ಕೆರಳಿದ ರಾಹುಲ್-ಬಳಲಿದ ರಾಯಲ್ ಹರ್ಪ್ರೀತ್ ಬ್ರಾರ್-ರಾತ್ರೋರಾತ್ರಿ ಸ್ಟಾರ್

ಪ್ರವೀಣ್ ಚಿತ್ತಾಪುರ — Sat, 01 May 2021 09:53:11 +0000

ಟಾಸ್ ಗೆದ್ದ ವಿರಾಟ್ ಪಡೆ ಬಾ ಗುರು ಬೌಲಿಂಗ್ ಮಾಡೋಣ ಅಂದರು. ಚಾಲೆಂಜ್ ಸ್ವೀಕರಿಸಿದ ರಾಹುಲ್ ಪಡೆ ಪ್ರೀತಿಯಿಂದ ತಗೋ 179 ರನ್ನು ಎಂದರು.

ಆರಂಭದಲ್ಲಿ ಆನೆ ಹೆಜ್ಜೆ ಇಟ್ಟು ಕೊನೆಕೊನೆಗೆ ಹುಲಿಯಾದ ರಾಹುಲ್. ಪಂಜಾಬಿಗೆ ಸೇಲಾದ ಕ್ರಿಸ್ ಗೇಲ್ ಚಚ್ಚಿದ್ದು 41 ರನ್ನುಗಳ ಹೋಲ್ ಸೇಲ್. ಬ್ಯಾಟಿಂಗ್ ಬೌಲಿಂಗ್ ಎರಡರಲ್ಲೂ ಮಿಂಚಿದ ಯುವ ಹರಪ್ರೀತ್ ಬ್ರಾರ್. ಅರೇ ಯೆ ತೋ ಸೇಮ್ ಟು ಸೇಮ್ ಯುವರಾಜ್ ಸಿಂಗ್ ಹೈ ಯಾರ್. ಕೈ ಬಿಗಿ ಹಿಡಿದು ಬೌಲಿಂಗ್ ಮಾಡಿದ ಆರ್ಸಿಬಿ ಬೌಲರಗಳ ಶ್ರಮ ಆಯ್ತ ವ್ಯರ್ಥ, ಕೊನೆ ಓವರನ್ನ ಹರ್ಷಲ್ ಗೆ ಕೊಟ್ಟಿದ್ದರಲ್ಲಿ ಇರಲಿಲ್ಲ ಯಾವುದೇ ಅರ್ಥ.

180 ರ ಗುರಿ ದಾಟಲು ಅಂಗಳಕ್ಕಿಳಿದ ಕೊಹ್ಲಿ ಪಡೆ ಆದರೆ ಪಂದ್ಯ ಸಂಪೂರ್ಣವಾಗಿ ವಾಲಿದ್ದು ಪಂಜಾಬ್ ಕಡೆ. ಕ್ಲಾಸಿಕ್ ಕ್ರಿಕೆಟ್ ಶಾಟ್ಸ್ ಆಡಿದ ವಿರಾಟ ಆದರೆ ನಿಧಾನವಾಗಿ ಆಡಿದಕ್ಕೆ ಅಭಿಮಾನಿಗಳ ಚೀರಾಟ. ಏಳರ ನಂತರ ಏಳಲೇ ಇಲ್ಲ

ಪಡಿಕಲ್ಲು ಆರಂಭದ ಜೊತೆಯಾಟಕ್ಕೆ ಹಾಕಲೇ ಇಲ್ಲ ಅಡಿಗಲ್ಲು. ಪಟ್ಟು ಹಿಡಿದು ನಿಂತ ಪಾಟಿದಾರ ಕೆಲ ಅಗತ್ಯ ರನ್ನುಗಳ ಜೊತೆಯಾಟಕ್ಕಾದ ಪಾಲುದಾರ. ಹರಪ್ರೀತನ ಆಫ್ ಸ್ಪಿನ್ ಮೋಡಿಗೆ ಮರುಳಾಗಿಬಿಟ್ಟಿತು

ಮ್ಯಾಕ್ಸು, ಎಬಿಡಿ ಜೋಡಿ. ಬೌಲಿಂಗಲ್ಲಿ ದುಬಾರಿಯಾಗಿ ಬ್ಯಾಟಿಂಗಲ್ಲಿ ಗೆಲುವಿನ ರೂವಾರಿಯಾಗಲು ಹೊರಟಿದ್ದ ಹರ್ಶಲ್ ನ ವೀರಾವೇಶ ಸಾಕಾಗಿರಲಿಲ್ಲ, ಪಾಯಿಂಟ್ ಟೇಬಲಲ್ಲಿ ಮೂರಕ್ಕಿಳಿಯುವುದು ಆರ್.ಸಿ.ಬಿ ಅಭಿಮಾನಿಗಳಿಗೆ ಬೇಕಾಗಿರಲಿಲ್ಲ

The post ಕೆರಳಿದ ರಾಹುಲ್-ಬಳಲಿದ ರಾಯಲ್ ಹರ್ಪ್ರೀತ್ ಬ್ರಾರ್-ರಾತ್ರೋರಾತ್ರಿ ಸ್ಟಾರ್ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಗೆಲುವಿನ ಕ್ಯಾಪ್ ಧರಿಸಿ ಟೇಬಲ್ ಟಾಪ್ ಮಾಡಿದ ಆರ್.ಸಿ.ಬಿ

ಪ್ರವೀಣ್ ಚಿತ್ತಾಪುರ — Wed, 28 Apr 2021 06:40:28 +0000

ನಿನ್ನೆ ನಡೆದ ರೋಚಕ ಪಂದ್ಯದಲ್ಲಿ ಟಾಸ್ ಗೆದ್ದ ಡೆಲ್ಲಿ ಕ್ಯಾಪಿಟಲ್ಸ್ ಮೊದಲು ಬಾಲಿಂಗ್ ಮಾಡಿತು. ಆರ್.ಸಿ.ಬಿ ಬ್ಯಾಟ್ಸಮನಗಳನ್ನ ಯಾರ್ಕರ್ ಬಾಲ್ಗಳ ಮೂಲಕ ಎಡೆಬಿಡದೆ ಕಾಡಿತು. ವಿರಾಟ್ ವಿಕೆಟು ಬೇಗ ಕೊಟ್ಟಾಗಿತ್ತು. 3 ಬೌಂಡರಿಗಳ ನಂತರ ದೇವರು ಕೈ ಬಿಟ್ಟಾಗಿತ್ತು.

ಮೂರಕ್ಕೇರಿದ ಪಾಟಿದಾರ ಆಟ ಚೂರು ಸಮಾಧಾನಕರ. 1 ಸಿಕ್ಸು 2 ಬೌಂಡರಿ ಮಾತ್ರ ಬಾರಿಸಿ ಮಿನಿಮಮ್ ಆದ ಮ್ಯಾಕ್ಸು, 75 ರನ್ನು ಬಾರಿಸಿದ ಆರ್ಸಿಬಿಯ ಆಪತ್ಬಾಂಧವ ಎಬಿ ಡಿವಿಲಿಯರ್ಸ್ ಮತ್ತೆ ರಾಕ್ಸು.

ಗೆಲ್ಲಲು 172 ರನ್ನುಗಳ ಗಳಿಸಬೇಕಿದ್ದ ಡೆಲ್ಲಿ ಹೈರಾಣಾಯಿತು ಆರಂಭಿಕ ವಿಕೆಟ್ಗಳ ಚೆಲ್ಲಿ. ಕೇವಲ 6 ರನ್ನುಗಳಿಗೆ ಉರುಳಿದ ಶಿಖರ

4 ರನ್ನುಗಳಿಗೆ ಚಿತ್ತಾದ ಸ್ಮಿತ್ತು. ಮೂರು ಬೌಂಡರಿಗಳ ನಂತರ ತಿರುಗದ ಪೃಥ್ವಿ, 22 ರನ್ನುಗಳಿಗಿಂತ ಹೆಚ್ಚು ಮಾರ್ಕಾಗದ ಮಾರ್ಕು.

ವಿಕೆಟ್ ಮೇಲೆ ವಿಕೆಟ್ ಹೋದರು ಹೆದರಲಿಲ್ಲ ಪಂತು ಕೊನೆಯ ಕ್ಷಣದವರೆಗೂ ಹೋರಾಡಿದ ಕ್ರೀಸ್ ಮೇಲೆ ನಿಂತು. ಆದರೆ ಸೋಲುತಿದ್ದ ತಂಡವನ್ನು ಗೆಲುವಿನ ಅಂಚಿಗೆ ತಂದು ನಿಲ್ಲಿಸಿದ ಅಸಲಿ ವಾರಿಯರ್ ಸಿಕ್ಸುಗಳ ಸುರಿಮಳೆಗೈದ ಸಿಮ್ರನ್ ಹೆಟ್ಮಾಯರ್.

ಇನ್ನೇನು ಗೆದ್ದೇ ಬಿಟ್ರು ದಿಲ್ಲಿ ಅನ್ನುವಾಗಲೇ ಒಂದ್ನಿಮಿಷ ನಿಲ್ಲಿ ಅಂತ ಬಂದ ಸಿರಾಜ್ ಭಾಯ್ ಎರಡು ಬೌಂಡರಿ ಕೊಟ್ರೂ ಗೆಲ್ಲಲು ಬಿಡದೆ ಡೆಲ್ಲಿಗೆ ಹೇಳಿದ ಬಾಯ್ ಬಾಯ್.

ನಾಯಕನ ಆಟ ಆಡಿದ ಪಂತು, ಮೀಸ್ಟೇಕ್ ಮಾಡೇಬಿಟ್ಟ ಅಂತೂ. ಹೆಟ್ಟುತ್ತಿದ್ದ ಹೆಟ್ಮಾಯರಗೆ ಕೊನೆ ಎರಡು ಬಾಲು ಸಿಗಲೇ ಇಲ್ಲ. ಟೇಬಲ್ ಟಾಪ್ ಗೆ ಹಾರಿದ ಆರ್.ಸಿ.ಬಿ ನೋಡಿ ‘ಎಲ್ಲೋ’ ಕೆಲವರು ನಗಲೇ ಇಲ್ಲ

The post ಗೆಲುವಿನ ಕ್ಯಾಪ್ ಧರಿಸಿ ಟೇಬಲ್ ಟಾಪ್ ಮಾಡಿದ ಆರ್.ಸಿ.ಬಿ appeared first on SportsKannada ಸ್ಪೋರ್ಟ್ಸ್ ಕನ್ನಡ.

ಪ್ರವೀಣ್ ಚಿತ್ತಾಪುರ, Author at SportsKannada ಸ್ಪೋರ್ಟ್ಸ್ ಕನ್ನಡ

ಕೆರಳಿದ ರಾಹುಲ್-ಬಳಲಿದ ರಾಯಲ್ ಹರ್ಪ್ರೀತ್ ಬ್ರಾರ್-ರಾತ್ರೋರಾತ್ರಿ ಸ್ಟಾರ್

ಗೆಲುವಿನ ಕ್ಯಾಪ್ ಧರಿಸಿ ಟೇಬಲ್ ಟಾಪ್ ಮಾಡಿದ ಆರ್.ಸಿ.ಬಿ