನಿರೀಕ್ಷೆ ಮಾಡಿದಷ್ಟು ಸಂಖ್ಯೆಯ ಪದಕಗಳನ್ನು ತಾರದೇ ಮುಗಿದು ಹೋಗಿರಬಹುದು.

The post ಭಾರತದ ಹಾಕ್ಕೀ ಕ್ಯಾಪ್ಟನ್ ರಾಣಿ ರಾಂಪಾಲ್ ಎಂಬ ಹುಟ್ಟು ಹೋರಾಟಗಾರ್ತಿ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ದಶಕಗಳ ಬಳಿಕ ಒಲಿಂಪಿಕ್ ಟೂರ್ನಿಯಲ್ಲಿ ಭಾರತದ ಪುರುಷರ ಹಾಕಿ ತಂಡ ಕಂಚಿನ ಪದಕ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಇಂದು ಕಂಚಿನ ಪದಕಕ್ಕಾಗಿ ನಡೆದ ಪಂದ್ಯದಲ್ಲಿ ಜರ್ಮನಿ ವಿರುದ್ಧ ಭಾರತ 5-4 ಗೋಲುಗಳ ಅಂತರದಿಂದ ರೋಚಕ ರೀತಿಯಲ್ಲಿ ಸೋಲಿಸಿ ಕಂಚಿನ ಪದಕ ಪಡೆಯಿತು.

1980ರ ಒಲಿಂಪಿಕ್ಸ್​ನಲ್ಲಿ ಚಿನ್ನ ಗೆದ್ದ ಬಳಿಕ ಭಾರತ ಹಾಕಿ ತಂಡ ಒಲಿಂಪಿಕ್​ನಲ್ಲಿ ಗಿಟ್ಟಿಸಿರುವ ಮೊದಲ ಪದಕ ಇದಾಗಿದೆ. ಟೋಕಿಯೋದಲ್ಲಿ ನಡೆದ ಈ ರೋಚಕ ಹಣಾಹಣಿಯಲ್ಲಿ ಜರ್ಮನಿ ತಂಡ ಒಂದು ಹಂತದಲ್ಲಿ 3-1 ಗೋಲುಗಳಿಂದ ಮುನ್ನಡೆ ಹೊಂದಿತ್ತು. ಆದರೆ, ಭಾರತ ಸತತ 4 ಗೋಲು ಗಳಿಸಿ 5-3 ಮುನ್ನಡೆ ಪಡೆಯಿತು. ಕೊನೆಯ ಕ್ವಾರ್ಟರ್​ನಲ್ಲಿ ಜರ್ಮನಿ ಕಂಬ್ಯಾಕ್ ಮಾಡಿ 4ನೇ ಗೋಲು ಗಳಿಸಿತು. ಅಂತಿಮವಾಗಿ ಗೆಲುವಿನ ಮಾಲೆ ಭಾರತಕ್ಕೆ ಒಲಿಯಿತು. ಭಾರತ ಹಾಕಿ ತಂಡ ಗೆದ್ದ ಈ ಪದಕ ಈ ಒಲಿಂಪಿಕ್ಸ್​ನಲ್ಲಿ ಭಾರತಕ್ಕೆ ಸಿಕ್ಕಿರುವ ನಾಲ್ಕನೇ ಪದಕವಾಗಿದೆ. ಇದರೊಂದಿಗೆ ಭಾರತದ ಬುಟ್ಟಿಯಲ್ಲಿ 1 ಬೆಳ್ಳಿ ಮತ್ತು 3 ಕಂಚಿನ ಪದಕ ಇವೆ. ಅತ್ತ, ಭಾರತ ಮಹಿಳಾ ಹಾಕಿ ತಂಡ ಕೂಡ ಕಂಚಿನ ಪದಕಕ್ಕಾಗಿ ನಾಳೆ ಪ್ರಯತ್ನಿಸುತ್ತಿದೆ.

The post ಟೋಕಿಯೋ ಒಲಿಂಪಿಕ್ಸ್ ಹಾಕಿ-ಭಾರತಕ್ಕೆ ಕಂಚು appeared first on SportsKannada ಸ್ಪೋರ್ಟ್ಸ್ ಕನ್ನಡ.